ព័ត៌មាននៅក្នុងប្រទេស

១.ថវិកាជាង ៧ ពាន់លានដុងសម្រាប់កម្មវិធី“ រួមគ្នាដើម្បីការពារនិងប្រយុទ្ធប្រឆាំងជំងឺកូវីដ ១៩ និងជំនួយមនុស្សធម៌”

កាលពីថ្ងៃទី ២២ ខែមេសា កាកបាទក្រហមទីក្រុងហូជីមិញ បានរៀបចំកម្មវិធីទទួលនិងគាំទ្រដល់ដំណាក់កាលទី ២ក្រោមប្រធានបទ“ រួមគ្នាការពារនិងត្រួតត្រាជំងឺ Covid-19 និងជំនួយមនុស្សធម៌” ។មានសេចក្តីរាយការណ៍នៅកម្មវិធី លោក Trần Trường Sơn ជាប្រធានកាកបាទក្រហមក្រុង បានមានប្រសាសន៍ថា ចាប់ពីដើមខែកុម្ភៈមកដល់ពេលនេះ សមាគមកាកបាតក្រហមគ្រប់ជាន់ថ្នាក់ បានបំផុសអនុវត្តកម្មវិធីរួមគ្នាដើម្បីការពារនឹងជំងឺ Covid-19  និងជំនួយមនុស្សធម៌​” បានជាង ៧ ពាន់លានដុង។ តាមរយៈនេះ កម្មវិធីបានជូនម៉ាស់ជិត ៣២៧,០០០ ម៉ាស់‚ ទឹកអាកុលសម្លាប់មេរោគជាង ៣០.៣០០ ដប‚ សាប៊ូជាង ១១,០០០ ដប។ ជូនបាយមនោសញ្ចេតនា ជាង ៦៦០០ ចំណែក និងអំណោយជាង ១២,០០០ ដល់លោកគ្រូ‚ អ្នកលក់ឆ្នោត‚ អ្នករើសអេតចាយ‚ មនុស្សចាស់គ្មានទីពឹងពាក់ និងជនពិកា ...

ទន្ទឹមនឹងនេះ សមាគមគ្រប់ជាន់ថ្នាក់ ក៏បានរៀបចំវគ្គឃោសនាជិត ១.២២០វគ្គ ដែលមានអ្នកចូលរួមជាង ៤៤.០០០ នាក់‚ ចែកចាយខិត្តប័ណ្ណជាង ១,១ លានប័ណ្ណ ... អំពីឯកសារឃោសនានានា ពាក់ព័ន្ធដល់កិច្ចការការពារ​ទប់ស្កាត់នឹងជំងឺរាតត្បាត។

២.ទីក្រុងហូជីមិញបន្តអំពាវនាវឱ្យមានការខិតខំប្រឹងប្រែងដើម្បីទប់ទល់នឹងជំងឺរាតត្បាតកូវិដ ១៩

គណៈកម្មាធិការរណសិរ្សមាតុភូមិវៀតណាមនៃទីក្រុងហូជីមិញបានឲ្យដឹងថា ចាប់ពីថ្ងៃទី ២០ ខែមីនាដល់ថ្ងៃទី ២២ ខែមេសា អង្គភាពនេះ បានទទួលប្រាក់ និងទំនិញជាង ១៦២ ពាន់លានដុង ពី ៦.៣២៣ អង្គភាព និងបុគ្គល ។

ក្នុងនោះ ថវិកាជាង ១៤២ ពាន់លានដុង បានគាំទ្រដល់ការការពារជំងឺរាតត្បាតកូវីដ១៩ ‚ ថវិការជិត ២០ ពាន់លានដុង សម្រាប់ឧបត្ថម្ភដល់ប្រជាជនរងគ្រោះដោយគ្រោះរាំងស្ងួតមកពីការដីចាប់ជាតិប្រៃ។

៣. នាំជនជាតិវៀតណាម ៣០០ នាក់ដែលមានស្ថានភាពពិសេសទៅប្រទេសជប៉ុន ត្រឡបមកប្រទេសវិញ

ពលរដ្ឋវៀតណាមជិត ៣០០ នាក់នៅក្នុងប្រទេសជប៉ុនត្រូវបានវិលត្រឡប់មកប្រទេសវិញនៅថ្ងៃទី ២២ ខែមេសា។ បានដឹងថា ពលរដ្ឋទាំងនេះ គឺជាអ្នកដែលមានសស្ថានភាពពិសេសដូចជាមនុស្សឈឺ‚ ស្ត្រីមានផ្ទៃពោះ‚ កម្មករ និងនិស្សិតមួយចំនួនដែលបានផុតកំណត់ធ្វើការនិងសិក្សា។

ព័ត៌មានអន្តរជាតិ

៥.កូរ៉េខាងត្បូង៖ កាត់ទោសមនុស្ស ១០ នាក់ដែលល្មើសការដាក់នៅដោយឡែកដោយបង្ខំ

អាជ្ញានៃកូរ៉េខាងត្បូងបានកាត់ទោសមនុស្សចំនួន ១០ នាក់ពីបទរំលោភបទបញ្ជាដាក់នៅដាច់ដោយឡែកដោយខ្លួនឯង  ហើយក្រៅពីនេះ ប៉ូលីសក៏កំពុងស៊ើបអង្កេតចំពោះបុរសពីរនាក់ដែលកំពុងជាប់ឃុំដោយត្រូវចោទប្រកាន់ដូច ១០នាក់នេះ។ បានដឹងថា អ្នកដែលល្មើសនឹងបទកំណត់ អាចត្រូវពិន័យជាប់ពន្ធនាគារ ១ ឆ្នាំ ឬត្រូវពិន័យជាប្រាក់រហូតដល់ ១០ លានវ៉ុន (៨.១២៧ ដុល្លារអាមេរិក) ។

៦.នាយកមជ្ឈមណ្ឌលការពារទប់ស្កាត់ជំងឺឆ្លងនៃប្រទេសកូរ៉េខាងត្បូង លោក  Chê-ông Ưn Kê-ông បានព្រមានថា អាចកើតមានការផ្ទុះឡើងនៃជំងឺ Covid-19 ទ្រង់ទ្រាយធំមួយទៀតអាចនឹងកើតឡើងក្នុងរដូវរងារខាងមុខនេះ  ហើយលោកក៏បានស្នើសុំដល់មន្រ្តីនិងប្រជាជននៃប្រទេសនេះ មិនធ្វេសប្រហែសឡើយ។  បានដឹងថា ប្រទេសកូរ៉េខាងត្បូងក៏បានអះអាងដែរថា មហាជំងឺរាតត្បាតកំពុងកើតឡើង នឹងជាសង្គ្រាមរយៈពេលវេងក្នុងច្រើនឆ្នាំទៅមុខទៀត។

៧.អង្គការសហប្រជាជាតិបានបព្រមានពីភាពអត់ឃ្លានទូទាំងពិភពលោកដោយសារការរីករាលដាលនៃ Covid-19 លើទូទាំងពិភពលោក

កម្មវិធីស្បៀងអាហារពិភពលោក នៃអង្គការសហប្រជាជាតិ (WFP) បានព្រមានថាការរាតត្បាតនៃជំងឺ Covid-19 នឹងធ្វើឱ្យក្រុមប្រជាជនក្រីក្របំផុតលើពិភពលោកកើនឡើងទ្វេដងដល់ទៅ ២៥៦ លាននាក់នៅឆ្នាំនេះ។ ហើយមូលហេតុត្រូវបានដាក់ចេញ គឺមកពីសេដ្ឋកិច្ចលើទូទាំងពិភពលោកស្ទើរតែកកស្ទះ នៅពេលដែលប្រទេសមួយចំនួនបានអនុវត្តវិធានការហ៊ំព័ទ្ធ និងមានការកំណត់យ៉ាងតឹងរឹង សម្រាប់ការពារការរីករាលដាលនៃជំងឺ Covid-19 ។

SỐNG XANH, SỐNG ĐẸP

រស់នៅបែបបៃតង និងល្អប្រសើ

ជំងឺរាតត្បាតកូវីដ ­១៩ បានធ្វើឲ្យពិភពលោករងក្នុងភាពពិបាកខ្លាំង ក៏ប៉ុន្តែ អមជាមួយនោះ ក៏មានការប្រែប្រួលយ៉ាងសកម្មមិនតិចដែលកំពុងកើតឡើង ក្នុងជីវភាពរស់នៅប្រចាំថ្ងៃក្នុងប្រទេសជាច្រើនកើតឡើងពីមហាជំងឺរាតត្បាតនេះ។

នៅប្រទេសបារាំង ដោយស្ថិតក្នុងស្ថានភាពដែលអាជ្ញាលុបចោលបណ្តាវិធានការណ៍ហ៊ុំព័ទ្ធកំពុងត្រូវបានរៀបចំឡើងនៅថ្ងៃទី ១១ ខែឧសភាខាងមុខនេះនោះ គឺរដ្ឋអំណាច ពិសេសគឺរដ្ឋអំណាចនៅតាមបណ្តាទីក្រុងធំៗបានសន្មត់ថា ប្រជាជនដែលរស់នៅទីក្រុង នឹងមិនចូលចិត្តប្រើមធ្យោបាយសារណទេ មកពីនៅតែខ្លាចជំងឺអាចនឹងកើតឡើងសារជាថ្មី។

ហើយដល់ពេលនោះ កង់អាចជាមធ្យោបាយជំនួសដោយប្រសិទ្ធិភាពបំផុត យ៉ាងហោចណាស់គឺសម្រាប់ការទៅមកកន្លែងជិតៗក្នុងទីក្រុង។ ដោយមិនត្រឹមតែធានានូវគម្លាតសុវត្ថិភាព គឺកង់នឹងជួយឲ្យប្រជាជនប្រើស្រួលជាងក្នុងរយៈពេលដែលត្រូវនៅក្នុងផ្ទះជិត ២ ខែ។ ហើយជាងនេះទៅទៀត ធាតុអាកាសក៏សមស្របនឹងការធាក់កង់ដែរ។ ហើយដើម្បីជួយដល់ទីក្រុងនានា បណ្តាសមាគមន៍កង់ នឹងជំនួយដល់រដ្ឋអំណាចមូលដ្ឋាន នូវការកំណត់ខ្សែរយៈធាក់កង់សមស្រប។ ក្រៅពីនេះ មជ្ឈមណ្ឌលស្រាវជ្រាវ និងវាយតម្លៃអំពីផលអាក្រក់‚ បរិស្ថាន‚​ដឹកជញ្ជូន និងគម្រោងផែនការ ក៏បានប្រកាសលើបណ្តាញអ៊ីនធ័រណែត នូវសៀវភឿក្បួនមួយ ស្តីអំពីការអភិវឌ្ឍន៍ទីប្រជុំជន‚ រួមមានការផ្លាស់ប្តូរការធ្វើដំណើរសាធារណដោយវត្ថុស្រាល និងងាយផ្គុំដំឡើង…។

ធ្វើការនៅនឹងផ្ទះ កំពុងក្លាយជានិន្នាការបង្ខំមួយ ក្នុងរដូវកើតមានជំងឺរាតត្បាត នៅពេលដែលប្រទេសនានា​បានអនុវត្តបណ្តាវិធានការណ៍ហ៊ុំព័ទ្ធ‚ ដាក់គម្លាតសង្គម សម្រាប់បន្ថយដោយអតិបរមាការរីករាលដាលនៃជំងឺក្នុងសហគមន៍។

ហើយឥទ្ធិពលវិជ្ជមានមួយ នៃបទកំណត់នេះ គឺថាគុណភាពខ្យល់នៅក្នុងទីក្រុងនានាត្រូវបានកែលម្អគួរឱ្យកត់សម្គាល់។ មានអ្នកធ្វើសកម្មភាពខាងបរិស្ថានក្រុម  មានឈ្មោះថា  ក្រុមប្រឹក្សាអាកាសធាតុអង់គ្លេស បាននិយាយថា នេះជាការសាកល្បង រស់នៅបែបបៃតងជាង គឺល្អចំពោះបរិស្ថាន។ ហើយកាលពីថ្ងៃទី ១៩ ខែមេសាកន្លងមក ក្រុមនេះបានបើកកិច្ចប្រជុំតាមអ៊ិនធឺរណែតលើកដំបូងរបស់ខ្លួន សម្រាប់ពិភាក្សា អំពីបណ្តាវិធានការណ៍ទប់ទល់នឹងការប្រែប្រួលនៃអាកាសធាតុនៅក្នុងប្រទេសនេះ។ នៅឯកិច្ចប្រជុំនេះ លោកម៉ាករ៉ូបឺតសុន (Marc Robson)អាយុ ៤៦ ឆ្នាំជាសមាជិកក្រុមបានអំណះអំណាងថា“ ជាមួយជំងឺរាតត្បាត Covid-19 នេះ រដ្ឋាភិបាលត្រូវតែធ្វើសកម្មភាព មកពីគ្មានជំរើសផ្សេងទៀតទេ។ ជាមួយនឹងស្ថានភាពនៃការប្រែប្រួលនៃអាកាសធាតុ ពួកគេក៏ត្រូវធ្វើសកម្មភាពដូច្នេះឯង។ លោក Robson បានព្រមានថា អ្នកទាំងអស់គ្នានឹងត្រូវស្លាប់ បើសិនជារមិនធ្វើសកម្មភាព…” ។ ហើយក្នុងពេលនោះ លោក Ibrahim Wali ជាអ្នករូបវិទូរូបវិទ្យាមួយរូប អាយុ ៤២ ឆ្នាំបាននិយាយថា កិច្ចប្រជុំរបស់ក្រុម បានជួយគាត់ឱ្យរស់នៅដោយ“ បៃតង”ជាង ដូចជាបានប្តូរទៅប្រើអំពូលភ្លើង LED នៅក្នុងផ្ទះ‚ ពិចារណាប្តូរទៅប្រើឡាអគ្គិសនី ...។

ហើយនៅប្រទេសស្វីសវិញ ជំងឺរាតត្បាត Covid-19 បានផ្លាស់ប្តូរទម្លាប់នៃការប្រើប្រាស់របស់ប្រជាជនក្នុងប្រទេសនេះ។ គឺពួកគាត់បានអាទិភាពជាង ដល់បណ្តាសេវាជាមូលដ្ឋាន ដោយចំណាយកាន់តែច្រើនសម្រាប់ទិញអាហារ (កើន ១៨,៦%) ។ ហើយក្នុងពេលនោះ ចំណាយខាងសម្លៀកបំពាក់បានថយចុះជាង ៥០% និងចំណាយលើការការទិញស្បែកជើងបានថយចុះជាង ៨០% …។

ក៏ប៉ុន្តែ ប្រការគួរឲ្យយកចិត្តទុកដាក់ចំពោះការផ្លាស់ប្តូរនេះ គឺប្រជាជនស្វីសមិនត្រឹមតែចំណាយសម្រាប់ខ្លួនឯងប៉ុណ្ណោះទេ នៅបានចែករំលែកជាមួយសកម្មភាពសប្បុរសធម៌ទៀតផង។ ពួកគាត់បានចំណាយប្រហែលមួយភាគប្រាំនៃការចំណាយផ្ទាល់ខ្លួន សម្រាប់សប្បុរសធម៌។ ហើយយោងតាមមូលនិធិសាមគ្គីភាពរបស់ប្រទេសស្វីស គឺចាប់ពីការផ្ទុះនៃជំងឺ Covid-19 មូលនិធិនេះបានទទួលថវិការជិត ២៨,៨ លានដុល្លារអាមេរិក ដែលជារួមវិភាពទានពីបុគ្គលនានា…៕