ព័ត៍មាននៅក្នុងប្រទេស

១.ទំនិញមានច្រើនណាស់ ប្រជាជនមិនបាច់ប្រញាប់ទៅទិញទេ

ផ្សារធំទំនើប Saigon Co.op បានបញ្ជាក់ថា អង្គភាពខ្លួនបានបង្កើនទំនិញបំរុងរបស់ខ្លួនដើម្បីធានានូវការផ្គត់ផ្គង់ប្រចាំ ជាមួយថ្លៃលក់ស្ថិរភាពទីផ្សារ បានយ៉ាងហោចណាស់ក្នុងរយៈពេល ៦ ខែទៀត សម្រាប់ទំនិញសំខាន់ៗដូចជា ស្ករស, អង្ករ, ប្រេងឆា, អំបិល, ទឹកត្រី, សាច់សាច់, ស៊ុត, បន្លែ, អាហារស្ងួត ហើយពិសេសគឺទំនិញប្រឆាំងនឹងការរីករាលដាលរបស់ជំងឺដូចជា ជែលអនាម័យគ្រប់ប្រភេទ, ទឹកលាងដៃ, សាប៊ូ, ម៉ាស់សម្លាប់មេរោគ ។ ទំនិញទាំងអស់ សុទ្ធតែមានចំនួនកើនឡើងពី ៣-៥ ដង។ ដោយហេតុនេះហើយ ប្រជាជនអាចនឹងនរចិត្តថា គឺមិនខ្វះទំនិញក្នុងកំឡុងពេលដាក់គម្លាតសង្គមឡើយ។

២.កសិករនៅខេត្ត Lâm Đồng បានជូនបន្លែចំនួន ១៤ តោនដល់ប្រជាជននៅតំបន់ច័ត្តាឡីស័កក្នុងទីក្រុងហូជីមិញ

បន្លែនិងផ្លែឈើជាង ១៤ តោន ត្រូវបានប្រគល់ជូនដោយកសិករនៅខេត្ត Lâm Đồng បបានមកដល់ទីក្រុងហូជីមិញ ហើយត្រូវបានប្រគល់ជូនដល់ពលករ កំពុងធ្វើច័ត្តាឡីស័កនៅខ័ណ្ឌលេខ ៣, ខណ្ឌ ៨, ខណ្ឌ ៤ និងខណ្ឌ ៧ ព្រមទាំងកម្លាំងការពារការរាតត្បាតរបស់ជំងឺកូវីដនៅស្រុក Nha Be ។ គិតមកដល់រយៈពេលនេះ អង្គភាពនេះក៏បានទទួលការឧបត្ថម្ភពីសប្បុរសជន និងសហការជូនស្បៀងអាហារដល់កម្មករ ជាង ៤០០ នាក់នៅតំបន់កំពុងធ្វើច័ត្តាឡីស័ក។

៣.ពីរនាក់ប្តីប្រពន្ធកម្មករ បានប្រគល់ប្រាក់ ១០៨ លានដុងដល់អ្នកផ្ទេរច្រឡំវិញ

ថ្មីៗនេះ នៅទីស្នាក់ការនគរបាលសង្កាត់ Hố Nai ទីក្រុង Biên Hòa នៅចំពោះការដឹងឮរបស់នគបាល, ពីនាក់ប្តីប្រពន្ធបងស្រី Huỳnh Thanh Tuyền (អាយុ ២៧ ឆ្នាំ ស្នាក់នៅ ទីក្រុង Biên Hòa) បានធ្វើកិច្ចព្រមព្រៀងប្រគល់ជូនប្រាក់ ចំនួន ១០៨ លានដុងមកវិញដល់ជូនលោក Phạm Văn Thạo (អាយុ ៤៤ឆ្នាំ, រស់នៅក្នុងខេត្ត Bà Rịa - Vũng Tàu)។ បានដឹងថា នេះជាប្រាក់ដែលលោក Phạm Văn Thạo បានប្រគល់ច្រឡំចូលលេខគណនីរបស់បងស្រី Huỳnh Thanh Tuyền ។

៤.ទីក្រុងហូជីមិញ៖ ពេទ្យបណ្តេះអាសន្ន ចំនួន ៤ ជាមួយ១២,០០០គ្រែ ត្រូវបានដាក់ឱ្យដំណើរការ

មន្ទីរសុខាភិបាលទីក្រុងហូជីមិញបានឲ្យដឹងថា ពេទ្យបណ្តោះអាសន្នចំនួន ៤ សម្រាប់ការព្យាបាលជំងឺ Covid-19 , មានទំហំគ្រែអ្នកជំងឺចំនួន ១២,០០០ គ្រឿង ត្រូវបានដាក់ឱ្យដំណើរការ, អនុវត្តផែនការទប់ទល់នឹងការរីករាលដាលនៃជំងឺ Cov-១៩ ជាមួយគ្រោងផែនការអាចមានអ្នកឆ្លងពី ១០.០០០ និង ១៥,០០០ នាក់គ្រែ ១៥,០០០ក្នុងទីក្រុង ។ ទន្ទឹមនឹងនោះ នៅមានគ្រែអ្នកជំងឺចំនួន ៥.០០០គ្រឿង ក៏ត្រូវបានផ្លាស់ប្តូរ សម្រាប់ទទួលនិងព្យាបាលអ្នកជំងឺ Covid-19 ។

ព័ត៍មានអន្តរជាតិ

៥.អាមេរិបញ្ជាការកណ្តាលយោធាអាមេរិក (CENTCOM) បានប្រកាសថាការដកកងទ័ព

បញ្ជាការដ្ឋានកណ្តាលយោធាអាមេរិក (CENTCOM) បានប្រកាសថា ការដកកងទ័ពអាមេរិកចេញពីអាហ្វហ្កានីស្ថាន “ បានសម្រេចជាង ៩០ ភាគរយហើយ” ។

ព័ត៌មាននេះ ត្រូវបានផ្សាយក្រោយប៉ុន្មានថ្ងៃ ដែលយោធាអាមេរិក បានដកខ្លួនចេញពីមូលដ្ឋានទ័ពអាកាស Bagram ។ មូលដ្ឋានទ័ពអាកាសបារ៉ាមគឺជាមូលដ្ឋានយោធាអាមេរិកដ៏សំខាន់មួយនៅក្នុងប្រទេសអាហ្វហ្គានីស្ថានក្នុងរយៈពេល ២០ ឆ្នាំកន្លងមកនេះ។

៦.លើកទឹកចិត្តឱ្យប្រើឧបករណ៍ធ្វើតេស្តដោយខ្លួនឯងនៅផ្ទះ

ការកំណត់បានឆាប់រហ័ស និង ធ្វើច័ត្តាឡីស័កបុគ្គលឆ្លង Covid-19 មានសារៈស្លាប់រស់ ក្នុងការគ្រប់គ្រងជំងឺ។ ការធ្វើរោគវិនិច្ឆ័យករណីឆ្លង ត្រូវបានធ្វើឡើងដោយផ្អែកលើរោគសញ្ញាគ្លីនិក, ធ្វើតេស្ត និងមានរូបភាព។ ហើយបច្ចុប្បន្ន  ប្រទេសនានា កំពុងលើកទឹកចិត្តប្រជាជនឱ្យអនុវត្តការធ្វើតេស្តរហ័សនៅផ្ទះ ដើម្បីគាំទ្រដល់ការរាវរកករណី ឆ្លងCovid-19 ឱ្យបានឆាប់រហ័ស។

៧.ប្រទេសនេប៉ាល់ បានសម្ពោធគម្រោងវារីអគ្គិសនីធំបំផុត

ថ្មីនេះ ប្រទេសនេប៉ាល់បានសម្ពោធវារីអគ្គិសនីធំបំផុត ជាមួយថាមពលចំនួន ៤៥៦ មេហ្គាវ៉ាត់, រោងចក្រវារីអគ្គិសនី Tamakoshi ជាគំរោងវារីអគ្គិសនីធំបំផុតរបស់ប្រទេសនេប៉ាល់ ដែលទើបបានដាក់ឲ្យប្រើប្រាស់ ដោយរំពឹងថា នឹងធ្វើឱ្យនេប៉ាល់ក្លាយជាអ្នកនាំចេញអគ្គិសនី (ក្រៅពីការប្រើប្រាស់ក្នុងស្រុក) នៅរដូវវស្សា។

៨.ប្រទេសឥណ្ឌូនេស៊ីខ្វះការផ្គត់ផ្គង់អុកស៊ីសែន

យោងតាមសារព័ត៌មាន ABC បានដឹងថា, ក្រសួងសុខាភិបាលនៃប្រទេសឥណ្ឌូនេស៊ីបានទទួលស្គាល់ថា ការផ្គត់ផ្គង់អុកស៊ីសែនសម្រាប់អ្នកជំងឺ Covid-19 ក្នុងប្រទេសបានចាប់ផ្តើមអស់ ចំពេលដែលមានអ្នកជំងឺកើនឡើងយ៉ាងសន្ធឹកសន្ធាប់, ហើយអ្នកជំងឺទាំងនេះ ពេលចូលមន្ទីរពេទ្យ សុទ្ធតែស្ថិតក្នុងស្ថានភាពធ្ងន់ធ្ងរ និងត្រូវការជំនួយដង្ហើម។ រដ្ឋាភិបាលឥណ្ឌូនេស៊ីបានស្នើឱ្យផ្នែកផលិតអុកស៊ីសែន ត្រូវបង្កើនការផលិតអុកស៊ីសែនវេជ្ជសាស្ត្រ និងអំពាវនាវដល់ប្រជាជនកុំស្តុកអុកស៊ីសែន។