ព័ត៌មាននៅក្នុងប្រទេស

១.បង្កើនការត្រួតពិនិត្យគុណភាពខ្សាច់សំណង់

គណៈកម្មាធិការប្រជាជនទីក្រុងហូជីមិញបានមានលិខិតបទដ្ឋាន​ តម្រូវដល់មន្ទីរ ផ្នែក និងគណៈកម្មាធិការប្រជាជនខណ្ឌស្រុក ត្រូវសហការគ្នា សម្រាប់ត្រួតពិនិត្យគុណភាពសម្ភារៈសំណង់ ខ្សាច់សំណង់ ត្រួតពិនិត្យកំពង់ផែរក្នុងស្រុកនានា បណ្តាអាជីវកម្មដ្ឋានខ្សាច់សំណង់ក្នុងភូមិសាស្ត្រទីក្រុងហូជីមិញ។ ព្រមទាំងធ្វើការឃោសនា និងណែនាំម្ចាស់សំណង់ អ្នកម៉ៅការនានា ត្រូវម្ចាស់ការធ្វើការស្រាវជ្រាវ ជ្រើសរើសសម្ភារៈផ្សេងសម្រាប់ជំនួសឲ្យខ្សាច់ធម្មជាតិ។

២.ចាប់បានករណីដឹកជញ្ជូនបារីម៉ាកបរទេសចំនួន ៦.០០០កញ្ជប់

ថ្មីៗនេះ នៅពេលកំពុងដើរល្បាតពិនិត្យជិតតំបន់ភូមិ Bãi Vòng, ឃុំ Hàm Ninh, ស្រុក Phú Quốc ក្រុមការងាររបស់គណៈបញ្ជាការការពារព្រំដែន នៃមាត់ច្រក Dương Đông (នៃកងទ័ពការពារព្រំដែនខេត្ត Kiên Giang) បានឃើញរថយន្តដឹកជញ្ជូនទំនិញពាក់ស្លាកលេខ 65C-137.45 មានសញ្ញាសង្ស័យ​ ក៏ធ្វើការត្រួតពិនិត្យ រួចឃើញបារីបរទេសជាង ៦.០០០កញ្ចប់ ស្ថិតក្នុងក្រុមទំនិញហាមឃាត់ដឹកជញ្ជូន និងលក់ដូរ។ ហើយកម្លាំងការពារព្រំដែន ក៏បានធ្វើកំណត់ហេតុ ដកហូតវត្ថុតាង​ និងសហការជាមួយកម្លាំងនគរបាលបន្តស៊ើបអង្គេត ដោះស្រាយតាមការកំណត់របស់ច្បាប់។

៣.តំបន់ដីសណ្តទន្លេគីវឡុង៖ ម្ចាស់ការចំពោះស្ថានភាពស្រុតចុះនិងបាក់ស្រុត

លោក Nguyễn Tiến Hải  ជាប្រធានគណៈកម្មាធិការប្រជាជនខេត្ត Cà Mau បានចុះហត្ថលេខាលើសេចក្តីសម្រេចចិត្ត នូវស្ថានភាពជាបន្ទាន់អំពីការការបាក់ស្រុតឆ្នេរមុទ្រ កំណាត់ពី តំបន់ Đất Mũi  ដល់តំបន់ Vàm Xoáy (នៃឃុំ Đất Mũi ក្នុងស្រុក Ngọc Hiển) ដែលមានប្រវែង ៣គីឡូម៉ែត្រ។ បានដឹងថា មុននោះ កាលពីខែកញ្ញា លោកប្រធានគណៈកម្មាធិការប្រជាជនខេត្ត Cà Mau ក៏បានចេញសេចក្តីសម្រេចចិត្ត ប្រកាសអំពីស្ថានភាពបន្ទាន់​ ចំពោះ ៨ ចំណុចដែលអាចបាក់ស្រុតគ្រប់ពេលវេលាក្នុងខេត្តនេះ។

៤.ប្រអប់ទឹកដោះគោឆៅមួយ គឺជាទង្វើល្អមួយ

កម្មវិធីទឹកដោះគោសាលារៀនក្នុងភូមិសាស្ត្រទីក្រុងហូជីមិញ បានចាប់ផ្តើមអនុវត្តចាប់ពីខែវិច្ឆិកាឆ្នាំ ២០១៩។ ហើយកុមាររៀនមត្តេយ្យសាលា និងសិស្សរៀនថ្នាក់ទី ១ ជាង ៣០០.០០០នាក់ នៅក្នុង ១០ ខណ្ឌស្រុកបានអនុវត្តសាកល្បងកម្មវិធីនេះរួមមាន៖ ខណ្ឌ ៩, ១២, ខណ្ឌThủ Đức,ខណ្ឌ Tân Phú,​ខណ្ឌ Bình Tân,​ស្រុក Củ Chi, Hóc Môn, Nhà Bè, Cần Giờ, Bình Chánh បានផឹកទឹកដោះគោឆៅចំណុះ 180ml/មួយលើក ចំនួន ៥ដងក្នុងមួយសប្តាហ៍។

៥.ខេត្តĐồng Nai៖ ឧបត្ថម្ភថវិការជិត ៤៩០ពាន់លានដុង ដល់គ្រួសារដែលរងគ្រោះដោយជំងឺប៉ែស្តជ្រូកអាហ្វ្រិក

ថ្នាក់ដឹកនាំមន្ទីរកសិកម្ម និងអភិវឌ្ឍន៍ខេត្ត Đồng Nai បានឲ្យដឹងថា គិតមកដល់ពេលនេះ​ខេត្ត Đồng Nai ខេត្តបានឧបត្ថម្ភថវិការជិត ៤៩០ពាន់លានដុង ដល់បណ្តាក្រុមគ្រួសារដែលត្រូវរងគ្រោះដោយការរាតត្បាតនៃជំងឹប៉ែស្តជ្រូកអាហ្វ្រិក។ ហើយតាមតួលេខស្ថិតិឃើញថា កន្លែងចិញ្ចឹមជ្រូកជាង ៣.៤០០កន្លែង ត្រូវរងគ្រោះជំងឺប៉េស្តជ្រូកអាហ្វ្រិក ត្រូវបានមូលដ្ឋានឧបត្ថម្ភហើយ។

ព័ត៌មានអន្តរជាតិ

៦.ប្រទេសរុស្ស៊ីនិងអ៊ុយក្រែនបានឈានដល់កិច្ចព្រមព្រៀងដឹងប្រេងឆ្លងកាត់ថេរវេលា ១០ ឆ្នាំ។

បណ្តុំក្រុមហ៊ុនដឹកជញ្ជូនប្រេងឧស្ម័ន Ukrtransnafta នៃប្រទេសអ៊ុយក្រែនបានប្រកាសថាបណ្តុំក្រុមហ៊ុននេះ និងបណ្តុំក្រុមហ៊ុន Transneft របស់ប្រទេសរុស្ស៊ី បានឈានដល់កិច្ចព្រមព្រៀងមួយ ដែលមានថេរវេលា ១០ ឆ្នាំ ស្តីអំពីការផ្គត់ផ្គង់សេវាដឹកប្រេងឧស្ម័នឆ្លងកាត់ប្រទេសអ៊ុយក្រែន។

៧. ករណីផ្ទុះមួយនៅក្នុងរោងចក្រក្នុងប្រទេសចិនបណ្តាលឲ្យមនុស្ស ៤ នាក់ត្រូវស្លាប់

យោងតាមទីភ្នាក់ងារសារព័ត៌មាន Roi-tơ  និងស៊ីនហួបានដឹងថា នៅព្រឹកថ្ងៃទី ៣ ធ្នូ មានករណីផ្ទុះមួយ បានកើតឡើងនៅក្នុងរោងចក្រផលិតអាហារមួយកន្លែងនៅស្រុកស៊ូជី ទីក្រុងប៉េកាំង នៃប្រទេសចិន បណ្តាលឲ្យមនុស្សយ៉ាងហោច ៤ នាក់ត្រូវស្លាប់ និង ១០ នាក់ត្រូវរងរបួស  ហើយអ្នករងរបួសត្រូវបានបញ្ជូនទៅមន្ទីរពេទ្យដើម្បីព្យាបាល។ ការផ្ទុះនេះបានបណ្តាលឱ្យរោងចក្រត្រូវឆេះ។ ហើយក្រុមពន្លត់អគ្គិភ័យត្រូវបានដាក់ពង្រាយ និងពន្លត់ភ្លើង ក្រោយ ៣០ នាទី មូលហេតុកំពុងធ្វើការស្រាវជ្រាវ។

៨. ត្រីបាឡែនមួយត្រូវស្លាប់ ដែលមានសំរាមជាង ១០០ គីឡូក្រាមក្នុងពោះវៀន។

សាកសពត្រីបាឡែនមិនទាន់ពេញវ័យមួយក្បាល បានរសាត់ចូលឆ្នេរសមុទ្រ Seilebost នៃកោះ Harris ក្នុងប្រទេសស្កុតឡេនកាលពីសប្តាហ៍មុន ហើយនៅក្នុងពោះវៀនរបស់វា មានសំរាមទំងន់ជាងមួយរយគីឡូក្រាមឯណោះ។ ហើយដោយមិនអាចនាំយកសាកសពរបស់វាបាន ដែលមានទំងន់រហូតដល់ ២០ តោន បានជាសមាជិកនៃឆ្មាំឆ្នេរសមុទ្រស្កុតឡេននិងអាជ្ញាធរមូលដ្ឋានបានសហការកប់វានៅនឹងកន្លែង។

៩ EC បានស៊ើបអង្កេត Facebook និង Google

គណៈកម្មការអឺរ៉ុប (EC) បាននិយាយថា ខ្លួនបានចាប់ផ្តើមការស៊ើបអង្កេតបឋមអំពីវិធីដែលក្រុមហ៊ុនបច្ចេកវិទ្យាអាមេរិកទាំងពីរ គឺហ្វេសប៊ុកនិងហ្គូហ្គោលប្រមូលទិន្នន័យផ្ទាល់ខ្លួនពីអតិថិជន ក៏ដូចជាក្រុមហ៊ុននេះ បានប្រើប្រាស់ទិន្នន័យនេះ។

ទង្វើរនេះ ត្រូវបានគេគិតថា ជាជំហានឆ្ពោះទៅរកការស៊ើបអង្កេតជាផ្លូវការ។ ហើយនៅក្នុងសន្និសីទកាសែតនៅទីស្នាក់ការកណ្តាលរបស់ EC នៅទីក្រុងប្រ៊ុចសែល (បែលហ្ស៊ិក) នៅពេលបានសួរអំពីការស៊ើបអង្កេតហ្វេសប៊ុកនោះ លោក Nick Clegg អនុប្រធានហ្វេសប៊ុកបានគេចចេញពីចម្លើយដោយផ្ទាល់។

១០.ឧទ្ធម្ភាគចក្រមួយ របស់ទីភ្នាក់ងារសង្គ្រោះបារាំងបានធ្លាក់ខណៈពេលកំពុងបំពេញបេសកកម្មជួយសង្គ្រោះ នៅតំបន់លិចទឹកមួយ ភាគខាងត្បូង បណ្តាលឲ្យបុគ្គលិក ៣ នាក់ត្រូវស្លាប់បាត់បង់ជីវិត។ សាកសពរបស់អ្នកជួយសង្គ្រោះចំនួន ៣ នាក់ត្រូវទឹកគួចទៅដោយហើយត្រូវបានរកឃើញនៅព្រឹកបន្ទាប់ នៅក្នុងតំបន់ក្បែរទីប្រជុំជន Rhoros ។ បច្ចុប្បន្ននេះអាជ្ញាធរបារាំងកំពុងស៊ើបអង្កេតរកមូលហេតុនៃគ្រោះថ្នាក់នេះ។

KHEN THƯỞNG NGƯỜI DÂN NHẶT ĐƯỢC 25 BÁNH

HEROIN DẠT VÀO BỜ BIỂN

លើកសរសើរនិងជូនរង្វាន់ប្រជាជនដែលរើសបានហេរ៉ូអ៊ីនចំនួន ២៥ ដុំ

អណ្តែតចូលឆ្នេសមុទ្រ

ថ្មីៗនេះ នៅប៉ុសិ៍្តការពារព្រំដែនឃុំ Tam Thanh ទីក្រុង  Tam Kỳ នៃខេត្ត Quảng Nam បានរៀបចំពិធីលើកសរសើរនិងជូនរង្វាន់ដល់ប្រជាជនមួយរូប ដែសរើសហេរ៉ូអីនបាន ២៥ ដុំ ត្រូវបណ្តែតចូលឆ្នេរសមុទ្រ Tam Thanh ហើយក៏បានយកទៅប្រគល់ឲ្យប៉ូសិ៍្តការពារព្រំដែនខេត្តនេះ។

នៅក្នុងពិធីលើកសរសើរ លោកវរសេនីយ៍នាយក Hoàng Văn Mẫn ជាប្រធានគណៈកម្មាធិការបក្សខេត្ត Quảng Nam បានអបអរសាទចំពោះស្មារតីទទួលខុសត្រូវ ចំពោះភារកិច្ចការពារបូរណភាពសន្តិសុខតំបន់ព្រំដែន។

លោកវរសេនីយ៍នាយក Hoàng Văn Mẫn  បានឲ្យដឹងថា នេះជាលើកដំបូង ដែលក្នុងភូមិសាស្ត្រខេត្ត  Quảng Nam បានរកឃើញហេរ៉ូអ៊ីនដល់ទៅជាង ១០គីឡូក្រាម។ ហើយលោកក៏បានជូនអនុសាសន៍ដល់ប្រជាជនថា មិនត្រូវអត្តនោម័តិទេ ហើយត្រូវបន្តប្រគល់បើសិនជានៅរក្សា ឬ រើសបានហេរ៉ូអ៊ីន។

ហើយនៅក្នុងពិធីនេះ គណៈបញ្ជាការដ្ឋាន នៃកងទ័ពការពារព្រំដែនខេត្ត Quảng Nam  បានប្រគល់ប័ណ្ណសរសើរ និងអំណោយដល់បុគ្គលដូចជា៖ លោក Lê Văn Thảo(អាយុ ៣២ឆ្នាំ),​លោក Trần Văn Năm (អាយុ ៥១ឆ្នាំ), លោក  Bùi Hồng Thận (អាយុ ៥១ឆ្នាំ),​លោក  Lương Văn Công (អាយុ ៥៧ឆ្នាំ), លោក Mai Văn Hùng (អាយុ ៦២ឆ្នាំ)  ហើយអ្នកទាំងអស់គ្នា បានស្នាក់នៅភូមិ Hoà Hạ ឃុំ Tam Thanh)

លោក Mai Văn Hùng បានឲ្យដឹងទាំងក្តីរំភើងចិត្តថា កាលពីថ្ងៃទី ៣០ ខែវិច្ឆិកា គាត់បានឃើញកាល់ជ័រមួយ នៅជាប់នឹងឆ្នេរសមុទ្រ ហើយគាត់ក៏បានរើសយកទៅផ្ទះសម្រាប់លក់អេតចាយ។ នៅពេលពិនិត្យខាងក្នុង គាត់ឃើញតមានកញ្ជប់ពណ៌លឿងជាច្រើន ត្រូវបានបិតជិត មានអក្សរចិនខាងក្រៅ គាត់ក៏ចាក់ចេញទាំងអស់ យកតែកាល់ជ័រនេះទេ

គាត់បាននិយាយថា “ដំបូង ខ្ញុំស្មានថានំ ឬ ស្ករគ្រាប់ចិន ខ្ញុំក៏ចាក់ចេញ យកតែកាល់ជ័រនេះទៅផ្ទះ។ លុះដល់ពេលយប់ ខ្ញុំបានឮថាប្រជាជនក្នុងតំបន់ រើសបានហេរ៉ូអ៊ីន ខ្ញុំក៏ប្រញាប់ប្រញាល់រត់ទៅកន្លែងដែលចាក់កញ្ចប់ពណ៌លឿងនោះ រើសអស់ រួចយកទៅប្រគល់ឲ្យនគរបាល បើមិនអីចឹងទេច្បាស់ជាជាប់គុកហើយ”។

បានដឹងថា មុននោះ សាព័ត៌មាននគរបាលទីក្រុងហូជីមិញបានផ្សាយថា នៅវេលាម៉ោងប្រមាណ ៤ល្ងាច ថ្ងៃទី ៣០ខែវិច្ឆិកា ប្រជាជននៅឃុំ Tam Thanh រើសបានកាល់ជ័រមួយ មានកញ្ជប់ខាងក្នុង សង្ស័យថាជាគ្រឿងញៀន ហើយក៏បានជូនដំណឹងដល់កម្លាំងទ័ពការពារព្រំដែន។ បន្ទាប់ពីកំណត់យ៉ាងច្បាស់ថា នេះជាហេរ៉ូអ៊ីន ក៏បំផុសប្រជាជន បើសិនជារើសបាន ត្រូវប្រគល់ឲ្យសមត្ថកិច្ច ហើយហេរ៉ូអ៊ីនទាំងអស់ដែលប្រជាជនមកប្រគល់ចំនួនដល់ទៅ ២៥ ដុំ។

ហើយហេរ៉ូអ៊ីនទាំងអស់ ដែលប្រជាជនរើសបាននេះ គឺជាប្រភេទល្អជាងគេ។ ចំនួនងហេរ៉ូអ៊ីនទាំងនេះ ត្រូវបានប្រគល់ដល់ប៉ូសិ៍ការពារព្រំដែនខេត្ត  Quảng Nam  សម្រាប់ធ្វើបែបបទនានា កំណត់នៅវដើមប្រពព៕