ព័ត៌មាននៅក្នុងប្រទេស

១.គោលដៅជាមធ្យមរបស់ស្ត្រីដែលមានអាយុបង្កើតកូនមានចំនួន ២,១ នាក់

យុទ្ធសាស្ត្រប្រជាសាស្តរវៀតណាមដល់ឆ្នាំ ២០៣០ ដែលទើបត្រូវបានលោកនាយករដ្ឋមន្រ្តីអនុញ្ញាតិយល់ព្រម។ ក្នុងនោះ មានប្រការគួរឱ្យកត់សម្គាល់ថាបណ្តាគោលដៅដូចជា: រក្សាឲ្យបានរឹងមាំនូវកម្រិតនៃការកើតកូនជំនួស (គិតជាមធ្យមនារីមួយរូបក្នុងវ័យកើតកូន និងមានកូន  2,1 នាក់) ទ្រង់ទ្រាយនៃចំនួនប្រជាសាស្ត្រចំនួន 104 លាននាក់; ការពារនិងអភិវឌ្ឍប្រជាជនជនជាជនជាតិភាគតិចតិចដែលមានចំនួនក្រោម ១ ម៉ឺននាក់; អត្រាកុមារអាយុក្រោម ១៥ ឆ្នាំសម្រេចបានប្រមាណ ២២% ;អត្រានុស្សចាស់មានអាយុពី ៦៥ ឆ្នាំឡើងដល់សម្រេចបានប្រមាណ ១១% ;  អាយុគិតជាមធ្យម ៧៥ ឆ្នាំ, ក្នុងនោះរយៈពេលរស់នៅមានសុខភាពសម្រេចបានយ៉ាងចតិច ៦៨ ឆ្នាំ; កម្ពស់របស់ប្រជាអាយុ ១៨ ឆ្នាំចំពោះបុរសគឺ ១៦៨.៥ ស. ម, សម្រាប់នារីគឺ ១៥៧.៥ ស. ម ។

២- កាសែតសិង្ហបុរីបានកោតសរសើរចំពោះកំណើនសេដ្ឋកិច្ចរបស់វៀតណាម

សារព័ត៌មានសម្ព័ន្ធពេលព្រឹក របស់ប្រទេសសិង្ហបុរីបានចុះផ្សាយអត្ថបទស្តីពីស្ថានភាពទាក់ទាញការវិនិយោគផ្ទាល់ពីបរទេស (FDI) របស់ប្រទេសវៀតណាម ដែលក្នុងនោះ បានបញ្ជាក់ថាវៀតណាមគឺជាប្រទេសមួយ ក្នុងចំណោមបណ្តាប្រទេស ដែលមានសេដ្ឋកិច្ចបើកចំហល្អបំផុតលើទូទាំងពិភពលោក,  ព្រមទាំងក៏ជាប្រទេសមួយ ក្នុងចំណោមបណ្តាប្រទេសដែលមានសេដ្ឋកិច្ចមានកំណើនឆាប់បំផុតនៅអាស៊ី។

៣.ព្រលែងកូនត្រី សម្រាប់បង្កើតថ្មី និងអភិវឌ្ឍធនធានជលផល

ថ្មីៗនេះ នៅតំបន់បឹង Nhà Đường  (ក្នុងឃុំ Thiên Lộc ស្រុក Can Lộc) សាខាជលផល ខេត្ត Hà Tĩnh បានសហការជាមួយអាជ្ញាធរមូលដ្ឋាន, ព្រះសង្ឃ ភិក្ខុនីសង្ឃ ពុទ្ធបរិស័ទវត្ត Hương Tích  និងប្រជាជន បានព្រលែងកូនត្រីទឹកសាបចំនួន ២ តោនកន្លះដូចជា៖ ត្រីគ្រំ, ត្រីក្រឡង់, ត្រីគល់រាំង ...បានដឹងថា នេះជាសកម្មភាពប្រចាំឆ្នាំ ត្រូវបានរៀបចំឡើងដើម្បីការពារ, បង្កើត, និងអភិវឌ្ឍធនធានជលផលប្រកបដោយចិរភាព។

៤.៤.៥៤៤ គ្រួសារក្រីក្រនៅ Sóc Trăng  ត្រូវបានជួយឧបត្ថម្ភលំនៅដ្ឋាន

ចាប់ពីដើមឆ្នាំ ២០១៩ មកដល់ពេលនេះ ខេត្ត Sóc Trăng  បានសាងសង់ផ្ទះចំនួន ៤០០ ខ្នងសម្រាប់គ្រួសារក្រីក្រក្រោមសេចក្តីសំរេចចិត្តរបស់លោកនាយករដ្ឋមន្រ្តីលេខ ៣៣ / ២០១៥ / QD-TTg ។ បច្ចុប្បន្នខេត្តទាំងមូលមានគ្រួសារជនជាតិភាគតិចក្រីក្រចំនួន ៤,៤៥៤ គ្រួសារបានការជំនួយលំនៅដ្ឋាន។ ក្រៅពីនេះ មូលដ្ឋានក៏បានបានជំនួយផ្ទះមហាសាមគ្គីភាព  ចំនួន ១៣៥ខ្នង ជូនដល់គ្រួសារក្រីក្រ ដែលត្រូវចំណាយថវិការចំនួន ៥ ពាន់លានដុង។ កៀរគរថវិកាចំនួន ១៥ ពាន់លានដុង ដើម្បីសាងសង់ និងជួសជុលផ្ទះចំនួន ៤៤២ ខ្នង ជូនដល់អ្នកដែមនាគុណបំណាចនៅក្នុងខេត្ត…។

៥. សហប្រតិបត្តិការជំរុញការអភិវឌ្ឍវ៉ាក់សាំងជំនាន់ថ្មីសម្រាប់ប្រទេសវៀតណាម

បណ្តាអ្នកវិទ្យាសាស្ត្រខាងវ៉ាក់សាំងនាំមុខគេលើតុទាំងពិភពលោក មកពីសាកលវិទ្យាល័យប្រ៊ីស្តុល (Bristol)(ចក្រភពអង់គ្លេស) និងវ៉ាក់សាំងនិងជីវសាស្រ្តលេខ ១  (Vabiotech) បានប្រកាសនូវកម្មវិធីសហប្រតិបត្តិការជំនួយ និងជំរុញការអភិវឌ្ឍន៍វ៉ាក់សាំងជំនាន់ថ្មី សំរាប់ប្រទេសវៀតណាម។ យោងតាមនោះ វ៉ាក់សាំងពីរប្រភេទ នឹងត្រូវបានភាគីទាំងពីរសហការអភិវឌ្ឍដោយបច្ចេកវិទ្យាថ្មីនារយៈពេលខាងមុខ នោះគឺវ៉ាក់សាំងការពារគ្រុនមហារាតត្បាត (គ្រុនផ្តាសាយបក្សី) និងវ៉ាក់សាំងការរោគឆ្កួតសត្វ។

ព័ត៌មានអន្តរជាតិ

6. ឥដ្ឋធ្វើពីវត្ថុធាតុដើមពិសេស

សិស្សសាលាមធ្យមមួយក្រុមនៅប្រទេសហ្វីលីពីន បានរកឃើញវិធីមួយបំលែងលាមកសសត្វឆ្កែ ឱ្យទៅជាល្បាយមួយសម្រាប់ធ្វើឥដ្ឋ ដោយគោលបំណងសម្អាតផ្លូវ ព្រមទាំងជួយកាត់បន្ថយថ្លៃនៃការសាងសង់។

៧. ប្រទេសអង់គ្លេសនឹងទទួលយកសំរាមប្លាស្ទិចចំនួន ៤២ កុងតឺន័រពីម៉ាឡេស៊ីមកវិញ

នៅក្នុងសេចក្តីថ្លែងការណ៍រួមមួយ ចេញផ្សាយនៅថ្ងៃទី ២៥ ខែវិច្ឆិកា ក្រសួងបរិស្ថាននៃប្រទេសម៉ាឡេស៊ី  ឧត្តមស្នងការអង់គ្លេសបានឲ្យដឹងថា ប្រទេសអង់គ្លេសនឹងទទួសំរាមប្លាស្ទិចចំនួន ៤២ កុងតឺន័រមកវិញ ដែលត្រូវបានបញ្ជូនខុសច្បាប់ទៅប្រទេសម៉ាឡេស៊ី។

៨.សេដ្ឋកិច្ចនៃប្រទេសម៉ិកស៊ិកត្រូវធ្លាក់ចូលក្នុងវិបត្តិសេដ្ឋកិច្ច

តួលេខចេញផ្សាយដោយវិទ្យាស្ថានភូមិសាស្ត្រនិងស្ថិតិម៉ិកស៊ិក (INEGI) ដែលទើបប្រកាសឃើញថា សេដ្ឋកិច្ចធំទី ២ នៅតំបន់អាមេរិកឡាទីននេះ កំពុងធ្លាក់ចូលវិបត្តិនៅក្នុងពាក់កណ្តាលឆ្នាំនេះ។​ យោងតាមនោះ ប្រទេសម៉ិកស៊ិកបានថយចុះ ០,១% ក្នុង ២ ត្រីមាសជាប់គ្នាកាលពីដើមឆ្នាំនេះ បន្ទាប់ពីបានធ្លាក់ចុះនៅទោលនាដូចគ្នាកាលពីត្រីមាសទី ៤ ឆ្នាំ ២០១៨ ។

៩. ការបាក់រូងក្រោមដីនៅប្រទេសចិនយ៉ាងហោចណាស់មនុស្ស ៤ នាក់បានស្លាប់

គ្រោះថ្នាក់ដ៏ធ្ងន់ធ្ងរមួយ បានកើតឡើងនៅការដ្ឋានសាងសង់ផ្លូវរូងក្រោមដីល្បឿនលឿននៅខេត្តយូណាន នៃប្រទេសចិន បានបណ្តាលឱ្យមនុស្ស ៤ នាក់ត្រូវស្លាប់ និងធ្វើឲ្យមនុស្សច្រើននាក់ទៀតត្រូវជាប់ខាងក្នុង។ បានដឹងថា ផ្លូវរូងក្រោមដីនេះ មានប្រវែងជាង ៥២ គីឡូម៉ែត្រ​​​ តាមគម្រោងការនឹងបើកចរាចរណ៍នៅចុងឆ្នាំ ២០២០ ។

១០. កំចាត់មេគ្រឿងញៀនដ៏ល្បីឈ្មោះ និងដៃជើងរបស់វានៅប្រទេសប្រេស៊ីល

ប៉ូលីសរដ្ឋ Rio de Janeiro នៃប្រទេស Brazil បានជូនដំណឹងថា បានសម្លាប់ឧក្រិដ្ឋជនគ្រឿងញៀន ៦ នាក់ នៅក្នុងប្រតិបត្តិការបង្រ្កាបដ៏គួរឱ្យភ្ញាក់ផ្អើលមួយ នៅក្នុងតំបន់អនាធិបតេយ្យនៃទីប្រជុំជន Itaborai ក្នុងរដ្ឋនេះ។

SỐ NGƯỜI MẮC SỐT XUẤT HUYẾT VẪN Ở MỨC RẤT CAO

ចំនួនមនុស្សកើតជំងឺគ្រុនឈាមនៅតែស្ថិតក្នុងកម្រិតខ្ពស់

យោងតាមមជ្ឈមណ្ឌលត្រួតពិនិត្យជំងឺនៅរដ្ឋធានីហាណូយ គឺគិតដល់ថ្ងៃទី ២៥ខែវិច្ឆិកាឆ្នាំ ២០១៩ ក្នុងភូមិសាស្ត្រមូលដ្ឋាននេះ នៅមានមនុស្សកើតជំងឺគ្រុនឈាមចំនួន ១១.០០០នាក់។

បានដឹងថា មកដល់ពេលនេះ ចំនួនមនុស្សកើតជំងឺគ្រុនឈាមក្នុងភូមិសាស្ត្ររដ្ឋធានីហាណូយចាប់ផ្តើមមាននិន្នារថយចំនួនចុះ (ពី៦០០-៧០០ករណីក្នុងមួយសប្តាហ៍) ប៉ុន្តែ នៅតែស្ថិតក្នុងកម្រិតខ្ពស់។ យោងតាមការតានដានបានឃើញថា ការរាតត្បាតនៃជំងឺគ្រុនឈាមនៅរដ្ឋធានីហាណូយក្នុងឆ្នាំនេះ គឺកើតឡើងយឺតជាងឆ្នាំទៅ ហើយចំនួនអ្នកជំងឺបានចូលសម្រាកព្យាបាលក្នុងមន្ទីរពេទ្យក៏មិនច្រើនជាង ប៉ន្តែមានការប្រែប្រួលមិនប្រក្រតី។

ការរាតត្បាតនៃជំងឺគ្រុនឈាមបានកើនឡើងនៅតាមបណ្តាស្រុកជាយក្រុង បន្ទាប់មក បានឆ្លងចូលបណ្តាខណ្ឌក្នុងរដ្ឋធានី។អត្រាមនុស្សចាស់ និងនារីមានផ្ទៃពោះបានកើតជំងឺនេះច្រើនជាង ក្នុងនោះ ក្នុងនោះមានអ្នកជំងឺជាច្រើនមានសញ្ញាសសុគធ្ងន់ដូចជា៖ សុគ, រលាកខួរក្បាល, រលាកឆ្អឹងខួរ, រលាកសរសៃរបេះដូង។

ប្រឈមនិងស្ថានភាពការរាតត្បាតរបស់ជំងឺគ្រុនឈាមនៅរដ្ឋធានីហាណូយ ដែលកំពុងកើតឡើងយ៉ាងស្មុគ្រស្មាញនោះ លោក Hoàng Đức Hạnh ជាអនុប្រធានមន្ទីរសុខាភិបាលហាណូយបានឲ្យដឹងថា ដើម្បីអនុវត្តឲ្យបាននូវគោលដៅ គឺដល់បញ្ជប់ខែវិច្ឆិកា នឹងទប់ស្កាត់បានជំងឺគ្រុនឈាម គឺទីក្រុងបនប្រមូលផ្តុំកម្លាំងអនុវត្តបណ្តាវិធានការនានា សម្រាប់កំចាត់ជំងឺ។

ខណ្ឌស្រុកនានា បន្តធ្វើការត្រួតពិនិត្យនៅតាមបណ្តាការដ្ឋានសាងសង់, ផ្សរប្រពៃណី, សាលារៀន, តំបន់សាធារណ, តំបន់មានផ្ទះសំណាក់…ជាដើម។ ឃោសនានូវបណ្តាវិធានការការពារជំងឺ និងរៀបចំបាញ់ថ្នាំគីមីសម្លាប់សត្វមូស។ ហើយជារៀងរាល់សប្តា៍​ បានជូនអនុសាសន៍អំពីគ្រោះថ្នាក់ដែលអាចកើតមានការរាតត្បាតនៃជំងឺគ្រុនឈាម និងតាមដានឲ្យបានស្អិតរមួតបណ្តាតំបន់ដែលមានសំបុកជំងឺ និងសំបុកជំងឺបន្លាយក្នុងរយៈពេលយូរ។

ក្នុងពេលនោះ តាមការស្ថិតីពីនាយកដ្ឋានសុខាភិបាលបង្ការរោគ បានដឹងថា គិតដល់ចុងខែវិច្ឆិកា ក្នុងទូទាំងប្រទេសបានកត់សម្គាល់មានអ្នកកើតជំងឺគ្រុនឈាមជាង ២៥០.០០០នាក់ ហើយក្នុងនោះមាន ៤៩នាក់ត្រូវស្លាប់បាត់បង់ជីវិត។ បើប្រៀបធៀបនឹងរយៈពេលដូចគ្នាកាលពីឆ្នាំ ២០១៨ ចំនួនអ្នកកើតជំងឺគ្រុនឈាមក្នុងឆ្នាំនេះកើនឡើងជាង ៣០០%​ ក្នុងនោះមាន ២៦នាក់ត្រូវស្លាប់បាត់បង់ជីវិត។

លោក Phạm Hùng ជាប្រធានការិយាល័យត្រូតពិនិត្យជំងឺឆ្លង នៃនាយកដ្ឋានបង្ការរោគបានឲ្យដឹងថា ដើម្បីការពារការរាតត្បាតនៃជំងឺគ្រុនឈាមនោះ គឺការបាញ់ថ្នាំគីមីសម្លាប់សត្វមូស កំចាត់ដង្កូវទឹករៀងរាល់ថ្ងៃ, បោះចោលវត្ថុដែលផ្ទុកទឹក សម្រាប់មិនឲ្យមូសកំណរកំណើតបាន និងត្រូវចងមុងពេលគេង…ជាដើម នៅតែជាវិធានការណ៍ការពារជំងឺប្រសិទ្ធិភាព និងយូរអង្វែង សម្រាប់តាមដាន​ និងរាំងខ្ទប់ការឆ្លងនៃជំងឺគ្រុនឈាម។

ហើយតាមការគ្រោងទុក ចាប់ពីខែមិថុនាឆ្នាំ ២០២១ ប្រទេសវៀតណាម ណឹងដំណើរការប្រព័ន្ធជូនអនុសាសន៍អំពីការរាតត្បាតនៃជំងឺគ្រុនឈាមឲ្យបានឆាប់មុន ៦ ខែ នៅក្នុងរដ្ឋធានីហាណូយ, ខេត្ត Đồng Nai ខេត្ត Khánh Hòa​ និងខេត្ត Đắk Lắk  ដោយការសមាហរណកម្មទិន្នន័យវាស់ស្ទង់ពីផ្កាយរណប៕