ព័ត៍មាននៅក្នុងប្រទេស
១.ទីក្រុងហូជីមិញគ្រោងដាក់ឱ្យប្រើប្រាស់៣សំណង់នាឱកាស៣០ ខែមេសា
ថ្មីៗនេះ នាយកដ្ឋានដឹកជញ្ជូនទីក្រុងហូជីមិញ បានឲ្យដឹងថា ដើម្បីអបអរសាទរពិធីបុណ្យ ៣០ ខែមេសា ខាងមុខនេះ ទីក្រុង គ្រោងនឹងសាងសង់សម្រេច និងដាក់ឱ្យប្រើប្រាស់ នូវ ៣ គម្រោង គឺស្ពាន Thủ Thiêm 2, សំណង់ជួសជុលផ្លូវខេត្តលេខ ៩ (Đặng Thúc Vịnh) និងសំណង់សាងសង់ផ្លូវអម Võ Văn Kiệt។
២.ទីក្រុងហូជីមិញ៖ បានចាក់វ៉ាក់សាំងដល់កុមារជាង១ម៉ឺននាក់រៀនថ្នាក់៦ មិនទាន់កត់ត្រាករណីណាប្រតិកម្មធ្ងន់បន្ទាប់ពីចាក់វ៉ាក់សាំង
នៅក្នុងសន្និសីទសារព័ត៌មាន អំពីការផ្សព្វផ្សាយការទប់ស្កាត់ការរាតត្បាតរបស់ជំងឺ Covid-19នោះ, លោក Nguyễn Hồng Tâm ជានាយករង នៃមជ្ឈមណ្ឌលគ្រប់គ្រងជំងឺទីក្រុងហូជីមិញ បានមានប្រសាសន៍ថា មកដល់ពេលនេះ ទីក្រុងបានចាក់វ៉ាក់សាំងកូវីដ-១៩ ដល់កុមារចំនួន ១០.៤៣៤ នាក់ រៀនថ្នាក់ទី ៦ នៅសល់ក្មេង 1.379 នាក់ កំពុងពន្យាពេល មកពីបានជាពីជំងឺ Covid-19 មិនគម្រប់ 3 ខែ ឬ មកពីកំពុងឆ្លង Covid-19 និងកំពុងមានជំងឺអាលែហ្សីផ្សេងទៀតនៅពេលអនុវត្តការចាក់វ៉ាក់សាំង។ មកដល់ពេលនេះ មិនមានកត់ត្រានូវករណីណាប្រតិកម្មធ្ងន់ធ្ងរក្រោយពីបានចាក់វ៉ាក់សាំងនោះទេ។
៣.ទីក្រុងហូជីមិញ៖ ខ្វះថវិកាជាង ១៥.២០០ពាន់លានដុង ដើម្បីទប់ស្កាត់ជំងឺ រាតត្បាត និងឧបត្ថម្ភអ្នកឆ្លងជំងឺ Covid-19
តំណាងនាយកដ្ឋានរការងារ យុទ្ធជនពិការ និងសង្គមកិច្ច នៃទីក្រុងហូជីមិញ បានឲ្យដឹងថា មកដល់ពេលនេះ ទីក្រុងបានចំណាយប្រាក់ឧបត្ថម្ភដល់ប្រជាជនជាង ៦.៥លាននាក់។ ប៉ុន្តែនៅតែមានស្រុក Củ Chi, Bình Tân និង Bình Chánh នៅយឺតពេល មិនទាន់បានផ្តល់ប្រាក់ឧបត្ថម្ភដល់ប្រជាជន មកពីខ្វះថវិកា... ដោយហេតុនេះហើយ មន្ទីរបានស្នើដល់មន្ទីរហិរញ្ញវត្ថុ រួសរាន់ផ្តល់ប្រឹក្សាដល់ គណៈកម្មាធិការប្រជាជនក្រុង ដើម្បីបន្ថែមថវិកា សម្រាប់មូលដ្ឋានទាំងនេះ បានផ្តល់ប្រាក់ឧបត្ថម្ភដល់ប្រជាជន សម្រាប់ដំណាក់កាលទី៣។
៤.ជ្រូករស់បានកើនឡើងថ្លៃ
ក្រុមហ៊ុន និងគ្រួសារចិញ្ចឹមជ្រូកជាច្រើននៅភាគខាងត្បូង បាននិយាយថា ជ្រូករស់ បានលក់ចេញក្នុងតម្លៃពី 55,000 - 58,000 ដុង/គីឡូក្រាម អាស្រ័យតាមប្រភេទ គឺកើនពី 2,000 - 4,000 ដុង បើធៀបនឹងកម្រិតទាបជាង នៅសប្តាហ៍មុន។ ថ្លៃសាច់ជ្រូកដុំ លក់នៅផ្សារបោះដុំ Hóc Môn (ក្នុងទីក្រុងហូជីមិញ) ពី៦៨.០០០ ដល់ ៧៧.០០០ដុងក្នុងមួយគីឡូក្រាម អាស្រ័យតាមប្រភេទ, គឺកើនពី ៣.០០០ដុង ដល់ ៤.០០០ដុងក្នុងមួយគីឡូក្រាម បើធៀបនឹងប៉ុន្មានថ្ងៃមុន ។
ព័ត៍មានអន្តរជាតិ
៥.ហ្គាតេម៉ាឡា៖ វ៉ាក់សាំងផុតកំណត់រាប់លានដូស
មកពីគ្មានការសហការជាមួយគ្នាយ៉ាងស្អិតរមួត ក្នុងយុទ្ធនាការកាត់បន្ថយការកង្វល់អំពីវ៉ាក់សាំងនោះ ដែលបំផុសដោយរដ្ឋាភិបាលហ្គាតេម៉ាឡា បាននាំឱ្យវ៉ាក់សាំង Covid-19 រាប់លានដូស ត្រូវផុតកំណត់នៅក្នុងប្រទេសនេះ ខណៈដែលប្រជាជនហ្គាតេម៉ាឡាជាងពាក់កណ្តាល មិនទាន់បានចាក់វ៉ាក់សាំងដូសដំបូង។
៦.ឥណ្ឌូនេស៊ី៖ ប្រជាជនភាគច្រើនមានអង្គបដិប្រាណចំពោះ Covid-19
យោងតាមកាសិក្សាថ្មីបំផុត ដែលធ្វើឡើងដោយរដ្ឋាភិបាលនៃប្រទេសឥណ្ឌូនេស៊ីក្នុងខែមីនា ឆ្នាំ 2022 បានបង្ហាញថា ប្រជាជននៃប្រទេសនេះស្ទើរតែទាំងអស់ បានបង្កើតអង្គបដិប្រាណប្រឆាំងនឹងជំងឺ Covid-19 ។ តួលេខនេះ គឺខ្ពស់ជាងអត្រា 87% ដែលត្រូវបានកត់ត្រានៅក្នុងការសិក្សាកាលពីខែធ្នូ ឆ្នាំ 2021។
៧.ផ្សារទំនើបខាតតូច ត្រូវរលំនៅឥណ្ឌូនេស៊ី
ផ្សារទំនើបខ្នាតតូចមួយ នៅស្រុក Banjar ខេត្ត Kalimantan ខាងត្បូង (នៃប្រទេសឥណ្ឌូនេស៊ី) ស្រាប់តែត្រូវបាក់ស្រុត បានកប់មនុស្សជាច្រើននាក់។ ហើយកិច្ចការជម្លៀស និងសង្គ្រោះ ត្រូវបានអនុវត្តយ៉ាងឆាប់រហ័ស ប៉ុន្តែអាជ្ញាធរនៃប្រទេសនេះ បានបារម្ភខ្លាំង មកពីអាចមានមនុស្សជាច្រើន ត្រូវស្លាប់ក្នុងការរលំអាគារនេះ។
៨.ប្រទេសកូរ៉េខាងត្បូងបានលុបកំណត់ការរឹតបន្តឹងជំងឺកូវីដ-១៩មួយចំនួន
ប្រទេសកូរ៉េខាងត្បូង បានដកការរឹតបន្តឹងចំពោះការទប់ស្កាត់នឹងជំងឺ COVID-19 មួយចំនួន នេះត្រូវបានចាត់ទុកថា ជាជំហានសំខាន់មួយ ក្នុងការវិលត្រឡប់មក ស្ថានភាពធម្មតាវិញ បន្ទាប់ពីកំណត់មួយចំនួន ត្រូវបានអនុវត្តដំបូង ចាប់ពីខែមីនាឆ្នាំ 2020។ រដ្ឋាភិបាលនៃប្រទេសកូរ៉េខាងត្បូងសង្ឃឹមថា ការដកការបទកំណត់រឹតបន្តឹងនេះ នឹងជួយជំរុញការស្តារឡើងវិញ នៃការចំណាយផ្ទាល់ខ្លួន ខណៈដែលសកម្មភាពរបស់ប្រជាជននឹងត្រឡប់មកធម្មតាវិញ មុនការរាតត្បាតរបស់ជំងឺកូវីដ-១៩ ។