បន្តជំនួយសោហ៊ុយធានារ៉ាប់រងកសិកម្ម ៩០% រហូតដល់ដំណាច់ឆ្នាំ ២០២១ - Tiếng Khmer 6/2/2021

ព័ត៍មាននៅក្នុងប្រទេស

១.បន្តជំនួយសោហ៊ុយធានារ៉ាប់រងកសិកម្ម ៩០% រហូតដល់ដំណាច់ឆ្នាំ ២០២១

ថ្មីៗនេះ លោកនាយករដ្ឋមន្រ្តីបានចុះហត្ថលេខាលើសេចក្តីសម្រេចចិត្តលេខ 03/2021/QĐ-TTg ធ្វើវិសោធនកម្ម និងបំពេញបន្ថែមមាត្រាមួយចំនួននៃសេចក្តីសម្រេចចិត្តលេខ 22/2019/QĐ-TTg (សេចក្តីសម្រេចលេខ ២២) ស្តីពីការអនុវត្តគោលនយោបាយដើម្បីជំនួយធានារ៉ាប់រងកសិកម្ម។

យោងតាមនោះ នៅចំណុចទី ១ មាត្រាទី ៤ សេចក្តីសំរេចចិត្តលេខ ២២ ត្រូវបានធ្វើវិសោធនកម្មនិងបំពេញបន្ថែមដូចជា៖“ បុគ្គលផលិតកម្មកសិកម្ម ស្ថិតក្នុងក្រុមគ្រួសារក្រីក្រ និងគ្រួសារស្ថិតក្នុងបនន្ទាត់ក្រីក្រ តាមការកំណត់នៃបទដ្ឋានភាពក្រីក្រពហុជាតិជាតិ អនុវត្តនៅដំណាក់កាលពីឆ្នាំ ២០២២-២០២៥  ត្រូវបានជំនួយសោហ៊ុយចំនួន ៩០% នៃថ្លៃធានារ៉ាប់រង"។ ហើយរយៈពេល អនុវត្ត ត្រូវបានបន្តរហូតដល់ថ្ងៃទី ៣១ ខែធ្នូឆ្នាំ ២០២១ ។

២.ក្នុងខែមករា សហរដ្ឋអាមេរិកគឺជាទីផ្សារនាំចូលទំនិញធំបំផុតរបស់វៀតណាម

ការិយាល័យនៃក្រសួងឧស្សាហកម្ម និង ពាណិជ្ជកម្មបានឲ្យដឹងថា ក្នុងខែមករា ការនាំចេញទំនិញត្រូវបានប៉ាន់ស្មានសម្រេចបាន ចំនួន ២៧,៧ ពាន់លានដុល្លារអាមេរិក គឺកើន ០,២% បើប្រៀបធៀបនឹងខែមុន; ដែលក្នុងនោះ វិស័យសេដ្ឋកិច្ចក្នុងស្រុកទទួលបាន ៧,៦ ពាន់លានដុល្លារអាមេរិក គឺកើន ៦,៤% ; វិស័យមានដើមទុនវិនិយោគបរទេស (គិតទាំងប្រេងឆៅ) សម្រេចបាន ២០,១ ពាន់លានដុល្លារអាមេរិក, គឺថយចុះ ២% ។ បើប្រៀបធៀបនឹងរយៈពេលដូចគ្នាកាលពីឆ្នាំមុន ទឹកប្រាក់នៃទំនិញនាំចេញកើន ៥០,៥ ភាគរយ។

៣.ប្រភពផ្គត់ផ្គង់ទំនិញច្រើនសន្ធឹក ដោយមិនបារម្ភអំពីទំនិញឡើងថ្លៃឡើយ

ដើម្បីត្រៀមរៀបចំតម្រូវការប្រើប្រាស់របស់ប្រជាជនក្នុងឱកាសបុណ្យចូលឆ្នាំថ្មី ២០២១នោះ, ទីក្រុងហាណូយបានត្រៀមប្រភពទំនិញទទួលឆ្នាំថ្មី ឡើងដល់ ៣៩.៤០០ ពាន់លានដុង។ ជាមួយនឹងការផ្គត់ផ្គង់យ៉ាងច្រើនសន្ធឹក, ប្រព័ន្ធចែកចាយនៅគ្រប់ទីកន្លែង, បណ្តាកម្មវិធីជំរុញនិង បញ្ចុះថ្លៃច្រើនបែបយ៉ាងនោះ គឺប្រជាជននឹងនឹងនរចិត្ត ទិញទំនិញអំណរឆ្នាំថ្មីដោយមិនខ្វល់ចិត្តថា ខ្វះទំនិញ ឬទំនិញឡើងថ្លៃឡើយ។

បណ្តាកម្លាំងស្ថិតក្នុងគណៈកម្មការដឹកនាំការជួញដូររត់ពន្ធ, បន្លំពាណិជ្ជកម្ម និងទំនិញក្លែងក្លាយ និងទីក្រុងហាណូយកំពុងបង្កើនការអនុវត្តភារកិច្ច និងដំណោះស្រាយនានា ដើម្បីត្រួតពិនិត្យទីផ្សារយ៉ាងតឹងរឹង ជួយឲ្យប្រជាជននឹងនរចិត្ត ទិញទំនិញអំណរឆ្នាំថ្មី។

៤. Cà Mau ចាប់បានមនុស្ស ៣៤ នាក់បានលួចចូលប្រទេសតាមផ្លូវសមុទ្រ

យោងតាមព័ត៌មានពីគណៈកម្មាធិការដឹកនាំការការពារទប់ស្កាត់នឹងជំងឺ Covid-19 នៃខេត្ត Ca Mau បានដឹងថា បានធ្វើចត្តាឡឺស័កមនុស្ស ៣៤ នាក់ដែលបានចូលប្រទេសដោយខុសច្បាប់តាមផ្លូវសមុទ្រ។ ហើយបច្ចុប្បន្ន មនុស្សទាំងនេះ ត្រូវបានយកសំណាកវិភាគ សម្រាប់អនុវត្តជំហានបន្ទាប់ ដើម្បីធានាការការពារការរីករាលដាលនៃជំងឺ Covid-19 ។

ព័ត៍មានអន្តរជាតិ

៥.ប្រទេសចិនបានកំចាត់ខ្សែរយៈផលិតវ៉ាក់សាំងការពារជំងឺ Covid-19ក្លែងក្លាយ

ប៉ូលីសនៃប្រទេសចិនបានចាប់ខ្លួនមនុស្សជាង ៨០ នាក់ បានចូលរួមក្នុងការផលិតវ៉ាក់សាំង Covid-19 ក្លែងក្លាយ នៅក្នុងយុទ្ធនាការមួយដើម្បីរាំងខ្ទប់បណ្តាសកម្មភាពខុសច្បាប់ទាក់ទងនឹងវ៉ាក់សាំង។

យោងតាមទីភ្នាក់ងារសារព័ត៌មានសិនហួ បានដឹងថា ជនសង្ស័យទាំងអស់ បានផលិតវ៉ាក់សាំងក្លែងក្លាយតាំងពីខែកញ្ញាឆ្នាំ ២០២០មក (គឺអំបិលអ៊ីសូតូណូបានបូមចូលដប និងលក់ក្នុងតម្លៃខ្ពស់) ។ ប៉ូលីសនៃប្រទេសចិន បានរឹបអូសវ៉ាក់សាំងក្លែងក្លាយជាង ៣.០០០ ដូស បន្ទាប់ពីបានសម្រុកចូលទីតាំងមួយចំនួន ក្នុងទីក្រុងប៉េកាំង និងទីក្រុងដទៃទៀតនៅក្នុងខេត្ត Jiangsu និង Shandong ។

៦.អាមេរិកនឹងបញ្ជូនវ៉ាក់សាំង Covid-19 ដោយផ្ទាល់ទៅកាន់ឱសថស្ថាននានា

រដ្ឋាភិបាលរបស់លោកប្រធានាធិបតីចូបៃដិន បានប្រកាសថា នឹងចាប់ផ្តើមបញ្ជូនវ៉ាក់សាំងប្រហែលមួយលានដូសក្នុងមួយសប្តាហ៍ដោយផ្ទាល់ ទៅកាន់ឱសថស្ថានរាប់ពាន់កន្លែងនៅទូទាំងប្រទេស ក្នុងគោលបំណងដោះស្រាយកង្វល់ស្តីអំពីភាពយុត្តិធម៌ និងពន្លឿនការខិតខំ ចាក់វ៉ាក់សាំងការពារជំងឺរបស់ប្រទេសនេះ។ យោងតាមសេចក្ដីរាយការណ៍ គឺវ៉ាក់សាំងនេះ  នឹងបានបំពេញបន្ថែមវ៉ាក់សាំងរាប់លានដូស ដែលបានផ្ញើជារៀងរាល់សប្តាហ៍ទៅដល់រដ្ឋ តំបន់ដែនដី និងក្រុមមនុស្ស ក៏ដូចជាទៅឱសថក្នុងតំប់មួយចំនួន។

៧.អង់គ្លេស៖ បានស្នើសុំជាផ្លូវការដើម្បីចូលរួមសន្ធិសញ្ញាដៃគូរគ្រប់ជ្រុងជ្រោយ និងឆ្លងប៉ាស៊ីហ្វិក (CPTPP)

យោងតាមទីភ្នាក់ងារសារព័ត៍មាន Roi-tơ  និងសារព័ត៍មានវៀតណាមបានដឹងថា ចក្រភពអង់គ្លេសបានធ្វើការស្នើសុំជាផ្លូវការ ស្តីអំពីការចូលរួមសន្ធិសញ្ញាដៃគូរគ្រប់ជ្រុងជ្រោយ និងឆ្លងប៉ាស៊ីហ្វិក បានក្លាយជាប្រទេសដំបូងក្រៅបណ្តាប្រទេសជាសមាជិកស្ថាបនិក បានដាក់ពាក្យសុំចូលរួមសន្ធិសញ្ញានេះ។ ប្រទេសជប៉ុនជាប្រធានក្រុមប្រឹក្សាសន្ធិសញ្ញាដៃគូរគ្រប់ជ្រុងជ្រោយ និងឆ្លងប៉ាស៊ីហ្វិក ឆ្នាំ ២០២១ និងបណ្តាប្រទេសជាសមាជិកបានស្វាគមន៍ចំពោះទង្វើនេះរបស់ទីក្រុងឡុង ហើយបានចាត់ទុកថា នេះជាកម្លាំងពង្រីក ពាណិជ្ជកម្មសេរីដោយផ្អែកលើស្តង់ដាពាណិជ្ជកម្ម និងវិនិយោគដោយបទដ្ឋានខ្ពស់។ តាមការគ្រោងទុក ប្រទេសអង់គ្លេសនឹងចាប់ផ្តើមចរចាជាមួយប្រទេសជាសមាជិកក្នុងដូវផ្ការីកនេះ។

"TẾT NHÂN ÁI" VỚI NGƯỜI DÂN SI MA CAI

“ឆ្នាំថ្មីប្រកបដោយមនោសញ្ចេតនា” មកដល់ប្រជាជននៅតំបន់ SI MA CAI

កម្មវិធី “ឆ្នាំថ្មីប្រកបដោយមនោសញ្ចេតនា”  បាននាំមកក្តីសប្បាយរីករាយដល់ប្រជាជននៅស្រុក Si Ma Cai (Lao Cai)។ បានដឹងថា នេះគឺជាឆ្នាំទី ៣ ហើយ ដែលកម្មវិធីនេះត្រូវបានរៀបចំឡើង ដែលបានឆ្ពោះទៅរកអ្នកដែលមានស្ថានភាពគ្រួសារក្រលំបាក គ្រប់ទិសទីក្នុងទូទាំងប្រទេស។ អំណោយដ៏មានអត្ថន័យ ត្រូវបានផ្តល់ជូនគ្រួសារក្រីក្រ និងគ្រួសារគោលនយោបាយ បានរួមចំណែកនាំសេចក្តីសប្បាយរីកនៃបុណ្យចូលឆ្នាំថ្មី គ្រប់គ្រាន់ជាង សម្រាប់ប្រជាជននៅស្រុកភ្នំក្រីក្រ Si Ma Cai ។

“ឆ្នាំថ្មីប្រកបដោយមនោសញ្ចេតនា”  ឆ្នាំ ២០២១នេះ ត្រូវបានរៀបចំឡើងដោយមជ្ឈមណ្ឌលទូរទស្សន៍មនុស្សធម៌ សហការជាមួយសមាគមកាកបាទក្រហមខេត្ត Lào Caiនិងគណៈកម្មាធិការប្រជាជនស្រុក Si Ma Cai បានប្រព្រឹត្តឡើងក្នុងបរិយាកាសកក់ក្តៅ ពោរពេញដោយមនសញ្ចេតនា និងភាពសប្បាយរីករាយ ពីបណ្តាក្រុមគ្រួសារក្រីក្រ និងលំបាកក្នុងស្រុក Si Ma Cai ។  លោក Nguyễn Minh Hà ជានាយកមជ្ឈមណ្ឌលទូរទស្សន៍មនុស្សធម៌ និងជាប្រធានគណៈកម្មាធិការរៀបចំកម្មវិធី “ឆ្នាំថ្មីប្រកបដោយមនោសញ្ចេតនា”  បានមានប្រសាសន៍ថា៖“ កម្មវិធីនេះត្រូវបានរៀបចំឡើង ក្នុងគោលបំណង ជួយដល់អ្នកមានស្ថានភាពក្រលំបាក មានឱកាសបានទទួលបុណ្យចូលឆ្នាំថ្មី ប្រកបដោយភាពកក់ក្តៅ។  ឆ្នាំនេះកម្មវិធីជ្រើសរើសស្រុក Si Ma Cai កជាគោលដៅ មកពីទីនេះ មានបងប្អូនជនជាតិភាគតិចច្រើន និងជីវិតរស់នៅនៅជួបការលំបាក”។ Si Ma Cai គឺជាស្រុកខ្ពង់រាបក្រីក្រមួយ ក្នុងខេត្ត Lào Cai ។ ស្រុកមានបងប្អូនជនជាតិភាគតិចជាង ៩៤ ភាគរយ ដែលក្នុងនោះជនជាតិភាគតិច Mông មានចំនួន ៨២.៥ ភាគរយ។ បន្ទាប់ពីបង្កើតឡើងវិញ និងអភិវឌ្ឍន៍បាន ២០ ឆ្នាំមក ស្រុក  Si Ma Cai  សព្វថ្ងៃ កំពុងផ្លាស់មុខមាត់ថ្មី, ជីវិតរស់នៅរបស់ប្រជាជនត្រូវបានលើកកម្ពស់។ ក៏ប៉ុន្តែ ជាមួយនឹងលក្ខណៈពិសេសនៃស្រុកភ្នំ, តំបន់ខ្ពង់រាប មានភូមិសាស្ត្របត់បែនពិបាកទៅមក និងធាតុអាកាសដដ៏ អាក្រក់ បានជាជីវិតរបស់ប្រជាជននៅទីនេះ នៅជួបការលំបាកច្រើន។ ស្រុក Si Ma Cai នៅតែជាស្រុកមួយក្នុងចំណោមស្រុកក្រីក្រទាំង ៦២ ក្នុងទូទាំងប្រទេស។

លោក Phạm Ngọc Dương  ជាប្រធានស្រុក Si Ma Cai បានចែករំលែកថា៖“ កម្មវិធី “ឆ្នាំថ្មីប្រកបដោយមនោសញ្ចេតនា”  បានមកដលស្រុក ស៊ីម៉ា Cai ក្នុងឱកាសនេះគឺមានអត្ថន័យណាស់ ពិសេសចូលឆ្នាំថ្មី ២០២១ បានមកដល់ ប្រជាជនពិតជាសប្បាយរីករាយខ្លាំងណាស់។ រីករាយសប្បាយរីករាយរំភើប។ រួមដំណើរជាមួយ“កម្មវិធី “ឆ្នាំថ្មីប្រកបដោយមនោសញ្ចេតនា” ក្រុមហ៊ុនភាគហ៊ុនអាកាសចរណ៍ Vietjet បានប្រគល់អំណោយចំនួន ៥០០ចំណែក ដល់ប្រជាជន ដែលក្នុងនោះអំណោយនិងសម្លៀកបំពាក់រងារចំនួន ១៥០ចំណែក ត្រូវបានជូនដល់សាលាមត្តេយ្យ, សាលាបឋមសិក្សា និងគ្រូបង្រៀននៅភូមិ Bản Kha ឃុំ Sín Chéng ស្រុក Si Ma Cai ។

ទន្ទឹមនឹងនេះ កម្មវិធីនៅបានរៀបចំការពិនិត្យ ព្យាបាល និងចែកថ្នាំឥតគិតថ្លៃដល់ប្រជាជនចំនួន ៥០០ នាក់ដោយមានការជំនួយពី គ្រូពេទ្យមកពីមន្ទីរពេទ្យមិត្តភាពវៀតណាម - សូវៀត។ សាស្ត្រាចារ្យរង Nguyễn Thanh Hà ជានាយកមន្ទីរពេទ្យបានចែករំលែកថា៖“ការ រៀបចំការ ពិនិត្យសុខភាពជូនដល់ប្រជាជនក្រីក្រ, គ្រួសារគោលនយោបាយ និងប្រជាជនដែលរងផលប៉ះពាល់យ៉ាងធ្ងន់ធ្ងរដោយសារគ្រោះមហន្តរាយធម្មជាតិ ក្នុងឃុំ គឺជាសកម្មភាពមួយដ៏មានអត្ថន័យ បានសម្តែងនូវមនសញ្ចេតនា និងការចែករំលែករបស់គ្រូពេទ្យ ចំពោះបងប្អូនគ្រប់ជនជាតិនៅតំបន់ភ្នំ។ ”

ឆ្នាំថ្មីកាន់តែខិតជិត ហើយអំណោយជាក់ស្តែងទាំងនេះ នឹងបានចូលរួមចំណែកជួយប្រជាជននៅតំបន់បានទទួលឆ្នាំថ្មីដោយពេញលេញ។

 

 

 

 

 

VOH

Bình luận

Đọc Báo