ព័ត៌មាននៅក្នុងប្រទេស

១.ទីក្រុងហូជីមិញបានចំណាយថវិកាចំនួន ៨១៨ ពាន់លានដុងដើម្បីផ្តល់ឱ្យប្រជាជនអំណរឆ្នាំថ្មី ២០២០

ក្នុងឱកាសបុណ្យចូលឆ្នាំថ្មីឆ្នាំជាតិ ឆ្នាំជូតទោស័ក ២០២០នោះ  ទីក្រុងហូជីមិញនឹងជូនថវិកានិងអំណោយដល់មុខសញ្ញាមួយចំនួននៅក្នុងភូមិសាស្ត្រទីក្រុងហូជីមិញ។ ហើយសរុបថវិការសម្រាប់យកចិត្តទុកដាក់ដល់បុណ្យចូលឆ្នាំថ្មីនេះ ប៉ាន់ស្មានប្រមាណ ៨១៨ ពាន់លានដុងគឺកើនឡើងប្រមាណ ៦០ ពាន់លានដុងបើប្រៀបធៀបនឹងឆ្នាំទៅ ។

ហើយចំពោះកម្មាភិបាល និយោជិត មានទាំងអស់ជិត ១៤៨.៥០០ នាក់ នឹងបានទទួលអំណោយមានតម្លៃ ១,៤ លានដុង ក្នុងមនុស្សម្នាក់។

២.ទទួលបានប្រយោជន៍ពីបណ្តាញអគ្គិសនីឆ្លាត

ថ្មីៗនេះ អគ្គក្រុមហ៊ុនថាមពលអគ្គិសនីទីក្រុងហូជីមិញ (EVNHCMC) បានអនុវត្តដោយជោគជ័យ ការស្ថាបនាបណ្តាញអគ្គិសនីឆ្លាត ដែលអាចជួយដោះស្រាយភ្លាមឧប្បត្តិហេតុ ក្នុងករណីខ្លះ;  បានរួមចំណែកដោយប្រសិទ្ធិភាពក្នុងការអនុវត្តគម្រោង“ កសាងទីក្រុងហូជីមិញឱ្យក្លាយជាទីក្រុងឆ្លាតដំណាក់កាលពីឆ្នាំ ២០១៧-២០២០ ទស្សវិស័យដល់ឆ្នាំ ២០២៥” របស់គណៈកម្មាធិការប្រជាជនទីក្រុងហូជីមិញ។

៣- ជីកដីធ្វើផ្លូវរកឃើញសពយុទ្ធជនពលីជីវិត ២  និងសរីរិកធាតុអមជាមួយ

អង្គភាពសាងសង់ផ្លូវជនបទមួយ នៅក្នុងភូមិ Cồn (ឃុំ Tân Lập, ស្រុក Hướng Hóa ខេត្តQuảng Trị) នៅពេលកំពុងជីកដីដើម្បីសាងសង់ផ្លូវ ស្រាប់តែឃើញសញ្ញាថា អាចមានអដ្ឋិធាតុ។  នៅពេលទទួលដំណឹងភ្លាម ក្រុមប្រមូលអដ្ឋិធាតុទ្ធជនពលីជី​វិត នៃអង្គភាពសេដ្ឋកិច្ចនិងការពារជាតិ ៣៣៧ បានធ្វើការប្រមូលផ្តុំ ហើយរកឃើញអដ្ឋិធាតុយុទ្ធជនពលីជីវិត ២ នៅជម្រៅប្រហែល ៧០ សង់ទីម៉ែត្រ។ អដ្ឋិធាតុមួយៗ បានឃ្លាតឆ្ងាយពីគ្នាប្រមាណ ១,៥ មដោយអមជាមួយនូវសារីរិកធាតុផ្សេងៗដូចជា ស្និតសិតសក់,  ស្បែកជើងទ័ព ...ជាដើម។

៤. អតីតនិស្សិតរៀននៅប្រទេសជប៉ុនបាន“ hack” គណនី Facebook និងបានរឹបយកលុយរាប់ពាន់លានដុង

នគរបាលស្រុក Hoằng Hóa  (ខេត្ត Thanh Hóa) បានឲ្យដឹងថា អង្គភាពនេះ ទើបបានធ្វើការស៊ើបអង្កេត បញ្ជាក់ និងឃុំខ្លួនជនសង្ស័យជាបណ្តោះអាសន្នចំនួន ៣ នាក់ ដែលជំនាញក្នុងការលួចគណនីហ្វេសប៊ុករបស់សហគមន៍ជនជាតិវៀតណាម កំពុងធ្វើអាជីវកម្ម និងរស់នៅក្នុងប្រទេសជប៉ុន ដើម្បីបោកប្រាស និងរឹបយកលុយបានជាង ២ ពាន់លានដុង។ ហើយពេលនេះនករបាលកំពុងកំពុងស៊ើបអង្កេតនិងបញ្ជាក់បន្ថែមករណីនេះ។

5. ឈាមជួយសង្គ្រោះបន្ទាន់ និងព្យាបាលជូនអ្នកជម្ងឺក្នុងថ្ងៃសម្រាកបុណ្យចូលឆ្នាំថ្មីអាចខ្វះខាត

នៅក្នុងសន្និសីទសារព័ត៌មាន ដើម្បីឧទ្ទេសនាមកម្មវិធីបរិច្ចាគឈាមលើកទី ១២ នៅឆ្នាំ ២០២០ នៅទីក្រុងហាណូយនោះ លោកវេជ្ជបណ្ឌិត Trần Ngọc Quế  ជាអនុប្រធានមជ្ឈមណ្ឌលលោហិតជាតិ នៃវិទ្យាស្ថានលោហិតវិទ្យា និងបញ្ចូលឈាមមជ្ឈឹម បានមានប្រសាសន៍ថា៖ ក្នុង ២០១៩ តាមការគ្រោងទុក ទូទាំងប្រទេសនេះនឹងទទួលបានឈាមប្រមាណ ១,៤ លានឯកត្តា គឺកើនឡើងប្រមាណ ១ លាន ៤សែដន ឯកត្តា បើប្រៀបធៀបនឹងឆ្នាំ ២០១៨ ។

ព័ត៌មានអន្តរជាតិ

៦.ប្រទេសថៃ៖ អ្នកនេសាទរាប់ពាន់នាក់បានតវ៉ាប្រឆាំងនឹងការរឹតបន្តឹងបទកំណត់នេសាទ

អ្នកនេសាទនៃប្រទេសថៃរាប់ពាន់នាក់ បានធ្វើដំណើរតាមដងផ្លូវ ហើយបានប្រមូលផ្តុំនៅខាងក្រៅទីស្នាក់ការកណ្តាលរបស់ក្រសួងកសិកម្មនៃប្រទេសនេះ ដើម្បីប្រឆាំងនឹងការរឹតបន្តឹងបទបទកំណត់នេសាទត្រី។ ហើយបើយោងតាមអ្នកនេសាទថា បទកំណត់នេះ មានភាពលំបាកខ្លាំង ចំពោះការការនេសាទត្រី បានធ្វើឱ្យមនុស្សជាច្រើន "គ្មានផ្លូវរកស៊ី"  រីឯទូកនេសាទជាច្រើនមិនបានចេញទៅសមុទ្រនេសាទត្រីទេ។

៧.ការគាំទ្រប្រធានាធិបតីអាមេរិកមានអត្រាខ្ពស់

សារព័ត៌មានវ៉ាស៊ីនតោនប៉ុស្តិ៍បានរាយការណ៍ថា លទ្ធផលនៃការស្ទង់មតិមួយដែលធ្វើឡើងដោយសាកលវិទ្យាល័យឃ្វីននីពីនបានបង្ហាញថា អត្រានៃការគាំទ្រប្រធានាធិបតីអាមេរិកដូណាល់ត្រាំឡើងដល់ ៤៣ ភាគរយ គឺខ្ពស់បំផុតចាប់ពីលោកបានឡើងកាន់អំណាច។

៩. ទីភ្នាក់ងារព័ត៌មាន Bloomberg ត្រូវផាកពិន័យជាប្រាក់ចំនួន ៥.៥ លានដុល្លារពីបទផ្តល់ព័ត៌មានមិនពិត

យោងតាមទីភ្នាក់ងារសារព័ត៌មានរ៉យទ័របានដឹងថា ស្ថាប័នត្រួតពិនិត្យទីផ្សារហិរញ្ញវត្ថុបារាំង (AMF) បានសំរេចចិត្តផាកពិន័យចំពោះទីភ្នាក់ងារព័ត៌មាន Bloomberg ចំនួន ៥ លានអឺរ៉ូ (ស្មើរនឹង៥.៥ លានដុល្លារអាមេរិក) មកពីបានជូនដំណឹងដោយផ្អែកលើប្រភពព័ត៌មានក្លែងក្លាយ បណ្តាលឱ្យបណ្តុំក្រុមហ៊ុនសំណង់វីននីរបស់បារាំង  ត្រូវបាត់បង់តម្លៃដល់ទៅរាប់ពាន់លានអឺរ៉ូនៅលើទីផ្សារហ៊ុន។

១០. នាយករដ្ឋមន្ត្រីអង់គ្លេសបង្កើតរដ្ឋាភិបាលថ្មី

លោកនាយករដ្ឋមន្រ្តីអង់គ្លេស Boris Johnson បានចាប់ផ្តើមប្រកាសសមាជិកគណៈរដ្ឋមន្រ្តីថ្មីមួយចំនួន ដោយស្ថិតនៅស្ថានភាព ដែលប្រទេសនេះ បានចាកចេញពីសហភាពអឺរ៉ុប (EU) ជាផ្លូវការនាពេលខាងមុខនេះ។ អ្នកនាំពាក្យរបស់នាយករដ្ឋមន្រ្តីចនសុនបានបញ្ជាក់ថារដ្ឋាភិបាលអង់គ្លេសគ្រោងនឹងចាប់ផ្តើមដំណើរការ Brexit មុនពេលសភាបានបិទនាថ្ងៃឈប់សម្រាកចុងឆ្នាំនិងចូលឆ្នាំថ្មី។

NĂM 2019 TPHCM ĐÃ VẬN ĐỘNG ĐƯỢC TRÊN 270.000 LƯỢT NGƯỜI HIẾN MÁU, ĐẠT GẦN 337.600 ĐƠN VỊ MÁU

ក្នុងឆ្នាំ ២០១៩ ទីក្រុង ហូជីមីន បានបំផុសប្រជាជនផ្តល់ឈាមស្មគ្រ័ចិត្តបាន ចំនួន ២៧០.០០០ នាក់ ទទួលបានឈាមជិត ៣៣៧.៦០០ឯកត្តា

តាមរយៈការរៀបចំបាន ១២ លើក និងការបំផុសបរិច្ឆាកឈាមនៅក្នុងអំឡុងពេលពីឆ្នាំ ១៩៩៤ មកដល់ពេលនេះ គឺមានអ្នកចូលរួមបរិច្ឆាកឈាមជាង ២ លាន ៥ សែននាក់, ហើយសម្រេចបានជាង ២ លាន ៩សែនឯកត្តាឈាម។

កាលពីព្រឹកថ្ងៃទី ១៧ ខែធ្នូ, សមាគមន៍កាកបាទក្រហមទីក្រុង បានសហការជាមួយសម្ព័ន្ធភាពពលកម្មទីក្រុង, សម្ព័ន្ធយុវជនទីក្រុង និងមន្ទីរពេទ្យលោហិតវិទ្យាទីក្រុងហូជីមិញរៀបចំនូវពិធី គាំទ្រនឹងយុទ្ធនាការផ្តល់ឈាមស្ម័គ្រចិត្ត ក្នុងឱកាសបុណ្យចូលឆ្នាំថ្មី និងពិធីបុណ្យរដូវផ្ការីកឆ្នាំ ២០២០ ជាមួយសារថា“ បរិច្ឆាកឈាមក្រហម - សម្រាប់ផ្តល់ជីវិត”, “បរិច្ឆាកឈាមនៅដើមនិទាឃរដូវ - គឺបង្កើនសុភមង្គល” ។

តាមរយៈការរៀបចំបានន ១២ លើក, ពិធិបុណ្យបានស្រូបទាញមនុស្សរាប់ពាន់នាក់មកចុះឈ្មោះបរិច្ចាគឈាមនៅក្នុងពិធីបុណ្យនានា,​បានរួមចំណែកដល់ការបំផុសបរិច្ចាគឈាម ក្នុងដំណាក់កាលពីឆ្នាំ ១៩៩៤ រហូតមកដល់ពេលនេះ គឺមានមនុស្សជាង ២ លាន ៥ សែននាក់បានចូលរួម សម្រេចបានឈាមជាង ២ លាន ៩សែនឯកត្តា។ ក្នុងឆ្នាំ ២០១៩ ដោយអនុវត្តនូវគោលដៅរបស់គណៈកម្មាធិការជាតិ ស្តីអំពីការបំផុសបរិច្ចាគឈាមដោយស្ម័គ្រចិត្តរបស់ទីក្រុង, គឺទីក្រុងបានបំផុសអ្នកបរិច្ចាគឈាមបានជាង ២៧ ម៉ឺននាក់ គឺសម្រេចបានឈាមជិត ៣៣៧.៦០០ ឯកត្តា។

លោក Trần Trường Sơn  ប្រធានសមាគមន៍កាកបាទក្រហមទីក្រុង បានគូសបញ្ជាក់ថា៖“ ពិធីបុណ្យនិទាឃរដូវប្រចាំឆ្នាំត្រូវបានរៀបចំឡើង, បានរួមចំណែកផ្លាស់ប្តូរការយល់ដឹងរបស់កម្មាភិបាល និងប្រជាជន​ ​ស្តីអំពីការបរិច្ចាគឈាម និងកំណរកំណើតចេញនូវទម្លាប់ល្អ -​បរិច្ចាគឈាមដើម្បីជួយសង្គ្រោះអាយុជីវិតមនុស្ស នាឱកាសចូលឆ្នាំថ្មី  ព្រមទាំងជំនបានភាពខ្វះឈាមក្នុងឱកាសបុណ្យចូលឆ្នាំប្រពៃណីជាតិ  ហើយតាមរយៈនេះ បានជួយសង្គ្រោះទាន់ពេលវេលាអាយុជីវិតមនុស្សជាច្រើន”។

ទន្ទឹមនឹងនេះគណៈកម្មាធិការបំផុសការបរិច្ចាគឈាមនានា នៅតាម ២៤ ខណ្ឌស្រុក, ថ្នាក់ដឹកនាំស្ថាប័នានា ឲ្យគាំទ្រយ៉ាងសកម្ម និងរៀបចំពិធីបុណ្យនិទាឃរដូវឆ្នាំ ២០២០ នៅតាមមូលដ្ឋាន និងអង្គភាពនានា ដើម្បីធ្វើឲ្យស្មារតីនៃពិធីបុណ្យនេះ បានជ្រាបជ្រៅចូលក្នុងចិត្ត និងអារម្មណ៍របស់ប្រជាពលរដ្ឋគ្រប់រូបនៅក្នុងទីក្រុង។

តាមការគ្រោងទុក រយៈពេលអនុវត្តយុទ្ធនាការ គឺចាប់ពីថ្ងៃទី ២០ ខែធ្នូឆ្នាំ ២០១៩ ដល់ថ្ងៃទី ១ ខែមីនាឆ្នាំ ២០២០ ដែលមានគោលដៅខិតខំអនុវត្ត គឺសម្រេចបានឈាម ៥៦.០០០ ប៉្លោក។

ក្នុងឱកាសនេះ គណៈបង្គាប់ការ បានជូនរូបសញ្ញា ដល់សមូហភាព ៥  និងបុគ្គលឆ្នើម ២ នាក់ក្នុងចលនាបរិច្ឆាកឈាមស្ម័គ្រចិត្តឆ្នាំ ២០១៩ ។

បន្ទាប់ពីពិធី  ថ្នាក់ដឹកនាំទីក្រុង និងគណៈកម្មការរៀបចំកម្មវិធី បានអញ្ជើញទៅដល់ ២ ចំណុច ដែលកំពុងទទួលឈាមពីអ្នកបរិច្ចាគ នៅអគារវប្បធម៌យុវជន និងគណៈកម្មាធិកាបក្ស ផែនអង្គការបក្សស៊ីវិល បានមកសួរសុខទុក្ខ និងជូនផ្កាដល់អ្នកបរិច្ចាគឈាម។

នាព្រឹកថ្ងៃដដែល ដើម្បីឆ្លើយតបទៅនឹងយុទ្ធនាការបរិច្ចាគឈាមស្ម័គ្រចិត្ត នាឱកាសបុណ្យចូលឆ្នាំថ្មី និង“ បុណ្យនិទាឃរដូវ”នោះ,  សហជិពនិយោជិតក្រុងហូជីមិញ បានសហការជាមួយមជ្ឈមណ្ឌលផ្តល់ឈាមមនុស្សធម៌ទីក្រុង បំផុសនូវកម្មវិធីបរិច្ចាគឈាម ហើយមនុស្សម្នាក់ៗ នឹងបរិច្ឆាកឈាមពី ៣៥០-៤៥០ មីលីក្រាម / នាក់៕