ព័ត៍មាននៅក្នុងប្រទេស

១.ប្រធានរដ្ឋ Nguyễn Xuân Phúc បានផ្ញើលិខិតថ្លែងអំណរគុណដល់ប្រធានាធិបតីអាមេរិកលោក Joe Biden

លោក Nguyễn Xuân Phúc ជាប្រធានរដ្ឋនៃសាធារណរដ្ឋសង្គមនិយមវៀតណាម បានផ្ញើលិខិតដល់លោកប្រធានាធិបតីអាមេរិក Joe Biden សម្រាប់ថ្លែងអំណរគុណដល់រដ្ឋាភិបាលអាមេរិក ដែលបានគាំទ្រវ៉ាក់សាំង, ថ្នាំសង្កូវ, សម្ភារៈ និងឧបករណ៍វេជ្ជសាស្ត្រ សម្រាប់ប្រទេសវៀតណាមទប់ទល់នឹងជំងឺរាតត្បាត Covid-19 ។

បានដឹងថា គិតមកដល់ពេលនេះ រដ្ឋាភិបាលអាមេរិកតាមរយៈយន្តការ COVAX បានគាំទ្រដល់ប្រទេសវៀតណាម នូវវ៉ាក់សាំងការពារជំងឺកូវីដ -១៩ ចំនួន ៨.៥ លានដូស, ក្នុងនោះវ៉ាក់សាំង Moderna ចំនួន ៥ លានដូស, វ៉ាក់សាំង Pfizer ចំនួន ៣.៥ លានដូស។ ព្រមទាំងបានឧបត្ថម្ភផ្ទាល់ដល់វៀតណាម វ៉ាក់សាំង Pfizer ចំនួន ១ លានដូស និងទូបង្កកជ្រៅចំនួន ៧៧ គ្រើងដើម្បីការពារវ៉ាក់សាំង។

២.ទីក្រុងហាណូយរៀបចំជាបន្ទាន់ដើម្បី អនុញ្ញាតិឲ្យផ្លូវដឹកជញ្ជូនជើងគោកដំណើការឡើងវិញ

មន្ទីរគមនាគមន៍និងដឹកជញ្ជូនហាណូយបានឲ្យដឹងថា ខ្លួនទើបបានចេញលិខិតជាផ្លូវការលេខ 4579/SGTVT-QLVT ស្តីអំពីការអនុវត្តសេចក្តីសម្រេចលេខ 1777/QĐ-BGTVT របស់លោករដ្ឋមន្ត្រីនៃក្រសួងគមនាគមន៍និងដឹកជញ្ជូន កំណត់ជាបណ្តោះអាសន្ន អំពីសកម្មភាពសាកល្បងការដឹកជញ្ជូនអ្នកដំណើរតាមផ្លូវគោក ដោយធានាបាននូវការសម្របដោយសុវត្ថិភាព, មានភាពបត់បែននិងការគ្រប់គ្រងដោយប្រសិទ្ធភាពការរីករាលដាលនៃជំងឺកូវីដ ១៩ ។

៣.រថយន្ដក្រុងឆ្លងខេត្តចំនួន ៨ខ្សែ បានដំណើរការនៅថ្ងៃដំបូងបើកដំណើរការឡើងវិញ - Tiếng Khmer 15/10/2021

យោងតាមរបាយការណ៍របស់នាយកដ្ឋានផ្លូវគោកវៀតណាមបានដឹងថា កាលពី ថ្ងៃទី ១៣ ខែតុលា, បណ្តាខ្សែរថយន្តដឹកជញ្ជូនអ្នកដំណើរអន្តរខេត្តនៃខេត្តចំនួន ៦ គឺ៖ Đồng Nai, Điện Biên, Bắc Giang, Quảng Trị, Quảng Bình, Ninh Bình នឹងដំណើរការឡើងវិញ។

៤.កងទ័ពការពារព្រំដែន Hà Tĩnh  បានត្រៀមកម្លាំងនិងមធ្យោបាយការពារខ្យល់ព្យុះ

សព្វថ្ងៃនេះ កងទ័ពការពារព្រំដែននៃខេត្ត Hà Tĩnh បានរក្សាកម្លាំងរបស់ខ្លួនចំនួន ១០០%, នាវា, កាណូតចំនួន ២១គ្រឿង, រថយន្តចំនួន ២២ គ្រឿង និងមធ្យោបាយផ្សេងៗទៀត សម្រាប់ត្រៀមជាស្រេចបំពេញភារកិច្ច។ បញ្ជាការដ្ឋានការពារព្រំដែនខេត្ត Hà Tĩnh ក៏បានបង្កើត ៥ ក្រុមការងារ ដើម្បីត្រួតពិនិត្យ និងបង្គាប់ការទប់ទល់នឹងខ្យល់ព្យុះនៅតំបន់នានា។

ព័ត៍មានអន្តរជាតិ

៥.សេដ្ឋកិច្ចលើទូទាំងពិភពលោកកំពុងងើបឡើងវិញជាបណ្តើរៗ

បណ្តាខឿនសេដ្ឋកិច្ចធំ ៗ របស់ពិភពលោក ចាប់ពីឆមាសទី ២ នៃឆ្នាំ ២០២០ ដល់ដើមឆ្នាំ ២០២១, ជាដំបូង បានទទួលនូវសញ្ញាសុទិដ្ឋិនិយមជាច្រើន បានធ្វើឱ្យអ្នកសង្កេតការណ៍អាចសង្ឃឹមថា អាចមានក្តីសង្ឃឹមដែលសេដ្ឋកិច្ចពិភពលោកនឹងភ្លឺស្វាងជាង។ មកពីប្រទេសភាគច្រើន លែងច្បាមជាប់នូវគោលដៅ“ សូន្យកូវីដ” ទៀតឡើយ បានជាមានកម្មវិធីស្តារសេដ្ឋកិច្ចជាច្រើន ត្រូវបានដាក់ចេញដោយមិនខ្លាចញញើត ។

៦. ADB ចំណាយ ១០០ ពាន់លានដុល្លារអាមេរិកសម្រាប់ជំនួយដល់ការទប់ទល់នឹងធាតុអាកាសប្រែប្រួល

ធនាគារអភិវឌ្ន៍អាស៊ី (ADB) បានប្រកាសថា ខ្លួននឹងផ្តល់ជំនួយ សម្រាប់ទប់ទល់ បំរែបំរួលអាកាសធាតុ ដល់ប្រទេសជាសមាជិកកំពុងអភិវឌ្ឍន៍ដល់ទៅ ១០០ ពាន់លានដុល្លារអាមេរិក នៅចន្លោះឆ្នាំ ២០១៩  និង ២០៣០។

៧.អូស្រ្តាលីគ្រោងនឹងបន្ធូរបន្ថយវិធានការបង្ការការរាតត្បាតនៅស៊ីដនី

រដ្ឋអំណាចនៃរដ្ឋ New South Wales ប្រទេសអូស្ត្រាលីបានប្រកាសថា រដ្ឋនេះ អាចបន្ធូរបន្ថយការរឹតបន្តឹងបន្ថែមទៀតនៅក្នុងទីក្រុងស៊ីដនីមុនមួយសប្តាហ៍ ប្រៀបនឹងការគ្រោងទុកនៅថ្ងៃទី ១៨ ខែតុលា ក្នុង ស្ថានភាពដែលរដ្ឋមានប្រជាជនច្រើនបំផុតរបស់ប្រទេសនេះ កំពុងឈានដល់គោលដៅចាក់វ៉ាក់សាំងកូវីដ បានពីរដូស ដល់ប្រជាជនចំនួន ៨០% ។

៨. Israel: អ្នកស្លាប់ ៧០% គឺជាអ្នកមិនបានចាក់វ៉ាក់សាំងការពារជំងឺកូវីដ ១៩

ក្រសួងសុខាភិបាលនៃប្រទេសអ៊ីស្រាអែលបាននិយាយថា ចំនួនករណីឆ្លងកូវិដ-១៩ កម្រិតធ្ងន់ធ្ងរនៅប្រទេសនេះ បានថយចុះប្រមាន ៦០% ក្នុងរយៈពេលបីសប្តាហ៍កន្លងមកនេះ ដែលជាកំរិតទាបបំផុតក្នុងរយៈពេលពីរខែ។ ក៏ប៉ុន្តែ ប្រការគួរឲ្យកត់សម្គាល់គឺ អ្នកស្លាប់ភាគច្រើនគឺជាអ្នកមិនទាន់បានចាក់វ៉ាក់សាំងការពារជំងឺ។