ព័ត៌មាននៅក្នុងប្រទេស
១.បណ្តុំក្រុមហ៊ុនទឹកដោះគោ TH បានទទួលប័ណ្ណសរសើរពីលោកនាយករដ្ឋមន្ត្រី
ថ្មីៗនេះ បណ្តុំក្រុមហ៊ុនទឹកដោះគោ TH បានទទួលប័ណ្ណសរសើរពីលោកនាយករដ្ឋមន្ត្រី មកពីមានស្នាដៃល្អក្នុងការអាជីវកម្ម។
បានដឹងថា តាំងពីឆ្នាំ ២០០៩មកដល់ពេលនេះ គឺក្រោយជិត ៩ ឆ្នាំធ្វើសកម្មភាព បណ្តុំក្រុមហ៊ុននេះ បានឈានឡើងទីតាំងជាអ្នកផ្គត់ផ្គង់ទឹកដោះគោស្អាតនាំមុខគេនៅក្នុងប្រទេសវៀតណាម គឺមានចំណែកទីផ្សារដល់ទៅជាង ៤០%ឯណោះ។
២.ដំណាំអំបូរក្រូចជាង ២.០០០ហិកតាត្រូវងាប់
គណៈកម្មាធិការប្រជាជនខេត្ត Đồng Tháp បានបើកអង្គប្រជុំ ស្តីអំពីការស្វែងរកវិធានការជាបន្ទាបន់ សម្រាប់ការពារទប់ទល់នឹងជំងឺរាតត្បាត បំផ្លាញដំណាំអំបូរក្រូច ដែលមានការអញ្ចើញចូលរួមពីថ្នាក់ដឹកនាំមកពីវិជ្ជាស្ថានស្រាវជ្រាវដំណាំហូបផ្លែខាងត្បូង និងបណ្តាអ្នកជំនាញមកពីមហាវិទ្យាល័យ Cần Thơ…
លោក Nguyễn Văn Công ជានាយកមន្ទីកសិកម្ម និងអភិវឌ្ឍន៌ទីជនបទខេត្ត Đồng Tháp បានឲ្យដឹងថា “ក្នុងខេត្តទាំងមូលកំពុងមានដំណាំអំបូរក្រូចប្រមាណ 8.056ហិកា គឺតាំងពីឆ្នាំ 2016មកដល់ពេលនេះ ស្ថានភាពដំណាំអំបូរក្រូចត្រូវងាប់ជាបណ្តើៗមកពីជំងឺរាតត្បាត ប៉ុន្តែ ដល់ឆ្នាំ 2017មកដល់ពេលនេះ បានងាប់ជាបន្តបន្ទាប់ បណ្តាលឲ្យកសិករត្រូវខ្វល់ខ្វាយខ្លាំង។ តាមការស្ថិតិថ្មីបំផុត គឺស្រុក Lai Vung កំពុងមានជាង 2.000 ha កំពុងឆ្លងជំងឺ កំរិតខូចខាតពី 20%- 40% ។
៣.ខេត្ត Quảng Ngãi:ស្ថាបនាផ្លាកសញ្ញាម្ទេស Xiêm Sơn Hà
លោកប្រធានគណៈកម្មាធិការប្រជាជនខេត្ត Quảng Ngãi បានមានសារាចរឯកភាពចំពោះការគណៈកម្មាធិការប្រជាជនស្រុក Sơn Hà បានប្រើប្រាស់ឈ្មោះតំបន់ “Sơn Hà” សម្រាប់ចុះបញ្ជីការពារផ្លាកសញ្ញាដល់ផលិតផលម្ទេស Xiêm Sơn Hà។
បានដឹងថា ក្នុងរយៈពេលកន្លងមក គម្រោងការបន្ថយភាពក្រីក្ររបស់ស្រុក Sơn Hà ត្រូវបានតភ្ជាប់ និងបាននាំផលិតផលក្នុងតំបន់ទៅលក់ក្នុង ១៨ផ្សារធំទំនើប BigC ក្នុងទូទាំងប្រទេស។
៤.ប្រទេសវៀតណាមជាទីផ្សារសំខាន់នៃគោលនយោបាយឆ្ពស់ទៅភាគខាងត្បូងរបស់ទីក្រុង Busan នៃប្រទេសកូរ៉េខាងត្បូង
ថ្លែងសុន្ទកថានៅក្នុងសិក្ខាសាលាឧទ្ទេសនាម និងផ្សព្វផ្សាយទីក្រុងទេសចរណ៌ Busan នៃប្រទេសកូរ៉េខាងត្បូងនោះ លោក Jeong Imsoo ជាប្រធានការិយាល័យគោលនយោបាយទេសចរណ៌ទីក្រុង Busan បានឲ្យដឹងថា ៖ប្រទេសវៀតណាមត្រូវបានចាត់ទុកថា ជាទីផ្សារសំខាន់ ក្នុងគោលនយោបាយឆ្ពស់ទៅភាគខាងត្បូងថ្មី, ដោយហេតុនេះហើយ សកម្មភាពផ្សព្វផ្សាយលើកនេះ ទីក្រុង Busan បានជ្រើសរើសទីក្រុងហូជីមិញ ដែលជាមជ្ឈមណ្ឌលសេដ្ឋកិច្ចធំរបស់ប្រទេសវៀតណាម ជាកន្លែងសម្រាប់វិនិយោគ។
ព័ត៌មានអន្តរជាតិ
៥.ប្រទេសចិនមិនសប្បាយចិត្ត នៅពេលអាមេរិកបាននិយាយអំពីការបន្ថយដៃទាំងអស់របស់ប្រទេសចិន
អ្នកមុខអ្នកការនៃប្រទេចិនមិនសប្បាយចិត្តចំពោះទង្វើរដែលសហរដ្ឋអាមេរិក បានលាតត្រដាងការបន្ថយដៃទាំងអស់របស់ប្រទេសចិន សម្រាប់ប្តូរយកការឯកភាពបញ្ឈប់សង្គ្រាមពាណិជ្ជកម្មរវាងប្រទេសទាំងពីរនេះ។
៦.អាមេរិកបានប្រើសាកល្បងប្រព័ន្ធសម្គាល់មុខមនុស្សនៅជុំវិញសេតវិមាន
សម្ព័ន្ធសេរីស៊ីវិលអាមេរិក បានបង្ហើបឲ្យដឹងថា ស្ថាប័នសម្ងាត់អាមេរិកកំពុងសាកល្បង កម្មវិធីសម្គាល់មុខអ្នកដែលនៅជុំវិញសេតវិមានចាប់ពីចុងខែវិច្ឆិកាកន្លងទៅ។