ព័ត៌មាននៅក្នុងប្រទេស

១.ជាលើកដំបូងប្រទេសវៀតណាមបានរៀបចំសន្និសិទអង្ករអន្តរជាតិ

នៅថ្ងៃទី ១០ខែតុលា ក្រសួងពាណិជ្ជកម្មនិងឧស្សាហកម្ម នឹងសហការជាមួយទស្សនាវដ្តី The Rice Trader, សម្ព័ន្ធសមាគមន៌ស្បៀងអាហារវៀតណាម និងអាជីវកម្មដ្ឋានមួយចំនួនទៀត ព្រមទាំងអ្នកជំនាញអន្តរជាតិ រៀបចំនូវសន្និសិទអង្ករអន្តរជាតិលើកដំបូងនៅក្នុងប្រទេសវៀតណាម។

គោលដៅនៃសន្និសិទនេះ គឺសម្រាប់ឧទ្ទេសនាម, ផ្សព្វផ្សាយផ្នែកផលិត និងនាំចេញអង្កររបស់ប្រទេសវៀតណាម, គូសបញ្ជាក់នូវសមិទ្ធិផលនានា នៃការលើកកម្ពស់គុណភាព និងតម្លៃបន្ថែមនៃបណ្តាផលិតផលស្រូវ អង្ករវៀតណាម។

នេះជាឱកាសសម្រាប់ផ្សព្វផ្សាយអង្ករវៀតណាម ដែលប្រទេសវៀតណាមកំពុងស្ថិតក្នុងស្ថានភាពប្រមូលផ្តុំកម្លាំងនានា សម្រាប់កសាងពាណិជ្ជសញ្ញា, លើកកម្ពស់គុណភាពអង្ករ ព្រមទាំងអនុវត្តយុទ្ធនាការអភិវឌ្ឍន៌ចំណែកទីផ្សារនាំចេញអង្ករ និងក្របខ័ណ្ឌនៃច្បាប់ចាត់ចែងសកម្មភាពនាំចេញអង្ករ។

២.រដូវទឹកឡើងចូរប្រុងប្រយ័ត្នត្រូវពស់ពឹសចឹក

សព្វថ្ងៃនេះ តំបន់ដីសណ្តទន្លេគីវឡុងកំពុងឈានចូលរដូវទឹកឡើងយ៉ាងខ្លាំងហើយ ហើយនេះក៏ជារយៈពេលចំនួនអ្នកត្រូវពស់ពឹសចឹកកើនឡើងខ្លាំង។ តាមសំដីរបស់ថ្នាក់ដឹកនាំមួយរូប នៅកសិកដ្ឋានចិញ្ចឹមពស់ Đồng Tâm បានដឹងថា ឲ្យតែឈានចូលរដូវទឹកឡើង គឺចំនួនអ្នកត្រូវពស់ពឹសចឹកកើនពី ២០-៣០% បើប្រៀបធៀបនឹងរយៈពេលផ្សេងៗក្នុងឆ្នាំ។

នៅផ្នែកជួយសង្គ្រោះបន្ទាន់ក្នុងកសិដ្ឋានចិញ្ចឹមពស់ Đồng Tâm (ស្ថិតនៅឃុំ Châu Thành នៃខេត្ត Tiền Giang) កំពុងព្យាបាលឲ្យអ្នកជំងឺចំនួន ១០ នាក់ត្រូវពស់ពឹសចឹក មកពីច្រើនមូលដ្ឋានក្នុងតំបន់ដីសណ្តទន្លេគីវឡុង ដូចជា ខេត្ត Tiền Giang, Long An, Bến Tre, Đồng Tháp….ក្នុងនោះមានមួយករណីគឺកុមារ ត្រូវពស់ធាងត្រៅចឹកនៅក្នុងផ្ទះ។

នៅពេលឈានចូលរដូវទឹកឡើងម្តងៗ​ គឺប្រជាជននៅតំបន់ដីសណ្តទន្លេគីវឡុង គួរតែប្រុងប្រយ័ត្ន ដែលអាចត្រូវពស់ពឹសចឹកដូចជា៖ ពស់ធាងត្រៅ, ពស់វែកគ្រប់ប្រភេទ។ មូលហេតុបណ្តាឲ្យមានមនុស្សច្រើនត្រូវពស់ចឹកគឺ មកពីទឹកឡើង បានពន្លិចទីកន្លែងរស់នៅរបស់សត្វពស់ ដោយហេតុនេះហើយ ពួកវាបានវាចូលផ្ទះតែម្តង។

៣.​ផាកពិន័យមូលដ្ឋានមួយ បានជ្រលក់ផ្លែទុរេនចូលក្នុងជាតិគីមីចំនួន ៣០លានដុង

គណៈកម្មាធិការប្រជាជនស្រុក Bảo Lâm នៃខេត្ត Lâm Đồng បានផាកវិន័យចំនួន ៣០លានដុង​ ចំពោះមូលដ្ឋានប្រមូលផ្តុំផ្លែទុរេនមួយ របស់លោក Nguyễn Phi Điệp (កើតនៅឆ្នាំ ១៩៧៩, ភូមិលេខ ១៥, ឃុំ Lộc Thành ស្រុក Bảo Lâm) ដោយបានល្មើស ប្រើជាតិគីមីមិនដឹងដើមប្រភព សម្រាប់កែច្នៃអាហារ។

បានដឹងថា មុននោះ នគរបាលស្រុក Bảo Lâm បានសហការជាមួយការិយាល័យនគរបាល ការពារទប់ស្កាត់អំពើល្មើសខាងបរិស្ថាន-នៃនគរបាលខេត្ត Lâm Đồng បានចាប់ទាំងវត្ថុតាងមូដ្ឋាននេះ កំពុងមានអំពើលាប និងជ្រលក់ផ្លែទុរេន ចូលក្នុងជាតិគីមីមិនដឹងដើមប្រភព។ ហើយកម្លាំងមានសមត្ថកិច្ចបានដកហូតនៅនឹងកន្លែងជាតិគីមីចំនួន ៣ ធុង ចំណុះ ២០លីត្រ, ទុរេនបានជ្រលក់ជាតិគីមីចំនួន ៥៨ ធុង មានទំងន់ជិត ១ តោន។

៤.មន្ទីរពេទ្យ Chợ Rẫy ត្រួតពិនិ្យស្វែងរកជំងឺមហារីសុដន់ដោយឥតគិតថ្លៃជូននារី

ដោយគោលបំណងលើកកម្ពស់ការយល់ដឹងជូនប្រជាជន ក្នុងការការពារទប់ស្កាត់នឹងជំងឺមហារីកសុដន់ និង ស្ថិតក្នុងកម្មវិធី “យុទ្ធសាស្ត្រត្រួតពិនិត្យស្វែងរកជំងឺមហារីកសុដន់បន្ទាប់ពីឈានចូលវ័យ​ ៤០ឆ្នាំភ្លាម”នោះ គឺចាប់ពីថ្ងៃទី ១២ខែតុលា ដល់ថ្ងៃទី ២៣​ខែតុលាឆ្នាំ ២០១៨ មន្ទីរពេទ្យ Chợ Rẫy នឹងរៀបចំការពិនិត្យស្វែងរកជំងឺមហារីកសុដន់ឥតគិតថ្លៃជូននារី មានអាយុ ៤០ឆ្នាំឡើងទៅ និងនារីដែលស្ថិតក្នុងក្រុមអ្នកត្រូវហានិភ័យខ្ពស់អាចកើតជំងឺ។

ហើយនារីដែលត្រូវការ នឹងមកពិនិត្យជំងឺនៅថ្ងៃសុក្ររៀងរាល់សប្តាហ៌ ចាប៉ពីម៉ោង ៨ព្រឹក ដល់ម៉ោង ១១​ថ្ងៃ និងចាប់ពីម៉ោង ១ ថ្ងៃត្រង់ ដល់ម៉ោង ៣ ល្ងាច នៅក្នុងបន្ទប់ពិនិត្យជំងឺក្រពេញសុដន់ ជាន់ទី ១ តំបន់ D ក្នុងមន្ទីរពេទ្យ Chợ Rẫy ។ ដើម្បីបានចូលរួមកម្មវិធី សូមទូរស័ព្ទមកកាន់លេខ  028.38552486 ក្នុងម៉ោងធ្វើការ សម្រាប់បានទទួលការផ្តល់ប្រឹក្សា។

ព័ត៌មានអន្តរជាតិ

៥.ប្រទេសអូស្ត្រាលីសន្យាធានានូវគោលដៅកាត់បន្ថយឧស្មាន់ពុលបញ្ចេញចោល

លោក Scott Morrison ជាប្រធានាធិបតីនៃប្រទេសអូស្ត្រាលីបានអំណះអំណាងថា ប្រទេសនេះនឹងសម្រេចបានគោលដៅកាត់បន្ថយឧស្មាន់ពុលបញ្ចេញចោល តាមការកំណត់របស់សន្ធិសញ្ញា Paris ដោយមិនអើពើដល់ការដែលប្រទេសនេះ អាចបរាជ័យក្នុងបញ្ហានេះ, មកពីចំនួនឧស្មាន់ពុលបញ្ចេញចោលរបស់ប្រទេសនេះក្នុងមួយឆ្នាំកន្លងមក បានកើនឡើង ១,៣%។

តាមជាក់ស្តែង គឺបរិមាណឧស្មាន់ពុលបញ្ចេញចោលរបស់ប្រទេសអូស្ត្រាលីបានកើនឡើងយ៉ាងខ្លាំង គិតចាប់ពីប្រទេសនេះ បានលុបចោលពន្ធ carbon  កាលពីឆ្នាំ ២០១៤។

៦.សហរដ្ឋអាមេរិកបន្តរិគន់ និងចោទប្រកាន់ប្រទេសអ៊ីរ៉ង់មិន​”តម្លាភាព”

សហរដ្ឋអាមេរិកបានចោទប្រកាន់ប្រទេសអ៊ីរ៉ង់មិនតម្លាភាព ព្រមទាំងបានប្រឆាំងនឹងរឿងក្តី ដែលអ៊ីរ៉ង់បានលើកឡើងនៅក្នុងតុលាការយុត្តិធម៌អន្តរជាតិ នៅក្នុងទីក្រុង La Haye ប្រទេសហូឡង់ សម្រាប់ប្រឆាំងនឹងសេចក្តីសម្រេចរបស់តុលាការកំពូលអាមេរិក ស្តីអំពីប្រទេសអ៊ីរ៉ង់ ត្រូវទទួលខុសត្រូវសងជំងឺចិតដល់ទៅរាប់ពាន់លានដុល្លារអាមេរិក ដល់ជនរងគ្រោះទាំងអស់ត្រូវពួកភេរវករវាយប្រហារនៅក្នុងសហរដ្ឋអាមេរិក។

៧.ផ្ទុះនៅរោងចក្រផលិតថ្នាំរំសេវនៅរុស្សី ៣ នាក់ត្រូវស្លាប់

មានករណីផ្ទុះមួយ កើតឡើងក្នុងរោងចក្រផលិតថ្នាំរំសេវ ស្ថិតក្នុងទីក្រុង Perm ក្នុងតំបន់ភ្នំ Ural ក្នុងប្រទេសរុស្សី បណ្តាលឲ្យមនុស្សចំនួន ៣ នាក់ត្រូវស្លាប់បាត់បង់ជីវិត។

សំណាងល្អ ករណីនេះមិនធ្វើឲ្យឆេះរាលដាល និងមិនបង្ករអន្តរាយដល់ទ្រព្យសម្បតិ្ត និងដំណើរការរបស់រោចក្រឡើយ.

THẠCH THỊ LINA – CÁN BỘ DÂN TỘC KHMER

“VỪA CÓ ĐỨC, LẠI CÓ TÀI”

បងស្រី ThạchThị Lina ជាកម្មាភិបាលជនជាតិខ្មែរ

មានសិលធម៌ផង និងពូកែផង

បងស្រីកើតនៅឆ្នាំ ១៩៧៩ ឆ្នាំនេះគឺមានអាយុជិត ៤០ហើយ។ ទោះបីជាគាត់មិនទាន់រៀនចប់ថ្នាក់ទី ១២ ក៏ដោយ ក៏ប៉ុន្តែសូម្បីជាស្ថិតនៅតួនាទីណា​ក៏គាត់សម្រេចការងារដោយឆ្នើម។ ហើយជាងនេះទៅទៀត បងស្រីតែងតែត្រូវបានត្រូវបានប្រជាជនស្រឡាញ់ ទុកចិត្ត និងសរសើថា​ ជាកម្មាភិបាលនារីជនជាតិខ្មែរមួយរូប “មានសិលធម៌ផង និងពូកែផង”។ បងស្រី ThạchThị Lina រស់នៅក្នុងភូមិ Sóc Ruộng, ឃំ Tân Mỹ, ស្រុក Trà Ôn នៃខេត្ត Vĩnh Long គឺជាគំរូមួយរួបដ៏ឆ្នើមក្នុងការរៀនសូត្រនិងធ្វើតាមគំរូសិលធម៌របស់លោកប្រធានហូជីមិញ​នៃខេត្ត Vĩnh Long ដំណាក់កាលពីឆ្នាំ ២០១៦-២០១៨។

បានដឹងថា តាំងពីឆ្នាំ ២០១៤មកដល់ពេលនេះ បងស្រី Lina​បានធ្វើជាប្រធានសាខាសមាគមន៌កសិកម្មកសិករភូមិ Sóc Ruộng ។ ហើយមានមាមីងមួយចំនួនក៏បានសួរលេងទៅគាត់ថា “ជានារីអ្វី ចេះធ្វើស្រែផង និងចេះធ្វើប្រធានសាខាសមាគមន៌ទៀតផង Lina?“។ ឲ្យតែមានអ្នកណាសួរអីចឹង គឺគាត់តែងតែបានសើចនិងឆ្លើយថា៖ “ប្តីខ្ញុំចេះធ្វើស្រែពូកែណាស់ណា, ខ្ញុំក៏ចេះថែរក្សាស្រូវ ចេះដាំដំណាំ និងចេះចិញ្ចឹមសត្វទៀតផងណា… មកពីខ្ញុំក៏ជាកសិករណា”។

ជាក្បាលម៉ាស៊ីនរបស់កសិករក្នុងភូមិ បងស្រីបានស្វាហាប់ខ្លាំងណាស់ ចូលចិត្តទៅជួបសំណេះសំណាលនិងមាមីង សម្រាប់ជួយនេះជួយនោះ, ផ្តល់ប្រឹក្សា សម្រាប់ដោះស្រាយរាល់ការលំបាក ដូចជាការថែរក្សាសុខភាព, ពេលខ្ចីបានលុយពីធនាគារហើយ តើធ្វើយ៉ាងណាដើម្បីរកស៊ីមានបាន រួចផុតពីភាពក្រីក្រ។

ដូចជាក្រុមគ្រួសាររបស់លោក Thạch Hoài គឺផ្តើមពីក្រុមគ្រួសារមួយមានហូបចុកគ្រប់គ្រាន់ បន្ទាប់ពីកើតជំងឺមហារីកពោះវៀនធំ គាត់បានលក់ និងបញ្ចាំស្រែចំនួន ១៥​អា សម្រាប់មានលុយព្យាបាលជំងឺ បណ្តាលឲ្យក្រុមគ្រួសារធ្លាក់ចូលក្នុងភាពក្រីក្រតែម្តងទៅ។លោក Thạch Hoài បានរលឹកឡើងវិញថា “ក្មួយស្រី Lina ចិត្តល្អណាស់ នៅពេលខ្ញុំកើតជំងឺ​ ក្មួយចេះតែមកសួរសុខទុក្ខ និងលើកទឹកចិត្តក្រុមគ្រួសារខ្ញុំ ឲ្យខិតខំរួចផុតពីក្តីលំបាក , ខ្ញុំបានលក់ស្រែចំនួន ៧អា និងបានបញ្ជាំស្រែនៅក្មួយ Lina។ នៅពេលខ្ញុំមើលជំងឺជា ទោះជាមិនទាន់ដល់ពេលកំណត់ គឺពីរនាក់ប្តីប្រពន្ធក្មួយ Lina បានសងដីមកក្រុមគ្រួសារខ្ញុំវិញ សម្រាប់ប្រកបរបរ…។

នៅពេលនិយាយអំពីនារីខ្មែរមួយនេះ គឺមាមីងក្នុងភូមិតែងតែបាននិយាយអំពីស្នាដៃរបស់គាត់  គឺគាត់បានផ្តល់ប្រឹក្សា និងឲ្យយោបល់ដល់ក្រុមគ្រួសារលោក Thạch San, លោក Hồ Phú ឲ្យចិញ្ចឹមគោ ហើយក៏បានទទួលប្រាក់ចំណេញប្រមាណ ២០លានដុងក្នុងមួយឆ្នាំ។ ឬការដែលគាត់បានឃោសនាក្រុមគ្រួសារលោក Thạch Út, Thạch Kha Tuấn, Thạch Đa Ly…ដែលជាក្រុមគ្រួសារមិនសូវមានដីធ្វើស្រែ ឲ្យប្តូរពីការធ្វើស្រូវ  ទៅដាំដំណាំម្ទេស ឬ ខ្ទឹម…​បានផ្តល់ផលសេដ្ឋកិច្ចខ្ពស់។

ហើយបងស្រី Thạch Thị LiNa មានកិត្តិយសបានបញ្ជូលក្នុងជួរបក្សនៅឆ្នាំ ២០១៣។ ហើយនៅពេលនិយាយអំពីបញ្ហានេះ គាត់តែងតែរំភើបចិត្តណាស់ និងបាននិយាយថា “ខ្ញុំត្រេកអរខ្លាំងណាស់, គឺមិនអាចនិយាយបានទេ នូវក្តីរំភើបចិត្តរបស់ខ្លួន, គឺមានកិត្តិយសខ្លាំងណាស់, មកពីខ្ញុំជានារីជនជាតិខ្មែរ និងជានារីនៅទីជនបទទៀត។ បានបញ្ជូលក្នុងជួរបក្សគឺជារឿងមួយធំណាស់, ពេលនេះជាបក្ខជនហើយ គឺត្រូវធ្វើអ្វីៗឲ្យស័កសមជាមួយបក្ស”។

ជាបក្ខជនហើយ បងស្រីមានឱកាសច្រើន ក្នុងការសិក្សា និងរៀនសូត្រអំពីគំរូសិលធម៌របស់លោកប្រធានហូជីមិញ។ បងស្រីបានសំណេះសំណាលថា “កាន់តែបានស្វែងយល់អំពីលោកប្រធានហូជីមិញ, គឺរឿងមួយៗនិយាយអំពីលោក ឬ ពាក្យទូន្មានមួយរបស់លោក គឺខ្ញុំចូលចិត្តខ្លាំងណាស់, ខ្ញុំគិតថា រៀនសូត្រពីលោកប្រធានហូជីមិញ គឺមិនបាច់ធ្វើអ្វីធំដំខ្លាំងពេកទេ គឺគ្រាន់តែខិតខំគិតគូរបន្តិច​ និងចេះអនុវត្តចូលក្នុងជីវភាពរស់នៅ ឬអនុវត្តចូលក្នុងកិច្ចការប្រចាំថ្ងៃរបស់ខ្លួន”។

ផ្តើមពីកិច្ចការជាក់ស្តែងដែលបានអនុវត្តប្រចាំថ្ងៃនោះ គឺថ្មីៗនេះ បងស្រីត្រូវបានលោកប្រធានគណៈកម្មាធិការប្រជាជនខេត្ត Vinh Long ជូនប័ណ្ណសរសើរ មកពីមានស្នាដៃក្នុងការរៀនសូត្រ និងធ្វើតម្រាប់តាមគំរូសិលធម៌របស់លោកប្រធានហូជីមិញ៕