CÚM A/H1N1 BẤT THƯỜNG, NHIỀU NGƯỜI NGUY KỊCH

ជំងឺគ្រុនផ្តាសាយ A/H1N1មិនប្រក្រតី លឲ្យមនុស្សជាច្រើនរងភាពធ្ងន់ធ្ងរ

មកពីធាតុអាកាសប្រប្រួល និងស្ថានភាពនៃការរាតត្បាតរបស់ជំងឺគ្រុនផ្តាសាយនៅប្រទេសវៀតណាម​ កំពុងមានការផ្លាស់ប្តូរជាច្រើន។​ មុននេះ ជំងឺគ្រុនផ្តាសាយច្រើនតែកើតឡើងក្នុងរដូវរងារ, រដូវចុងឆ្នាំ និងរដូវប្រាំង ប៉ុន្តែ ពេលនេះ ជំងឺគ្រុនផ្តាសាយបានកើតឡើងពេញមួយឆ្នាំតែម្តង។ ហើយប្រការមួយគួរឲ្យបារម្ភត្រង់ថា ចំនួនអ្នកកើតជំងឺគ្រុនផ្តាសាយធំក្នុងប្រទេសយើង កំពុងកើនឡើងខ្ពស់ ក្នុងនោះមានករណីជាច្រើនត្រូវធ្ងន់ធ្ងរ គំរាមកំហែងដល់អាយុជីវិតតែម្តង។

តាមប្រសាសន៍របស់លោកវេជ្ជបណ្ឌិត Đỗ Thiện Hải ជាអនុប្រធានផ្នេជំងឺឆ្លង នៃមន្ទីរពេទ្យកុមារមជ្ឈឹមគឺ រយៈពេលជិតៗនេះ ចំនួនកុមារដែលបានមកពិនិត្យ និងព្យាបាលជំងឺគ្រុនផ្តាសាយធំកំពុងកើនចំនួនឡើងយ៉ាងរហ័ស។ ហើយមានកុមារជាច្រើន ត្រូវកើតជំងឺគ្រុនផ្តាសាយធំ ប៉ុន្តែ មិនបាននាំទៅមន្ទីរពេទ្យព្យាបាលទាន់ពេលវេលា ខ្លះទៀតត្រូវឲ្យលេបថ្នាំអង់ទីបីយូទិកសម្រាប់ព្យាបាលជំងឺ មកពីបានច្រឡំជំងឺនេះ និងជំងឺរលាកបំពង់ករទាន់ហន់ បានជានៅពេលកុមារបាននាំចូលមន្ទីរពេទ្យព្យាបាលជំងឺ គឺធ្ងន់ធ្ងរទៅហើយ។

រីឯនៅមន្ទីរពេទ្យត្រូពិចមជ្ឈិម ក៏បានទទួលព្យបាលមនុស្សធំជាច្រើន ត្រូវកើតជំងឺគ្រុនផ្តាសាយធំ  ហើយច្រើនជាងគឺជំងឺគ្រុន A/H1N1 តែម្តង, មួយចំនួនកើតជំងឺគ្រុន H8N2 និងគ្រុនផ្តាសាយប្រភេទ B។ ក្នុងចំណោមបណ្តាករណីកើតជំងឺគ្រុនផ្តាសាយធំត្រូវចូលពេទ្យព្យាបាល មានករណីខ្លះត្រូវធ្ងន់ធ្ងរតែម្តង អាចគំរាមកំហែងដល់អាយុជីវិត…។

ប្រឈមនឹងស្ថានភាពអ្នកកើតជំងឺគ្រុនផ្តាសយធំកំពុងកើនឡើង និងមានករណីជាច្រើនត្រូវធ្ងន់ធ្ងរនោះ លោកសាស្ត្រាចារ-បណ្ឌិត Nguyễn Văn Kính ជាចាងហ្វាងមន្ទីរពេទ្យត្រូពិចមជ្ឈិមបានកត់សម្គាល់ថា មកពីធាតុអាសប្រែប្រួល​ បានជាការរាតត្បាតនៃជំងឺគ្រុនផ្តាសាយក្នុងប្រទេសយើងមានការផ្លាស់ប្តូរជាច្រើន។  

មុននេះ ជំងឺគ្រុនផ្តាសាយច្រើនតែកើងឡើងក្នុងរដូវរដូវរងារ, រដូវចុងឆ្នាំ និងរដូវប្រាំង ប៉ុន្តែ ពេលនេះជំងឺគ្រុនផ្តាសាយកើតឡើងពេញមួយឆ្នាំតែម្តង បានផ្តល់ផលអាក្រក់យ៉ាងធ្ងន់ធ្ងរ ធ្វើឲ្យជំងឺត្រូវប្រែប្រួលយ៉ាងធ្ងន់ធ្ងរ អាចស្លាប់គ្រប់ពេល។

មិនតែប៉ុណ្ណោះ វីរ៉ូសផ្តាសាយបានស៊ាំនឹងថ្នាំព្យាបាលជំងឺគ្រុនផ្តាសាយច្រើនប្រភេទដូចជាថ្នាំ Tamiflu។ យោងតាមការស្រាវជ្រាវអំពីការរាតត្បាត និងព្យាបាលជាក់ស្តែង គឺថ្នាំ Tamiflu នៅក្នុងប្រទេសវៀតណាម មានអត្រាស៊ាំនឹងថ្នាំពីប្រមាណពី 10%-15%  បានជានៅប្រើបាន។ ក៏ប៉ុន្តែ ការប្រើថ្នាំ Tamiflu នឹងមានឥទ្ធិពល បើសិនជាជំងឺបានរកឃើញទាន់ពេលវេលា ក្នុងរយៈពេល ៤៨ម៉ោងចាប់ផ្តើមកើតជំងឺ។ ហើយក្រោយ ៤៨ម៉ោងនេះ គឺភាគច្រើន អ្នកជំងឺត្រូវបានព្យាបាលដោយវិធី បញ្ជុះកម្តៅ និងថែរក្សាសម្រាប់ការពារមិនឲ្យហកជំងឺ។

តាមប្រសាសន៍ពីអ្នកជំនាងខាងសុខភិបាល គឺការការពារជំងឺគ្រុនផ្តាសាយល្អបំផុត គឺត្រូវចាក់វ៉ាក់សាំងការពារជំងឺជូនដល់កុមារនិងមនុស្សចាស់ឲ្យបានគ្រប់គ្រាន់; ព្រមទាំង ត្រូវរក្សាបរិស្ថានរស់នៅឲ្យបានស្អាត ស្រឡះ និងមិនចូលទីកន្លែងណាមានមនុស្សច្រើនកុះករ ដែលអាចជាប្រភពចម្លងជំងឺ។

ចំពោះករណីអ្នកជំងឺត្រូវគ្រុនក្តៅខ្លាំង និងពិបាកដកដង្ហើម យើងត្រូវនាំអ្នកជំងឺឲ្យនៅកន្លែងដាច់ពីអ្នកដទៃ ពាក់មាស់ នឹងនាំមកមន្ទីរពេទ្យណាជិតបំផុត សម្រាប់បានពិនិត្យ ព្យាបាលជំងឺ បានទទួលការប្រឹក្សា សម្រាប់ការពារមិនឲ្យជំងឺរីករាលដាសទៅសហគមន៍។ ការសម្គាល់ និងរកឃើញសញ្ញាជំងឺទាន់ពេលវេលា អាចជួយឲ្យការព្យាបាលជំងឺបានឆាប់ និងរាំងខ្ទប់ដោយអតិបរមាករណីត្រូវស្លាប់មកពីជំងឺនេះ៕