ព័ត៌មាននៅក្នុងប្រទេស
១.បន្ទាប់ពី ១៥ ថ្ងៃនៃការចាប់ផ្តើមត្រួតពិនិត្យយានយន្តជាទូទៅ៖ គ្រោះថ្នាក់ចរាចរណ៍នៅទីក្រុងហូជីមិញថយចុះខ្លាំង
យោងតាមនាយកដ្ឋាននគរបាលចរាចរណ៍‚ ផ្លូវដែក និងស្នងការដ្ឋាននគរបាលទីក្រុងហូជីមិញបានដឹងថា បន្ទាប់ពីអស់រយៈពេល ១៥ ថ្ងៃធ្វើការត្រួតពិនិត្យយានយន្តជាទូទៅ តាមផ្លូវគោក គឺស្ថានភាពគ្រោះថ្នាក់ចរាចរណ៍នៅទីក្រុងហូជីមិញ បានធ្លាក់ចុះយ៉ាងខ្លាំង ទាំង ៣លក្ខណៈវិនិច្ឆ័យ គឺចំនួនករណីល្មើស‚ ចំនួនអ្នកស្លាប់ និង ចំនួនអ្នករងរបួស។
២.កម្មាភិបាលសហជីពដកប្រាក់ខែដើម្បីជំនួយដល់ពលករ
សហព័ន្ធសហជីពវៀតណាមបានមានសារចរ អំពាវនាវដល់កម្មាភិបាលសហជីព ដកប្រាក់ខែមួយថ្ងៃ ក្នុងរយៈពេល ៣ ខែ ដើម្បីជំនួយដល់ពលករ។ រីឯក្រសួងពលកម្ម−យុទ្ធជនពិការ និងសង្គមកិច្ច បានរាយការណ៍ថា បានចំណាយប្រាក់ចំនួន ១៧.៥០០ ពាន់លានដុង ដើម្បីជំនួយដល់ពលករ ដែលត្រូវរងគ្រោះដោយមហាជំងឺកូវិដ−១៩។ ហើយបានដឹងថា សរុបថវិការ ដែលបានចំណាយ សម្រាប់ជំនួយដល់មុខសញ្ញា គិតត្រឹមថ្ងៃទី ២០ ខែឧសភា ចំនួន ១៧.៥០០ ពាល់លានដុង (នេះគឺមិនទាន់រាប់បញ្ចូលការទូទាត់ប្រាក់ធានារ៉ាប់រងបាត់បង់ការងារធ្វើចំនួន ២០០០ ពាន់លានដុង) ។
៣.ការផ្សាយព័ត៌មានមិនពិត ត្រូវផាកពិន័យ ៧,៥ លានដុង
អធិការដ្ឋាន នៃមន្ទីរព័ត៌មាន និងឃោសនាខេត្តត្រាវិញ បានចេញសេចក្តីសម្រេច ផាកពិន័យ ចំពោះលោក Thạch Cương (អាយុ ៣៣ ឆ្នាំរស់នៅភូមិ Lạc Sơn ឃុំ Thạnh Hòa ស្រុក Cầu Ngang ខេត្តត្រាវិញ) ចំនួន ៧ លាន ៥ សែនដុង មកពីបាន បង្ហោះព័ត៌មានមិនពិតលើបណ្តាញទំនាក់ទំនង FB ជាមួយខ្លឹមសារថា“ អង្ករដែលរដ្ឋចែក ឧបត្ថម្ភមកពីជំងឺកូវិដ -២៩ គឺមួយគ្រួសារបានទទួលអង្ករ ១០ គីឡូក្រាម ម្តាយខ្ញុំហូបអស់ ៥ គីឡូក្រាម‚ ខ្ញុំសង្ស័យថាវាជាអង្ករក្លែងក្លាយ បានយកទៅលីង ទើបដឹងថា ជាអង្ករក្លែងក្លាយ អង្ករនេះដុតត្រូវឆេះ” ។ ហើយបន្ទាប់ពីបញ្ជាក់ព័ត៌មាននេះ‚ លោក Cương បានទទួលស្គាល់ថា ខ្លួនបានបង្ហោះព័ត៌មានមិនពិត។
៤.ចំណូលគយជាង ២១,២ ពាន់ពាន់លានដុង
យោងតាមអគ្គនាយកដ្ឋានគយបានឱ្យដឹងថា ខែឧសភាឆ្នាំ ២០២០ សរុបថ្លៃទំនិញនាំចូលនិងនាំចេញសរុបរបស់វៀតណាម ប៉ាន់ប្រមាណសម្រេចបាន ៣៧,៩ ពាន់លានដុល្លារអាមេរិក។ ក្នុងនោះតម្លៃនៃការនាំចេញសរុបប្រមាណ ១៨,៥ ពាន់លានដុល្លារអាមេរិក (កើន ៥,២% បើប្រៀបធៀបនឹងខែមេសា) និងនាំចូលប្រមាណ ១៩,៤ ពាន់លានដុល្លារ (កើន ៤,៧%) ; ជញ្ជីងណិជ្ជកម្មប៉ាន់ប្រមាណឱនភាពចំនួន ៩០០ លានដុល្លារអាមេរិក‚ ចំណូលថវិការត្រូវបានរំពឹងនឹងសម្រេចបាន ២១.២៥៧ ពាន់លានដុង។
ព័ត៌មានអន្តរជាតិ
៥.ហ្វីលីពីនមានបំណងថាធនាគារពិភពលោកនឹងគាំទ្រដល់ការអភិវឌ្ឍផ្នែកជលផល
សារព័ត៌មាន Philippines បានជូនដំណឹងថា ក្រសួងកសិកម្ម Philippines កំពុងខិតខំបញ្ចុះបញ្ចូលធនាគារពិភពលោក (WB) ផ្តល់ឥណទាន ២០០ លានដុល្លារអាមេរិក ដើម្បីជំនួយប្រទេសនេះ ក្នុងការអនុវត្តកម្មវិធីជលផល និងស្តារឆ្នេរសមុទ្រ‚ រួមចំណែកដល់ការធានាសន្តិសុខស្បៀងអាហារ។
៦.សិង្ហបុរីបានសាងសង់អន្តេវាសិកដ្ឋានបន្ថែមសម្រាប់ពលករបរទេស
រដ្ឋាភិបាលនៃប្រទេសសិង្ហបុរី កំពុងជំរុញការកសាងកន្លែងស្នាក់នៅបន្ថែមសម្រាប់ពលករបរទេសចំនួន ៦០.០០០ នាក់នៅដំណាច់ឆ្នាំនេះ ដើម្បីកាត់បន្ថយដង់ស៊ីតេនៃកន្លែងស្នាក់នៅចំពេលមានការផ្ទុះឡើងនៃ Covid-19 ដ៏ធំនៅក្នុងអន្តេវាសិកដ្ឋាន សម្រាប់ពលករចំណាកស្រុកនៅក្នុងប្រទេសនេះ។
៧.អ៊ីស្រាអែល៖ ក្រុមហ៊ុនចាប់ផ្តើមអាជីពទ្រង់ទ្រាយតូច ៦៥ % ប្រឈមនឹងការក្ស័យធន
លទ្ធផលនៃការសិក្សាស្រាវជ្រាវថ្មីៗនេះ ដែលធ្វើឡើងដោយនាយកដ្ឋានច្នៃប្រឌិតអ៊ីស្រាអ៊ែល (IIA) បានប្រកាសឃើញថា តាមការប៉ាន់ស្មាន ក្នុងរយៈពេល ៦ ខែខាងមុខ មានក្រុមហ៊ុនចាប់ផ្តើមអាជីពខ្នាតតូចនៅអ៊ីស្រាអែលប្រហែល ៦៥% នឹងត្រូវបិទដោយសារផលប៉ះពាល់អវិជ្ជមាននៃរោគរាតត្បាត Covid-19 ។
៨.ប្រទេសថៃបានបង្កើតមូលដ្ឋានទិន្នន័យ អំពីឱសថបុរាណ
បណ្តាស្ថាប័នគ្រប់គ្រងខាងកម្មសិទ្ធិបញ្ញា និង ឱសថបុរាណនៃប្រទេសថៃ បានសហការគ្នា បង្កើតមូលដ្ឋានទិន្នន័យកណ្តាល សម្រាប់ឱសថបុរាណ និង វិធីព្យាបាលជំងឺតាមប្រជាជន សម្រាប់រាំងខ្ទប់ជនបរទេសទាញយកផលប្រយោជន៍‚ ចុះកម្មសិទ្ធិ ឬចុះណិជ្ជសញ្ញា។
HÀNG NGÀN BẠN TRẺ RA QUÂN BẢO VỆ MÔI TRƯỜNG
យុវវ័យរាប់ពាន់នាក់បានចេញទៅការពារបរិស្ថាន
កាលពីថ្ងៃទី ៣១ ខែឧសភា សម្ព័ន្ធយុវជនទីក្រុងហូជីមិញ បានរៀបចំពិធី “ថ្ងៃអាទិត្យបៃតង”លើកទី ១៣៦ ដែលមានសកម្មភាពជាច្រើន បានរៀចំឡើងនៅសង្ខាងមាត់ព្រេក Nhiêu Lộc - Thị Nghè ដូចជា៖ រើសំរាមដែលកកស្ទះ‚ ដាំដើមឈើចំនួន ៣០០ដើម‚ ចែកខិតប័ណ្ណឃោសនាអំពីការការពារបរិស្ថាននៅតំបន់គល់ស្ពាន Bùi Hữu Nghĩa (ខណ្ឌលេខ ១); ប្រគល់រុក្ខជាតិចំនួន ៥០០ដើម ដល់ក្រុមគ្រួសារប្រជាជន‚ បោសម្អាតនៅខ្សែផ្លូវដែក (ស្ថិតក្នុងខណ្ឌ Phú Nhuận); ជូនរុក្ខជាតិលំអរចំនួន ១.០០០ផើង‚ សម្ពោធ ៥ ខ្សែរថយន្តបៃតង និង ៥ ផ្លូវដឿងហែម “អរិយធម៌ទីប្រជុំជន” (ស្ថិតនៅខណ្ឌលេខ ៣ និងខណ្ឌ Tân Bình)…។
ហើយនៅថ្ងៃដែល នៅមណ្ឌលសុខាភិបាលបច្ចេកទេសខ្ពស់ និងវិជ្ជាស្ថាន−នៃសកលវិទ្យាល័យវេជ្ជសាស្ត្រ Phạm Ngọc Thạch ស្ថិតនៅឃុំ Tân Kiên‚ ស្រុក Bình Chánh‚ មន្ទីរសុខាភិបាលទីក្រុងហូជីមិញ បានរៀបចំពិធីបំផុសចលនាដាំរុក្ខជាតិ សម្រាប់បង្កើតបរិស្ថានសមស្របនឹងបរិស្ថាន‚ ស្អាត មានម្លប់ត្រជាក់ និងទេសភាពនៅទីនេះ។ តាមប្រសាសន៍របស់លោកបណ្ឌិត Nguyễn Tấn Bỉnh ជាប្រធានមន្ទីរសុខាភិបាលទីក្រុងហូជីមិញគឺ នារយៈពេលខាងមុខ ផ្នែកសុខាភិបាល នឹងរីកសុះសាយ ព្រមទាំំងដាស់ចលនាដាំរុក្ខជាតិនៅតាមបណ្តាសំណង់សុខាភិបាលដែលបានសាងសង់ថ្មីៗ ឬ បានកែលំអរ សម្រាប់ការពារបរិស្ថាន‚ ការពារធម្មជាតិត្រឹមត្រូវនឹងបទដ្ឋាន ដែលបានបំផុសដោយក្រសួងសុខាភិបាលដូចជា៖ បរិស្ថានបៃតង−ស្អាត−‚ ធានាគុណភាពព្យាបាលជំងឺ។ ហើយក៏ក្នុងឱកាសនេះដែរ ថ្នាក់ដឹកនាំមន្ទីរសុខាភិបាល ព្រមទាំងថ្នាក់ដឹកនាំមន្ទីរពេទ្យស្រុក Bình Chánh‚ គណៈកម្មាធិការប្រជាជនស្រុក Bình Chánh និងនិស្សិត លោកគ្រូអ្នកគ្រូសកលវិទ្យាល័យវេជ្ជសាស្ត្រ Phạm Ngọc Thạchបានដើមផ្ចឹក‚ ឈើធ្នង់… ចំនួន ១០០ដើម នៅក្នុងបរិវេណតំបន់សុខាភិបាលបច្ចេកទេសខ្ពស់ និងនៅក្នុងវិជ្ជាស្ថាន−មហាវិទ្យាល័យវេជ្ជសាស្ត្រ Phạm Ngọc Thạch។
ក្រៅពីនេះ‚ សម្ព័ន្ធយុវជនទាំងអស់ក្នុងស្រុក Hoài Nhơn (ខេត្ត Bình Định) បានរៀបចំបណ្តាសកម្មភាពបោសសម្អាតបរិស្ថាន‚ ឃោសនា គាំទ្រថ្ងៃអាទិត្យបៃតងលើកទី ២−ឆ្នាំ ២០២០។ ហើយនៅក្នុងថ្ងៃប្រតិបត្តិការដំបូង គឺសមាជិកសម្ព័ន្ធយុវជនចំនួន ១.០០០រូប បានបោសសម្អាត នៅតាមបណ្តាខ្សែផ្លូវគ្រប់គ្រងដោយខ្លួនឯង‚ ខ្សែផ្លូវមានដាំផ្កាលំអរ‚ បកនិងលុបចោលក្តាផ្សាយពាណិជ្ជកម្ម និងអត្ថបទផ្សាយនានា ដែលមិនត្រឹមត្រូវតាមកំណត់ មានប្រវែងជាង ១៥គីឡូម៉ែត្រ…។
ហើយនៅក្នុងឆ្នេរសមុទ្រ Cửa Việt (ស្ថិតក្នុងស្រុក Gio Linh‚ ខេត្ត Quảng Trị)‚ សម្ព័ន្ធយុវជនខេត្ត‚ សម្ព័ន្ធសមាគមន៍យុវជនខេត្ត Quảng Trị បានសហការជាមួយស្នងការដ្ឋាននៃកងទ័ពការពារព្រំដែនខេត្ត Quảng Trị រៀបចំនូវពិធីប្រតិបត្តិក្រមប្រធានបទ ចូរសម្អាតសមុទ្រឆ្នាំ ២០២០‚ ព្រមទាំងបានបំផុសធ្វើសកម្មភាពនៅថ្ងៃអាទិត្យបៃតងលើកទី ២−ឆ្នាំ ២០២០។ បានដឹងថា សមាជិកសម្ព័ន្ធយុវជន‚ យុវជន‚ កម្មាភិបាល និងប្រជាជនជាង ៣០០រូប នៅក្នុងភូមិសាស្រ្តស្រុក Gio Linh បានសម្អាតបរិស្ថានតាមបណ្តោយឆ្នេរសមុទ្រជាង ២គីឡូម៉ែត្រ‚ បានប្រមូល និងដោះស្រាយសំរាមជាង ២តោន ដែលរើសបាននៅក្នុងតំបន់ឆ្នេរសមុទ្រ Cửa Việt ព្រមទាំងបានដាក់ក្តាឃោសនាឲ្យការពារបរិស្ថានសមុទ្រទៀតផង៕