ព័ត៍មាននៅក្នុងប្រទេស

១.ខេត្ត Tây Ninh អនុវត្តវិធីគម្លាតសង្គមតាមសារាចរលេខ ១៦ នៅស្រុកមួយចំនួន

គណៈកម្មាធិការបង្គាប់ការការពារជំងឺ Covid-19 នៅខេត្ត Tây Ninh បានឯកភាពអនុវត្តវិធីគម្លាតសង្គមតាមសារាចរលេខ 16/CT-TTg របស់លោកនាយករដ្ឋមន្រ្តី នៅតាម ស្រុកនិងទីប្រជុំជនមួយចំនួន ទប់ស្កាត់នឹងការរីករាលដាលនៃជំងឺ Covid-19 ។ រយៈពេលអនុវត្ត ចាប់ពីសូនម៉ោង ថ្ងៃទី១៥ ខែកក្តដារ ហូតដល់សេចក្តីដំណឹងថ្មី។

គិតចាប់ពីពេលមានការរាតត្បាតនៃជំងឺកូវីដមកដល់ថ្ងៃទី ១៣ ខែកក្កដា នៅខេត្ត Tây Ninh មាន ១៩៦ ករណីឆ្លងជំងឺកូវីដ-១៩, ព្យាបាលជាបាន ៤០ ករណី មាន ១ករណីត្រូវស្លាប់ ។

២.ខេត្ត Trà Vinh បានកាត់ទោសរឿងព្រហ្មទណ្ឌបានធ្វើឲ្យជំងឺរាតត្បាតរីករាលដាល-Tiếng Khmer 16/07/2021

នគរបាលស្រុក Tiểu Cần (ខេត្ត Trà Vinh) បានឲ្យដឹងថា អង្គភាពនេះ ទើបបានចេញសេចក្តីសម្រេចកាត់ទោសរឿងព្រហ្មទណ្ឌ ចំពោះលោក N.V.C. (អាយុ ៣១ ឆ្នាំ,រស់នៅឃុំ Hiếu Tử ស្រុក Tiểu Cần ខេត្ត Trà Vinh) អំពីបទ“ធ្វើឲ្យជំងឺឆ្លងដ៏គ្រោះថ្នាក់ឆ្លងដល់មនុស្សជាច្រើន” ។

៣.វៀតណាមបានសាកល្បងទទួលភ្ញៀវអន្ដរជាតិ ៤០.០០០ នាក់មាន“ លិខិតឆ្លងដែនវ៉ាក់សាំង

យោងតាមសេចក្តីព្រាងនៃ ផែនការសាកល្បងទទួលភ្ញៀវទេសចរអន្តរជាតិមានលិខិតឆ្លងដែនវ៉ាក់សាំង មកកោះ Phú Quốc ដែលក្រសួងវប្បធម៌ កីឡា និងទេសចរណ៍បានបញ្ជូនទៅអង្គភាពពាក់ព័ន្ធ ដើម្បីយកមតិ, គ្រោងនឹងទទួលភ្ញៀវទេសចរណ៍អន្តរជាតិប្រមាណពី ២.០០០ - ៣.០០០ នាក់ដែលមានលិខិតឆ្លងដែនវ៉ាក់សាំង / ខែ ក្នុងដំណាក់កាលទី ១; ទទួលភ្ញៀវទេសចរអន្តរជាតិបានចំនួន ៣,០០០ - ៥,០០០ នាក់ក្នុងមួយខែ, នៅដំណាក់កាលទី ២ គ្រោងក្នុងរយៈពេល ៦ ខែ នឹងទទួលភ្ញៀវទេសចរ ពី ២៥.០០០ ទៅ ៤០.០០០ នាក់ មកកោះ Phú Quốc ។

៤.មាន  671 សំណុំឯកសារបានស្នើឲ្យជូនកិត្តិនាមជាសិល្បៈករប្រជាជន និងសិល្បៈករឆ្នើម

ក្រសួងវប្បធម៌ កីឡា និងទេសចរណ៍ទើបបានប្រកាសបញ្ជីពាក្យសុំពិនិត្យនិងជូនចំពោះបុគ្គល ៧១ រូប បានទទួលកិត្តិនាមជាជាសិល្បៈករប្រជាជន និង ៦០០ បុគ្គលជាជាមួយកិត្តិនាមសិល្បៈករឆ្នើម ក្នុងវិស័យបេតិកភណ្ឌវប្បធម៌អរូបី សម្រាប់សុំមតិមុនពេលដាក់ជូនក្រុមប្រឹក្សាថ្នាក់រដ្ឋ។ រយៈពេលសុំមពីប្រជាជន រហូតដល់ថ្ងៃទី ២៧ ខែកក្កដា មុនពេលក្រុមប្រឹក្សាថ្នាក់រដ្ឋ រៀបចំការប្រជុំដូចកំណត់។

ព័ត៍មានអន្តរជាតិ

៥.អង្គការ WHO ៖មិនចាំបាច់ចាក់វ៉ាក់សាំង Covid-19 ដូសទី ៣ ទេ

យោងតាមលោក Tedros Adhanom Ghebreyesus អគ្គនាយកអង្គការសុខភាពពិភពលោកថា គម្លាតជាសកល ក្នុងការផ្គត់ផ្គង់វ៉ាក់សាំង Covid-19 គឺមិនស្មើគ្នាទេ។ មានប្រទេសមួយចំនួន និងតំបន់ខ្លះ កំពុងបង្កើនការទិញញវ៉ាក់សាំងកូវីដរាប់លានដូស មុនពេលប្រទេសដ៏ទៃ កំពុងឈ្វែងរកទិញចាក់វ៉ាក់សាំង សម្រាប់ចាក់ឲ្យបុគ្គលិកពេទ្យ និងមនុស្សងាយរងគ្រោះបំផុត។ ហើយក្រុមហ៊ុនផលិតវ៉ាក់សាំង គួរតែផ្តល់វ៉ាក់សាំងរបស់ខ្លួន ដល់កម្មវិធី COVAX ។ អង្គការសុខភាពពិភពលោក ក៏បានផ្តល់អនុសាសន៍ដល់ ប្រទេសនានា គួរមិនបញ្ជាទិញបន្ថេមវ៉ាក់សាំង Covid-19 សម្រាប់ចាក់ឲ្យប្រជាជនដែលបានចាក់គ្រប់ ២ ដូសនោះទេ។

៦.មហាសេដ្ឋីអង់គ្លេស Richard Branson បានហោះចូលអវកាសដោយជោគជ័យ

នៅព្រឹកថ្ងៃទី ១១ ខែកក្កដា (ម៉ោងក្នុងស្រុក) ពីយានអវកាស Spaceport America របស់ក្រុមហ៊ុន Virgin Galactic នៅ New Mexico (សហរដ្ឋអាមេរិក) យន្តហោះ VMS Eve ដែលដឹកយានអវកាស VSS Unity បានហោះឡើងក្នុងរយៈកំពស់ប្រមាន ១៥ គីឡូម៉ែត្រ។ ហើយមហាសេដ្ឋីអង់គ្លេស លោករីឆាតប្រេនសុនបានធ្វើឱ្យដំណើរលើអវកាសរយៈពេលប្រហែល ៩០ នាទី ជាមួយអ្នកដំណើរ ៣ នាក់ទៀតលើយានអវកាសនេះ។

៧.ចំរូងដែកស្រួចប្រើបច្ចេកវិទ្យាឡាស៊ែរ

ក្រុមអ្នកស្រាវជ្រាវដឹកនាំដោយរូបវិទូជនជាតិស្វ៊ីស លោក Jean-Pierre Wolf បានបញ្ជូនកាំរស្មីឡាស៊ែរយក្សមួយ ឡើងកំពូលភ្នំ ដើម្បីបាញ់ទៅលើមេឃ និងធ្វើសកម្មភាពដូចជាចំរូងដែកស្រួចបច្ចេកវិទ្យាខ្ពស់។ ជាមួយនឹងបច្ចេកវិទ្យាថ្មីនេះ លោក Wolf បានសង្ឃឹមថា កាំរស្មីឡាស៊ែរនេះ នឹងជួយការពារផ្ទៃដីកាន់ធំជាង រួចផុតរន្ទះបាញ់។

៨.សហភាពអឺរ៉ុបអនុម័តផែនការស្តារសេដ្ឋកិច្ចឡើងវិញ

សហភាពអឺរ៉ុប (EU) បានអនុម័តយល់ព្រមចំពោះផែនការវិនិយោគជាតិ នៃ ១២ប្រទេសជាសមាជិក ។ សម្រេចចិត្តនេះ ត្រូវបានអនុម័តដោយរដ្ឋមន្រ្តីហិរញ្ញវត្ថុសហភាពអឺរ៉ុបនៅទីក្រុងប្រ៊ុចសែល (បែលហ្ស៊ិក) បានបើកចេញនូវដំណោះស្រាយសម្រាប់ ផ្តល់ជំនួយ និងប្រាក់កម្ចីដំបូង ក្នុងក្របខ័ណ្ឌនៃផែនការរបស់សហភាពអឺរ៉ុបក្នុងការជំរុញការស្តារឡើងវិញបន្ទាប់មានការរាតត្បាតនៃជំងឺ Covid-19 ។