BẢN TIN THỨ SÁU 13/11/2020

ព័ត៍មាននៅក្នុងប្រទេស

១.សម្ពោធសិលាចារឹកវីរយុទ្ធជនពលីជីវិតជាសេនាជននារី

មណ្ឌលកេរដំណែលប្រវត្តិសាស្រ្តរូងក្នុងដី Củ Chi បានរៀបចំពិធីសម្ពោធសិលាចារឹករំលឹកគុណវិរយុទ្ធជនពលីជីវិតជាសេនាជននារី Củ Chi នាឱកាសរំលឹកខួបលើកទី ៥៥ ឆ្នាំ ថ្ងៃបង្កើតកងសេនាជននារី Củ Chi (10-11-1965 -10-11-2020).

សិលាចារឹកនេះ គឺសម្រាប់សម្តែងការដឹងគុណយ៉ាងជ្រាលជ្រៅរបស់បក្ខភាគ, រដ្ឋអំណាច និងតប្រជាជននៃទីក្រុងហូជីមិញ ចំពោះវីរយុទ្ធជនពលីជីវិតជាសេនាជននារីនៅ Củ Chi បានដឹងថា សំណង់នេះ បានសាងសង់ក្នុងមណ្ឌលកេរដំណែលប្រវត្តិសាស្ត្ររូងក្នុងដី Bến Đình ដែលមានតម្លៃ ៨ពាន់ ៣រយលានដុង។

២.មានផលិតផលចម្លែកច្រើនរបស់កសិករនៅក្នុងផ្សារណាត់កសិកម្មអន្តរជាតិវៀតណាម

ថ្មីៗនេះ នៅទីក្រុង Cần Thơ បានសម្ពោធផ្សារណាត់កសិកម្មវៀតណាម ២០២០ ក្រោមប្រធានបទ “អនុវត្តវិទ្យាសាស្ត្របច្ចេកវិជ្ចាចូលក្នុងការផលិតកសិកម្ម” ហើយផ្សារណាត់មានទាំងអស់ ២៥០ស្តង់ ចូលរួមដោយ ១០០ អង្គភាព និងស្ថាប័នអាជីវកម្ម។ ផ្សារណាត់បានបើកដល់ថ្ងៃទី ១៥ខែវិច្ចិកាឆ្នាំ ២០២០។

៣.តៃកុងឡានតាក់ស៊ីបានប្រគល់លុយជូនអ្នកដំណើរភ្លេចជិត ១៦ពាន់លដុង

ថ្មីៗនេះ ក្រុមហ៊ុនភាគហ៊ុន Ánh Dương Việt Nam (Vinasun Taxi) បានបូបសរុបលទ្ធផលការងារនៃសកម្មភាព ដែលតៃកុងឡានតាក់ស៊ីបានប្រគល់លុយ និងទ្រព្យសម្បត្តិជូនអ្នកដំណើរវិញ ដែលពួកគាត់បានបំភ្លេចក្នុងឡានពីឆ្នាំ ២០១៩-២០២០។

យោងតាមនោះ ចាប់ពីដើមឆ្នាំ ២០២០ មកដល់ពេលនេះ តៃកុងឡានតាក់ស៊ី Vinasun ចំនួន ៤.៨០០នាក់ បានប្រគល់ទ្រព្យសម្បតិ្តនិងលុយដល់អ្នកដំណើរវិញ ដែលមានតម្លៃជិត ១៦ពាន់លានដុង។

ព័ត៍មានអន្តរជាតិ

៤.រុស្ស៊ីបានលើកទ័ពដល់តំបន់ Nagorno-Karabakh បន្ទាប់ពីការព្រមព្រៀងឈប់បាញ់បានប្រកាស

កងកម្លាំងរក្សាសន្តិភាពរបស់ប្រទេសរុស្ស៊ីបានលើកទ័ពដល់តំបន់ប្រតិបត្តិការសឹក Nagorno-Karabakh កាលពីថ្ងៃទី ១០ខែវិច្ចិកា ក្នុងក្រខ័ណ្ឌនៃកិច្ចព្រមព្រៀងឈប់បាញ់ថ្មី។

ប្រធានាធិបតីរុស្ស៊ីលោក Vladimir Putin នបាននិយាយថា បទឈប់បាញ់ថ្មីនេះ នឹងត្រួសត្រាយផ្លូវសម្រាប់ដំណោះស្រាយនយោបាយយូរអង្វែងចំពោះជម្លោះនៅតំបន់ Nagorno-Karabakh ។

៥.វ៉ាក់សាំង Covid-19 បានបង្កើតនូវសន្ទុះដល់សេដ្ឋកិច្ច

ប្រេងឆៅរបស់អាមេរិកបានកើនឡើងច្រើនជាង ៨% បន្ទាប់ពីក្រុមហ៊ុនផលិតឱសថអាមេរិក Pfizer និងដៃគូអាល្លឺម៉ង់ BioNTech បាននិយាយថា ការធ្វើតេស្តទ្រង់ទ្រាយធំនៃវ៉ាក់សាំង Covid-19 របស់ខ្លួន មានអត្រាជោគជ័យជាង ៩០% ។ ក្រុមហ៊ុនទាំងពីរបាននិយាយថាមិនមានការព្រួយបារម្ភអំពីសុវត្ថិភាពនៃវ៉ាក់សាំងនេះទេ តាមការគ្រោងទុក នឹងសុំការរយល់ព្រមឲ្យប្រើប្រាស់ជាបន្ទាន់ពី ស្ថាប័នគ្រប់គ្រងអាហារ និងឪសថអាមេរិក (FDA) នៅចុងខែវិច្ឆិកា។

៦.សហភាពអឺរ៉ុបរឹតបន្តឹងការនាំចេញបច្ចេកវិទ្យាតាមដាន

សហគមន៍អ៊ឺរ៉ុបនិងក្រុមប្រឹក្សាអឺរ៉ុប (EC) បានឈានដល់កិច្ចព្រមព្រៀងបណ្តោះអាសន្នមួយដើម្បីរឹតបន្តឹងបទកំណត់នានា ស្តីពីការផ្គត់ផ្គង់ និងនាំចេញបច្ចេកវិទ្យាតាមដានតាមអ៊ីនធឺណិត។

៧.កសិដ្ឋានសត្វល្អិតធំបំផុតនៅលើពិភពលោក

ឆ្ងាយពីទីក្រុងប៉ារីស ប្រមាន ១ ម៉ោងដែលជិះដោយឡាន គឺមានកសិដ្ឋានសត្វល្អិតធំបំផុតនៅលើពិភពលោកកំពុងសាងសង់។ មណ្ឌលនេះ មានកំពស់ ៤០ ម៉ែត្រទទឹង ៤០,០០០ ម៉ែត្រការ៉េ សម្រាប់ចិញ្ចឹមសត្វល្អិតធ្វើជាអាហារសម្រាប់មនុស្ស។

TĂNG TỐC XUẤT KHẨU THỦY SẢN

បង្កើនល្បឿននៃការនាំចេញគ្រឿងជលផល

ទោះបីជាត្រូវរងផលប៉ះពាល់មកពីការរាតត្បាតនៃជំងឺកូវិដ-១៩ក៏ដោយ ប៉ុន្តែ នារយៈពេលកន្លងមក បណ្តាស្ថាប័នអាជីវកម្មនៅតំបន់ដីសណ្តទន្លេគីវឡុង បានជំរុញការកែច្នៃបណ្តាផលិតផលជលផល ដែលមានតម្លៃខ្ពស់ សម្រាប់នាំចេញទៅកាន់ទីផ្សារជាច្រើនលើទូទាំងពិភពលោក។ ការនាំចេញគ្រឿងជលផល កំពុងមានសញ្ញាល្អឡើងវិញ និងជាឱកាសសម្រាប់អាជីវកម្មដ្ឋាននានា ពន្លឿនល្បឿនក្នុងប៉ុន្មានខែចុងឆ្នាំ....

Cà Mau គឺជាតំបន់មួយ នាំមុខគេក្នុងទូទាំងប្រទេស នៃការនាំចេញបង្គា ជាមួយទឹកប្រាក់ទំនិញនាំចេញរៀងរាល់ឆ្នាំ សម្រេចបានជាង ១ ពាន់លានដុល្លារអាមេរិក។ មកពីផលប៉ះពាល់នៃការរាតត្បាតរបស់ជំងឺកូវីដ-១៩ បានជាប៉ុន្មានខែដើមឆ្នាំ ២០២០ ការនាំចេញរបស់ខេត្តជួបការលំបាក និងបានថយចំនួនខ្លាំង។ ក៏ប៉ុន្តែ ជាមួយការខិតខំពីបណ្តាផ្នែកមានសមត្ថកិច្ច និងសហគមន៍ស្ថាប័នអាជីវកម្ម បានជួយឲ្យដល់ស្ថានភាពនាំចេញគ្រឿងជលនារយៈពេលថ្មីៗនេះ មានការប្រែប្រួលយ៉ាងសកម្ម។

តាមការស្ថិតិថ្មីបំផុតពីមន្ទីរឧស្សាហកម្ម និងពាណិជ្ជកម្មខេត្ត Cà Mauបានឃើញថា ទឹកប្រាក់នៃការនាំចេញបង្គាក្នុងខែតុលា ឆ្នាំ  ២០២០ សម្រេចបានជិត ១៣៣ លានដុល្លារអាមេរិក, ដូច្នេះបានដំឡើងទឹកប្រាក់នៃការនាំចេញ ១០ ខែឆ្នាំ ២០២០ សម្រេចបានជៃង ៧៨៣ លានដុល្លារអាមេរិក, គឺកើន ៦% បើប្រៀបធៀបនឹងរយៈពេលដូចគ្នាកាលពីឆ្នាំទៅ។

ចំពោះខេត្ត Bạc Liêu គឺគិតដល់បញ្ចប់ខែតុលាឆ្នាំ ២០២០ គឺទឹកប្រាក់នៃទំនិញនាំចេញ (ដែលភាគច្រើនគឺបង្គា) សម្រេចបានជាង ៦០០លានដុល្លារអាមរិក,ស្មើរនឹង ៧៥% នៃផែនការឆ្នាំ និងកើន ៦% បើប្រៀបធៀបនឹងរយៈពេលដូចគ្នាកាលពីឆ្នាំទៅ។ ជាមួយសន្ទុះនេះ ព្រមជាមួយតម្រូវការនៃទីផ្សារដែលមានសញ្ញាគួរឲ្យរីករាយនេះ។  ជាមួយសន្ទុះនេះព្រមទាំងតម្រូវការរបស់ទីផ្សារដែលមានសញ្ញាវិជ្ជមាន គឺខេត្ត Bạc Liêu កំពុងបង្កើនការនាំចេញរបស់ខ្លួន សម្រាប់សម្រេចនូវបទដ្ឋានដែលបានដាក់ចេញ។

យោងតាមសម្ព័ន្ធសមាគមន៍កែច្នៃ និងនាំចេញគ្រឿងជលផលវៀតណាមគឺ នាយៈពេលនៅដើមឆ្នាំដែលការនាំចេញត្រីប្រាមិនលូនទៅមុខ  គឺនៅចុងត្រីមាសទី ៣ នៃឆ្នាំ ២០២០ ស្ថានភាពហាក់ដូចជាភ្លឺស្វាងជាង។ តាមការស្ថិតិ ៩ ខែនៃឆ្នាំ ២០២០ ទឹកប្រាក់នៃការនាំចេញត្រីប្រាសម្រេចបានប្រមាន ១ពាន់លានដុល្លារអាមេរិក គឺថយចុះ28,6% បើប្រៀបធៀបនឹងរយៈពេលដូចគ្នាកាលពីឆ្នាំ ២០១៩។ចំណែកឯខែកញ្ញាឆ្នាំ ២០២០ ការនាំចេញត្រីប្រាសម្រេចបាន ១២៩ពាន់លានដុល្លារអាមេរិក, ថយចុះ 17,6% បើប្រៀបធៀបនឹងរយៈពេលដូចគ្នាកាលពីឆ្នាំទៅ ដូច្នេះ កម្រិតថយចុះកំពុងបង្រួញតូច។ តាមការប៉ាន់ស្មាន គិតពីពេលនេះដល់ចុងឆ្នាំ គឺស្ថានភាពនាំចេញត្រីប្រានឹងមានភាពងាយស្រួលជាង មកពីតម្រូវការប្រើប្រាស់នារយៈពេលចុងឆ្នាំ.....។

លោក Doãn Tới ជាប្រធានក្រុមប្រឹក្សាភិបាលនៃបណ្តុំក្រុមហ៊ុន Nam Việt (An Giang) បានឲ្យដឹងថា៖ “គិតជាមធ្យម ជារៀងរាល់ឆ្នាំ អង្គភាពបាននាំចេញផលិតផលគ្រប់ប្រភេទពីត្រីប្រាពី ៣២០-៣៥០កុងតៃន័រ (កុងតៃន័រមួយចំនួន ២៥តោន)”។ ប៉ុន្មានខែចុងឆ្នាំ ការនាំចេញកើនឡើងតាមតម្រូវការកំមង់ទំនិញពីដៃគូរលើពិភពលោក។ ហើយថ្មីៗនេះ បណ្តុំក្រុមហ៊ុន Nam Việt បានប្រកាសនូវឡូត៍ទំនិញត្រីប្រាដែលបានផលិតតាមទម្រង់ការបច្ចេកវិជ្ជាខ្ពស់ សម្រាប់នាំចេញទៅកាន់ទីផ្សារ EU, អាមេរិកខាងត្បូង, ASEAN, ចិន, មជ្ឈឹមបូព៌ា... នេះជាផលិតផលត្រីប្រាមានរសជាតិឆ្ងាញ់ពិសារ, មានជាតិបំប៉នខ្ពស់ ត្រូវបានផលិត និងកែច្នៃតាមស្តង់ដារសមស្របនិងបរិស្ថាន, ស្អាត និងងាយប្រើ....ដោយមានផលិតផលច្រើនប្រភេទបែបនេះ ក្រុមហ៊ុនសម្រេចបាននូវទឹកប្រាក់នៃការនាំចេញត្រីប្រាពី ១១០-១២០លានដុល្លារអាមេរិកក្នុងឆ្នាំ ២០២០”។

បានដឹងថា ចាប់ពីពេលនេះ រហូតដល់ចុងឆ្នាំ បណ្តាខេត្តនៅតំបន់ដីសណ្តទន្លេគីវឡុង នឹងប្រមូលផ្តុំកម្លាំង ឧបត្ថម្ភដល់បណ្តាស្ថាប័នអាជីវកម្ម បង្កើតបន្ថែមមុខទំនិញមានតម្លៃ សម្រាប់បង្កើនទឹកប្រាក់នៃការនាំចេញ.....ជាដើម៕