ព័ត៌មាននៅក្នុងប្រទេស

១.លោកនាយករដ្ឋមន្ត្រីបង្គាប់ការឲ្យបង្កើនពិន័យល្មើសច្បាប់ខាងទំនប់ទឹក

ថ្មីៗនេះ លោកនាយករដ្ឋមន្ត្រី​ បានប្រកាសឲ្យប្រើសារាចរណែនាំលេខ 447/CT-TTg ចុះថ្ងៃទី 25/3/2011 ស្តីអំពីការបង្កើនពិន័យការល្មើច្បាប់ស្តីអំពីទំនប់ទឹក និងការគ្រប់គ្រងការធ្វើអាជីវកម្មដីខ្សាច់ និងគ្រួស ដែលប៉ះពាល់ដល់សុវត្ថិភាពទំប់ទឹក ហើយផ្តើមពីនេះ កិច្ចការគ្រប់គ្រង និងការពារទំនប់ទឹកមានការប្រែប្រួលល្អ។

ដើម្បីបង្កើនឲ្យមានប្រសិទ្ធិភាពការគ្រប់គ្រងរដ្ឋ រាំងខ្ទប់ និងដោះស្រាយទាន់ពេលវេលារាល់ការល្មើសច្បាប់ខាងទំនប់ទឹកនោះ លោកនាយករដ្ឋមន្ត្រី បានតម្រូវដល់ក្រសួង ផ្នែក និងគណៈកម្មាធិការប្រជាជនគ្រប់ខេត្តក្រុងចំណុះមជ្ឈិម ត្រូវអនុវត្តឲ្យបានម៉ឺនម៉ាត់រាល់កំណត់របស់ច្បាប់ ស្តីអំពីទំនប់ទឹក និងរាល់បទកំណត់ផ្សេងៗទៀតរបស់ច្បាប់។

២.ស្រង់សាឡង់ដឹកធ្យូងថ្មជាង 1.300 តោន ត្រូវលិចនៅព្រេក Chợ Gạo

ថ្មីៗនេះ នៅលើព្រេក Chợ Gạo បានកើតមានករណីប៉ះទង្គិចមួយ បណ្តាលឲ្យសាឡង់មួយគ្រឿង កំពុងដឹកធ្យូងថ្មជាង ១.៣០០តោនត្រូវលិចចុះបាតព្រេក។ បន្ទាប់ពីកើតមានករណីនេះភ្លាម ការិយាយល័យនគរបាលផ្លូវគមនាគមន៍ បានមកទីកើតហេតុក្នុងខេត្ត Tiền Giang សហការជាមួយនគរបាលទីក្រុង  Mỹ Tho បញ្ចាក់ករណីនេះ និងចាត់ចែងចរាចរណ៍។ លុះដល់ម៉ោង ៦យប់ថ្ងៃដដែល កម្លាំងមានសម្ថកិច្ចខេត្តទើបស្រង់បានសាឡង់ត្រូវលិចនេះ ហើយករណីនេះកំពុងត្រូវបានស៊ើបការបន្ត។

៣.រួសរាន់ធ្វើការត្រួតពិនិត្យ និងដោះស្រាយបាតុ​ភូតទឹកជ្រោះត្រូវបំពុលហូរចេញទៅឈូងសមុទ្រHạ Long

ថ្មីៗនេះ សាលាក្រុងខេត្ត Quảng Ninh និងផ្នែកពាក់ព័ន្ធផ្សេងៗទៀត បានរួសរាន់ធ្វើការត្រួតពិនិត្យ និងដោះស្រាយ (ប្រសិនជាមាន) ចំពោះករណីទឹកហូរចេញពីតំបន់អណ្តូងរ៉ែមួយ របស់ក្រុមហ៊ុនធ្យូងថ្ម Hòn Gai ដែលតាមចរន្តទឹកហូរចេញទៅឈូងសមុទ្រ Hạ Long នៅបរិវេណសង្កាត់ Hà Khánh ទីក្រុងHạ Long  នៃខេត្ត Quảng Ninh។ បានដឹងថា ប្រភពទឹកកខ្វក់នេះ បានហូរចេញពីបណ្តាអណ្តូងរ៉ែក្នុងតំបន់អូរ suối Lại។ ហើយបានដឹងថា នៅឆ្នាំ ២០១៦ តំបន់នេះត្រូវផ្អាក់ធ្វើអាជីវកម្ម លុះដល់ខែសីហាឆ្នាំ ២០១៩ ក្រសួងធនធាន និងបរិស្ថាន បានមានសេចក្តីសម្រេចឲ្យបិតអណ្តូងនេះ។

៤.ប្រទេសវៀតណាម បានឡើង ១០ថ្នាក់ នៃការប្រកួតប្រជេងក្នុងការវាយតម្លៃរបស់ WEF

ក្នុង”សេចក្តីរាយការណ៍អំពីសមត្ថភាពប្រកួតប្រជេងលើទូទាំងសកលលោកឆ្នាំ ២០១៩” វេទិការសេដ្ឋកិច្ចអន្តរជាតិ (WEF) បានទទួលស្គាល់ នូវការវិវឌ្ឍន៍យ៉ាងឆាប់រហ័សរបស់ប្រទេសមួយចំនួន ក្នុងនោះមានទាំងប្រទេសវៀតណាម ដោយស្ថិតក្នុងស្ថានភាពពិភពលោកកំពុងស្ថិតក្នុងភាពតានតឹង ខាងនយោបាយ និងពាណិជ្ជកម្ម។

ព័ត៌មានអន្តរជាតិ

៥.ព្រឹទ្ធសភាអ៊ីតាលីអនុម័តទៅលើច្បាប់កាត់បន្ថយអ្នកតំណាងរាស្ត្រជាង ១/៣

ថ្មីៗនេះ ព្រឹទ្ធសភាអ៊ីតាលី បានបោះឆ្នោតអនុម័តទៅលើព្រាងច្បាប់មួយ ហើយយោងតាមនេះ នឹងកាត់បន្ថយចំនួនអ្នកតំណាងរាស្រ្តនៅក្នុងព្រឹទ្ធសភាពី ៦៣០នាក់ នៅត្រឹម ៤០០នាក់ ហើយចំនួនអ្នកតំណាងរាស្ត្រនៅសភាជាន់ខ្ពស់ពី ៣១៥នាក់ ចុះនៅត្រឹម ២០០នាក់។

៦.អាមេរិកបានចាត់បញ្ជូល ២៨ អង្គាររបស់ចិន ចូលក្នុងបញ្ជីខ្មៅ

មុនកិច្ចចរចារដែលមានការសង្ឃឹមថា នឹងធ្វើឲ្យបន្ធូរបន្ថយភាពតានតឹងខាងសេដ្ឋកិច្ចរវាងអាមេរិក និងចិននោះ ក្រសួងពាណិជ្ជកម្មអាមេរិក​បានប្រកាសទៀតថា នឹងបញ្ជូល ២៨ អង្គភាពរបស់រដ្ឋ​ និងស្ថាប័នអាជីវកម្មរបស់ប្រទេសចិន ចូលក្នុងបញ្ជីខ្មៅខាងពាណិជ្ជកម្ម។

៧.គ្រាប់បែកបន្សល់ពីសង្គ្រាមលោកលើកទី ២ ត្រូវផ្ទុះ ធ្វើឲ្យទាហានច្រើននាក់ត្រូវស្លាប់និងរបួស

លោក Mariusz Blaszczak  ជារដ្ឋមន្ត្រីក្រសួងការពារជាតិនៃប្រទេសប៉ូឡូញបានជូនដំណឹងថា មានទាហា ២នាក់ត្រូវស្លាប់បាត់បង់ជីវិត និងទាហាន ៤ នាក់ទៀតត្រូវរងបួស ក្នុងពេលកំពុងដោះគ្រាប់មីនមួយ ដែលបានចាត់ទុកថា បានសន្សល់កាលពីសង្គ្រាមលោកលើកទី ២មកហើយត្រូវផ្ទុះ។ ហើយបច្ចុប្បន្ននេះ ខាងយោធាកំពុងហំព័ទ្ធតំបន់នេះ ព្រមទាំងធ្វើការរាវរកមីនបន្តទៀត។

CÔNG AN TPHCM: PHÁ ĐƯỜNG DÂY MA TÚY XUYÊN

QUỐC GIA CÓ 8 KHẨU SÚNG

នគរបាលទីក្រុងហូជីមិញ៖ កំចាត់ដោយជោគជ័យខ្សែរយៈជួញដូរគ្រឿងញៀនឆ្លងប្រទេស

មានកាំភ្លើង ៨ ដើម

ការិយាល័យនគរបាលព្រហ្មទណ្ឌទីក្រុងហូជីមិញបានឲ្យដឹងថា អង្គភាពនេះ ​ទើបកំចាត់ដោយជោគជ័យខ្សែរយៈជួញដូរគ្រឿងញៀនខុសច្បាប់ឆ្លងប្រទេស ដែលក្រុមនេះបានយកទំនិញពីប្រទេសឡាវ ចូលលក់នៅទីក្រុងហូជីមិញ ដឹកនាំដោយឈ្មោះ Phan Phi Long (កើតឆ្នាំ ១៩៨៨​ស្រុកកំណើតនៅ Hà Tĩnh) និងឈ្មោះVõ Tuấn Tài (កើតឆ្នាំ ១៩៨៥ រស់នៅខណ្ឌលេខ១)។ ក្រៅពីជន ២ នាក់នេះ នៅមានជន ៣ នាក់មានការពាក់ព័ន្ធផ្សេងទៀត ក៏ត្រូវនគរបាលចាប់ខ្លួនផងដែរ។

បានដឹងថា មុននោះ តាមរយៈការក្តាប់សភាពការណ៍នៅក្នុងតំបន់ ក្រុមនគរបាលស៊ើបការណ៍ពិសេស នៃការរិយាល័យនគរបាលព្រហ្មទ័ណ្ឌទីក្រុងហូជីមិញ បានរកឃើញមុខសញ្ញាឈ្មោះ Tài ច្រើនតែកម្មង់គ្រឿងញៀនក្នុងចំនួនច្រើនពីឈ្មោះ Long​ សម្រាប់យកទៅលក់នៅទីក្រុងហូជីមិញ។ ហើយប្រភពគ្រឿងញៀននេះ ឈ្មោះ Long បានទិញពីប្រទេសឡាវ ដឹកចូលប្រទេសវៀតណាម តាមផ្លូវគោគ បន្ទាប់មកទៀត គ្រឿងញៀនបានដឹកតាមរថយន្តដឹកអ្នកដំណើរទៅលក់នៅទីក្រុងហូជីមិញ។

អស់រយៈពេលតាមដានយូរថ្ងៃ រាល់សកម្មភាពរបស់មុខសញ្ញាទាំងអស់ក្នុងខ្សែរយៈនេះ សុទ្ធតែត្រូវបាននគរបាលតាមដានយ៉ាងស្អិតរមួត។ ហើយនៅថ្ងៃទី ២០ខែកញ្ញា កងឈ្លបការបានដឹងថា ឈ្មោះ Long  ទើបទូរស័ព្ទបង្គាប់ការដល់ឈ្មោះHoàng Anh Vũ ឲ្យទទួលគ្រឿញៀនចំនួន ៤គីឡូក្រាមពីមុខសញ្ញាមួយរូបជនជាតិឡាវនៅខេត្ត Hà Tĩnh រួចយកទំនិញាតាមឡានដឹកអ្នកដំណើរ ចូលទីក្រុងហូជីមិញ ហើយលាក់ទុកនៅក្នុងសណ្ឋាគារមួយ ស្ថិតនៅផ្លូវ Bạch Đằng(ខណ្ឌ Tân Bình)សម្រាប់ប្រគល់ឲ្យឈ្មោះ Tài ។

ដោយឃើញថា នេះជាឱកាសល្អ សម្រាប់កំចាត់ករណីនេះ នគរបាលព្រហ្មទណ្ឌ ក៏បានតាមដានជនទាំងនេះ។ ហើយនៅថ្ងៃទី ២១ ខែកញ្ញា បន្ទាប់ពីលាក់ទុកគ្រឿងញៀនហើយ ឈ្មោះ Vũ បានជិះតាក់ស៊ីទៅសណ្ឋាគារមួយផ្សេងទៀតនៅខណ្ឌ Bình Tân សម្រាប់ជួយឈ្មោះ Long និងជន ២នាក់ទៀត។

ហើយដើម្បីបង្វែងដាន នៅយប់ថ្ងៃដដែល ក្រុមនេះបានទូទាត់ថ្លៃបន្ទប់សណ្ឋាគារនៅខណ្ឌ Tan Binh រួចប្តូរទៅជួលសណ្ឋាគារផ្សេងនៅខណ្ឌ Binh Tan ។ ហើយពេលនេះ ក៏ត្រូវនគរបាលសម្រុកចូលចាប់បាន ព្រមទាំងវត្ថុតាងជាគ្រឿងញៀនដែលទើបយកមកក្រុង។

តាមរយៈការសួរចម្លើយ គឺកាលពីព្រឹកថ្ងៃទី ២២ខែកញ្ញា ស្នងការនគរបាលបានចាប់ខ្លួន និងឆែកឆេរផ្ទះរបស់ឈ្មោះ Võ Tuấn Tài នៅខណ្ឌលេខ ៧ ទីក្រុងហូជីមិញ។ ហើយនៅទីនេះ នគរបាលដកហូតបានបន្ថែមគ្រឿងញៀនចំនួន ៧គីឡូក្រាម ថ្នាំញៀនគ្រវីក្បាលចំនួន ៥៤០គ្រាប់ កាំភ្លើង ៦ ដើម និងគ្រាប់កាំភ្លើងចំនួន ៤៣គ្រាប់។

ក្រៅពីនេះ នៅពេលសួរចម្លើយឈ្មោះ  Long នគរបាលនៅដកហូតបន្ថែមកាំភ្លើង ២ ដើម និងគ្រាប់បែក ១គ្រាប់ទៀត ដែលជននេះបានលាក់ទុកនៅហាងបញ្ចាំអីវ៉ាន់ក្នុងខេត្ត Hà Tĩnh ។ ហើយជនទាំងនេះ ក៏បានសារភាពថា មុននេះ ក៏ធ្លាប់បានទិញគ្រឿងញៀនក្នុងចំនួនដ៏ច្រើនហើយ។ ហើយករណីនេះ កំពុងត្រូវបានស៊ើបការណ៍បន្ត៕