ព័ត៍មាននៅក្នុងប្រទេស

១.ខូចខាតមកពីគ្រោះមហន្តរាយធម្មជាតិប៉ាន់ស្មាន ១៧.០០០ ពាន់លានដុង

របាយការណ៍ស្តីអំពីការការពារ និងទប់ស្កាត់គ្រោះមហន្តរាយធម្មជាតិ ខ្យល់ព្យុះ និងទឹកជំនន់នៅបណ្តាខេត្តភាគកណ្តាល ដែលចុះហត្ថលេខាដោយលោកឧបនាយករដ្ឋមន្ត្រី Trinh Dinh Dung បានលើកជូនទៅរដ្ឋសភា នៅសម័យប្រជុំលើកទី ១០ និតិកាលទី ១៤ ។

យោងតាមការគិតដំបូង នៃការខូចខាតខាងសេដ្ឋកិច្ច ដែលបានប៉ាន់ស្មានប្រមាណ ១៧.០០០ ពាន់លានដុង, ក្នុងនោះ ខូចខាតមកពីព្យុះលេខ ៩ គឺជាង ១០.០០០ ពាន់លានដុង (គឺមិនបានរាប់បញ្ចូលហេដ្ឋារចនាសម្ព័ន្ធជាច្រើន ទំនប់ និងព្រេកប្រឡាយ, មាត់ទន្លេ, ឆ្នេរសមុទ្ររាប់រយគីឡូម៉ែត្រ... ត្រូវខូចខាត) ។

រដ្ឋាភិបាលបានបញ្ជាក់ថា ក្រៅបណ្តាដំណោះស្រាយដែលបានអនុវត្តហើយនោះ គឺនារយៈពេលខាងមុខ នឹងបន្តប្រមូលកម្លាំង និងមធ្យោបាយជាច្រើន ដើម្បីបន្តស្វែងរកជនរងគ្រោះដែលបាត់ខ្លួន ហើយដំណាក់កាលស្វែងរកជនរងគ្រោះ ត្រូវធានានូវសុវត្ថិភាពជូនកម្លាំងជួយសង្គ្រោះ...។

២.ស្រូវដើមឆ្នាំជាង ១.៤០០ហិកតានៅខេត្ត Cà Mau ត្រូវខូចទាំងស្រុង

យោងដំណឹងពីគណៈកម្មាធិការប្រជាជនស្រុក Trần Văn Thời នៃខេត្ត Cà Mau បានដឹងថា យោងតាមការស្ថិតិ គឺក្នុងភូមិសាស្ត្រខេត្តមានស្រូវរដូវដើមឆ្នាំចំនួន ១.៤០០ហិកតា ត្រូវខូចទាំងស្រុង។

មូលហេតុគឺមកពីដល់ពេលប្រមូលផលហើយ តែស្រូវត្រូវលិចទឹកក្នុងរយៈពេលយូរ ស្រូវទុំជ្រុះគ្រាប់អស់នៅនឹងស្រែ ព្រមទាំងបានដុះពន្លក បានជាគុណភាពត្រូវថយចុះ។ ដូច្នេះហើយ ប្រជាជនបានចោលស្រូវនៅនឹងស្រែតែម្តង មិនប្រមូលផល។ ក្រៅពីនេះ នៅមានស្រូវជាង ៨.៥៧០ ហិកតាត្រូវខូចខាតជាង ៧០%, ស្រូវចំនួន ៥.៤២៤ហិកតា ត្រូវខូចខាតពី ៣០ % ដល់ ៧០%។ រីឯនៅស្រុក U Minh មានស្រូវជាង ៤.៥០០ហិកតា ត្រូវលិចទឹក, ខូចខាតជាង ៨៧៧ ហិកតា; ឈើហូបផ្លែចំនួន ៤៧៧ហិកតា និងបន្លែចំនួន ២៤៧ហិកតា ត្រូវខូចខាតមកពីលិចទឹក។ បានដឹងថា គណកម្មាធិការប្រជាជនខេត្ត Cà Mau បានបង្គាប់ការដល់ផ្នែកកសិកម្ម ត្រូវតែកំណត់នូវរូបភាពនៃគ្រោះធម្មជាតិសម្រាប់ប្រកាស ហើយតាមរយៈនេះ នឹងឧបត្ថម្ភទាន់ពេលវេលា ជួយឲ្យប្រជាជនឆ្លងកាត់ការលំបាក។

៣.ផាកពិន័យអ្នកជិះយន្តហោះ ២ លានដុង មកពីបានដុតក្រដាស់ជូតមុខលើយន្តហោះ

យោងដំណឹងពីព្រលានយន្តហោះភាគខាងជើងបានដឹងថា ខ្លួនទើបានមានសេចក្តីសម្រេច ផាកពិន័យបែបរដ្ឋបាលនូវទឹកប្រាក់ ២ លានដុង ចំពោះលោក Hà Thanh H មកពីបានយកដែកកេះ ដុតក្រដាស់ជូតមុខលើយន្តហោះ។

៤.មនុស្ស ៦០នាក់ បានស្ម័គ្រចិត្តចាក់សាកល្បងវ៉ាក់សាំង Covid-19របស់វៀតណាម

លោកបណ្ឌិត Nguyễn Ngô Quang ជាអនុប្រធាននាយកដ្ឋានវិទ្យាសាស្ត្រ បច្ចេកវិជ្ជា និងបណ្តុះបណ្តាល (នៃក្រសួងសុខាភិបាល) បានជូនដំណឹងថា អង្គភាពនេះ ទើបបានធ្វើការជាមួយវិជ្ជាស្ថានពេទ្យយោធា (នៃក្រសួងការពារជាតិ) ស្តីអំពីកិច្ចការរៀបចំចាកវ៉ាក់សាំងការពារជំងឺកូវីដ-១៩សាកល្បងដំណាក់កាលទី ១ ដែលស្រាវជ្រាវដោយប្រទេសវៀតណាម (ដែលគ្រោងនឹងអនុវត្តនៅក្នុងតខែវិច្ឆិកា)។ ហើយការចាក់សាកល្បងដំណាក់កាលទី ១នេះ នឹងបានចាក់លើមនុស្សស្ម័គ្រចិត្តចំនួន ៦០នាក់។

ព័ត៍មានអន្តរជាតិ

៥.អាមេរិក៖ មានកុមារជាង ៦០.០០០ នាក់បានឆ្លងកូវីដ -១១ ក្នុងពេលមួយសប្តាហ៍, ជាតួលេខខ្ពស់បំផុតចាប់ពីដើមរដូវរាតត្បាតនៃជំងឺនេះ

យោងតាម NBC បានផ្សាយថា ចាប់ពីថ្ងៃទី ២២ ដល់ថ្ងៃទី ២៩ ខែតុលា មានកុមាររហូតដល់ទៅ ៦១.៤៤៧ នាក់នៅទូទាំងសហរដ្ឋអាមេរិក ត្រូវបានគេធ្វើរោគវិនិច្ឆ័យឃើញថាបានឆ្លង កូវីដ-១៩, គឺបានដំឡើងចំនួនករណីសរុបកុមារឆ្លងរោគនជ ជាង ៨៥៣.៦៣៥ នាក់,ស្មើនឹង ១១.១% នៃករណីសរុបទូទាំងសហរដ្ឋអាមេរិក។

៦.ប្រទេសជប៉ុនបានបើកសម្ពោធមជ្ឈមណ្ឌលធ្វើតេស្ត Covid-19 នៅព្រលានយន្តហោះ

ព្រលានយន្តហោះអន្តរជាតិ Narita  (ដែលជាព្រលានយន្តហោះធំបំផុតរបស់ជប៉ុន) បានដាក់ឲ្យប្រើប្រាស់ជ្ឈមណ្ឌលធ្វើតេស្ត Covid-19  ។

បានដឹងថា នេះគឺជាជំហានត្រៀមដ៏សំខាន់ សម្រាប់ប្រទេសនេះបើកជើងហោះហើរអន្តរជាតិឡើងវិញ ដែលត្រូវផ្អាកដំណើការច្រើនខែមក ដោយសារតែការរីករាលដាលនៃជំងឺ Covid-19 ។ នៅពេលដំណើរការ មជ្ឈមណ្ឌល PCR នឹងធ្វើតេស្តជនបរទេស ដែលចូលប្រទេសជប៉ុន។ កាលពីថ្ងៃទី ៣០ ខែតុលា ប្រទេសជប៉ុនបានបន្ធូរបន្ថយការរឹតត្បិតការធ្វើដំណើរទៅកាន់ ៩ ប្រទេសនិងតំបន់ដែនដីនៅអាស៊ី។

៧.ប្រទេសប៉ូឡូញ បានស្នើឱ្យរុស្ស៊ីបញ្ចុះថ្លៃឧស្ម័ន

ក្រុមហ៊ុនប្រេងនិងឧស្ម័នជាតិនៃប្រទេសប៉ូឡូញ បានស្នើក្រុមហ៊ុនភាគហ៊ុន Gazprom និងក្រុមហ៊ុន Gazprom Export បន្ថយថ្លៃឧស្ម័នតាមកិច្ចសន្យាជាមួយសាធារណរដ្ឋប៉ូឡូញ ដែលបានចុះហត្ថលេខានៅថ្ងៃទី ២៥ ខែកញ្ញាឆ្នាំ ១៩៩៦ (កិច្ចសន្យា Yamal) ។

៨.បង្កើនសមត្ថភាពធ្វើតេស្តកូវីដ-១៩

ពិភពលោកបានបន្តជំរុញការស្រាវជ្រាវ និងអភិវឌ្ឍវ៉ាក់សាំង Covid-19. បណ្តាវិធីព្យាបាល ទន្ទឹមនឹងគោលដៅកែលំអរសមត្ថភាពធ្វើតេស្ត ជួយរកឃើញរហ័ស និង បង្កើនប្រសិទ្ធភាពក្នុងការរាំងខ្ទប់ការរីករាលដាលនៃជំងឺ។ កាលពីថ្ងៃទី ២ ខែវិច្ឆិកា ក្រសួងសុខាភិបាលអ៊ីស្រាអែល បានប្រកាសនូវសមិទ្ធិផលបច្ចេកវិទ្យាថ្មីមួយ ដែលអាចជួយកាត់បន្ថយពាក់កណ្តាលររយៈពេលធ្វើតេស្តិ៍ PCR ដើម្បីរកឃើញករណី Covid-19 ។ ហើយរយៈពេលធ្វើតេស្តបាន បន្ថយពី ៨ ម៉ោងចុះនៅត្រឹម ៤ ម៉ោង។

TÌNH NGƯỜI TRONG CƠN BÃO

ចិត្តស្រឡាញ់រវាងមនុស្សនិងមនុស្សក្រោយខ្យល់ព្យុះ

ខ្យល់ព្យុះលេខ ៩ បានបំផ្លាញបណ្តាខេត្តនៅភូមិភាគកណ្តាលនារយៈពេលកន្លងមក បានបន្សល់នូវអន្តរាយយ៉ាងធ្ងន់ធ្ងរដល់ខេត្តទាំងនេះ ពិសេស គឺនៅខេត្ត Quảng Ngãi និងខេត្ត Quảng Nam ផ្ទះប្រជាជនរាប់សិបខ្នង ត្រូវរបើកដំបូល និងមានផ្ទះក៏មិនតិច ត្រូវរលំទាំងស្រុង។ បន្ទាប់ពីខ្យល់ព្យុះបានបន្ថយឥទ្ធិពល គឺ អេគីបអនុវត្តកម្មវិធី រួមដំណើរជាមួយក្រុមគ្រួសារ-នៃស្ថានីយ៍វិទ្យុះផ្សាយសម្លេងប្រជាជនទីក្រុងហូជីមិញ បានចេញដំណើរភ្លាម និងបាននាំតាមច់ប្រាក់ជិត ៤០០លានដុង ដើម្បីឧបត្ថម្ភដល់បណ្តាក្រុមគ្រួសារប្រជាជន ដែលមានស្ថានភាពក្រលំបាកខ្លាំង សម្រាប់ទិញស័ង្កសីមកជួសជុលផ្ទះសម្បែង និងលំនឹងជីវិតរស់នៅ។ នៅពេលទទួលបានអំណោយ ប្រជាជនជាច្រើន បានរំភើបចិត្តជាខ្លាំង មកពីបន្ទាប់ពីរងគ្រោះដោយខ្យល់ព្យុះ គឺមានសណ្តានចិត្តជាច្រើន បានឆ្ពស់ទៅរកពួកគាត់។

ប្រហែលជាអ្នកមីង Nguyễn Thị Bằng រស់នៅភូមិ Phổ Châu ទីរួមខេត្ត Đức Phổ មិនអាចបំភ្លេចបានទេ នូវខ្យល់ព្យុះដ៏ខ្លាំងបែបនេះ ដែលបានគួចតាមដំបូលផ្ទះប្រក់ដោយស័ង្កសីទាំងអស់របស់ក្រុមគ្រួសារគាត់ ដែលគាត់បានសន្សំសំចៃ ទើបប្រក់បាននោះទេ។ បានដឹងថា ជារៀងរាល់ថ្ងៃ គាត់បានក្រោកពីពីម៉ោង ១០ ឬ ១១ យប់ បន្ទាប់ពីបានរៀបចំបាយទឹក និងឲ្យប្តីគាត់ដែលមានជំងឺបេះដូង និងឪពុកក្មេងត្រូវកើតជំងឺមហារីកចុងពោះវៀនសម្រាករួចហើយ ទើបគាត់ពាក់មួកមានពិលលើក្បាល ចេញទៅកាត់បន្លែ ទុកសម្រាប់លក់ពេលព្រឹកនៅផ្សា មានដូចជា ជីពងទាកូន, បន្លែជន្លង់ និងផ្ទីគ្រប់ប្រភេទ។ មួយថ្ងៃៗ អ្នកមីងខិតខំប្រឹងប្រែងខ្លាំង ក្នុងតួនាទីជាប្រពន្ធ ជាកូនប្រសារមួយរូបល្អសម្រាប់គ្រួសារ ហើយដល់ពេលខ្យល់ព្យុះបានបក់បោកកាត់ បានគួចទៅតាមនូវដំបូលបានប្រក់ដោយស័ង្កសីរបស់គ្រួសារគាត់ គាត់បានយំខ្លាំងណាស់ និងបានខំកកាយក្នុងគំនរបាក់បែកនូវសម្លៀកបំពាក់ដែលនៅសល់ ហើយក៏មិនដឹងថា  ប៉ុន្មានថ្ងៃខាងមុខ រស់យ៉ាងណាដែរ។

រីឯនៅតំបន់ជាប់ឆ្នេរសមុទ្រក្នុងឃុំ Phổ Thạnh ឮសូរសម្លេងខ្យល់កួចក្នុងពេលយប់ឥតឈប់, លោក Nguyễn Ngọc Quý រស់នៅក្នុងភូមិលេខ ៧ ឃុំ Thạch Yên 1ឃើញស្រៀវៗខ្លួន ក៏មិនដាច់ចិត្តទៅរកកន្លែងផ្សេងដើម្បីគេចពីខ្យល់ខ្យុះ តាមការបំផុសពីស្ថាប័នមានសមត្ថកិច្ចឡើយ។ មកពីគាត់មិនដាច់ចិត្តទៅចោលផ្ទះ ដែលបន្សល់នូវអនុស្សាវរីយ៍ជាច្រើនរបស់ប្រព្ធគាត់ ដែលបានចេកឋានទៅហើយ។

នៅបណ្តាភូមិដូចជា Bình Trị, Bình Hải, Bình Châu ក្នុងឃុំ Bình Sơn ក្រោយពីខ្យល់ព្យុះ ឃើញទិដ្ឋភាពមិនអាចនឹកស្មានបាន មកពីការបំផ្លាញរបស់ខ្យល់ព្យុះ។ យើងខ្ញុំ បានចូលជ្រៅក្នុងភូមិ ឃើញផ្ទះប្រជាជនរាបរយខ្នង ត្រូវរបើកដំបូលទាំងអស់។ បងស្រី Võ Thị Xưa រស់នៅភូមិ Phước Hòa បាននិយាយផងយំផង ថា ខ្យល់ព្យុះលេខ ៦ បានបំផ្លាញផ្ទះគាត់យ៉ាងធ្ងន់ធ្ងរ  ហើយគាត់ក៏បានខំទៅខ្ចីលុយគេ សម្រាប់ជួសជុលផ្ទះ តែ ២,៣ថ្ងៃទៀតទេ គឺបានចូលនៅហើយ ដោយមិននឹកស្មានដល់ ខ្យល់ព្យុះលេខ ៩បានសម្រុកចូលទៀត។  ពេលនេះ បំណុលមិនបានសងគេផង ហើយផ្ទះក៏គ្មាននៅផង។

ដោយមានការជំនួយទាន់ពេលវេលាពីកម្មវិធីរួមដំណើរជាមួយក្រុមគ្រួសារ បានឧបត្ថម្ភថវិការពី ២ ដល់ ១០លានដុងក្នុងមួយក្រុមគ្រួសារ សម្រាប់ជួយសម្រាលទុក្ខវេទនារបស់ប្រជាជន។

សរុបថវិការដែលកម្មវិធីបានឧបត្ថម្ភដល់ប្រជាជននៅខេត្ត Quảng Ngãi ក្នុងដំណើរលើកនេះ ចំនួនជិត ៤០០លានដុង។ ប៉ុន្មានថ្ងៃខាងមុខ កម្មវិធី នឹងទៅខេត្ត Quảng Nam និងPhú Yên សម្រាប់ចែករំលែកលំបាកវេទនារបស់ប្រជាជនក្រោយខ្យល់ព្យុះ៕