ព័ត៌មាននៅក្នុងប្រទេស
1.វៀតណាមសហការជាមួយជប៉ុនផលិតផ្កាយរណបទម្ងន់ ៦០០ គីឡូក្រាម
មជ្ឈមណ្ឌលអវកាសវៀតណាមនៃបណ្ឌិត្យសភាវិទ្យាសាស្ត្រនិងបច្ចេកវិទ្យាវៀតណាម បានឲ្យដឹងថា មជ្ឈមណ្ឌលអវកាសវៀតណាមនិងសម្ព័ន្ធក្រុមហ៊ុន Sumitomo នៃប្រទេសជប៉ុន បានចុះហត្ថលេខាលើគម្រោងផលិតផ្កាយរណប LOTUSat-1 និងបណ្តុះបណ្តាលធនធានមនុស្ស។
បានដឹងថា គម្រោងការ “ មជ្ឈមណ្ឌលអវកាសវៀតណាម” ដែលត្រូវបានអនុម័តដោយរដ្ឋាភិបាលវៀតណាមនាឆ្នាំ ២០០៩។ អាស្រ័យហេតុនេះ ក្រុមវិស្វករវៀតណាមនិងអ្នកជំនាញជប៉ុននឹងកែច្នៃផ្កាយរណប LOTUSat-1 ទំងន់ ៦០០ គីឡូក្រាម ដោយមានល្បឿនដោះស្រាយទិន្នន័យជាអតិបរមារហូតដល់ ៨៣២Mbps ដោយប្រើបច្ចេកវិទ្យារ៉ាដាថ្មីបំផុតដើម្បីថតរូបផែនដីជាមួយនឹងគុណភាពល្អនៅគ្រប់អាកាសធាតុទាំងយប់ទាំងថ្ងៃ។ ផ្កាយរណបនេះនឹងផ្តល់រូបភាពនិងព័ត៌មានត្រឹមត្រូវដើម្បីកាត់បន្ថយផលប៉ះពាល់នៃគ្រោះមហន្តរាយធម្មជាតិ ការប្រែប្រួលអាកាសធាតុ ការគ្រប់គ្រងធនធាននិងការត្រួតពិនិត្យបរិស្ថាន។ តាមការគ្រោងទុក ផ្កាយរណប LOTUSat-1 នឹងត្រូវបានបញ្ចូនទៅដងតារាវិថីនាឆ្នាំ ២០២៣ ៕
2.ការប្រណាំងកង់ដណ្តើមពានរង្វាន់ VOH លើកទី ២២៖ ដំណើរឆ្លងកាត់តំបន់ឥណ្ឌូចិន
ថ្មីៗនេះ វិទ្យុផ្សាយសម្លេងប្រជាជនទីក្រុងហូជីមិញ (VOH) បានប្រកាសដំណាក់កាលសម្រាប់ការប្រណាំងកង់ដណ្តើមពានរង្វាន់ VOH លើកទី ២២ ។
ការប្រណាំងកង់នឹងប្រព្រឹត្តទៅចាប់ពីថ្ងៃទី ២១ តុលា ដល់ថ្ងៃទី ១ វិច្ឆកា។ ចាប់ផ្តើមពីទីក្រុងហូជីមិញ។ ការប្រណាំងកង់ដំណាក់កាលដំបូងនឹងទៅដល់រាជធានីភ្នំពេញហើយឆ្លងកាត់ខេត្តនានានៃប្រទេសកម្ពុជា។ បន្ទាប់មកទៅកាន់ខេត្តមួយចំនួន និងរដ្ឋធានីវៀងច័ន្ទនៃប្រទេសឡាវ។ ការប្រណាំងកង់នៅឆ្នាំនេះមានគោលបំណងរំលឹកកខួបលើកទី ៧៥ នៃការបង្កើតកងទ័ពប្រជាជនវៀតណាម (២២ ធ្នូ ១៩៤៤ / ២២ ធ្នូ ២០១៩) និងខួបលើកទី ៧៩ នៃទិវាភាគខាងត្បូងវៀតណាមធ្វើកូប្បកម្ម (២៣ វិច្ឆិកា ឆ្នាំ១៩៤០ / ២៣ វិច្ឆិកា ឆ្នាំ ២០១៩) ។ នៅក្នុងការប្រកួតអ្នកប្រណាំងកង់នឹងឆ្លងកាត់ខេត្ត ក្រុងមួយចំនួនដូចជា ទីក្រុងហូជីមិញ ខេត្ត Tay Ninh (វៀតណាម) ស្វាយរៀង ព្រៃវែង កណ្តាល រាជធានីភ្នំពេញ កំពង់ចាម ត្បូងឃ្មុំ ក្រចេះ ស្ទឹងត្រែង (កម្ពុជា) Champasak, Salavan, Savannakhet, Khammouan, Bolykhamxay, Vientiane (ឡាវ) និង Binh Duong, Binh Phuoc (វៀតណាម)។
3.សរសើរនិងនិងជូនរង្វាន់សិស្ស ២ រូប ដែលរើបានលុយ រួចសងអ្នកបាត់វិញ
ថ្មីៗនេះ គណៈអចិន្ត្រៃ នៃសម្ព័ន្ធយុវជនទីក្រុងហូជីមិញ ឃុំ Hồng Lộc (ស្រុក Lộc Hà ខេត្ត Hà Tĩnh) និងសាលាមធ្យមសិក្សាបឋមភូមិ Hồng Tân បានរៀបចំពិធី ប្រគល់លិខិតសរសើ និងជូនរង្វាន់ ដល់សិស្ស Phạm Thị Hoài និង Nguyễn Thị Lan (ជាសិស្សថ្នាក់ទី 9B ស្នាក់នៅឃំ Tân Lộc)មកពីមានទង្វើរល្អ គឺប្រគល់លុយដែលខ្លួនរើបានជូនអ្នកដែលបាត់។
បានដឹងថា កាលពីថ្ងៃទី ១៦ខែតុលា នៅពេលសិស្សពីរនាក់នោះ ចេញពីរៀន ហើយទៅផ្ទះវិញ ក៏ឃើញលុយចំនួន ៥លានដុងមិនដឹងជារបស់អ្នកណា ត្រូវជ្រុះពេញផ្លូវ ហើយក៏រើសទុក រួចបា្រប់ឲ្យអ្នកផ្ទះប្រកាសស្វែងរកអ្នកដែលបាត់។ ក្រោយមក ក៏រកឃើញអ្នកដែលបាត់លុយ គឺអ្នកស្រី Bùi Thị Anh Đào ស្នាក់នៅក្នុងឃុំ Hồng Lộc។
៤.នឹងចេញបទកំណត់ សហការប្រមូលសំរាមក្នុងភូមិសាស្ត្រទីក្រុងហូជីមិញ
ក្នុងឆ្នាំ ២០១៩ គណៈកម្មាធិការប្រជាជនទីក្រុងហូជីមិញ នឹងចេញបទកំណត់ សហការប្រមូល ទទួលយកនិងដឹកជញ្ជូនសំរាមក្នុងភូមិសាស្ត្រទីក្រុងហូជីមិញ។ ហើយសំរាមនឹងបានបែងចែកជា ២ ប្រភេទ គឺប្រភេទសំរាមកែច្នៃឡើងវិញ និងសំរាមនៅសល់។
ព័ត៌មានអន្តរជាតិ
៥.ស្តេចថៃដកតំណែងទាំងអស់ពីអ្នកម្នាងវង់វិជ្ជរ៉ាភក្តីពីបទគ្មានភក្តីភាព
ព្រះមហាក្សត្រថៃ មហាវិជ្ជរ៉ា ឡុងកន ព្រះជន្ម ៦៧ ព្រះវស្សាបានប្រកាសដកតំណែងជាសាធារណៈពីអ្នកម្នាងស៊ីនីណាត្រា វង់វិជ្ជរ៉ាភក្តី ព្រះជន្ម ៣៤ ព្រះវស្សាកាលពីថ្ងៃចន្ទទី២១តុលា គឺមិនដល់ ៣ ខែផង បន្ទាប់ពីទ្រង់ត្រូវបានប្រគល់ឋានៈជាអ្នកម្នាងនៅក្នុងពិធីមួយ។
6.នាវាកម្សាន្តដ៏ទំនើបដែលជាប់ទាក់ទងរឿងអាស្រូវពុករលួយ1MDBរបស់ម៉ាឡេស៊ី ត្រូវបានដាក់លក់ឡើងវិញ
នាវាកម្សាន្តដ៏ល្អប្រណីតមួយដែលជាប់ទាក់ទងរឿងអាស្រូវនៃមូលនិធិវិនិយោគរដ្ឋ1MDBរបស់ម៉ាឡេស៊ីដែលមានទឹកប្រាក់រាប់ពាន់លានដុល្លាររបស់ប្រទេសនេះ ត្រូវបានយកមកដាក់លក់នៅទីផ្សារវិញ នៅពេលតែប៉ុន្មានខែបន្ទាប់ពីរដ្ឋាភិបាលម៉ាឡេស៊ី បានលក់វាក្នុងតម្លៃដ៏ខ្ពស់។
នាវានេះដំបូងឡើយត្រូវបានទិញដោយពាណិជ្ជករខាងហិរញ្ញវត្ថុ លោកឡូវ ទែក ហូ ក្នុងតម្លៃ២៥០លានដុល្លារ ដែលតាមការចោទប្រកាន់ថាបានកិបកេងពីពីគម្រោង1MDBដើម្បីយកទៅទិញវា ។
វាត្រូវបានរឹបអូសយកដោយប្រទេសឥណ្ឌូនេស៊ីកាលពីឆ្នាំមុនហើយបានប្រគល់ទៅឱ្យប្រទេសម៉ាឡេស៊ីវិញ។ រដ្ឋាភិបាល ដែលកំពុងស្វះស្វែងរកប្រាក់ដែលត្រូវបានក្លែងបន្លំពីគម្រោង 1MDBនេះ បានលក់វាកាលពីខែមេសាឱ្យទៅក្រុមហ៊ុនGenting Malaysia ជាក្រុមហ៊ុនក្នុងស្រុកក្នុងតម្លៃ ១២៦ លានដុល្លារ។
ប៉ុន្តែ បើយោងតាមការចុះបញ្ជីពីក្រុមហ៊ុនផលិតនាវាCamper និងក្រុមហ៊ុនNicholsonsបានឱ្យដឹងថា នាវាកម្សាន្តឈ្មោះTranquilityដែលបណ្តោយប្រវែង ៩១,៥ ម៉ែត្រ នេះ ឥឡូវនេះ ត្រូវបានដាក់លក់វិញ។
នាវាកម្សាន្តនេះ មានអាវហាលទឹក កន្លែងចុះចតឧទ្ធម្ភាគចក្រ បន្ទប់ស្ទីមនិង កន្លែងហាត់ប្រាណ។
7.ប្រធានាធិបតីអាមេរិក លោក Donald Trump សង្ឃឹមថានឹងចុះហត្ថលេខាលើកិច្ចព្រមព្រៀងពាណិជ្ជកម្មរវាងសហរដ្ឋអាមេរិកនិងចិននៅពាក់កណ្តាលខែវិច្ឆិកា
ថ្លែងនៅសេតវិមាននាពេលថ្មីៗនេះ ប្រធានាធិបតីអាមេរិក លោក Donald Trump បាននិយាយថាលោកនិងប្រធានាធិបតីចិន Xi Jinping នឹងចូលរួមកិច្ចប្រជុំកំពូលនៃវេទិកាសហប្រតិបត្តិការសេដ្ឋកិច្ចអាស៊ី - ប៉ាស៊ីហ្វិក(APEC) ដែលនឹងប្រព្រឹត្តិទៅនៅប្រទេសឈីលីចាប់ពីថ្ងៃទី ១៦ ដល់ថ្ងៃទី ១៧ ខែវិច្ឆិកា ហើយសង្ឃឹមថា កិច្ចព្រមព្រៀងពាណិជ្ជកម្មរវាងប្រទេសទាំងពីរនឹងត្រូវបានចុះហត្ថលេខានៅក្នុងឱកាសនេះ។ លោក Trump ក៏បានឲ្យដឹងថា ការងាររវាងអាមេរិកនិងចិនកំពុងដំណើរការយ៉ាងរលូនផងដែរ។
PHÁT TRIỂN HUYỆN NÔNG THÔN MỚI THÀNH
ĐÔ THỊ SINH THÁI
អភិវឌ្ឍន៍ស្រុកជនបទថ្មី ឲ្យទៅជាទីប្រជុំជនជីវសាស្ត្រ
បន្ទាប់ពីស្រុក Phong Điền (នៃទីក្រុង Cần Thơ) ត្រូវបានលោកនាយករដ្ឋមន្ត្រី ទទួលស្គាល់ថា សម្រេចបានបទដ្ឋានជាទីជនបទថ្មី (ឆ្នាំ ២០១៥)នោះ គឺគណៈកម្មាធិការបក្សទីក្រុង Cần Thơ បានមានសេចក្តីសម្រេចចិត្ត អំពីការកសាង និងអភិវឌ្ឍន៍ Phong Điền ឲ្យទៅជាទីប្រជុំជនជីវសាស្ត្រ។
លទ្ធផលដំបូងដែលអនុវត្តសេចក្តីសម្រេចនេះឃើញថាទីប្រជុំជនជីវសាស្ត្រដំបូងនៅទីក្រុង Cần Thơ និងនៅក្នុងតំបន់ដីសណ្តទន្លេគីវឡុងទាំងមូល ជាជំហានៗ កំពុងបានកំណកំណើតចេញ មានការអភិវឌ្ឍន៍សមស្រប រវាងទីប្រជុំជន និងទីជនបទ សម្របនឹងបំរែបំរួលនៃធាតុអាកាស ពង្រឹងបាននូវសក្តានុពលរបស់តំបន់។
យោងតាមសេចក្តីរាយការណ៍ពីគណៈកម្មាធិការប្រជាជនស្រុក Phong Điền គឺ គម្រោងការសំខាន់ៗនានា បាននាំមកប្រសិទ្ធិភាពជាក់ស្តែង។ គឺក្នុងភូមិសាស្ត្រស្រុក បានអភិវឌ្ឍន៍ ៦១ចណុចទេសចរណ៍ ( ២៨ចំណុចជាចំកាទេសចរណ៍, ១៦ចំណុចចងសម្ព័ន្ធ និង ៣ចំណុចទេសចរណ៍បែបមនគតិ) ក្នុងនោះមាន ៥ចំណុចទេសចរណ៍ឆ្នើមកំរិតថ្នាក់ទីក្រុង និង ៣ចំណុចទេសចរណ៍ ត្រូវបានសមាគមន៍ទេសចរណ៍នៃតំបន់ដីសណ្តទន្លេគីវឡុងទទួលស្គាល់ ជាចំណុចទេសចរណ៍ឆ្នើមប្រចាំតំបន់។ ចំនួនភ្ញៀវទេសចរ និងចំណូលពីទេសចរណ៍របស់ស្រុក Phong Điền គឺសុទ្ធតែកើនឡើងក្នុងមួយឆ្នាំៗ ចំណែកឯ ៦ខែឆ្នាំ ២០១៩ ស្រុក Phong Điền បានទាក់ទាញភ្ញៀវទេសចរជាង 981.000 លើកនាក់ ប្រាក់ចំណូលសម្រេចបាន ២២៣ពាន់លានដុង។ ចំណែកឯគម្រោងការរចនាសម្ព័ន្ធផ្នែកកសិកម្មឡើងវិញនោះ គឺស្រុក Phong Điền បានផ្តោតទៅលើការអនុវត្តតាមទិស ជំរុញការអនុវត្តបច្ចេកវិជ្ជា សម្រាប់បង្កើនទិន្នផល និងគុណភាពផលិតផល និងតម្លៃ។ ឆ្ពស់ទៅរកការកសាងទីជនបទថ្មី និងគំរូ ដោយយោងតាមគោលនយបាយរបស់រដ្ឋាភិបាលនោះ ស្រុក Phong Điền បានខិតខំធ្វើយ៉ាងណា ឲ្យដល់ចុងឆ្នាំ ២០២០ នឹងមាន ២ស្រុក សម្រចបានបទដ្ឋានជាទីជនបទថ្មី និងគំរូ។ ហើយថវិការសម្រាប់កសាង និងអភិវឌ្ឍន៍ទីប្រជុំជនជីវាស្ត្រ គឺយោងតាមស្មារតីនៃសេចក្តីសម្រេចបានជាង 1.196 ពាន់លានដុង។
លោក Trần Quốc Trung ជាសមាជិក នៃគណៈកម្មាធិការមជ្ឈឹមបក្ស និងជាលេខាធិការនៃគណៈកម្មាធិការបក្សទីក្រុង Cần Thơ បានសន្មត់ថា សេចក្តីសម្រេច នៃកាកសាង និងអភិវឌ្ឍន៍ស្រុក Phong Điền ឲ្យក្លាយជាទីប្រជុំជនជីវសាស្ត្រនោះ គឺជាសេចក្តីសម្រេចចិត្តលើគោលនយោបាយមួយ របស់បក្ខភាគទីក្រុង នៃអាណត្តិពីឆ្នាំ ២០១៥-២០២០ ប្រយោជន៍ សម្រាប់កសាង និងអភិវឌ្ឍន៍ទីក្រុង Cần Thơ ឲ្យក្លាយជាទីក្រុងមួយ មានអរិយធម៌ ទំនើប ស្អាត សម្បូរណ៍ដើមឈើ និងសក្តិសមជាមាត់ច្រកចេញចូល នៃសង្កាត់ទឹកក្រោមទន្លេមេគ្គង។ លទ្ធផលដំបូង នៃការអនុវត្តសេចក្តីសម្រេចនេះ គឺជាផែនគ្រឹះមួយដ៏សំខាន់ សម្រាប់ជំហានអភិវឌ្ឍន៍បន្តរបស់ស្រុក Phong Điền។ ហើយរយៈពេលខាងមុខ ថ្នាក់ដឹកនាំទីក្រុងទាំងអស់ នឹងបន្តជំនួយដល់ស្រុក Phong Điền អនុវត្ត សម្រេចនូវគោលដៅដែលបានដាក់ចេញ សម្រាប់ធ្វើឲ្យស្រុក Phong Điền ក្លាយជាខ្សែក្រវ៉ាត់បៃតង ជាសួតបៃតង និងជាតំបន់សំខាន់ នៃការអភិវឌ្ឍន៍ទីប្រជុំជនជីវសាស្ត្ររបស់ទីក្រុងកិនថើ៕