ព័ត៍មានក្នុងប្រទេស

១.ដកហូតវិញ្ញាបនបត្រទទួលស្គាល់ ៥ ក្រុមហ៊ុនលក់ទំនិញពីរ៉ាមីតមិនគ្រប់លក្ខណៈ

យោងដំណឹងពីក្រសួងពាណិជ្ជកម្មនិងឧស្សាហកម្មបានដឹងថា នាយកដ្ឋានប្រកួតប្រជេង និងការពារអតិថិជន បានចេញសេចក្តីសម្រេច ដកហូតវិញ្ញាបនបត្រចុះបញ្ជីធ្វើអាជីវកម្មលក់ទំនិញពីរ៉ាមីត ចំពោះ៥ក្រុមហ៊ុន ដោយមិនគ្រប់លក្ខណៈធ្វើអាជីវកម្ម។

ហើយក្រសួងនេះក៏បានឲ្យដឹងថា ដើម្បីការពារតម្លាភាពនៃសកម្មភាពលក់ទំនិញពីរ៉ាមីតនោះ រដ្ឋាភិបាលបានចេញសារាចរណ៍ណែនាំលេខ 40/2018/NĐ-CP ចុះថ្ងៃទី 12-3-2018 ស្តីអំពីការគ្រប់គ្រងធ្វើអាជីវកម្មតាមរូបភាពលក់ទំនិញពីរ៉ាមីត ព្រមទាំងផ្តល់ថេរៈវេលា ៩​ខែ។ ក៏ប៉ុន្តែ មកដល់ពេលនេះ មានតែ ២៣ស្ថាប័នអាជីវកម្មគ្រប់លក្ខណៈធ្វើអាជីវកម្មបែបពីរ៉ាមីតប៉ុណ្ណោះ។

២.ខេត្ត Cà Mau បង្គាប់ការឲ្យបំភ្លឺករណីបំផ្លាញព្រៃរបាំងការពារ

យោងដំណឹងពីស្រុក Ngọc Hiển នៃខេត្ត Cà Mau បានដឹងថា នៅវេលាម៉ោងប្រមាណ ១១ ថ្ងៃត្រង់ ថ្ងៃទី ៣១ ខែមិនា ក្នុងរយៈពេលយាមល្បាត នៅអនុតំបន់ ២១៥ កម្លាំងមានសមត្ថកិច្ច នៃគណៈកម្មការគ្រប់គ្រងព្រៃរបាំងការពារ Nhưng Miên (ស្រុក Ngọc Hiển) រកឃើញមធ្យោបាយចំនួន ៦ គ្រឿង និងមនុស្សប្រមាណ ១៥ នាក់ កំពុងកាប់ដើមឈើនៅជាប់មាត់សមុត្រដោយខុសច្បាប់ ហើយក៏តម្រូវឲ្យក្រុមនេះត្រូវបញ្ឈប់ភ្លាមការកាប់ដើមឈើ។ ក៏ប៉ុន្តែ ក្រុមជននេះ មិនត្រឹមតែមិនបញ្ឈប់កាប់ដើមឈើនោះទេ ប៉ែរជាគំរៀមកំហែងកម្លាំងមានសមត្ថកិច្ចទៀត។ បន្ទាប់ពីកើតមានករណីនេះ គណៈកម្មការគ្រប់គ្រងព្រៃរបាំងការពារ បានចុះទីកើតហេតុ ហើយរាប់បាន ២៩ ដើមឈើត្រូវក្រុមជនខិលខូចកាប់រលំ។ ករណីនេះកំពុងត្រូវបានស៊ើបការបន្ត។

៣.ខេត្ត Bình Dương នឹងធ្វើវិភាគស្វែងរកគ្រឿងញៀនចំពោះតៃកុងឡានទាំងអស់

មន្ទីរគមនាគមន៍និងដឹកជញ្ជូនខេត្ត Bình Dương បានតម្រូវដល់បណ្តាស្ថាប័នអាជីវកម្មទាំងអស់ក្នុងភូមិសាស្ត្រខេត្ត ត្រូវអនុវត្តដោយបង្ខំ វិភាគស្វែងរកគ្រឿងញៀនចំពោះតៃកុងឡានគ្រប់រូបដែលកំពុងធ្វើការឲ្យក្រុមហ៊ុនទាំងនេះ។

បានដឹងថា ចាប់ពីដើមឆ្នាំ ២០១៩មកដល់ពេលនេះ ស្ថាប័នអាជីវកម្មខេត្ត Bình Dương បានរកឃើញយ៉ាងតិចតៃកុងឡាន ២ រូប វិជ្ជមានជាមួយគ្រឿងញៀន​ ក្នុងចំណោមនេះមានតៃកុងឡានម្នាក់ កំពុងបើកឡានដឹកអ្នកដំណើរជាង ៣០រូប ពីទីក្រុងហូជីមិញ ទៅខេត្ត Bình Phước ហើយក៏បានបំលាស់អ្នកដំណើរទាំងអស់ ឡើងឡានផ្សេងសម្រាប់ធ្វើដំណើរបន្តទៀត។

៤.បំពាក់សមត្ថភាពការពារដោយខ្លួនឯងជូនចំពោះកម្មករសេវាសាធារណៈ

កម្មករជាង ១០០នាក់ នៃក្រុមហ៊ុនសេវាសាធារណៈខណ្ឌលេខ ១ នៃទីក្រុងហូជីមិញ ទើបបានចូលរួមវគ្គបំប៉នសមត្ថភាពការពារដោយខ្លួនឯង​។ ហើយគ្រូក្បាច់គុណ AKido បានបង្ហាត់កម្មករនូវស្នៀតគុណមួយចំនួន ដូចជា ការពារខ្លួនឯងនៅពេលត្រូវគេច្របាច់កពីមុខ, ពីខាងក្រោយ, វាយតបមកវិញនៅពេលត្រូវគេវាយដោយមួកសុវត្ថិភាព, ដោយអាវុធ…ជាដើម។

ព័ត៍មានអន្តរជាតិ

៥.ប្រទេសកូរ៉េខាងត្បូងបានហាមឃាត់មិនឲ្យប្រើស្បោងនីឡុងជាផ្លូវការនៅក្នុងផ្សារធំទំនើប

អ្នកយកព័ត៍មានរបស់ទីភ្នាក់ងារសាព័ត៍មានវៀតណាមនៅប្រទេសកូរ៉េខាងត្បូងបានឲ្យដឹងថា ប្រទេសកូរ៉េខាងត្បូងបានចាប់ផ្តើមអនុវត្តបទកំណត់ ហាមឃាត់មិនឲ្យប្រើស្បោងនីឡុងនៅក្នុងផ្សារធំទំនើបទាំងអស់​ក្នុងប្រទេសនេះ ចាប់ពីខែមេសាឆ្នាំ ២០១៩ តទៅ។ ហើយបើសិនជាល្មើស នឹងត្រូវផាកពិន័យចំនួន ៣ លាន won ស្មើរនឹង ៦០លានដុងវៀតណាម។

 

៦.ប្រទេស Ukraine ដកហូតគ្រឿងញៀនបានជាង ៧០០គីឡូក្រាម

ប៉ូលីសនៃប្រទេស Ukraine បានប្រកាសថា ក្នុងយុទ្ធនាការបោសម្អាតបទល្មើសក្នុងតំបន់ភាគកណ្តាល និងភាគខាងលិចនៃប្រទេសនេះ ប៉ូលីស Ukraine ចាប់បានគ្រឿងញៀនជាង ៦០០គីឡូក្រាម ស្មើរនឹង ៦០លានដុល្លារអាមេរិក  ដែលជាចំនួនគ្រឿងញៀនចាប់បានមានចំនួនច្រើនបំផុតតាំងពីមុនមក។

៧.ប្រទេសថៃបានខិតខំដោះស្រាយស្ថានភាពខ្យល់អាកាសត្រូវបំពុល

លោក Prayut Chan-ocha ជាប្រធានាធិបតីនៃប្រទេសថៃ បានអញ្ចើញមកខេត្ត Chiang Mai នៃប្រទេសនេះ សម្រាប់បង្គាប់ការដោះស្រាយស្ថានភាពខ្យល់អាកាសត្រូវបំពុលយូរថ្ងៃក្នុងតំបន់នេះ។ ហើយវិធានការបណ្តោះអាសន្នគឺ ប្រើឡានពន្លត់អគ្គីភ័យបាញ់ទឹកដោយកម្លាំងខ្លាំង សម្រាប់កាត់បន្ថយខ្សែងនិងធូលីមាននៅក្នុងខ្យល់អាកាស។

KIỂM TRA VIỆC KHẮC PHỤC SAI PHẠM THEO KẾT LUẬN

 CỦA TRUNG ƯƠNG

ត្រួតពិនិត្យការកែប្រែអំពើល្មើស តាមសេចក្តីសង្ខេបរបស់មជ្ឈឹម

គណៈអចិន្ត្រៃគណៈកម្មាធិការបក្សទីក្រុងហូជីមិញ បានមានសេចក្តីប្រកាស ស្តីអំពីការណែនាំ និងអនុវត្តកិច្ចការត្រួតពិនិត្យ សវនការ និងត្រួតមលើកំរិតទីក្រុងប្រចាំឆ្នាំ ២០១៩។ សេចក្តីប្រកាសតម្រូវដល់គណៈកម្មាធិការបក្សគ្រប់លំដាប់ថ្នាក់ ចំណុះបក្ខភាគទីក្រុងហូជីមិញ ដែលបានដឹកនាំ និងបង្គាប់ការកិច្ចការត្រួតពិនិត្យ សវនាការ និងត្រួតមើល ត្រូវធានាមានភាពសមស្រប វិទ្យាសាស្ត្រ ជៀសវាងត្រួតលើគ្នា និងផ្ទួនលើគ្នា។

គណៈកម្មាធិការត្រួតពិនិត្យនៃគណៈកម្មាធិការបក្សទីក្រុង និងគណៈកម្មាធិការត្រួតពិនិត្យគ្រប់លំដាប់ថ្នាក់ចំណុះបក្ខភាពទីក្រុង បានទទួលភារកិច្ចដឹកនាំ និងសហការជាមួយបណ្តាស្ថាប័នពាក់ព័ន្ធ សម្រាប់ផ្តល់ប្រឹក្សា និងលើកជូនផែនការអនុវត្តប្រចាំឆ្នាំដល់គណៈកម្មាធិការអចិន្ត្រៃគណៈកម្មាធិការបក្សទីក្រុង និងគណៈកម្មាធិការបក្សគ្រប់ជាន់ថ្នាក់សម្រាប់ណែនាំអនុវត្ត។

ចំពោះខ្លឹមសារអនុវត្ត បានស្នើរដល់សមាជិកនៃគណៈកម្មាធិការបក្សទីក្រុង ចូលរួមត្រួតមើលវិស័យនានា ពាក់ព័ន្ធដល់ការអភិវឌ្ឍន៍សេដ្ឋកិច្ច-សង្គមកិច្ច; ត្រួតពិនិត្យការអនុវត្តសេចក្តីសម្រេចចិត្តរបស់មជ្ឈឹមលើកទី ៦(និតិកាលទី ១២); ត្រួតមើលការអនុវត្តសេចក្តីសម្រេចចិត្តរបស់មជ្ឈឹមទី ៤(និតិកាលទី ១២); ត្រួតមើលការដឹកនាំ និងណែនាំការរៀបចំអនុវត្តសេចក្តីសម្រេចចិត្តរបស់មជ្ឈឹមលើកទី ៧(និតិកាលទី ១២) ស្តីអំពីកិច្ចការកម្មាភិបាល។

ព្រមជាមួយនោះ គឺត្រូវត្រួតពិនិត្យតួនាទីដឹកនាំ បង្គាប់ការ និងរៀបចំការកែប្រែអ្វីដែលមិនទាន់អនុវត្តបាន និងចំណុចខ្សោយនានា ក្រោយពីមានសេចក្តីសង្ខេបពីគណៈបង្គាប់ការមជ្ឈឹម ស្តីអំពីការការពារ​ ទប់ស្កាត់អំពើពុករលួយរបស់គណៈកម្មាធិការត្រួតពិនិត្យរបស់មជ្ឈឹម, អធិការរដ្ឋាភិបាល និងអាជ្ញាធរសវនកម្មជាតិ។

ពិសេស គឺកាសហការជាមួយអធិការទីក្រុង សម្រាប់ត្រួតពិនិត្យ សវនកា ត្រួតមើល និងពិនិត្យវិនិច្ឆ័យ សម្រាប់ដោះស្រាយករណីនិមួយៗតាមបទកំណត់សហការគ្នារវាងអង្គភាព ២ នឹងគ្នា។

គណៈកម្មការនយោបាយក្នុងប្រទេសនៃគណៈកម្មាធិការបក្សទីក្រុង ត្រូវត្រួតពិនិត្យការអនុវត្តភារកិច្ច តួនាទី និងកិច្ចការរដ្ឋសម្រាប់ការពារ ទប់ស្កាត់អំពើពុករលូយនានា ពិសេសគឺ “អំពើពុករលួយរប៉ិចរប៉ី” នៅតាមបក្ខភាគ សាខាបក្សនៅតាមមូលដ្ឋានានា ក្នុងវិស័យរសើប ងាយកើតមានអំពើអសកម្ម និងល្មើស ដូចជា ផ្នែកគ្រប់គ្រងដីធ្លី សំណង់ ចេញសំណង និងដោះស្រាយដីធ្លី…ជាដើម៕