ឱកាសអភិវឌ្ឍន៍ពីបណ្តាពិធីបុណ្យប្រពៃណីរបស់បងប្អូនជនជាតិភាគតិច - Tiếng Khmer 2/2/2021

CƠ HỘI PHÁT TRIỂN TỪ LỄ HỘI TRUYỀN THỐNG

CỦA CÁC DÂN TỘC

ឱកាសអភិវឌ្ឍន៍ពីបណ្តាពិធីបុណ្យប្រពៃណីរបស់បងប្អូនជនជាតិភាគតិច

ខេត្ត Bình Phước គឺជាតំបន់មួយ មានបងប្អូនជនជាតិភាគតិចចំនួន ៤០ ជាមួយមនុសុសចំនួន ១៩៥.៦៥៩ នាក់, ស្មើនឹង ១៩,៦៧% នៃចំនួនប្រជាជនទាំងមូលក្នុងខេត្ត បានបង្កើតចេញនូវភាពចម្រុះនៃអត្តសញ្ញាណវប្បធម៌, ពិសេសគឺពិធីបុណ្យប្រជាប្រិយតែម្តង។  បណ្តាពិធីបុណ្យនេះ សមស្របនឹងទំនៀមទម្លាប់ ដែលត្រូវបានពង្រឹង តម្លៃវប្បធម៌ប្រពៃណីរបស់ជាតិ,ឆ្លើយតបនឹងតម្រូវការខាងព្រលឹងវិញ្ញាណសម្រាប់ប្រជាជន។ ការអភិរក្ស និងពង្រឹង តម្លៃវប្បធម៌ប្រពៃណីនេះ ត្រូវបានបណ្តាថ្នាក់ បណ្តាផ្នែក ក្នុងខេត្ត Bình Phước អនុវត្ត និងទទួលបានលទ្ធផលគួរឲ្យលើកទឹកចិត្ត។

សព្វថ្ងៃនេះ ខេត្ត Bình Phước មានឃុំ, សង្កាត់ ទីរួមស្រុកតំបន់បងប្អូនជនជាតិភាគតិច និងតំបន់ភ្នំចំនួន ១០៧, ក្នុងនោះ ប្រជាជននៅ២៨ឃុំ នៅមានជីវភាពរស់នៅក្រលំបាក និងមានរហូតដល់ទៅ ១០ឃុំ និង ៥១ភូមិ ស្ថិតក្នុងរបបលំបាកខ្លាំង។ លោក Lý Trọng Nhân ជាប្រធានគណៈជនជាតិខេត្ត បានឲ្យដឹងថា ប៉ុន្មានឆ្នាំកន្លងទៅ កិច្ចការជនជាតិ តែងតែត្រូវបានរដ្ឋអំណាច និងអង្គការមហាជននានាយកចិត្តទុកដាក់។  មានគោលនយោបាយជាច្រើន ត្រូវបានឧបត្ថម្ភដល់បងប្អូនជនជាតិ ហើយក៏មានការប្រែប្រួលយ៉ាងសកម្មផងដែរ។ ក្នុងដំណាក់កាលនវ ពិធីបុណ្យនានារបស់បងប្អូនគ្រប់ជនជាតិ មិនត្រឹមតែត្រូវបានពង្រឹងនូវតម្លៃវប្បធម៍ប្រពៃណីប៉ុណ្ណោះទេ គឺថែមទាំង នូវបានបង្កើតចេញនូវឱកាស សម្រាប់នាំមកនូវតម្លៃសេដ្ឋកិច្ចទៀតផង ដោយតាមរយៈការជំរុញផ្នែកទេសចរណ៍។

នៅខែកត្តឹកតាមច័ន្ទគតិរៀងរាល់ឆ្នាំ ប្រជាជនជនជាតិ S’tiêng នៅខេត្ត Bình Phước បានរៀបចំពិធីបុណ្យសែនស្រូវថ្មី។ បានដឹងថា នេះជាពិធីបុណ្យមួយធំជាងគេក្នុងឆ្នាំរបស់បងប្អូនជនជាតិ S’tiêng សម្រាប់ដឹងគុណដល់អទិទេព, ដល់ព្រះធរណី ដែលបានថែរក្សាឲ្យបងប្អូនជនជាតិក្នុងភូមិ បន្ទាប់ពីរដូវប្រមូលផលយ៉ាងច្រើនសន្ធឹកសន្ធាប់, ព្រមទាំង បានបួងសួងសុំឲ្យមានធាតុអាកាសអំណោយផល ទទួលផលដំណាំបរិបូរណ៍។ ឆ្នាំនេះ ពិធីបុណ្យសែនស្រូវថ្មី របស់បងប្អូនជនជាតិ S’tiêng មានការចូលរួមពីបណ្តាអង្គភាពទ័ពដែលបានបោះជំរុំក្នុងស្រុក Bù Ðốp ដូចជា៖ កងវរសេនាធំលេខ ៧១៧ (កងពល ១៦), ប៉ូស្តិ៍ការពារព្រំដែនរបស់កងទ័ពការពារព្រំដែនខេត្ត Bình Phước....ជាដើម។ បានបង្កើតឡើងនូវបរិយាកាសពិធីបុណ្យយ៉ាងសប្បាយរីករាយ ទទួលឆ្នាំថ្មីប្រកបដោយភាពកក់ក្តៅរវាងប្រជាជននិងកងទ័ព។ បច្ចុប្បន្ននេះ ពិធីបុណ្យនានា ពិសេសពិធីសែនស្រូវថ្មីរបស់បងប្អូនជនជាតិ S’tiêng មិនសូវមានលក្ខណៈជាសាសនាដូចមុនទៀតឡើយ ប៉ុន្តែ ពិធីនានានៅតែត្រូវបានបងប្អូនថែរក្សា ។ បន្ទាប់ពីពិធីសែន ចាស់ភូមិ គឺជាអ្នកបានបើកស្រាដំបូង និងអញ្ជើញភ្ញៀវចូលរួមពិសារស្រា, បាយក្រឡាន,  សាច់អាំង  និងទស្សនាការសម្តែង សិល្បៈដ៏ពិរោះៗ សម្តែងដោយកំលោះនិងក្រមុំៗជនជាតិ S’tiêng ។

នៅខេត្ត Bình Phước មានបងប្អូនជនជាតិភាគច្រើនជនជាតិរស់នៅ ដូចជា បងប្អូនជនជាតិ S’tiêng, M’Nông, Khmer, Châu Mạ ....ដែលមានពិធីបុណ្យដ៏ល្អឯងជាច្រើន។ ហើយពិធីបុណ្យនិមួយៗ សុទ្ធតែពោពេញដោយអត្តសញ្ញាណពិសេស ប្រចាំជនជាតិខ្លួន។ ដូចជាពិធីបុណ្យចងសម្ព័ន្ធមិត្តរវាងបងប្អូនជនជាតិ M’Nông និង Châu Mạ នៅឃុំ្ Ðồng Nai ដែលជាសកម្មភាពខាងជំនឿប្រចាំជនជាតិដ៏ល្អពិសេស ពោពេញដោយតម្លៃខាងវប្បធម៍, ជាវប្បធម៍នៃមនុស្សជាតិ បានឆ្លុះបញ្ចាំងនូវលក្ខណៈពិសេសវប្បធម៍របស់សហគមន៍បងប្អូនជនជាតិ M’Nông និង Châu Mạ និយាយដោយឡែក និងសហគមន៍បងប្អូនបណ្តាជនជាតិភាគតិចនៅតំបន់នេះនិយាយរួម។ ការរៀបចំពិធីបុណ្យម្តងៗ គឺជាឱកាសមួយ សម្រាប់សហគមន៍បងប្អូនជនជាតិនានាក្នុងតំបន់ បានសម្តែងនូវចំណងទំនាក់ទំនងជិតស្និត, ចំណងសមគ្គីភាព, ជួយគ្នាទៅវិញទៅមកក្នុងជីវភាពរស់នៅ ក៏ដូចជា ក្នុងការបង្កបង្កើនផល។

លោក Ðỗ Minh Trung ជានាយករងមន្ទីរវប្បធម៍ កីឡា និងទេសចរណ៍ខែត្ត Bình Phước បានចែករំលែកថា៖ “ប៉ុន្មានឆ្នាំកន្លងមកនេះ ផ្នែកវប្បធម៍ បានរៀបចំនូវវគ្គបង្ហាត់បង្រៀនវាយស្គ, រៀបចំការសង់ឡើងវិញនូវបណ្តាពិធីបុណ្យល្អៗពិសេស, ស្វែងរកបតិកភ័ណ្ឌអរូបបី, ចំណាយថវិការ អភិរក្សសិប្បកម្មធ្វើដោយដៃប្រពៃណី។ ផ្នែកបានដោះស្រាយដោយប្រសិទ្ធិភាព នូវទំនាក់ទំនងរវាងការអភិរក្ស និងពង្រឹងបណ្តាតម្លៃរបស់បតិកភ័ណ្ឌវប្បធម៍. ព្រោះ មកពីអភិរក្សតែមួយមុខ បើសិនមិនធ្វើអាជីវកម្មទេ នឹងខ្ចះខ្ចាយណាស់ ព្រមទាំងបន្ថយការពង្រឹងនៃតម្លៃ; ហើយបើសិនជាមានតែពង្រឹង តែមិនអភិរក្សនោះទេ ដូចជាបំផ្លាញបតិកភ័ណ្ឌអីចឹង។ យើងខ្ញុំបានជំរុញតួនាទីរបស់ប្រជាជន ក្នុងការអភិរក្ស និងពង្រឹង; បង្កើនការបណ្តុះបណ្តាលធនធានមនុស្ស, រួមមាន ជួរអ្នកគ្រប់គ្រង, ជួរអ្នកស្រាវជ្រាវ, ជាង, វិចិត្រករ, អ្នកយាមការពារបេតិកភ័ណ្ឌ។ ទន្ទឹមនឹងនោះ ត្រូវចងសម្ព័ន្ធជាមួយបណ្តាក្រុមហ៊ុនទេសចរណ៍ សម្រាប់ពួកគាត់រៀបចំធួរ និងខ្សែរយៈទេសចរណ៍មកលេងពិធីបុណ្យនានាក្នុងខេត្ត”៕

 

 

 

 

 

LÀM GIÀU DƯỚI TÁN RỪNG

ធ្វើមានធ្វើបាននៅក្រោមម្លប់ព្រៃឈើ

តំបន់អភិរក្សធម្មជាតិ Thần Sa - Phượng Hoàng បានគ្របដណ្តប់យ៉ាងធំទូលាយក្នុងឃុំ និងទីរួមស្រុកក្នុងចំនួន ៨ ស្ថិតក្នុងស្រុក Võ Nhai (ក្នុងខេត្ត Thái Nguyên)ដែលមានប្រជាជនជាង ២១.០០០ នាក់, ភាគច្រើនគឺបងប្អូនជនជាតិភាគតិច  Tày, H’Mông, Dao ។ ដើម្បីជួយឲ្យប្រជាជនបានការពារព្រៃផង និងបានបង្កើនប្រាក់ចំណូលផង គឺរយៈពេលកន្លងមក គណៈគ្រប់គ្រងព្រៃឈើពិសេស នៃខេត្ត Thái Nguyên បានអនុវត្តរូបភាពគំរូ ដាំរុក្ខជាតិឱសថនៅក្រោមម្លប់ព្រៃឈើ បាននាំមកលទ្ធផលគួរជាទីគាប់ចិត្ត។

តំបន់អភិរក្សធម្មជាតិ Thần Sa - Phượng Hoàng មានទំហំ ២០,០០០ ហិកតា, ក្នុងនោះមានវត្ថុបុរាណរបស់មនុស្សបុរាណ “ ដំបូលថ្ម Ngườm” ដ៏ល្បី ត្រូវបានចំណាត់ថ្នាក់ជាវត្ថុបុរាណប្រវត្តិសាស្ត្រនិងវប្បធម៌កម្រិតជាតិ។ ប្រព័ន្ធអេកូឡូស៊ីព្រៃឈើថ្មកំបោរដ៏ល្អឯក, ពោពេញដោយលក្ខណៈជីវចម្រុះសំបូរបែប ជាមួយនឹងធនធានសត្វ និង រុក្ខជាតិដ៏កម្រ និងមានតម្លៃជាច្រើន ដូច្នេះវាចាំបាច់ត្រូវការការពារឱ្យបានម៉ឺងម៉ាត់ ដើម្បីអភិរក្សនិង ពង្រឹងតម្លៃ ។ក៏ប៉ុន្តែ  ឃុំៗ ដែលស្ថិតក្នុងតំបន់អភិរក្សធម្មជាតិ គឺជាឃុំដាច់ស្រយាល ក្នុងខេត្ត Thái Nguyên ភាគច្រើនជាជនជាតិភាគតិចរស់នៅក្នុងតំបន់ស្នូល និងតំបន់ទ្រនាប់, ចំណេះរបស់ប្រជាជននៅទាប និងស្មើរគ្នា និងជីវភាពរស់នៅជួបការលំបាក។

ប្រឈមនឹងស្ថានភាពបែបនេះ ដើម្បីអនុវត្តបានល្អការគ្រប់គ្រង និងការការពារព្រៃឈើឱ្យបានល្អ, បង្កើនប្រាក់ចំណូលជូនប្រជាជន, កាត់បន្ថយសម្ពាធលើការការពារព្រៃឈើ និងអភិរក្សជីវៈចម្រុះនៅក្នុងតំបន់បម្រុងនោះ គឺប៉ុន្មានឆ្នាំកន្លងមក គណៈគ្រប់គ្រង ព្រៃឈើ បានចុះ ប្រគល់ព្រៃឈើជូនប្រជាជនគ្រប់គ្រងនិងការពារជាង ១៤.០០០ ហិកតា ដោយគិតជាមធ្យមគឺបានទទួលប្រាក់ ៣០០.០០០ ដុង / ហិកតា / ឆ្នាំ។

ចាប់ពីឆ្នាំ ២០២០ គឺបានចាប់ផ្តើមអនុវត្តរូបភាពគំរូដាំដើមប៉ាគីច, យិនសិនខ្សាច់, និងរុក្ខជាតិឱសថមួយចំនួនទៀតនៅក្រោមម្លប់ឈើ សម្រាប់ពង្រឹងនូវ សក្តានុពល និង ប្រៀបខ្លាំងរបស់ដីធ្លី និងធាតុអាកាស, បង្កើតនូវមុខរបរចិញ្ចឹមជីវិតយូរអង្វែងសម្រាប់ប្រជាជនក្នុងតំបន់។ លោក Nông Văn Nhận រស់នៅភូមិ Bản Chương ឃុំ Sảng Mộc បានចែករំលែកថា៖  “គ្រួសារខ្ញុំ បានរស់នៅក្នុងតំបន់អភិរក្សធម្មជាតិនេះ អស់រយៈពេលច្រើនឆ្នាំមកហើយ, ហើយសេដ្ឋកិច្ចភាគច្រើន បានពឹងផ្អែកលើការដាំស្រូវ និងដាំពោត បានជាប្រាក់ចំណូលទាបណាស់។ ពេលត្រូវបានគណៈគ្រប់គ្រងព្រៃពិសេស ខេត្ត Thái Nguyên ជ្រើសរើសឲ្យអនុវត្តនូវរូបភាពគំរូដាំរុក្ខឱសថ ក្រុមគ្រួសារខ្ញុំត្រូវបានណែនាំនូវបច្ចេកទេស និង វិធីដាំដុះព្រមទាំង ត្រូវបានឧបត្ថម្ភពូជដំនាំ និងជីបំប៉នដំណាំទៀតផង។ ដោយបានអនុវត្តបច្ចេកទេសត្រឹមត្រូវ បានជៃរុក្ខជាតិលូតលាស់ល្អ សង្ឃឹមថា នឹងទទួលបានប្រាក់ចំណូលខ្ពស់” ។ ក៏ដូចក្រុម គ្រួសារនេះដែរ គឺមានក្រុមគ្រួសារមួយចំនួនក្នុងភូមិសាស្រ្តឃុំ Sảng Mộc បានចូលរួមដាំរុក្ខឱសថចំនួន ៦ ហិកតានៅក្រោមម្លប់ព្រៃ ហើយមកដល់ពេលនេះ រុក្ខជាតិបានលូតលាស់ល្អ ត្រូវបានទទួលការកោតសរសើរយ៉ាងខ្លាំងពីអង្គភាពជំនាញ មកពីបានឆ្លើយតបនឹងតម្រូវការខាងគុណភាព បានជានៅពេលប្រមូលផល អាចនាំមកប្រាក់ចំណូលខ្ពស់ អាចឡើងដល់រាប់រយលានដុង / ហិកតា។

លោក Nguyễn Quang Lịch ជាប្រធានគណៈកម្មាធិការគ្រប់គ្រងការព្រៃពិសេស ខេត្ត Thái Nguyên បានមានប្រសាសន៍ថា គណៈគ្រប់គ្រង បានជ្រើសរើសយកគ្រួសារដែលញមានលទ្ធភាពវិនិយោគ, ចេះអនុវត្តវិទ្យាសាស្ត្រ បច្ចេកវិទ្យា និងមានទីតាំងងាយស្រួលសម្រាប់ការទស្សនា និងផ្លាស់ប្តូរបទពិសោធន៍ ជាមួយតំបន់ជិតខាង ជាពិសេសរុក្ខឱសថ មានតម្លៃសេដ្ឋកិច្ចខ្ពស់ នាំមកប្រាក់ចំណូលដល់ប្រជាជន បានជា នារយៈពេលមុខ នឹងពង្រីករូបភាពគំរូនេះ ដល់បណ្តាឃុំផ្សេងទៀត។ ដល់ពេលប្រមូលផលឱសថ គណៈគ្រប់គ្រង នឹងភ្ជាប់ជាមួយបណ្តាអង្គភាពប្រមូលទិញ និងក្រុមហ៊ុនឱសថ សម្រាប់ណែនាំប្រជាជនច្នៃរុក្ខឱសថផ្នែកដំបឋម, ណែនាំការថែរក្សា ព្រមទាំងទទួលប្រមូលទិញផលិតផល ក្នុងតម្លៃសមរម្យ ជៀសវាងការដណ្តើមគ្នាទិញ ដណ្តើមគ្នាលក់ ដើម្បីនាំមកនូវប្រាក់ចំណូលប្រចាំ ជំរុញការដាំដុះ ទាញយកសក្តានុពល, អភិវឌ្ឍរុក្ខជាតិឱសថនៅក្រោមព្រៃ គឺជាទិសដៅនៃការអភិវឌ្ឍសេដ្ឋកិច្ចប្រកបដោយចីរភាពសម្រាប់បងប្អូនជនជាតិភាគតិច ដែលរស់នៅតំបន់ស្នូល, តំបន់ទ្រនាប់ រួមចំណែកយ៉ាងសកម្មក្នុងការការពារតំបន់អភិរក្សធម្មជាតិនេះ។

 

 

 

 

VOH

Bình luận

Cùng chuyên mục

Đọc Báo