ព័ត៌មាននៅក្នុងប្រទេស

1.លើកទង់ជាតិនៃការសមគ្គីជាតិ

ក្នុងឱកាសអបអរសាទរខួបលើកទី ៨៩ឆ្នាំ នៃទិវាប្រពៃណីរណសិរ្សមាតុភូមិវៀតណាម (ទី១៨ វិច្ឆិកា ១៩៣០ - ទី ១៨ វិច្ឆិកា ២០១៩)នោះ, លោកនាយករដ្ឋមន្រ្តី Nguyễn Xuân Phúc  បានចូលរួមពិធីបុណ្យមហាសាមគ្គីជាតិទាំងមូល នៅតំបន់ដែលលោកនាយករដ្ឋមន្ត្រីស្នាក់នៅ គឺសង្កាត់ Điện Biên ខណ្ឌ Ba Đình រដ្ឋធានីហាណូយ។

ក្នុងពិធីនេះ លោកនាយករដ្ឋមន្រ្តីសង្ឃឹមថា ប្រជាជននឹងរួមគ្នា ដុងបំភ្លឺនូវភ្លើងស្នេហាជាតិ,ស្មារតីគោរពជាតិ, ខ្លួនទីពឹងខ្លួន, ធ្វើឲ្យសម្បូរដោយខ្លួនឯង ជំនះរាល់ឧបសគ្គ និងលំបាកលំបិនទាំងឡាយ។ រក្សាសាមគ្គីភាពដើម្បីប្រទេសជាតិ ដែលសព្វថ្ងៃ កំពុងស្ថិតក្នុងដំណាក់កាលបន្តអភិវឌ្ឍ និងមានកំណើនខ្លាំង។ លើកខ្ពស់ទង់សមគ្គីជាតិ សម្រាប់មាតុភូមិ និងប្រជាជនយើងទួលបានជោគជ័យ និងរុងរឿង ដើម្បីប្រជាជនគ្រប់រូប សុទ្ធតែមានបាន និងសុភមង្គល។

2.ជំងឺគ្រុនឈាមមានភាពស្មុគស្មាញនៅខេត្ត​ Đồng Nai

យោងតាមមន្ទីរសុខាភិបាលនៃខេត្ត Đồng Nai បានដឹងថា សប្តាហ៍កន្លងទៅ ក្នុងខេត្តទាំងមូលមានអ្នកកើតជំងឺគ្រុនឈាមចំនួន ៥២២ ករណី គឺច្រើនជាង ១២៩ ករណី បើប្រៀបធៀបនឹងសប្តាហ៍មុន។ គិតចាប់ពីដើមឆ្នាំមកដល់ពេលនេះ ខេត្តទាំងមូល មានអ្នកកើតជំងឺគ្រុនឈាមជាង ១៨.៣០០ ករណី គឺកើន ១,៩៨ ដង បើប្រៀបធៀបនឹងរយៈពេលដូចគ្នាកាលពីឆ្នាំមុន ហើយក្នុងចំណោមនេះ មាន ៣ នាក់ត្រូវស្លាប់បាត់បង់ជីវិត។

៣.​ចាប់បានករណីដឹកជញ្ជូនសត្វខ្លាដ៏មានតម្លៃចំនួន ២ ក្បាលខុសច្បាប់

ការិយាល័យនគរបាលចល័ត, នៃស្នងការនគរបាលខេត្ត  Ha Tinh បានសហការជាមួយ ក្រុមរដ្ឋបាលព្រៃឈើចល័ត និង ការពារ ពន្លត់អគ្គីភ័យខេត្ត Ha Tinh ទើបចាប់បានករណីដឹកជញ្ជូនកូនខ្លានៅរស់ដ៏កម្រចំនួន ២ ក្បាល ទម្ងន់ប្រមាណ ៤ គីឡូក្រាមក្នុងមួយក្បាល។ បានដឹងថា សត្វខ្លាពីរក្បាលនេះ ជាប្រភេទដ៏មានតម្លៃ ត្រូវអាទិភាពការពារ។ កម្លាំងមានសមត្ថភាពខេត្ត Ha Tinh បានប្រគល់សត្វខ្លា ២ ក្បាលនេះ ដល់មជ្ឈមណ្ឌលអភិរក្សសត្វព្រៃវៀតណាមហើយ។

៤.សម្រេចឲ្យចេញពីកម្លាំងនគរបាល ចំពោះ កម្មាភិបាលនគរបាលនារីដែលបង្កអុកឡុកនៅអាកាសយានដ្ឋាន

ដោយបានអនុវត្តតាមការណែនាំរបស់ថ្នាក់ដឹកនាំ នៃក្រសួងនគរបាលនេះ ស្នងការនគរបាលទីក្រុងហាណូយ បានចេញសេចក្តីសម្រេចចិត្ត ដកលោកស្រីអនុសេនីយ៍ឯក Lê Thị Hiềnជាកម្មាភិបាល នៃស្នងការនគរបាលសណ្តាប់ធ្នាប់ចរាចរណ៍ (នៃនគរបាលខណ្ឌ Ðống Ða)។ ដែលជាអ្នកបានបង្ករអសន្តិសុខនៅអាកាសយានដ្ឋានTân Sơn Nhất ក្នុងទីក្រុងហូជីមិញ កាលពីថ្ងៃទី ១១ ខែសីហា។ ហើយបានដឹងថា មុននេះវរសេនីយឯក Lê Thị Hiền  ត្រូវបានរំសាយចេញពីបក្ស និងត្រូនទម្លាក់ងារពីកំរិត ពីអនុសេនីយឯក ទៅអនុសេនីយទោ។

៥. ភ្ញៀវចំនួន ១៥ ម៉ឺននាក់ បានចូលរួមមហោស្រពអាហារឆ្ងាញ់ពិសារបណ្តាប្រទេសលើកទី ១៤

មហោស្រពអាហារឆ្ងាញ់ពិសារលើកទី ១៤ ក្រោមប្រធានបទ“ វៀតណាម - ចង្ក្រានបាយនៃពិភពលោក” រៀបចំដោយមន្ទីរទេសចរណ៍ទីក្រុងហូជីមិញ សហការជាមួយសមាគមទេសចរណ៍បានបិទជាផ្លូវការ។ ហើយមហោស្រពនេះបានបញ្ជាក់អំពីតួនាទីដ៏រឹងមាំនៃផលិតផលទេសចរណ៍ នៅក្នុងយុទ្ធសាស្ត្រអភិវឌ្ឍន៍ទេសចរណ៍ទីក្រុងហូជីមិញនិយាយដោយឡែក និងរបស់ប្រទេសវៀតណាមនិយាយរូម។  បានដឹងថា មានអ្នកទេសចរជាង ១៥ ម៉ឺននាក់ ដែលមិនត្រឹមតែបានមកទស្សនាប៉ុណ្ណោះទេ គឺនៅបានភ្លក្សរសជាតិអាហារឆ្ងាញ់ៗ ព្រមទាំងបានគយគន់ម្ហូបដែលបានតុបតែងយ៉ាងស្អាតៗ  និងបានបណ្តែតខ្លួនក្នុងបរិយាកាសអត្ដសញ្ញាណដ៏វិសេសវិសាល ចំពោះតូបអាហារជាង ៥០ តូបទៀតផង។

ព័ត៌មានអន្តរជាតិ

6. ប្រទេសវេណេស៊ុយអេឡាបានកំចាត់ដោយជោគជ័យ ឧបាយកលផ្តួលរំលំរដ្ឋាភិបាល ចំនួន ៤៧ ករណី

នៅក្នុងបទសម្ភាសន៍ជាមួយប៉ុស្តិ៍ទូរទស្សន៍ឯកជន Televen នោះ លោកប្រធានាធិបតីនៃប្រទេសវេណេស៊ុយ  Nicolas Maduro បានបញ្ជាក់ថា ទីភ្នាក់ងារសន្តិសុខវ៉េណេស៊ុយអេឡាបានកំចាត់ដោយជោគជ័យ នូវឧបាយកលចំនួន ៤៧ ករណី ដែលប៉ុនប៉ងទិញទឹកចិត្តមន្ត្រីយោធាមួយចំនួន ហើយក្នុងចំណោមនេះ ក៏រកបានយោធិនមួយចំនួន បានចូលរួមដោយផ្ទាល់ សម្រាប់បម្រើដល់យុទ្ធសាស្ត្រផ្តួលរំលំរដ្ឋាភិបាល។

៧.ការលុបបំបាត់មិនចេះប្រើបច្ចេកវិទ្យាសម្រាប់មនុស្សចាស់

ដើម្បីឆ្ពស់ទៅគោលដៅលុបបំបាត់ចោល ការមិនចេះប្រើនូវបច្ចេកវិទ្យារបស់មនុស្សចាស់ព្រមទាំំងជួយឲ្យពួកគេ ឱ្យមានជីវិតរស់នៅល្អជាងនោះ គឺថ្មីៗនេះ សាកលវិទ្យាល័យ Porto បានសហការជាមួយមជ្ឈមណ្ឌលសុខភាពមនុស្សចាស់នៃប្រទេសព័រទុយហ្កាល់ បានចាប់ផ្តើមអនុវត្តកម្មវិធី Porto4Ageing ។

ហើយគោលដៅនៃគម្រោងការនេះ គឺដើម្បីជួយឲ្យមនុស្សចាស់នៅអឺរ៉ុប បានរស់នៅដោយសកម្មជាង និងខ្លួនទីពឹងខ្លួន ជាមួយការជំនួយពីឧបករណ៍បច្ចេកវិទ្យា។

៨.ប្រទេសអ៊ីរ៉ង់បានផលិតប្រព័ន្ធការពារដែនអាកាសដោយlaser

លោកឧត្តមសេនីយ៍ Qassem Taqizadeh ជាអនុរដ្ឋមន្រ្តីក្រសួងការពារជាតិនៃប្រទេសអ៊ីរ៉ង់ បានឲ្យដឹងថាប្រទេសនេះកំពុងផលិតប្រព័ន្ធការពារដែនអាកាសដោយlaser ព្រមទាំំងមានគម្រោងដំឡើងចម្ងាយបាញ់ និងកម្រិតត្រូវនៃមីស៊ីលអេឡិកត្រូនិក។

9. ប្រទេសរុស្ស៊ី និងអ៊ុយក្រែនបន្តឈ្លោះប្រកែកគ្នាលើកិច្ចសន្យាជញ្ជូនឧស្ម័នឆ្លងកាត់

លោក Alexei Orzhal ជារដ្ឋមន្ត្រីក្រសួងថាមពលនិងបរិស្ថាននៃប្រទេសអ៊ុយក្រែន  បានមានប្រសាសន៍ថា រដ្ឋាភិបាលនៃប្រទេសនេះបានច្រានចោលសំណើរបស់ បណ្តុំក្រុមហ៊ុនប្រងឧស្ម័ននៃប្រទេសរុស្ស៊ី Gazprom ស្តីអំពីការពន្យាកិច្ចសន្យា ដឹកជញ្ជូនឧស្ម័នឆ្លងកាត់ រួចនាំទៅអឺរ៉ុប ឬ ចុះហត្ថលេខាលើកិច្ចព្រមព្រៀងថ្មីមួយ។

១០- កូនក្រមុំវៀតណាមសង្ស័យថាត្រូវប្តីកូរ៉េខាងត្បូងសម្លាប់បន្ទាប់ពីរៀបការបាន ៣ ខែ

ប៉ូលីសនៃទីក្រុង  Yangju  ក្នុងខេត្ត Gyeonggi នៃប្រទេសកូរ៉េខាងត្បូងបានឲ្យដឹងថា កំពុងស៊ើបអង្កេតបុរសអាយុ ៥៥ ឆ្នាំម្នាក់ ដែលសង្ស័យថាបានសម្លាប់ប្រពន្ធខ្លួនឯងជាជនជាតិវៀតណាមអាយុ ៣០ ឆ្នាំ។ បរុសមួយរូបនេះ មានមុខងារលក់ក្រណាត់នៅ Yangju និង Pocheon ត្រូវបានចាប់ខ្លួននៅ ថ្ងៃទី ១៧ ខែវិច្ឆិកា។

CHỦ TỊCH QUỐC HỘI THAM DỰ NGÀY HỘI “ĐẠI ĐOÀN KẾT TOÀN DÂN TỘC” TẠI TRÀ VINH

ប្រធានរដ្ឋសភា បានចូលរួមថ្ងៃបុណ្យ “មហាសមគ្គីជនជាតិទាំងមូល” នៅខេត្ត TRA VINH

ក្នុងបរិយាកាសដ៏សែនសប្បាយរីករាយ នៃថ្ងៃបុណ្យនេះ លោកស្រីប្រធានរដ្ឋសភាលោកស្រី Nguyen Thi Kim Ngan បានចែករំលែកក្តីសប្បាយរីករាយចំពោះការផ្លាស់ប្តូរជាវិជ្ជមាននៅក្នុងជីវិតរបស់បងប្អូនជនជាតិខ្មែរនៅក្នុងភូមិស្រុក។

ប្រធានស្រីប្រធាន Nguyen Thi Kim Ngan និងលោក Tran Thanh Man ជាប្រធានគណៈកម្មាធិការមជ្ឈឹមរណសិរ្សមាតុភូមិវៀតណាម បានចូលរួមថ្ងៃបុណ្យ“ មហាសមគ្គីជាតិទាំមូល” នៅស្រុក Tra Cu នៃខេត្ត Tra Vinh ។

ក្នុងបរិយាកាសដ៏សប្បាយរីករាយ ប្រកបដោយភាពកក់ក្តៅ និងពោពេញដោយមនសញ្ចេតនានោះ  លោកស្រី Nguyễn Thị Kim Ngân និងគណៈប្រតិភូ បានមានវត្តមាននៅក្នុងភូមិ Sóc Chà B  (ឃុំ Thanh Sơn ស្រុក Trà Cú ខេត្ត Trà Vinh) ដើម្បីចូលរួមពិធីបុណ្យនេះ  ជាមួយប្រជាជនជាដ៏ច្រើននៅទីនេះ។

ភូមិ Sóc Chà B  មានចំនួន ៣១២ ក្រុមគ្រួសារ មានប្រជាជនចំនួន ១.២៤៤ នាក់ជាជនជាតិខ្មែរ, ហើយសេដ្ឋកិច្ចមុខព្រួញគឺធ្វើកសិកម្ម។ ដើម្បីពង្រឹងនូវស្មារតីមហាសាមគ្គីភាពនោះ  ប៉ុន្មានឆ្នាំកន្លងទៅ ប្រជាជននៅទីនេះ បានអនុវត្តល្អចលនានានា និងចលនាស្នេហាជាតិ បានរួមចំណែកក្នុងការផ្លាស់ប្តូរមុខមាត់របស់ភូមិស្រុក ឲ្យកាន់តែស្អាតបាតជាង។

បច្ចុប្បន្ននេះភូមិមានប្រជាជនចំនួន ៧៧,៦% គ្រួសារសម្រេចបានបទដ្ឋានជាគ្រួសារវប្បធម៌ និងជនបទថ្មី,  កុមារ ១០០% ស្ថិតក្នុងវ័យសិក្សា បានទទួលការចាក់វ៉ាក់សាំងការពារជំងឺតាមការកំណត់​ និងបានទៅរៀនទាំងអស់,  ប្រជាជន ១០០% មានប័ណ្ណធានារ៉ាប់រងសុខភាព, មានអគ្គិសប្រើប្រាស់, មានទឹកស្អាតប្រើប្រាស់ និងមានគំរូសេដ្ឋកិច្ចជាច្រើន បាននាំមកប្រសិទ្ធភាពសេដ្ឋកិច្ចខ្ពស់ដូចជា៖ ចិញ្ចឹមគោ, ចិញ្ចឹមកង្កែប…

លោកស្រី Nguyen Thi Kim Ngan បានចែករំលែកក្តីសប្បាយរីករាយរបស់ចំពោះការផ្លាស់ប្តូរជាវិជ្ជមាននៅក្នុងជីវភាពរស់នៅរបស់ប្រជាជនក្នុងភូមិ។

តាមរយៈនេះ លោកស្រីប្រធានរដ្ឋសភាបានទទួលស្គាល់ និងកោតសរសើរចំពោះការខិតខំប្រឹងប្រែង របស់ថ្នាក់ដឹកនាំ, អាជ្ញាធមូលដ្ឋាន, សហជីពនិងប្រជាជននៅភូមិ Soc Cha B ។

លោកស្រី Nguyen Thi Kim Ngan ក៏បានស្នើដល់រណសិរ្សមាតុភូមិគ្រប់លំដាប់ថ្នាក់ ត្រូវបន្តអនុវត្តឲ្យបានល្អតួនាទីជាស្ពាន រវាងបក្ស, រដ្ឋាភិបាល និងប្រជាជន, ពង្រឹងកម្លាំងនៃចំណងមហាសាមគ្គីភាព; ពង្រឹងតួនាទីជាអ្នកឃ្លាំមើល និងរិះគន់ក្នុងសង្គម, ចែករំលែក, លើកទឹកចិត្ត និងស្តាប់មតិ និងសេចក្តីប្រាថ្នារបស់ប្រជាជន។ បង្ករលក្ខខណ្ឌងាយស្រួលដល់សកម្មភាពរបស់រណសិរ្សនៅមូលដ្ឋាន និងក្នុងទីប្រជំជន។ តាមរយៈនេះ នឹងនង្រឹងនូវប្រពៃណីប្រជាជនទាំងមូលរួបរួមសមគ្គី, រួមកម្លាំងចូលរួមក្នុងការឃោសនានានា និងចលនាប្រឡងប្រណាំងស្នេហាជាតិ, កសាងគ្រួសារវប្បធម៌, កសាងបរិស្ថានក្នុងភូមិឃុំប្រកបដោយតម្លាភាព និងសុខដម្យរមនា។

ក្នុងឱកាសនេះដែរ លោកស្រី Nguyen Thi Kim Ngan ក៏បានប្រគល់ផ្ទះមហាសាមគ្គីចំនួន ២៥ ខ្នង ដែលថវិការបានស្រង់ពីមូលនិធិមជ្ឈិមសម្រាប់ជនក្រីក្រ ដើម្បីជួយដល់គ្រួសារក្រីក្រនៅខេត្ត Trà Vinh។ ក្រៅពីនេះ លោកស្រី Nguyen Thi Kim Ngan ក៏បានអញ្ជើញទៅសួរសុខទុក្ខ និងជូនអំណោយដល់វីរម្តាយវៀតណាមនៅស្រុក Trà Cúទៀតផង៕