ព័ត៌មាននៅក្នុងប្រទេស
១.វៀតណាម - រុស្ស៊ីពិភាក្សាអំពីកិច្ចសហប្រតិបត្តិការក្នុងស្ថានភាពនៃការរីករាលដាលជំងឺ Covid-19
ថ្មីៗនេះ លោក Nguyễn Xuân Phúc ជានាយករដ្ឋមន្រ្តីនៃសាធារណរដ្ឋសង្គមនិយមវៀតណាម បានសន្ទនាតាមទូរស័ព្ទជាមួយនាយករដ្ឋមន្រ្តីនៃសហព័ន្ធរុស្ស៊ី Mikhail Mishustin។លោកនាយករដ្ឋមន្រ្តី Nguyen Xuan Phuc បានអះអាងថា ប្រទេសវៀតណាមបានគាំទ្រ និងស្មាកៀកស្មាជាមួយសហព័ន្ធរុស្ស៊ី ក្នុងការប្រយុទ្ធប្រឆាំងនឹងរោគរាតត្បាត Covid-19 ។ ហើយលោកនាយករដ្ឋមន្រ្តីរុស្ស៊ី ក៏បានវាយតម្លៃយ៉ាងខ្ពស់ ចំពោះរាល់សមិទ្ធិផល ដែលប្រទេសវៀតណាមសម្រេចបាន ក្នុងការគ្រប់គ្រងជំងឺ ហើយលោកក៏បានថ្លែងអំណរគុណដល់រដ្ឋាភិបាល និង ប្រជាជនវៀតណាមដែលបានជូនជាអំណោយ ម៉ាស់ក្រណាត់ចំនួន ១៥ ម៉ឺនម៉ាស់ ដល់សហព័ន្ធរុស្ស៊ី។ ផ្អែកលើស្មារតីនេះ នាយករដ្ឋមន្រ្តីទាំងពីរបានឯកភាពគ្នា ជំរុញនិងលើកកម្ពស់ប្រសិទ្ធភាពនៃកិច្ចសហប្រតិបត្តិការរវាងប្រទេសទាំងពីរក្រោមក្របខ័ណ្ឌនៃភាពដៃគូជាយុទ្ធសាស្ត្រលើគ្រប់ជ្រុងជ្រោយ ក៏ដូចជាក្នុងការការពារជំងឺរាតត្បាត និងបញ្ជូនទៅវិញទៅមកអ្នកជំនាញលើវិស័យជីវវេជ្ជសាស្ត្រ‚ សហប្រតិបត្តិការចំពោះបរិក្ខារពេទ្យ…ជាដើម ព្រមទាំងបន្តយកចិត្តទុកដាក់ និងគាំទ្រដល់ពលរដ្ឋនៃប្រទេសទាំងពីរ ដែលត្រូវរងគ្រោះដោយជំងឺ …ជាដើម។
២.ដោះស្រាយឯកសារនានាអនឡាយ សន្សំថវិការចំនួន ៤.២២២ ពាន់លានដុង។
យោងតាមសេចក្តីរាយការណ៍របស់រដ្ឋាភិបាល ស្តីអំពីលទ្ធផលនៃការអនុវត្តសន្សំសំចៃ និងការពារខ្ជះខ្ជាយ ឆ្នាំ ២០១៩ (ដែលត្រូវបានគណៈកម្មាធិការអចិន្រ្តៃយ៍រដ្ឋសភាផ្តល់មតិនៅសម័យប្រជុំលើកទី ២២-៤) គឺសរុបចំនួនថវិការដែលសន្សំបាន ពីការដោះស្រាយឯកសារតាមអ៊ិនធ័រណេត បានប្រមាណ ៤,២២២ ពាន់លានដុង ហើយនឹងបន្តកើនឡើង ជាមួយនឹងសមាមាត្រទៅនឹងចំនួនសេវាសាធារណៈតាមអ៊ិនធរណេតដែលបានបញ្ចូលទៅក្នុងវែបសៃសេវាសាធារណៈជាតិ។
៣.ទីក្រុងហូជីមិញឱ្យសិស្ស និងនិស្សិត ឈប់ដល់ថ្ងៃទី ៣ ខែឧសភា
កាលពីថ្ងៃទី ១៨ ខែមេសា លោក Lê Thanh Liêm ជាអនុប្រធានអចិន្ត្រៃយ៍គណៈកម្មាធិការប្រជាជនទីក្រុងហូជីមិញ បានចុះហត្ថលេខាលើសេចក្តីសម្រេចជាផ្លូវការអំពីការសបន្លាយរយៈពេលឈប់រៀនដល់សិស្ស និង និស្សិតក្នុងភូមិសាស្ត្រទីក្រុងមកពីការរាតត្បាតនៃជំងឺ Covid-19 ។
យោងតាមនោះ តាមសំណើរបស់ប្រធានមន្ទីរអប់រំ និង បណ្តុះបណ្តាលទីក្រុងហូជីមិញ នៅក្នុងរបាយការណ៍លេខ ១១២៦ / TTr-GDĐT-VP ចុះថ្ងៃទី ១៧ ខែមេសាឆ្នាំ ២០២០ គឺគណៈកម្មាធិការប្រជាជនទីក្រុង បានបង្គាប់ការអនុញ្ញាតឱ្យនិស្សិតនិងនិស្សិតក្នុងទីក្រុង បន្តឈប់រៀនដល់បញ្ចប់ថ្ងៃទី3 ខែឧសភា ឆ្នាំ 2020 ។
៤- ដាក់ពន្ធនាគារ ១១ ឆ្នាំ ចំពោះមុខសញ្ញាធ្វើភេរវកម្ម ប្រឆាំងរដ្ឋអំណាចប្រជាជន
តុលាការប្រជាជនខេត្ត Bình Dương បានបើកសវនាការកាត់ក្តីជនជាប់ចោទឈ្មោះ Trương Dương ( កើតឆ្នាំ ១៩៨០ នៅBình Dương) ឱ្យជាប់ពន្ធនាគាររយៈពេល ១១ ឆ្នាំពីបទ“ ធ្វើភេវកម្មប្រឆាំងនឹងរដ្ឋាអំណាចប្រជាជន” ។
បានដឹងថា ជនជាប់ចោទឈ្មោះនេះ បានបង្ករផ្ទុះនៅនាយកដ្ឋានពន្ធដារខេត្តBình Dương អាសយ័ដ្ឋានលេខ ៣២៨ មហាវិថី Bình Dương សង្កាត់ Phú Hòa ទីក្រុងThủ Dầu Một នៅថ្ងៃទី ៣០ ខែកញ្ញាឆ្នាំ ១៩១៩ តាមបង្គាប់ការរបស់ឈ្មោះ Lisa Phạm ជាសមាជិកអង្គការភេរវកម្មមួយ ដែលបច្ចុប្បន្នកំពុងរស់នៅសហរដ្ឋអាមេរិក។
ព័ត៌មានអន្តរជាតិ
៥. សហរដ្ឋអាមេរិកនឹងផ្អាកអនុញ្ញាតឲ្យជនអន្តោប្រវេសន៍ចូល
កាលពីថ្ងៃទី ២១ ខែមេសា ប្រធានាធិបតីអាមេរិកដូណាល់ត្រាំ បាននិយាយថាលោកនឹងចុះហត្ថលេខាលើបទបញ្ជាប្រតិបត្តិមួយ ដើម្បីបញ្ឈប់ជាបណ្ដោះអាសន្ននូវលំហូរជនអន្តោប្រវេសន៍ចូលក្នុងប្រទេសចំពេលមានការផ្ទុះនៃជំងឺ Covid-19 ។
៦.អង្គការសហប្រជាជាតិបានអនុម័តលើដំណោះស្រាយស្តីពីការរីករាលដាលនៃ Covid-19
ទីភ្នាក់ងារសារព័ត៌មានរ៉យទ័រ និងទីភ្នាក់ងារសារព័ត៌មានវៀតណាមកាលពីថ្ងៃទី ២១ ខែមេសាបានជូនដំណឹងថា ប្រទេសសមាជិកចំនួន ១៩៣ នៃមហាសន្និបាតអង្គការសហប្រជាជាតិ បានអនុម័តនូវសេចក្តីសម្រេចចិត្តមួយ ដោយអំពាវនាវឱ្យមានវិធីប្រាស្រ័យដោយតម្លាភាព‚ ប្រសិទ្ធិភាព និងទាន់ពេលវេលា ចំពោះវ៉ាក់សាំងណាមួយ ដែលត្រូវបានផលិតឡើង សម្រាប់ការការពារជំងឺ Covid-19 ។សេចក្តីសម្រេចនេះ ក៏បានលើកកម្ពស់នូវពីតួនាទីរបស់អង្គការសុខភាពពិភពលោក ដែលជាអង្គភាពមួយកំពុងប្រឈមនឹងការរិះគន់ពីសហរដ្ឋអាមេរិក និងបណ្តាប្រទេសលោកខាងលិចអំពីវិធីដោះស្រាយវិបត្តិវេជ្ជសាស្ត្រដែលបណ្តាលមកពីជំងឺរាតត្បាត Covid-19 ។
៧.មេដឹកនាំនៃទីភ្នាក់ងារចំនួន ១៥ របស់អង្គការសហប្រជាជាតិ បានអំពាវនាវដល់សប្បុរសជននាន ឲ្យជំនួយចំនួន ៣៥០ លានដុល្លារអាមេរិក សម្រាប់ជំនួយបន្ទាន់ដល់ប្រព័ន្ធផ្គត់ផ្គង់គ្រាអាសន្នពិភពលោក ដើម្បីជួយប្រទេសដែលរងគ្រោះដោយការរីករាលដាលនៃជំងឺនេះ។ បានដឹងថា សព្វថ្ងៃនជ បណ្តាអង្គការសប្បុរសធម៌អន្តរជាតិបានសន្យា នឹងមានប្រមាណ២៥ ភាគរយ ក្នុងចំណោម ២ ពាន់លានដុល្លារ ដែលអគ្គលេខាធិការអង្គការសហប្រជាជាតិបានអំពាវនាវ ឲ្យ មានការឆ្លើយតបខាងមនុស្សធម៌ជាសកលចំពោះការរាតត្បាត។
៨.អង់គ្លេសចាប់ផ្តើមសាកល្បងវ៉ាក់សាំងលើមនុស្សនៅពេលអ្នកស្លាប់បន្តកើនឡើង
យោងតាមសំដីរបស់រដ្ឋមន្ត្រីសុខាភិបាលអង់គ្លេសលោក ម៉ាត ហែនខក់ គឺប្រទេសនេះនឹងចាប់ផ្តើមសាកល្បងវ៉ាក់សាំងវីរុសកូរ៉ូណានៅថ្ងៃទី២៣មេសា នៅពេលដែលអ្នកជំងឺកូវីដ១៩ចំនួន៨៥២នាក់ទៀតបានស្លាប់នៅតាមមន្ទីរពេទ្យអង់គ្លេស