ព័ត៍មាននៅក្នុងប្រទេស
១.ទីក្រុងហូជីមិញ៖ ពលករជាង 85.០០០ នាក់បានស្នើឱ្យទទួលថវិការជំនួយជួលផ្ទះសំណាក់
បន្ទាប់ពីអស់រយៈពេលជាងមួយខែ អនុវត្តនូវសេចក្តីសម្រេច របស់លោកនាយករដ្ឋមន្រ្តី ស្តីពីការអនុវត្តគោលនយោបាយឧបត្ថម្ភជួលបន្ទប់ស្នាក់នៅដល់ពលករ (សេចក្តីសម្រេចលេខ ០៨)នោះ, ធានារ៉ាប់រងសង្គមទីក្រុងហូជីមិញ បានឲ្យដឹងថា គិតដល់ថ្ងៃទី៦ ខែមិថុនា មាន 85.495 ឯកសារសមស្រប របស់ 5.324 អង្គភាព ត្រូវបានក្រុមហ៊ុនធានារ៉ាប់រងទទួលស្គាល់ បានចូលរួមបង់ធានារ៉ាប់រងសង្គម។
២.ធុរកិច្ចវៀតណាម និងអ៊ីតាលី ចុះកិច្ចព្រមព្រៀងអំពីការចងសម្ព័ន្ធអាកាសយានដ្ឋាន
ក្នុងក្របខ័ណ្ឌនៃ "វេទិកាអភិវឌ្ឍន៍បណ្តាញផ្លូវហោះហើរអាស៊ី - Routes Asia 2022" បានរៀបចំឡើងនៅទីក្រុង Đà Nẵng ចាប់ពីថ្ងៃទី 6 ដល់ថ្ងៃទី 9 ខែមិថុនា ឆ្នាំ 2022, អគ្គក្រុមហ៊ុនអាកាសយានដ្ឋានវៀតណាម- និងបណ្តុំក្រុមហ៊ុន Società Esercizi Aeroportuali (SEA) បានចុះហត្ថលេខាលើកិច្ចព្រមព្រៀងអាកាសយានដ្ឋានចងសម្ព័ន្ធ ប្រយោជន៍ដើម្បីកសាង នូវទំនាក់ទំនងសហប្រតិបត្តិការរួមគ្នារអភិវឌ្ឍ ។
៣.មានបន្ថែមមនុស្សជាង 376 ពាន់នាក់ បានចូលរួមធានារ៉ាប់រងសង្គមជាកាតព្វកិច្ច
ថ្មីៗនេះ នៅទីក្រុងហាណូយ ក្រុមហ៊ុនធានារ៉ាប់រងសង្គមវៀតណាម បានបើកកិច្ចប្រជុំ ស្តីពីកិច្ចការធានារ៉ាប់រងសង្គម និងធានារ៉ាប់រងសុខភាពក្នុងខែមិថុនា។គិតដល់ដំណាច់ខែឧសភា ឆ្នាំ 2022 ចំនួនប្រជាជនបានចូលរួមធានារ៉ាប់រងសង្គម, ធានារ៉ាប់រងសុខភាព និងការធានារ៉ាប់រងគ្មានការងារធ្វើក្នុងប្រទេស សម្រេចបានជាង 16,7 លាននាក់ ស្មើនឹង 33,81% នៃកម្លាំងពលកម្ម, គឺកើនជាង 507 ពាន់នាក់ បើប្រៀបធៀបនឹងរយៈពេលដូចគ្នាកាលពីឆ្នាំ 2021 ។
៤.អាជីវកម្មស្ថិរភាពថ្លៃទីស្សារ សុំដំឡើងថ្លៃស៊ុតមាន់ និងស៊ុតទា
ស្ថាប័នអាជីវកម្មមួយចំនួន ដែលចូលរួមកម្មវិធីស្ថិរភាពថ្លៃទីផ្សារ បានឲ្យដឹងថា កំពុងធ្វើសំណើ ដល់ស្ថាប័នមានសមត្ថភាព សុំដំឡើងថ្លៃស៊ុតសត្វ ដែលចូលរួម កម្មវិធីស្ថិរភាពថ្លៃទីផ្សារ។ តាមការគ្រោងទុក គឺកម្រិតកែប្រែនឹងកើន ២.០០០ដុង/ស៊ុតមាន់ និងទាមួយប្រអប់។ ជាមួយនឹងតម្លៃថ្មីនេះ ប្រសិនមានការយល់ព្រមនោះ គឺស៊ុតមាន់នឹងបានលក់ក្នុងតម្លៃ 31.500ដុង/ប្រអប់ និងស៊ុតទា 37.000 ដុង/ប្រអប់ ហើយជាមួយតម្លៃនេះ នៅតែទាបជាងទីផ្សារពី ៥-១០%។
ព័ត៍មានអន្តរជាតិ
៥.អាមេរិក៖ មិនបាច់បង់ពន្ធ ចំពោះបន្ទះសូឡានាំចូលពីវៀតណាម
យោងតាមសេចក្តីប្រកាស របស់សេតវិមានបានដឹងថា នឹងមានពន្ធមួយចំនួនត្រូវបានលើកលែងក្នុងរយៈពេល 2 ឆ្នាំ សម្រាប់បន្ទះស្រូបពន្លឺព្រះអាទិត្យ នាំចូលពីប្រទេសវៀតណាម, កម្ពុជា, ម៉ាឡេស៊ី និងប្រទេសថៃ។ ហើយភាគីនៃប្រទេសអាមេរិក មិនបានបញ្ជាក់ អំពីពន្ធអ្វី ដែលបានលើកលែងនោះទេ។
៦.ប្រទេសរុស្ស៊ី៖ ទេសចរណ៍ក្នុងស្រុកកំពុងរីកចម្រើន
ទេសចរណ៍ក្នុងស្រុក នៃប្រទេសរុស្ស៊ី កំពុងមានការកើនឡើង បន្ទាប់ពីជើងហោះហើរទៅកាន់ប្រទេសជាច្រើនត្រូវបានបិទ, អាជ្ញាហាមឃាត់ បានបណ្តាលឲ្យជនជាតិរុស្ស៊ី មិនបានធ្វើទេសចរណ៍ទៅកាន់ប្រទេសជាច្រើនទៀត។ បានដឹងថា បច្ចុប្បន្ន សណ្ឋាគារលំដាប់ផ្កាយ៥ និងផ្កាយ៤ កំពុងអស់បន្ទប់ស្នាក់នៅ។ តាមការគ្រោងទុក នឹងមានមនុស្ស 8 លាននាក់ នឹងសម្រាកលំហែកាយ នារដូវក្តៅ ក្នុងអំឡុងពេលពីខែឧសភាដល់ខែកញ្ញា។
៧. ប្រទេសម៉ាឡេស៊ីបានហាមនាំចេញសាច់មាន់
អាជ្ញាហាមឃាត់ ការនាំចេញសាច់មាន់មានសុពលភាពចាប់ពីថ្ងៃទី 1 ខែមិថុនា, គឺជាវិធានការថ្មីបំផុត ក្នុងចំណោមវិធានការនានា របស់រដ្ឋាភិបាលនៃប្រទេសម៉ាឡេស៊ី សម្រាប់ស្ថិរភាពថ្លៃក្នុងប្រទេស និងធានាការផ្គត់ផ្គង់ក្នុងស្រុក ក្នុងបរិបទដែលតម្លៃស្បៀងអាហារលើពិភពលោក កំពុងឡើងខ្ពស់។
៨.ប្រទេសនានានៅអឺរ៉ុបនឹងទិញប្រេងពី Venezuela
បន្ទាប់ពីសហរដ្ឋអាមេរិក បានផ្តល់អាជ្ញាប័ណ្ណដល់ក្រុមហ៊ុនឧស្ម័នមួយចំនួន ដែលកំពុងប្រតិបត្តិការនៅប្រទេស Venezuela នោះ គឺបណ្តាបណ្តុំក្រុមហ៊ុន Eni របស់អ៊ីតាលី និងក្រុមហ៊ុន Repsol របស់អេស្ប៉ាញ នឹងចាប់ផ្តើមដឹកជញ្ជូនប្រេងពីប្រទេស Venezuela ទៅកាន់អឺរ៉ុបនៅខែក្រោយ សម្រាប់បង្គ្រប់កង្វះប្រេងឆៅរបស់ប្រទេសរុស្ស៊ី។
៩.អាមេរិក៖ រឹបអូសយន្តហោះ ២ គ្រឿងរបស់មហាសេដ្ឋី Abramovich
ក្រសួងយុត្តិធម៌សហរដ្ឋអាមេរិក បានបញ្ជាឱ្យរឹបអូសយន្តហោះពីរគ្រឿង ជាកម្មសិទ្ធិរបស់មហាសេដ្ឋី Abramovich ដោយមូលហេតុ ល្មើសបទកំណត់ត្រួតពិនិត្យនៃការរនាំចេញរបស់អាមេរិក ចំពោះលើយន្តហោះ ដែលប្រទេសនេះផលិត ដោយបានចេញផ្សាយកាលពីថ្ងៃទី 2 ខែមីនា។
១០.ទីក្រុងសៀងហៃ នៃប្រទេសចិន បានបើកសាលារៀនឡើងវិញ
សាលារៀននានា នៅទីក្រុងសៀងហៃ នៃប្រទេសចិន បានបើកសាលារៀនជាបណ្តើរៗហើយ បន្ទាប់ពីបានបិទទ្វារជាងពីរខែ មកពីរងផលប៉ះពាល់របស់ជំងឺ Covid-19។