ព័ត៌មាននៅក្នុងប្រទេស
១.អនុវត្តជាបន្ទាន់កញ្ចប់ជំនួយដល់អាជីវកម្មដ្ឋាន
កញ្ជប់ជំនួយឥណទានប្រមាណ ២៥០ពាន់លានដុង និងជំនួយឆ្នាំសារពើពន្ធប្រមាណ ៣០ពាន់លានដុង កំពុងត្រូវបានបណ្តាក្រសួង និងផ្នែកអនុវត្តជាបន្ទាន់ភ្លាមក្នុងខែមិនានេះ ដោយយោងតាមស្មារតីនៃសារចរលេខ 11/CT-TTg របស់លោកនាយករដ្ឋមន្ត្រី សម្រាប់ដោះស្រាយរាល់ការលំបាកនានា ក្នុងការផលិតកម្ម និងអាជីវកម្ម។ បានដឹងថា នេះជាលក្ខណៈចម្បង សម្រាប់ធានាការអនុវត្ត “ភារកិច្ចអម” គឺការពារ និងទប់ទល់នឹងការរាតត្បាតនៃជំងឺ Covid-19 ផង និងសម្រាប់អភិវឌ្ឍន៍សេដ្ឋកិច្ច សង្គកិច្ចផង។
២.ខេត្ត Kiên Giang បានពិនិត្យ និងគ្រប់គ្រងយ៉ាងតឹងរឹងចំពោះនាវានេសាទសមុទ្រ
ខេត្ត Kiên Giang កំពុងអនុវត្តដំណោះស្រាយនានា សម្រាប់រាំងខ្ទប់រាល់សកម្មភាពនេសាទមច្ឆាជាតិខុសច្បាប់ មិនរាយការណ៍ និងមិនគោរពតាមបទកំណត់(IUU) សម្រាប់ជំនួយក្នុងការលុបចោល “កាតលឿង” របស់សហភាពអឺរ៉ុប។ ក្រៅពីការបង្កើតបណ្តាក្រុមត្រួតពិនិត្យ, ធ្វើការត្រួតពិនិត្យជាក់ស្តែង, ត្រួតពិនិត្យយ៉ាងតឹងរឹងចំពោះនាវានេសាទត្រីកំពុងធ្វើសកម្មភាពនោះ គឺខេត្តបានដំឡើងហើយស្រេច នូវឧបករណ៍តាមដានដំណើរដាក់ក្នុងនាវានេសាទត្រី និងផាកពិន័យយ៉ាងតឹងរឹងចំពោះករណីល្មើស…បានដឹងថា សព្វថ្ងៃនេះ ខេត្ត Kiên Giang បានដំឡើងឧបករណ៍តាមដានដំណើរដល់នាវានេសាទត្រីចំនួន ៣.៣៣៦គ្រឿង…។
៣.ត្រីចិញ្ចឹមក្នុងបែត្រូវងាប់ជាបន្តបន្ទាប់នៅខេត្ត Hải Dương គឺមកពីប្រភពទឹកកខ្វក់
សាខានាយកដ្ឋានជលផល នៃមន្ទីរកសិកម្ម និងអភិវឌ្ឍន៍ទីជនបទខេត្ត Hải Dương បានឲ្យដឹងថា មូលហេតុដែលបណ្តាលឲ្យត្រីចិញ្ចឹមក្នុងបែចំនួន ៦០គ្រឿង លើទន្លេ Thái Bình ត្រូវងាប់ជាបន្តបន្ទាប់ មិនមែនមកពីជំងឺរាតត្បាតនោះទេ គឺមកពីទឹកត្រូវបំពុល។ បានដឹងថា មុននោះ នៅថ្ងៃទី ៦ និងទី៧ ខែមិនា ត្រីចិញ្ចឹមក្នុងបែនៅទីនេះត្រូវងាប់ជាបន្តបន្ទាប់។ ហើយមកដល់ពេលនេះ ស្ថាប័នមានសមត្ថកិច្ចកំពុងកសាងនូវដំណោះស្រាយជំនួយដល់ប្រជាជនដែលត្រូវរងការខូចខាត។
៤. បាននាំចេញសាច់មាន់កែច្នៃស្រាប់ជាផ្លូវការទៅកាន់ទីផ្សារនៃប្រទេសសុរស្សី
នាយកដ្ឋានពេទ្យសត្វបានឲ្យដឹងថា ស្ថាប័នត្រួតពិនិត្យសុខភាពសត្វ នៃសហព័ន្ធរុស្សីបានមានលិខិតជូនដល់នាយកដ្ឋានពេទ្យសត្វ បានជូនដំណឹងជាផ្លូវការថា ប្រទេសរុស្សីបានអនុញ្ញាតជាផ្លូវការ ឲ្យនាំចូលសាច់មាន់កែច្នៃស្រាប់ពីប្រទេសវៀតណាម ចូលប្រទេសរុស្សី។
ព័ត៌មានអន្តរជាតិ
៥.អង្គការ WHOបានដាស់តឿនឲ្យអនុវត្តយុទ្ធនាការកំចាត់ Covid-19
ទោះបីជាបានទទួលស្គាល់ចំពោះ “គំរៀមកំហែងអំពីមហាជំងឺរាតត្បាតយ៉ាងច្បាស់”នោះ ប៉ុន្តែ អគ្គនាយកនៃអង្គការសុខាភិបាលពិភពលោក (WHO) លោក Tedros Adhanom Ghebreyesus ក៏បានអំណអំណាងថា នេះនឹងជាមហាជំងឺរាតត្បាតដំបូងលើទូទាំងពិភពលោក ត្រូវបានត្រួតពិនិត្យ ដោយឆ្លងតាមយុទ្ធនាការលើគ្រប់ជ្រុងជ្រោយ។ ហើយអង្គការ WHO ក៏បានសន្យាថា នឹងបន្តជំនួយដល់បណ្តាប្រទេសស្ថិតក្នុង ៤ ក្រុម។ បានដឹងថា WHOបានបញ្ជូនឧបករណ៍ការពារបុគ្គលដល់ ៥៧ប្រទេស និងសម្ភារៈសម្រាប់មន្ទីរពិសោធន៍នៅ ១២០ប្រទេសហើយ ។
៦.ភ័យខ្លាចត្រូវឆ្លង Covid-19 អ្នកគុកនៅប្រទេសអ៊ីតាលីបានរត់គេចខ្លួន
អ្នកយកព័ត៌មាននៃទីភ្នាក់ងារសារព័ត៌មានវៀតណាមនៅទីក្រុង Rome នៃប្រទេសអ៊ីតាលីបានជូនដំណឹងថា មានអ្នកគុកប្រមាណ ៥០នាក់ បានរត់ចេញពីពន្ធនាគាFoggia ស្ថិតនៅតំបន់ Puglia ភាគខាងត្បូងនៃប្រទេសអ៊ីតាលីក្នុងករណីឈ្លោះប្រកែកគ្នាកាលពីថ្ងៃទី ៩ខែមិនា ហើយប៉ូលីសបានចាប់បាន ៣០នាក់ នៅសល់ ២០នាក់បានរត់រួចខ្លួន។
៧.សិង្ហបុរីយកថ្លៃព្យាបាលពីភ្ញៀវផ្ទុកវីរុសកូវីដ-១៩
សិង្ហបុរីចាប់ផ្តើមយកថ្លៃព្យាបាលជម្ងឺកូវីដ-១៩ ពីភ្ញៀវបរទេសណាដែលត្រូវរកឃើញមានផ្ទុកវីរុសកូរ៉ូណាថ្មី នៅពេលប្រទេសនេះបានរាយការណ៍អំពីការរកឃើញអ្នកឆ្លងថ្មីមកពីក្រៅប្រទេស ក្នុងនេះ២នាក់ជាជនជាតិឥណ្ឌូនេស៊ី។ ឥណ្ឌូនេស៊ី ដែលបានរាយការណ៍កូវីដ-១៩លើកដំបូងនៅខែនេះ ឥឡូវមានអ្នកឆ្លងកើនដល់១៩នាក់ ខណៈសិង្ហបុរីមាន១៦០នាក់។
ថ្លៃព្យាបាលជម្ងឺផ្លូវដង្ហើមធ្ងន់ធ្ងរនៅតាមមន្ទីរពេទ្យសាធារណៈរបស់សិង្ហបុរី មានចាប់ពី៦.០០០(៤.៣០០ដុល្លារអាម៉េរិក)ទៅ៨.០០០ដុល្លារសិង្ហបុរី។
៨.អ្នកបម្រើក្នុងយន្តហោះជប៉ុន ឆ្លងវីរុសកូវីដ-១៩
ក្រុមហ៊ុនអាកាសចរណ៍ជប៉ុនបាននិយាយកាលពីថ្ងៃចន្ទទី០៩មីនាថាអ្នកបម្រើការម្នាក់នៅក្នុងយន្តហោះមួយ(នារីអូតេស)របស់ក្រុមហ៊ុនអាកាសចរណ៍ជប៉ុន ត្រូវបានធ្វើតេស្តិ៍វិជ្ជមាននៃវីរុកូវីដ-១៩ ។ ករណីឆ្លងនេះបានកើតឡើងបន្ទាប់ពីប្រព័ន្ធផ្សព្វផ្សាយក្នុងស្រុកបានរាយការណ៍ថាមនុស្សម្នាក់នៅទីក្រុងកាណាហ្កាវ៉ាបានស្លាប់ដោយសារវីរុសនេះដែលនាំឱ្យមានចំនួនអ្នកស្លាប់នៅប្រទេសនេះរហូតមកដល់ពេលនេះ មានចំនួន១៥នាក់ ដោយរួមទាំង៧ នាក់មកពីនាវាទេសចរណ៍ដែលត្រូវបានបង្ខាំងនៅដាច់ដោយឡែក នៅជិតទីក្រុងតូក្យូ៕
NHIỀU TỔ CHỨC, CÁ NHÂN GIÚP ĐỠ NGƯỜI DÂN
BẾN TRE ỨNG PHÓ HẠN, MẶN
អង្គការនិងបុគ្គលជាច្រើន បានជួយប្រជាជននៅខេត្ត BẾN TRE ទប់ទល់
នឹងភាពរាំងស្ងួតនិងដីចាប់ជាតិប្រៃ
គណៈកម្មការចលនាមហាជនខេត្ត និងគណៈកម្មាធិការរណសិរ្យមាតុភូមិខេត្ត Bến Tre បានរៀបចំកម្មវិធីបំផុសចលនាប្រជាជនម្ចាស់ការ អនុវត្តបណ្តាវិធានការបន្ទាន់ ក្នុងការការពារ ទប់ទល់នឹងភាពរាំងស្ងួតក្នុងភូមិសាស្ត្រខេត្ត Bến Tre។ ហើយព្រមជាមួយគ្នានោះដែរ ក៏មានអង្គការ និងបុគ្គលជាច្រើន បានជូនម៉ាស៊ីនចម្រោះទឹក និងឧបករណ៍ស្តុកទឹកសាប សម្រាប់ជួយដល់ប្រជាជនទប់ទល់នឹងភាពរាំងស្ងួត និងដីចាប់ជាតិប្រៃ។
ថ្លែងសុន្ទករថានៅក្នុងពិធីបំផុសចលនានោះ លោក Lê Văn Gặp ជាប្រធានគណៈចលនាមហាជន នៃគណៈកម្មការបក្សខេត្ត Bến Tre បានឲ្យដឹងថា រយៈពេលចុងឆ្នាំ ២០១៩ និងដើមឆ្នាំ ២០២០ ស្ថានភាពទឹកប្រៃទន្ទ្រានចូលដីគោគក្នុងភូមិសាស្ត្រខេត្ត មានការប្រែប្រួលយ៉ាងស្មុគ្រស្មាញ ជាតិប្រៃបានជ្រាបចូលដីគោកឆាប់ និងចូលជ្រៅ បានប៉ះពាល់យ៉ាងខ្លាំង ដល់ការប្រជុំជីវភាពរបស់ប្រជាជន និងការអភិវឌ្ឍន៍សេដ្ឋកិច្ចក្នុងខេត្ត។ តាមរយៈនេះ បណ្តាថ្នាក់ និងបណ្តាផ្នែកនៃប្រព័ន្ធនយោបាយទាំំងមូល និងប្រជាជនខេត្ត Bến Tre បាននិងកំពុងចូលរួមដោយវិធានការណ៍ជាច្រើន សម្រាប់ជួយដល់ប្រជាជនជំនះ និងទប់ទល់នូវផលអាក្រក់យ៉ាងច្រើនបំផុត ដែលបណ្តាលមកពីភាពរាំងស្ងួត និងជាតិប្រៃ។
ប្រឈមនឹងស្ថានភាពដ៏ស្មុគ្រស្មាញដែលបណ្តាលមកពីភាពរាំងស្ងួត និងជាតិប្រៃនោះ នៅក្នុងកម្មវិធីបំផុសចលនា លោក Lê Văn Gặp បានអំពាវនាវដល់បក្ខជន កងទ័ព និងប្រជាជនទាំងមូលក្នុងខេត្ត ត្រូវរួមគ្នាអនុវត្តដំណោះស្រាយបន្ទាន់នានា សម្រាប់ទប់ទល់ និងការពារភាពរាំងស្ងួតកំពុងកើតឡើងក្នុងខេត្ត សម្រាប់បំរើល្អដល់តម្រូវការផលិតកម្ម បង្កបង្កើនផល និងការប្រជុំជីវភាពរបស់ប្រជាជន។
ហើយនៅក្នុងឱកាសនេះ គណៈបញ្ជាការដ្ឋានតំបន់ ២ នៃកងទ័ពជើងទឹក បានជំនួយនាវាដឹកជញ្ជូនទឹកសាប និងឧបករណ៍ស្តុកទឹក, ធុងស្តុកទឹកប្រភេទ ២០លីត្រ ចំនួន ៥០០ធុង និងជញ្ជូនទឹកសាបចំនួន ២៥០ម៉ែត្រគូប។ ក្រៅពីនេះ នៅមានស្ថាប័នរដ្ឋ អង្គភាព និងសប្បរុសជនក្នុងនិងក្រៅខេត្ត ក៏បានជូនរាប់ពាន់ឧបករណ៍ស្តុកទឹក ដល់បណ្តាក្រុមគ្រួសារគោលនបាយ និងប្រជាជនក្រីក្រក្នុងខេត្ត។
អគ្គក្រុមហ៊ុនថាមពលអគ្គិសនីភាគខាងត្បូង ក៏បានប្រគល់ម៉ាស៊ីនចម្រោះទឹក ដល់ទីជ្រោកកោណ Đức Quang (ក្នុងឃុំ Long Hòa, ស្រុក Bình Đại, ខេត្ត Bến Tre)។ បានដឹងថា ម៉ាស៊ីនចម្រោះទឹកនេះ មានពលានុភាពចម្រោះទឹកស្អាតបានប្រមាណ ៦០លីត្រក្នុងមួយម៉ោង មានតម្លៃ ៣០លានដុង។ នៅក្នុងទីជ្រោកកោណនេះ កំពុងចិញ្ចឹមបីបាច់កុមារកំព្រាជាង ១០០នាក់ បានជា នៅពេលមានម៉ាស៊ីនចម្រោះទឹកនេះហើយ នឹងជួយឲ្យប្អូនៗ ធូស្រាលជាង ព្រមទាំង នឹងជួយរំលែកភាពលំបាក ដល់ប្រជាជនក្នុងតំបន់។ ក្រៅពីនេះ ក្រុមហ៊ុន នៅបានជូនធុងដាក់ទឹកចំណុះ ២០០លីត្រ ចំនួន ២០០ធុង ដល់ប្រជាជនក្រីក្រក្នុងស្រុក Bình Đại។
សព្វថ្ងៃនេះ ក្នុងខេត្ត Bến Tre ស្ថានភាពរាំងស្ងួត និងជាតិប្រៃ បានប្រែប្រួលយ៉ាងស្មុគ្រស្មាញ។ ហើយតាមរយៈការស្ថិតិពីបណ្តាផ្នែកមានសមត្ថកិច្ចខេត្ត គឺមានផ្ទៃធ្វើស្រូវជាង ៥.២០០ហិកតា ចំកាឈើហូបផ្លែប្រមាណ ២០.០០០ហិកតា ចំកាដូង ៧១.០០០ហិកា និងចំការុក្ខជាតិលំអរជាង ១.០០០ហិកា ត្រូវរងការខូចខាត, ស្ថានភាពចិញ្ចឹមមច្ឆាជាតិកំពុងជួបការលំបាក ផ្ទៃទឹកចិញ្ចឹមបង្កងចំនួន ៧២២ហិកតា កំពុងរងផលប៉ះពាល់ ប៉ាន់ស្មានការខូចខាតប្រមណ ២៣ពាន់លានដុង…ជាដើម៕
