BẢN TIN TRONG NƯỚC THỨ BẢY 12/9/2020
ព័ត៍មាននៅក្នុងប្រទេស
១.ខិតខំដក “កាតលឿម” សម្រាប់ជលផល
ថ្មីៗនេះ លោកឧបនាយករដ្ឋមន្ត្រី Trinh Dinh Dung បានធ្វើជាអធិបតីនៃកិច្ចប្រជុំគណៈកម្មាធិការជាតិប្រឆាំងការនេសាទខុសច្បាប់ មិនរាយការណ៍ និងមិនអនុវត្តតាមអនុសាសន៍របស់គណៈកម្មការអឺរ៉ុប (EC) ។
ថ្លែងនៅក្នុងអង្គប្រជុំ ឧបនាយករដ្ឋមន្ត្រីលោក Trinh Dinh Dung បានតម្រូវថា តាំងពីពេលនេះ ដល់ដំណាច់ឆ្នាំ ត្រូវផ្តោតការយកចិត្តទុកដាក់និងអនុវត្តដំណោះស្រាយយ៉ាងម៉ឺងម៉ាត់ទប់ស្កាត់និងបញ្ចប់ស្ថានភាពនាវានេសាទវៀតណាមរំលោភលើការនេសាទ នៅតំបន់សមុត្រ របស់ប្រទេសផ្សេងៗ; ទប់ស្កាត់យ៉ាងម៉ឺងម៉ាត់ នូវនាវានេសាទគ្មានលិខិតស្នាម និងឧបករណ៍ដូចដែលបានកំណត់ ពិសេសគឺឧបករណ៍តាមដាននាវានេសាទត្រី; ការស៊ើបអង្កេតនិងដោះស្រាយករណីឲ្យដាច់ស្រឡះ ករណីដែលមានសញ្ញាលមានឈ្មួញកណ្តាលលូកដៃចូល, និងបញ្ជូននាវានេសាទវៀតណាមទៅនេសាទត្រីខុសច្បាប់នៅក្នុងដែនទឹកបរទេស។
ប្រព័ន្ធនយោបាយទាំងមូល ត្រូវតែខិតខំឱ្យអស់ពីសមត្ថភាពដើម្បីដក“ កាតលឿង” សម្រាប់គ្រឿងសមុទ្រដែលនេសាទនៅប្រទេសវៀតណាម។
២.ដំរីព្រៃមកបំផ្លាញស្រែ និងតាមដេញមនុស្ស
លោក Đinh Công Xoan ប្រធានគណៈកម្មាធិការប្រជាជនឃុំ Ea Pô ស្រុក Cư Jút ខេត្ត Đắk Nông បាននិយាយថា លោកបានមានសេចក្តីរាយការណ៍ទៅស្ថាប័នមានសមត្ថកិច្ច អំពីស្ថានភាពសត្វដំរីព្រៃ ចុះមកបំផ្លាញស្រែចំការ និងដេញតាមប្រជាជនក្នុងតំបន់។
ហើយក៏តាមសម្តីលោក Xoan គឺចាប់តាំងពីដើមឆ្នាំ ២០២០ មកដល់ពេលនេះ គឺជាង ១០ដងហើយ ដំរីព្រៃបានចូលស្រែចំការ និងទីប្រជុំជន, បានបំផ្លាញដំណាំជាច្រើនក្នុងឃុំ Ea Pô ។ ដំរីព្រៃទាំងនេះគឺកាចខ្លាំងណាស់ ពេលជួបមនុស្ស វាបានដេញតាមតែម្តង។ 
៣.ឧបត្ថម្ភសាលារៀន និងសិស្សជួបការលំបាកនៅតំបន់ព្រំដែន Đắk Lắk
ក្នុងឱកាសចូលឆ្នាំសិក្សាថ្មី ២០២០-២០២១ បញ្ជាការដ្ឋានកងទ័ពការពារព្រំដែនខេត្ត Đắk Lắk បានរៀបចំការជូនអំណោយដល់សាលា និងសិស្សានុសិស្សមានស្ថានភាពលំបាកខ្លាំងនៅតាមតំបន់ព្រំដែននៃខេត្ត។
នៅឃុំ Krông Na,ស្រុក Buôn Đôn ប៉ុស្តិ៍ការពារព្រំដែន Buôn Đôn បានប្រគល់កាតាបចំនួន ២២ ដល់សិស្សមានស្ថានភាពលំបាកខ្លាំង,  សហការជាមួយសាលាបឋមសិក្សា Y Jút រៀបចំកាត់សក់ដោយឥតគិតថ្លៃដល់សិស្សជាង ៤០ នាក់។ នៅឃុំ Ea Bung ស្រុក Ea Súp បានផ្តល់អំណោយជាសៀវភៅសិក្សាជាង ២០០ ក្បាល, សម្ភារៈសិក្សា និងសៀវភៅសរសេរចំនួន ១,០០០ ក្បាល ដល់សាលាបឋមសិក្សា Ea Bung ,ជូនសៀវភៅ ១០០០ ក្បាលដល់អនុវិទ្យាល័យ Ea Bung  ...
ឆ្នាំសិក្សានេះ កំលាំងការពារព្រំដែនខេត្ត Đắk Lắk បានទទួលបីបាច់សិស្សចំនួន ៤២ នាក់ក្នុងកម្មវិធី“គាំទ្រប្អូនបានទៅសាលារៀន” និងទទួលសិស្សចំនួន ៤ នាក់ ជាកូនចិញ្ចឹមរបស់ប៉ុស្តិ៍ការពារព្រំដែន ។ ហើយកុមារទាំងអស់ សុទ្ធតែត្រូវបានទទួលអំណោយរួមមានសៀវភៅសម្លៀកបំពាក់ សម្ភារៈសិក្សា ...។
ព័ត៍មានអន្តរជាតិ
៤.ម៉ាស់ប្តូរពណ៌នៅពេលអ្នកពាក់គ្រុនក្តៅ
ថ្មីៗនេះក្រុមហ៊ុន Colorprint Fashion  (អេស្បាញ) បានបង្កើតម៉ាស់មុខ ដែលអាចប្តូរពណ៌បាន នៅពេលកម្តៅក្នុងខ្លួនលើសពីកំរិតមធ្យម ៣៧.៥ អង្សាសេ។
៥.អ្នកកាសែតអូស្ត្រាលីពីរនាក់ចុងក្រោយបានចាកចេញពីប្រទេសចិន
យោងតាមសារព័ត៌មាន ABC News អ្នកយកព័ត៌មានពីរនាក់ចុងក្រោយនៃប្រទេសនេះបានចាកចេញពីប្រទេសចិនបន្ទាប់ពីត្រូវបានសាកសួរដោយប៉ូលីសក្នុងតំបន់។
ជាមួយការដកអ្នកយកព័ត៌មានទាំងពីររូបពីប្រទេសចិននេះ ហើយនេះជាលើកដំបូង គីតចាប់ ពីពាក់កណ្តាលទសវត្សឆ្នាំ ១៩៧០ ដែលគ្មានអ្នកកាសែតអូស្រ្តាលីណា បានធ្វើសកម្មភាពជាផ្លូវការនៅទីនេះ។ ហេតុការណ៍នេះបានកើតឡើងប៉ុន្មានថ្ងៃបន្ទាប់ពីរដ្ឋាភិបាលចិនបានបញ្ជាក់ពីការចាប់ខ្លួនអ្នកកាសែតអូស្ត្រាលីម្នាក់ ដែលគាត់បានធ្វើការឱ្យប្រព័ន្ធផ្សព្វផ្សាយរដ្ឋនៃប្រទេសចិន។
៦. An-giê-r ៖ យល់ព្រមធ្វើវិសោធនកម្មរដ្ឋធម្មនុញ្ញ
រដ្ឋាភិបាលនៃប្រទេ An-giê-ri បានបញ្ជាក់ថា ខ្លួនបានអនុម័តសេចក្តីព្រាងរដ្ឋធម្មនុញ្ញដែលត្រូវបានធ្វើវិសោធនកម្ម។ បន្ទាប់ពីត្រូវបានអនុម័តដោយរដ្ឋសភារួចហើយ សេចក្តីព្រាងរដ្ឋធម្មនុញ្ញថ្មី នឹងត្រូវដាក់បញ្ចូលទៅក្នុងការធ្វើប្រជាមតិ ដែលរំពឹងថានឹងធ្វើឡើងនៅដើមខែវិច្ឆិកាខាងមុខនេះ។ ប្រធានាធិបតីអាល់ហ្សេរី លោក  . A.Tép-bun  បានបញ្ជាក់ថាសេចក្តីព្រាងវិសោធនកម្មនេះ គឺសមស្របសម្រាប់ការកសាងរដ្ឋទំនើប និងឆ្លើយតបទៅនឹងតម្រូវការរបស់ប្រជាជន។ រដ្ឋធម្មនុញ្ញថ្មី នឹងនាំមកនូវការកែទម្រង់ជាមូលដ្ឋាននិងការផ្លាស់ប្តូរនៅក្នុងប្រព័ន្ធរគ្រប់គ្រងដ្ឋាភិបាល រាំងខ្ទប់អំពើពុករលួយ....ជាដើម។

ĐẶC SẢN MÙA NƯỚC NỔI ĐÃ XUẤT HIỆN Ở AN GIANG
ភោគផលពិសេសនារដូវទឹកឡើងបានមកខេត្ត AN GIANG ហើយ
កូនត្រីលេញ ដែលជាប្រភេទត្រីពិសេសមាននៅក្នុងរដូវទឹកជំនន់ ឬ ហៅថារដូវទឹកឡើង
បានមានវត្តមាន និងត្រូវបានលក់នៅផ្សារមួយចំនួនក្នុងខេត្ត An Giang ហើយ។
ស្ថិតនៅដើមប្រភពនៃជ្រឡងតំបន់ដីសណ្តទន្លេគីវឡុង បានជា ជារៀងរាល់ឆ្នាំ ខេត្ត An Giang បានទទួលទឹកជំនន់ពីផ្នែកខាងលើនៃទន្លេ នាំមកដីល្បាប់ បង្គា និងត្រី។
ដែលក្នុងនោះ ត្រីលេញគឺជាភោគផលពិសេស បានមកតាមទឹកទន្លេដ៏ច្រើនសន្ធឹក បានជួយឲ្យអ្នកនេសាទទទួលផលខាងសេដ្ឋកិច្ចដ៏ច្រើន។ បានដឹងថា ត្រីលេញគឺជាភោគផលពិសេសមួយប្រភេទ មានតែនៅតំបន់ណាមបូខាងលិចទេ។
នៅភូមិភាគខាងលិច ជាយូរណាស់មកហើយ ទឹកត្រីច្នៃពីត្រីលេញ បានល្បីឈ្មោះមិនចាញ់ទឹកត្រីធ្វើពីត្រីបណ្តូលអំពៅនៅកោះ Phú Quốc ខេត្ត Kiên Giangនោះទេ។
ទឹកឡើងចាប់ពីខែកក្កដា រហូតដល់ខែវិច្ឆិកា គឺទឹកស្រក់ជាបណ្តើរៗ ពេលនេះ កូនត្រីលេញ បានពួនក្នុងវាលស្រែលិចទឹក និងព្រេកប្រឡាយរយៈពេល ៣ខែ  បានធំប៉ុនម្រៀមមេជើងហើយ ក៏ចាប់ផ្តើមហែលតាមខ្សែទឹកចេញទៅទន្លេធំ។
ត្រីលេញច្នៃបានម្ហូបឆ្ងាញ់ៗច្រើនមុខណាស់ ប៉ុន្តែកូនត្រីលេញ ត្រូវបានចាត់ទុកថាឆ្ងាញ់ជាងគេ បានជាប៉ុន្មានឆ្នាំកន្លងមកនេះ កូនត្រីលេញត្រូវបានគេជាវទិញច្រើន និងលក់បានថ្លៃខ្ពស់។ 
តាមធម្មតា ដល់ខែសីហា គឺចាប់ផ្តើមឃើញមានកូនត្រីលេញហើយ ប៉ុន្តែរយៈពេលកន្លងមកថ្មីៗនេះ រដូវទឹកឡើងដែលហូរមកខេត្ត An Giang បានតិចទៅៗ,កម្រិតទឹកឡើងមិនខ្ពស់ដូចមុន បានជាប្រភពត្រីលេញ និងត្រីផ្សេងៗ ក៏ថយចុះផងដែរ។
ខែកញ្ញា កូនត្រីលេញទើបឃើញមាន គឺហួសពេលខ្លាំងណាស់ បើប្រៀបធៀបនឹងរដូវទឹកឡើងមុនៗ ត្រីលេញមកយឺត ប៉ុន្តែអ្នកនេសាទក៏មានកង្វល់ខ្លាំង មកពីចំនួនត្រីលេញដែលចាប់បានមិនច្រើនដូចមុន។
លោក Nguyễn Văn Thu រស់នៅឃុំ Nhơn Hưng ស្រុក Tịnh Biên បានឲ្យដឹងថា កាលពីឆ្នាំមុន ទឹកឡើងយឺត និងកម្រិតទឹកទាប បានជាចំនួនកូនត្រីលេញមានតិចតួចណាស់។ តាមបទពិសោធន៍ដែលរស់នៅយូរឆ្នាំក្នុងតំបន់មានទឹកឡើងនោះ លោក Thu មិនសង្ឃឹមនឹងទទួលបានត្រីលេញ និងបង្គាច្រើនក្នុងដូវទឹកឡើងឆ្នាំនេះទេ។  ពេលនេះ ថ្លៃកូនត្រីលេញ ប្រភេទធំចង្គឹះនិងនៅរស់ បានលក់ពី ៧០.០០០ដុងឡើងទៅ រីឯត្រីលេញបានធ្វើស្អាត លក់នៅផ្សារ មានតម្លៃពី ២៥០.០០០ដុង ដល់ ៤០០.០០០ដុង/ក្នុងមួយគីឡូក្រាម គឺខ្ពស់ជាង ២ ដង បើប្រៀបធៀបនឹងរដូវទឹកឡើងកាលពីឆ្នាំ ២០១៨៕