ព័ត៌មាននៅក្នុងប្រទេស

១.លោកនាយករដ្ឋមន្រ្តី Nguyễn Xuân Phúcបានចូលរួមពិធីគម្រប់ខួប ១២០ ឆ្នាំនៃការបង្កើតខេត្ត Trà Vinh

ថ្មីៗនេះ ខេត្ត Trà Vinh  បានប្រារព្ធពិធីអបអរសាទរខួបលើកទី ១២០ នៃការបង្កើតខេត្តTrà Vinh  និងទទួលមេដាយពលកម្មថ្នាក់ទី ១ ។ លោកនាយករដ្ឋមន្ត្រីលោក Nguyen Xuan Phuc បានអញ្ជើញចូលរួមនិងថ្លែងសុន្ទរកថា។ អញ្ជើញចូលរួមមានលោក Nguyễn Thiện Nhân ជាមាជិកការិយាល័យនយោបាយ, ជាលេខាគណៈកម្មាធិការបក្សទីក្រុងហូជីមិញ, និងតំណាងមកពីក្រសួង, ផ្នែក និងមូលដ្ឋាននានានៅតំបន់ដីសណ្តទន្លេគីវឡុង។

ក្នុងឱកាសបុណ្យអំណរបុណ្យចូលឆ្នាំថ្មីបុណ្យថ្មី  ២០២០ តាងនាមឲ្យថ្នាក់ដឹកនាំបក្សនិងរដ្ឋលោកនាយករដ្ឋមន្រ្តីបានប្រគល់មេដាយពលកម្មថ្នាក់ទី ១ ជូនខេត្តត្រាវិញ; ជូនពរគណៈកម្មាធិការបក្ស កងទ័ព និងប្រជាជនខេត្តត្រាវិញ នូវឆ្នាំថ្មីទទួលបានជោគជ័យ សប្បាយរីករាយ និងសុភមង្គល។

២- ចុះហត្ថលេខាលើកិច្ចព្រមព្រៀងសហប្រតិបត្តិការលើការស្រាវជ្រាវផលិតវ៉ាក់សាំងបង្ការជំងឺប៉ែសជ្រូកអាហ្រ្វិក និងជំងឺអុតក្តាម។

ថ្មីៗនេះ នៅទីក្រុងហាណូយនាយកដ្ឋានបសុពេទ្យ(ក្រសួងកសិកម្មនិងអភិវឌ្ឍន៍ជនបទ) និងបណ្តុំក្រុមហ៊ុនCeva(ប្រទេសបារាំង), បណ្តុំក្រុមហ៊ុន Dabaco បានចុះហត្ថលេខាលើកិច្ចព្រមព្រៀងសហប្រតិបត្តិការក្នុងការស្រាវជ្រាវនិងផលិតវ៉ាក់សាំងការពារជំងឺប៉ែស្តជ្រូកអាហ្វ្រិក និងជំងឺអុតក្តាម ដើម្បីអនុវត្តឲ្យបានល្អជាងទៀតការការពារ និងគ្រប់គ្រងជំងឺសត្វឱ្យកាន់តែប្រសើរ, បង្ករលក្ខខណ្ឌងាយស្រួលសម្រាប់ផ្នែកចិញ្ចឹមសត្វ, អាជីវកម្មដ្ឋាន និងកសិករនឹងនរចិត្តពង្រីកការផលិតកម្ម។

៣.ឆ្នាំ ២០១៩ ពលករវៀតណាមជាង ១៥២ ០០០ នាក់ទៅធ្វើការនៅក្រៅប្រទេស

នៅក្នុងសន្និសីទសារព័ត៌មាន ដែលរៀបចំឡើងនៅទីក្រុងហាណូយ, នាយកដ្ឋានគ្រប់គ្រងពលករក្រៅប្រទេស (នៃក្រសួងពលកម្ម-យុទ្ធជនពិការ និងសង្គមកិច្ច) បាន ឲ្យដឹង ថា៖ ឆ្នាំ ២០១៩ សរុបពលករវៀតណាមសបានទៅធ្វើការនៅក្រៅប្រទេសបានចំនួន ១៥២.៥៣០ នាក់, សម្រេចបាន ១២៧,១% នៃផែនការ។ នាយកដ្ឋានគ្រប់គ្រងពលករក្រៅប្រទេសបាននិយាយថា គោលដៅនៅឆ្នាំ ២០២០ គឺបន្តបញ្ជូនពលករចំនួន ១៣០.០០០ នាក់ទៅធ្វើការនៅក្រៅប្រទេសដោយផ្តោតលើទីផ្សារដែលមានប្រាក់ចំណូលខ្ពស់។

៤.ពិន័យជាប្រាក់ចំនួន ៧០ លានដុងចំពោះក្រុមអ្នកពិនិត្យជំងឺខុសច្បាប់

តំណាងអធិការកិច្ចនៃមន្ទីរសុខាភិបាលខេត្ដ Cà Mau  បាន ឲ្យដឹងថា, គណៈកម្មាធិការប្រជាជនខេត្ត Ca Mau ទើបមានសេចក្តីសម្រេចផាកពិន័យបែបរដ្ឋបាលចំនួន ៧០ លានដុងចំពោះលោកស្រី Nguyễn Thị Nghê (ឆ្នាំកំណើត ១៩៨៥) មកពីមានទង្វើផ្តល់សេវាពិនិត្យ និងព្យាបាលដោយគ្មានការអនុញ្ញាតធ្វើសកម្មភាព។

ក្រៅពីការពិន័យនេះ លោកស្រី Nghê  ត្រូវបង្ខំឲ្យផ្អាកធ្វើសកម្មភាពក្នុងរយៈពេល ១២ ខែ ព្រមទាំំងត្រូវសងលុយទាំងអស់ ដែលបានប្រមូលពីប្រជាជនក្នុងខេត្ត Cà Mau.

៥. រកឃើញសំបុកជំងឺផ្តាសាយ H1N1 នៅខេត្ត Bac Kan

យោងតាមមណ្ឌលសុខភាពស្រុក Na Rì (Bắc Kạn),  គឺអង្គភាពនេះទើបរកឃើញមានសំបុកជំងឺផ្តាសាយ H1N1 នៅក្នុងតំបន់។

បានដឹងថា ពីថ្ងៃទី ៨ ដល់ ១៣ ខែមករា, នៅវិទ្យាល័យជនជាតិភាគតិចក្នុងស្រុក Na Rìមានសិស្សចំនួន ៨៦ នាក់ដែលមានរោគសញ្ញាកើតជំងឺ។ ក៏ប៉ុន្តែ មកដល់ពេលនេះសិស្ស ៣៩ នាក់នេះ បានជាសះស្បើយហើយ, ​ហើយសិស្សនៅសល់ កំពុងត្រូវបានព្យាបាលយ៉ាងសកម្មនៅសាលា។ ស្រុក Na Rì បានណែផ្នែកមានសមត្ថកិច្ចត្រូវបញ្ឈប់ហ៊ុំព័ទ្ធសំបុកជំងឺ និងផ្សព្វផ្សាយដល់ប្រជាជនអំពីវិធីការពារជំងឺ; តាមដានករណីកើតជំងឺ;  រៀបចំសំភារៈសំរាប់បំរើការបង្ការទប់ស្កាត់ជំងឺ។

ព័ត៌មានអន្តរជាតិ

៦.ប្រទេសឥណ្ឌូណេស៊ី៖ អំពាវនាវឱ្យមានការវិនិយោគដើម្បីសាងសង់រដ្ឋធានីថ្មី

ប្រធានាធិបតីនៃប្រទេសឥណ្ឌូនេស៊ី លោក Uy-đô-đô  អំពាវនាវដល់បណ្តាប្រទេស និងអាជីវកម្មបរទេស ធ្វើការវិនិយោគចូលក្នុងរដ្ឋធានីរដ្ឋបាលដែលនឹងបានសាងសង់ថ្មីនៅភាគខខាងកើត Ca-li-man-tan។  ថ្លែងនៅក្នុងសប្តាហ៍ប្រកបដោយនិរន្តរភាព A-bu Ða-bi  (ADSW) នាឱកាសដំណើរទស្សនកិច្ចជាផ្លូវការ ទៅកាន់ប្រទេសអារ៉ាប់រួមនោះ លោក Uy-đô-đô បានសង្កត់ធ្ងន់ថា ឥណ្ឌូនេស៊ីបានអញ្ជើញពិភពលោកនាំយក“ បច្ចេកវិជ្ជាល្អបំផុត” មករដ្ឋធានីថ្មីរបស់ខ្លួន។

៧.អាហ្វ្រិកខាងត្បូង៖ មនុស្សរាប់ពាន់នាក់បាត់បង់ការងារធ្វើ

ក្រុមហ៊ុនលក់រាយធំជាងគេនៅអាហ្វ្រិកខាងត្បូង Massmart Holdings បានប្រកាសផែនការកាត់បន្ថយការងារចំនួន ១,៤៤០ កន្លែងក៏ដូចជាហាងរាប់សិបកន្លែងនៅទូទាំងប្រទេសចំពេលមានប្រាក់ចំណូលធ្លាក់ចុះដោយសារបញ្ហាសេដ្ឋកិច្ច។

៨. ត្រូវប្រុងប្រយ័ត្ន

អង្គការសុខភាពពិភពលោក (WHO) បាននិយាយថា ខ្លួនកំពុងត្រួតពិនិត្យយ៉ាងដិតដល់ ចំពោះវីរុស corona ប្រភេទថ្មី ដែលត្រូវបានរកឃើញនៅក្នុងប្រទេសចិន បន្ទាប់ពីករណីដំបូងនៃការឆ្លងវីរុសនេះនៅខាងក្រៅប្រទេសចិន ត្រូវបានបញ្ជាក់នៅក្នុងប្រទេសថៃ។ គណៈកម្មាធិការគ្រាអាសន្នរបស់អង្គការសុខភាពពិភពលោក កំពុងកំណត់ថាតើការផ្ទុះឡើងនៅក្នុងប្រទេសចិនគឺជាស្ថានភាពបន្ទាន់សម្រាប់សហគមន៍អន្តរជាតិដែលឬអត់។

ករណីឆ្លងជំងឺដំបូង នៅក្រៅប្រទេសចិន ត្រូវបានគេរាយការណ៍ត្រូវបានរកឃើញនៅក្នុងប្រទេសថៃ។ អ្នកជំងឺជាស្ត្រីជនជាតិចិន មកពីទីក្រុងវូហាន ដែលទេសចរណ៍មកប្រទេសថៃ។ ហើយការធ្វើតេស្តសម្រាប់អ្នកជំងឺនេះបានវិជ្ជមានចំពោះវីរុសនេះ។

៩. មនុស្ស ៦៧ នាក់ត្រូវស្លាប់ដោយសារធ្លាក់ព្រិលនៅតាមព្រំដែនប៉ាគីស្ថាននិងឥណ្ឌា

មន្ត្រីជាន់ខ្ពស់នៃប្រទេសប៉ាគីស្ថានបាននិយាយថា យ៉ាងហោចណាស់មនុស្ស ៥៧ នាក់ត្រូវបានស្លាប់​ និងមនុស្សច្រើននាក់ទៀតត្រូវបាត់ខ្លួន បន្ទាប់ពីករណីបាក់ព្រិលនៅកាស្មៀរ ដែលជាតំបន់គ្រប់គ្រងដោយប៉ាគីស្ថាន។ ក្រៅពីនេះមនុស្សជាង ១០ នាក់ទៀត បានស្លាប់នៅក្នុងតំបន់ដែលគ្រប់គ្រងដោយឥណ្ឌា។

GIÁM SÁT CHẶT BỆNH VIÊM PHỔI CẤP

តាមដានឲ្យស្អិតរមួតជំងឺរលាកសួតទាន់ហន់

តាំងពីប៉ុន្មានថ្ងៃដើមឆ្នាំ ២០២០, ក្រសួងសុខាភិបាលបានចេញសេចក្តីព្រមានជាបន្តបន្ទាប់ អំពីហានិភ័យនៃជំងឺរលាកសួតទាន់ហន់ ដែលបណ្តាលមកពីក្រុមវីរុសថ្មី មកពីប្រទេសចិន បានចូលលុកលុយប្រទេសយើង, ព្រមជាមួយនោះ គឺបណ្តាជំងឺឆ្លងផ្សេងៗ បន្តមានការប្រែប្រួលយ៉ាងស្មុគស្មាញនៅលើពិភពលោក។

ក្រសួងសុខាភិបាលបានមានការព្រួយបារម្ភថា ការធ្វើដំណើរទៅមក និងពាណិជ្ជកម្មរវាងប្រទេសនានា និងបង្កើននូវហានិភ័យនៃជំងឺរាតត្បាតនានា ដែលចូលមកក្នុងប្រទេសយើងតាមរយៈច្រកព្រំដែន; ដោយហេតុនេះហើយ មូលដ្ឋាននានា ចាំបាច់ត្រូវម្ចាស់ការមានវិធានការការពារក្នុងសហគមន៍។

ប្រឈមនឹងហានិភ័យនៃជំងឺរលាកសួតទាន់ហន់នៅប្រទេសចិន ដែលរីករាលដាល និងទន្ទ្រានចូលប្រទេសយើង តាមរយៈតំបន់ច្រកទ្វារព្រំដែនភាគខាងជើងនោះ, គឺពេលនេះ ផ្នែកសុខាភិបាលនៅបណ្តាខេត្តដូចជា ខេត្ត Quảng Ninh, Lạng Sơn, Cao Bằng, Lào Cai…  កំពុងជំរុញសកម្មភាពតាមដាន និងពិនិត្យអាសន្នរោគនៅព្រំដែន។

ខេត្ត Lạng Sơn  គឺជាតំបន់មានច្រកព្រំដែនធំ ៗ ច្រើន មានផ្លូវលំ និងផ្លូវបើកច្រើន ហើយទំនិញមកពីប្រទេសចិនដឹកមកប្រទេសវៀតណាមមានចំនួនច្រើនណាស់។ លោកLý Kim Soi ប្រធានមជ្ឈមណ្ឌលពិនិត្យជំងឺអាសន្នរោគខេត្ត Lạng Sơn បាននិយាយថា គិតែនៅច្រកទ្វារអន្តរជាតិ Hữu Nghị  មានតែកម្មាភិបាលត្រួតពិនិត្យជំងឺអាសន្នរោគតែ ១១ នាក់ អមដោយឧបករណ៍កំដៅរាងកាយចំនួន ៣ ដោយហេតុនេះហើយ បានជាអ្នកដំណើរទាំងអស់ សុទ្ធតែត្រូវឆ្លងកាត់ម៉ាស៊ីនត្រួតពិនិត្យ; ក្រៅពីនេះ អង្គភាពក៏បានពង្រឹងបន្ទប់ឲ្យនៅផ្តាច់នៅច្រកទ្វារព្រំដែន, ពង្រឹងក្រុមឆ្លើយតបរហ័សហើយវិធានការបង្ការការរាតត្បាតនៃជំងឺត្រូវបានអនុវត្តឡើងវិញ។

សព្វថ្ងៃនេះ នៅទីក្រុងហូជីមិញ ផ្នែកសុខាភិបាលរបស់ទីក្រុង បានអនុវត្តវិធានការនានា ដើម្បីឆ្លើយតបនឹងហានិភ័យនៃការទន្រ្ទានជំងឺពីប្រទេសចិន។ បណ្តាអង្គភាពមានសមត្ថកិច្ចនៃផ្នែកសុខាភិបាល កំពុងតាមដានយ៉ាងដិតដល់ និងត្រៀមជាស្រេចបណ្តាផែនការឆ្លើយតប ដែដលសមស្របនឹងស្ថានភាពនីមួយៗ។ ជាក់ស្តែង៖ មជ្ឈមណ្ឌលត្រួតពិនិត្យអាសន្នរោគអន្តរជាតិទីក្រុងហូជីមិញ បានដំណើការឃ្លាំមើលនៅមាត់ច្រកទីក្រុង រួមមានព្រលានយន្តហោះ Tân Sơn Nhất  និងកំពង់ផែ  Tân Thuận, Cát Lái, Khánh Hội… ធ្វើការពិនិត្យគ្លីនិកនិង សិក្សាពីកត្តារោគរាតត្បាតដើម្បីរកមើលករណីសង្ស័យនានាដើម្បី សម្រាប់ដាក់ឲ្យ នៅដាច់មួយកន្លែង និងព្យាបាលទាន់ពេលវេលា, មិនបណ្តោយឲ្យជំងឺរាតត្បាតចូលផ្ទៃប្រទេស។ មកដល់ពេលនេះ មិនមានករណីណាគួរឱ្យសង្ស័យត្រូវបានគេរកឃើញនៅច្រកទ្វារក្នុងទីក្រុងហូជីមិញឡើយ។

 
ដើម្បីម្ចាស់ការរកឃើញឆាប់ និងរាំងខ្ទប់បានករណីសង្ស័យកើតជំងឺរាតត្បាតតាមច្រកព្រំដែននានា, នាយកដ្ឋាសុខាភិបាលបម្រុងការងារ (នៃក្រសួងសុខាភិបាល) បានមានសារាចណ៍ផ្ញើដល់មជ្ឈមណ្ឌលត្រួតពិនិត្យជំងឺអាសន្នរោគអន្តរជាតិ, មជ្ឈមណ្ឌលត្រួតពិនិត្យជំងឺ ត្រូវពបង្កើនការពិនិត្យជំងឺរាតត្បាតឆ្លងតាមច្រកព្រំដែន, អនុវត្តឲ្យត្រឹមត្រូវបណ្តាសកម្មភាពត្រួតពិនិត្យជំងឺរាតត្បាតនៅតំបន់ព្រំដែន។ ទន្ទឹមនឹងនោះ ត្រូវសហការជាមួយបណ្តាអង្គភាពពាក់ព័ន្ធនៅច្រកព្រំដែន ដើម្បីបង្កើនការត្រួតពិនិត្យជំងឺឆ្លង, នាំចូលសត្វស្លាបខុសច្បាប់គ្មានដើមប្រភព ដែលបានដឹកជញ្ជូនឆ្លងកាត់ព្រំដែន និងម្ចាស់ការអនុវត្តបណ្តាដំណោះស្រាយការពារទប់ស្កាត់ដោយប្រសិទ្ធភាព…ជាដើម៕