ព័ត៍មាននៅក្នុងប្រទេស

១.ទីក្រុងហូជីមិញគ្រោងនឹងចំណាយថវិការ ៣៤៥ ពាន់លានដុងដើម្បីជួយដល់ពលករសេរីក្នុងអំឡុងពេលគម្លាតសង្គម

ក្នុងប៉ុន្មានថ្ងៃដែលទីក្រុងហូជីមិញអនុវត្តវិធីគម្លាតសង្គម, តាមគម្រោងការពលរសេរីមួយរូបៗ ដែលរងផលប៉ះពាល់មកពីជំងឺ Covid-19 នឹងត្រូវបានឧបត្ថម្ភថវិការចំនួន ៥ ម៉ឺនដុង / ម្នាក់ / ថ្ងៃ, ជាមួយថវិការឧបត្ថម្ភមួយដងប្រមាន ១,៥ លានដុង / នាក់ ។ សរុបទឹកប្រាក់សម្រាប់ឧបត្ថម្ភពលករសេរីជាង ២៣០.០០០ នាក់ដែលរងផលប៉ះពាល់មកពីការរាតត្បាតរបស់ជំងឺ Covid-19 ប្រមាណ ៣៤៥ ពាន់លានដុង។

២. Tây Ninh ដាក់ពន្ធនាគារ ២២ ឆ្នាំចំពោះជនពីរនាក់មកពីជួញដូរអណ្ដើកសមុទ្រចំនួន ៣៩ក្បាល

មជ្ឈមណ្ឌលអប់រំធម្មជាតិបានឱ្យដឹងថា ការផ្តន្ទាទោសដាក់ពន្ធនាគាររយៈពេល ២២ ឆ្នាំត្រូវបានកាត់ទោសដល់មនុស្សចំនួន ២ នាក់ មកពីបានជួញដូរខុសច្បាប់ សត្វអណ្តើកសមុទ្រចំនួន ៣៩ ក្បាលក្នុងខេត្ត Tây Ninh ។

យោងតាមការកត់សម្គាល់របស់មជ្ឈមណ្ឌលអប់រំធម្មជាតិបានបានដឹងថា នេះជាការជួញដូរ សត្វអណ្តើកសមុទ្រធំបំផុតត្រូវបានកត់សម្គាល់ក្នុងឆ្នាំ ២០២០, និងជារឿងក្តីមួយដែលមានសត្វអណ្តើកសមុទ្រចំនួនច្រើនបំផុតតាំងពីមុនមក ត្រូវបានរកឃើញក្នុងទូទាំងប្រទេស ក្នុងរយៈពេល ៧ ឆ្នាំមក។

៣. Trà Vinh បានបង្កាត់ដោយជោគជ័យសត្វក្តាមសមុទ្រ-Chương trình phát thanh tiếng Khmer 25/06/21

យោងដំណឹងពីមន្ទីរវិទ្យាសាស្ត្រនិងបច្ចេកវិទ្យាខេត្តត្រាវិញបានដឹងថា ក្នុងរយៈពេលកន្លងមកអង្គភាពបានកសាងដំណើរការបង្កាត់ពូជក្តាមសមុទ្រក្នុងស្រុក,ហើយគ្រាដំបូងទទួលបានលទ្ធផលគួរជាទីគាប់ចិត្ត។

យោងតាមតួលេខពីនាយកដ្ឋានជលផលខេត្តត្រាវិញបានដឹងថា ឆ្នាំ ២០២០ ខេត្តមានផ្ទៃទឹកចិញ្ចឹមសត្វក្តាមសមុទ្រចំនួន ២៣.៥០០ ហិកតា, ទទួលបានទិន្នផលចំនួន ៧.០១២ តោន។ ចាប់តាំងពីដើមឆ្នាំមកដល់ពេលនេះ មានប្រជាជនជាង ១០.០០០ក្រុមគ្រួសារ បានចិញ្ចឹមក្តាមប្រភេទនេះលើផ្ទៃទឹកជាង ១២.០០០ ហិកតា, ជាមួយក្តាមពូជជាង ៧៣ លានក្បាល និងប្រមូលផលបានជាង ១៤០០ តោន។

៤.ទីក្រុងហូជីមិញគ្រោងនឹងឡើងផែនការធ្វើច័ត្តាឡីស័កផង និងផលិតកម្មផង

គណៈកម្មាធិការប្រជាជនទីក្រុងហូជីមិញ ទើបបានចេញផែនការរៀបចំការធ្វើច័ត្តាឡីស័កផង និង ផលិតកម្មផង សម្រាប់សហគ្រាសដែលកំពុងធ្វើសកម្មភាពក្នុងតំបន់កែច្នៃនាំចេញ, សួនឧស្សាហកម្ម និងតំបន់បច្ចេកវិទ្យាខ្ពស់នៅទីក្រុងហូជីមិញ។

ព័ត៍មានអន្តរជាតិ

៥.ជាតិកាហ្វេអ៊ីនមានប្រសិទ្ធភាពប្រឆាំងនឹងដំសាច់កាចសាហាវ

ជាតិកាហ្វេអ៊ីនមានប្រសិទ្ធិភាពការពារ, ប្រឆាំងនឹងការលូតលាស់របស់កោសិកាមហារីក របស់មនុស្ស និងអាចជួយកាត់បន្ថយការលូតលាស់របស់ដំសាច់កាចសាហាវ ដែលអាចបណ្តាលអោយកើតជំងឺមហារីកឡើងវិញ។

នេះជាសេចក្តីសង្ខេងរបស់សំណង់មួយ ដែលទើបបានចុះផ្សាយលើទស្សនាវដ្តី Molecules, ដឹកនាំដោយអ្នកស្រាវជ្រាវមកពីវិទ្យាស្ថានសុខភាពកម្រិតខ្ពស់ (ISS) សហការជាមួយសហការីមកពីវិទ្យាស្ថានរោគសើស្បែកអ៊ីតាលី, វិទ្យាស្ថានស្រាវជ្រាវខាងសរសៃប្រសាទមេឌីទែរ៉ាណេ និងសាកលវិទ្យាល័យពីរទៀត ។

៦.សហរដ្ឋអាមេរិកចែករំលែកវ៉ាក់សាំង Covid-19 ចំនួន ៥៥ លានដូសដល់ប្រទេសនានា

សេតវិមានបានប្រកាសពីផែនការផ្គត់ផ្គង់វ៉ាក់សាំង Covid-19 ចំនួន ៥៥ លានដូស ដែលនៅសល់ ក្នុងចំណោមវ៉ាក់សាំងសរុបចំនួន ៨០ លានដូស ដែលដ្ឋអាមេរិកបានសន្យានឹង ជួយដល់ប្រទេសដទៃទៀត ក្នុងនោះមានទាំងប្រទេសវៀតណាមផងដែរ។

ផែនការនេះត្រូវបានអនុវត្តស្របតាមការសន្យារបស់ប្រធានាធិបតីចូបៃដិន គឺជំនួយដល់ប្រទេសនានា នូវវ៉ាក់សាំង Covid-19 ចំនួន ៨០ លានដូស ផលិតដោយអាមេរិក។ វ៉ាក់សាំងនឹងត្រូវបានដឹកជញ្ជូនភ្លាមៗ បន្ទាប់ពីស្ថាប័នគ្រប់គ្រងចំណីអាហារ និងឱសថបានធ្វើការវាយតម្លៃថាមានសុវត្ថិភាព។

៧.អ៊ីស្រាអែលបានសាកល្បងអាវុធឡាស៊ែរប្រឆាំងនឹងដ្រូន

ក្រសួងការពារជាតិនៃប្រទេសអ៊ីស្រាអែល ទើបបានធ្វើការសាកល្បងជាបន្ដបន្ទាប់ នូវការប្រើប្រាស់ប្រព័ន្ធអាវុធឡាស៊ែរ បំពាក់លើយន្តហោះស៊ីវិល សម្រាប់បាញ់ទម្លាក់ Drone គ្មានមនុស្សបើកជាច្រើនគ្រឿង។

៨.ប្រធានក្រុមហ៊ុន Amazon ត្រូវបានស្នើកុំអោយវិលត្រឡប់មកផែនដីវិញ

យោងតាមសារព័ត៌មាន Sputnik បានអោយដឹងថា មានមនុស្សរាប់ពាន់នាក់ បានចុះហត្ថលេខាលើសំណើរមួយ អំពាវនាវដល់ស្ថាបនិកក្រុមហ៊ុន Amazon លោក Jeff Bezos កុំអោយវិលត្រឡប់មកផែនដីវិញ បន្ទាប់ពីហោះហើរទៅកាន់ទីអវកាស។

បានដឹងថា មុននេះមហាសេដ្ឋី Jeff Bezos បានប្រកាសថាលោកនិងបងប្រុសរបស់លោកគឺលោក Mark និងពីរនាក់ទៀត នឹងធ្វើដំណើរទៅកាន់ទីអវកាសនៅពាក់កណ្តាលខែកក្កដាលើប្រព័ន្ធរ៉ុក្កែត New Shepard ដែលរចនាដោយក្រុមហ៊ុនអវកាសផ្ទាល់ខ្លួនលោក។ ហើយការហោះហើរនេះ គ្រោងនឹងមានរយៈពេលត្រឹមតែ ១១ នាទីប៉ុណ្ណោះ។