ព័ត៍មាននៅក្នុងប្រទេស
១.វៀតណាមក្លាយជាអនុប្រធានមហាសន្និបាតអង្គការសហប្រជាជាតិ តំណាង អាស៊ីនិងប៉ាស៊ីហ្វិក
វៀតណាមបានក្លាយជាអនុប្រធានមួយ នៃមហាសន្និបាតអង្គការសហប្រជាជាតិ (UNGA) និតិកាលទី៧៧ តំណាងឱ្យតំបន់អាស៊ីប៉ា- ស៊ីហ្វិក បន្ទាប់ពីកិច្ចប្រជុំកាលពីថ្ងៃទី៧ ខែមិថុនា។ វៀតណាមនឹងកាន់តំណែងនេះ ក្នុងរយៈពេលមួយឆ្នាំចាប់ពីថ្ងៃទី ១៣ ខែកញ្ញា។
ហើយ ឯកអគ្គរដ្ឋទូតនៃប្រទេសហុងគ្រី លោក Csaba Korosi បានក្លាយជាប្រធាន UNGA ថ្មី, និតិកាលទី 77 អាណត្តិពីឆ្នាំ 2022 - 2023 ជំនួសលោក Abdulla Shahid ជនជាតិ Maldives ជាប្រធាន UNGA និតិកាលទី 76 ។
២.ចុះហត្ថលេខាលើកិច្ចព្រមព្រៀងសហប្រតិបត្តិការ រវាងគណៈកម្មាធិការទទួលបន្ទុកកិច្ចការជនជាតិភាគតិច និងសម្ព័ន្ធសមាគមន៍នារីទីក្រុងហូជីមិញ
សម្ព័ន្ធសមាគមន៍នារីទីក្រុងហូជីមិញ បានសហការជាមួយគណៈកម្មាធិការជនជាតិភាគតិចទីក្រុង រៀបចំនូវពិធីចុះហត្ថលេខា លើកម្មវិធីសហប្រតិបត្តិការ រវាងអង្គភាពទាំងពីរ ដំណាក់កាលពីឆ្នាំ2022 – 2025។
គោលបំណងរបស់កម្មវិធីនេះ គឺលើកកំពស់ឲ្យមានប្រសិទ្ធភាព នៃកិច្ចការបំផុសបងប្អូននារី ជាជនជាតិភាគតិច, ឆ្ពោះទៅគោលដៅបំផុស, ប្រមូលផ្តុំ និងលើកកម្ពស់ការយល់ដឹងសម្រាប់បងប្អូននារីជាជនជាតិភាគតិច; បង្កើនតួនាទី និងការចូលរួមរបស់បងប្អូននារី នៅថ្នាក់មូលដ្ឋាន ក្នុងការអភិវឌ្ឍន៍សេដ្ឋកិច្ច សង្គមកិច្ច, ជាជំហានៗ នឹងកែលំអរជីវភាពរស់នៅ, ទាំងខាងសម្ភារៈ និងស្មារតី; កសាងគ្រួសារសុភមង្គល។
៣.ទីក្រុងហូជីមិញបានកត់ត្រាមានជិត12.000 ករណី កើតជំងឺគ្រុនឈាម
យោងតាមមជ្ឈមណ្ឌលគ្រប់គ្រងជំងឺនៃទីក្រុងហូជីមិញ (HCDC) ក្នុងរយៈពេល 5 ខែដំបូងនៃឆ្នាំ 2022, ទីក្រុងបានកត់ត្រាមាន11.722 ករណីឆ្លងជំងឺគ្រុនឈាម, គឺកើន 66,5% បើធៀបនឹងរយៈពេលដូចគ្នា កាលពីឆ្នាំ 2021 ចំនួន 7.039 ករណី។ ក្នុងនោះ 209 ករណីធ្ងន់ធ្ងរ គឺកើនជាង 7 ដង បើធៀបនឹងរយៈពេលដូចគ្នា កាលពីឆ្នាំ 2021 (ចំនួន 28 ករណី)។
៤.បំផុសកម្មវិធី “ដាំរុក្ខជាតិ ១ លានដើម- ដើម្បីវៀតណាមបៃតង”
ថ្មីៗនេះ នៅទីក្រុងហាណូយ មជ្ឈិមសម្ព័ន្ធយុវជនកុម្មុយនិស្តហូជីមិញ និងក្រុមហ៊ុន PepsiCo Việt Nam បានរៀបចំសន្និសីទសារព័ត៌មាន ដើម្បីបំផុសកម្មវិធី “ដាំរុក្ខជាតិ ១ លានដើម- ដើម្បីវៀតណាមបៃតង” ឆ្នាំ 2022។
បានដឹងថា កម្មវិធីបានរៀបចំឡើង ក្នុងគោលបំណង យុវជនវៀតណាម បានចូលរួម ក្នុងកិច្ចការស្តារព្រៃឈើ នៅដើមប្រភពទឹកឡើងវិញ, អភិវឌ្ឍន៍ដើមឈើ, ការពារបរិស្ថាន ព្រមទាំងទប់ទល់នឹងបំរ៉ែបំរួលរបស់អាកាសធាតុ។ ផ្តើមពីនេះ បានរួមចំណែក ក្នុងការឃោសនា, អប់រំ លើកកម្ពស់ការយល់ដឹង និងការទទួលខុសត្រូវរបស់សមាជិកសហជីព និងយុវជនអំពីតួនាទី និងសារៈសំខាន់របស់ព្រៃឈើ និងជំរុញការដាំដុះ ការពារព្រៃឈើ...។
ព័ត៍មានអន្តរជាតិ
៥.ប្រទេសរុស្ស៊ី បានផ្អាកកិច្ចព្រមព្រៀងនេសាទជាមួយប្រទេសជប៉ុន
ក្រសួងការបរទេសរុស្ស៊ីបាននិយាយថា ប្រទេសនេះ កំពុងផ្អាកកិច្ចព្រមព្រៀងមួយ ដែលអនុញ្ញាតឱ្យអ្នកនេសាទនៃប្រទេសជប៉ុន បាននេសាទត្រី នៅជិតកោះ ជម្លោះ Kurils (ដែលប្រទេសជប៉ុន បានហៅថា ដែនដីភាគខាងជើង), ជាមួយមូលហេតុ ទីក្រុងតូក្យូ មិនបានទូទាត់តាមកំណត់ក្នុងកិច្ចព្រមព្រៀង។
៦.ធនាគារពិភពលោកព្យាករណ៍កំណើនសេដ្ឋកិច្ចសកលក្នុងឆ្នាំ 2022
ធនាគារពិភពលោក (WB) បានបន្ទាបការព្យាករណ៍របស់ខ្លួន សម្រាប់កំណើនសេដ្ឋកិច្ចពិភពលោក ក្នុងឆ្នាំ 2022 បន្ថែម 1.2 ពិន្ទុះ, ចុះមកត្រឹម 2,9% ព្រមទាំង បានព្រមានថា អាចមានប្រទេសជាច្រើន នឹងធ្លាក់ចូលក្នុងវិបត្តិសេដ្ឋកិច្ចដ៏ធ្ងន់ធ្ងរ។
៧.អូស្ត្រាលី៖ កែច្នៃកាកសំណល់ទៅជាថាមពល
មន្ត្រីនៅទីក្រុង Logan ក្នុងរដ្ឋ Queensland នៃប្រទេសអូស្ត្រាលី បានបង្កើតប្រព័ន្ធ ជីវឧស្ម័នដំបូង សម្រាប់ប្រែក្លាយកាកសំណល់ទៅជាថាមពលកកើតឡើងវិញ។
ហើយ ក្រុមប្រឹក្សាទីក្រុង Logan បាននិយាយថា ប្រព័ន្ធរោងចក្រជីវឧស្ម័ននេះ នឹងជួយឲ្យទីក្រុង កាត់បន្ថយការបញ្ចេញកាបូនប្រមាន 6.000 តោនក្នុងមួយឆ្នាំ។
៨.ប្រទេសក្រិច៖ ស្រង់សំរាមបានចំនួន ២៣ តោននៅបាតសមុទ្រ
បណ្តាអង្គការអភិរក្សសមុទ្រអន្តរជាតិ យកបានសំរាមជាង 23 តោនពីបាតសមុទ្រជុំវិញកោះ Ionian ក្នុងប្រទេសក្រិក។
ក្នុងចំណោមសំរាមដែលស្រង់បាន មានអួនយក្សប្រមាណ២០បន្ទះ នៅបាតសមុទ្រ។ សំណាញ់ទាំងនេះ ត្រូវបានគេហៅថា ជាសំណាញ់ខ្មោច មកពីមិនអាចមើលឃើញវានៅក្នុងទឹក ហើយនេះ ជាអន្ទាក់ បានសម្លាប់សត្វសមុទ្រជាច្រើនជារៀងរាល់ឆ្នាំ។
៩.ប្រទេសអេស្ប៉ាញ៖ អប់ស្រាទំពាំងបាយជូរនៅក្រោមសមុទ្រ
ដើម្បីបង្កើនរសជាតិរបស់ស្រាទំពាំងបាយជូរ មានរោងចក្រមួយ ក្នុងប្រទេសអេស្ប៉ាញ បានមានវិធីពិសេសមួយ គឺអប់វានៅក្រោមសមុទ្រតែម្តង។
បានដឹងថា ស្រានេះ កំពុងបានអប់នៅនៅឈូងសមុទ្រ Plentzia, ភាគខាងជើងនៃប្រទេសអេស្ប៉ាញ។ ក្រុមហ៊ុនអ្នកផលិត បានជឿជាក់ថា ទឹកសមុទ្រមានជាតិប្រៃ នឹងនាំមកនូវរសជាតិពិសេស ហើយក្រុមហ៊ុន បានបាច់ផ្តើមសាកល្បងតាំងពីឆ្នាំ 2010។
១០.ប្រឈមនឹងវិបត្តិឧស្ម័ន អាមេរិកអាចពិចារណាបន្ធូរបន្ថយទណ្ឌកម្មសម្រាប់អ៊ីរ៉ង់
បន្ទាប់ពីអនុញ្ញាតឱ្យ Venezuela លក់ប្រេងអឺរ៉ុបនោះ, អាមេរិកក៏អាចអនុញ្ញាតឱ្យអ៊ីរ៉ង់នាំចេញប្រេងទៅកាន់ទីផ្សារពិភពលោក។ទង្វើរនេះ អាចកើតមានឡើង សូម្បីតែ កិច្ចព្រមព្រៀងថ្មី នៅក្នុងផែនការសកម្មភាពទូលំទូលាយរួមទាក់ទងនឹងកម្មវិធីនុយក្លេអ៊ែររបស់អ៊ីរ៉ង់មិនទាន់សម្រេចក៏ដោយ។ ហេតុផល ដែលសេតវិមានបានធ្វើបែបនេះ ទំនងជា ចង់គ្រប់គ្រងតម្លៃឧស្ម័ន ក៏ដូចជាការពារឱកាសរបស់គណបក្សប្រជាធិបតេយ្យនៅក្នុងការបោះឆ្នោតសភាក្នុងខែវិច្ឆិកាខាងមុខ។