ព័ត៌មាននៅក្នុងប្រទេស

1.ចាប់ពីពេលនេះតទៅ បង្កើតមូលនិធិសប្បុរសធម៌ត្រូវតែគោរពបទកំណត់ថ្មី

រដ្ឋាភិបាលទើបានប្រកាសឲ្យប្រើនូវអនុក្រឹត្យមួយ បានកំណត់អំពីការរៀបចំ ធ្វើសកម្មភាព​និងគ្រប់គញរងមូលនិធិសង្គម មូលនិធិសប្បុរធម៌ ដែលត្រូវបានបង្កើតថ្មី និងធ្វើសកម្មភាពក្នុងប្រទេសវៀតណាម។

អនុក្រឹត្យបនកំណត់ថា មូលនិធិដែលបានផ្តល់លិខិតអនុញ្ញាត ត្រូវធានាបណ្តាលក្ខណៈដែល មានគោលដៅធ្វើសកម្មភាពតាមការកំណត់នេះ មានស្ថាបនិកមូលនិធិដោយធានានូវបទកំណត់នានា គណៈស្ថាបនិកត្រូវតែមានទ្រព្យសម្បត្តិគ្រប់គ្រាន់ចូលរួម សម្រាប់បង្កើតមូលនិធិតាមការកំណត់ និងឯកសារបង្កើតត្រឹមត្រូវតាមការកំណត់។

២. វិនិច្ឆ័យទោសបុគ្គលិកក្រុមហ៊ុន  Alibaba  ដែលបានវាយបំផ្លាញរថយន្តអនុវត្តបង្ខំ

យោងតាមផែនការ គឺតុលាការប្រជាជនខេត្ត Bà Rịa - Vũng Tàu បានវិនិច្ឆ័យទោសសាលាដំបូង ចំពោះបុគ្គលិក ៤ នាក់របស់ក្រុមហ៊ុនអចលនាវត្ថុ Alibaba អំពីបទ បង្ខូចទ្រព្យសម្បត្តិដោយចេតនា និងបង្ករអុកឡុកសាធារណ។ ជនជាប់ចោតរួមមាន៖ ឈ្មោះ Nguyễn Huỳnh Tú Trinh (អាយុ ២៤ឆ្នាំ ស្នាក់នៅខេត្ត​ Tiền Giang), ឈ្មោះTrần Quốc Tĩnh (អាយុ ២៤ឆ្នាំ​ រស់នៅខេត្ត Quảng Nam), ឈ្មោះ Huỳnh Ngọc Thiện (អាយុ ២៣ឆ្នាំរស់នៅខេត្ត Gia Lai ដ) និងឈ្មោះ Phan Quỳnh Long (អាយុ ២២ឆ្នាំ រស់នៅខេត្ត Gia Lai)។

៣.ទទួលចុះបញ្ជីសំបុត្រឡានត្រឡប់ទៅស្រុកទទួលឆ្នាំថ្មី

មជ្ឈមណ្ឌលជំនួយសិស្ស និងនិស្សិតទីក្រុងហូជីមិញបានឲ្យដឹងថា ដើម្បីជួយនិស្សិតដែលមានស្ថានភាពគ្រួសារក្រលំបាក​ ដែលកំពុងរៀនសូត្រនៅទីក្រុងហូជីមិញ បានត្រឡប់ទៅស្រុកកំណើតទទួលឆ្នាំថ្មីនោះ គឺតាមគម្រោងការ មជ្ឈមណ្ឌលនឹងគៀរគរឲ្យបាន ២.៥០០សំបុត្ររថយន្តដោយឥតគិតថ្លៃ សម្រាប់ជូននិស្សិតដែលមានស្រុកកំណើតពីខេត្ត Bình Thuận ដល់ខេត្ត  Thanh Hóa ។​ ហើយចំពោះនិស្សិតបានទទួលឆ្នាំថ្មីនៅទីក្រុងហូជីមិញ មិនត្រឡប់ទៅស្រុកកំណើតទទួលឆ្នាំថ្មីនោះ គឺមជ្ឈមណ្ឌលនឹងជូនអំណោយប្រមាណ ២.០០០ចំណែក​(មួយចំណែកមានតម្លៃ ៥០០.០០០ដុង)។​ហើយតាមការគ្រោងទុក រថយន្តជើងដំបូង នឹងចេញដំណើរចាប់ពីថ្ងៃទី ១៥ខែមករា ឆ្នាំ ២០២០។

៤.ភូមិភាគខាងត្បូង នឹងមានបន្ថែមផ្លូវល្បឿនលឿនចំនួន ៣១៣គីឡូម៉ែត្រ

ក្រសួងគមនាគមន៍និងដឹកជញ្ជូនបានឲ្យដឹងថា ក្រសួងបានដាក់ជូនលោននាយករដ្ឋមន្ត្រីសុំការកែប្រែ និងបំពេញបន្ថែម នូវគម្រោងបណ្តាញផ្លូវល្បឿនលឿនវៀតណាមដល់ឆ្នាំ ២០២០,ទស្សនដល់ឆ្នាំ ២០៣០ ដែលមានខ្សែរផ្លូវល្បឿនលឿនថ្មីចំនួន ៧ ក្នុងទូទាំងប្រទេស។

យោងតាមនោះ តំបន់ភាគខាងជើងនឹងសាងសង់បន្ថែម ៣ ខ្សែផ្លូវល្បឿនលឿនថ្មី។ ហើយនៅភាគខាងត្បូង នឹងសាងសង់បន្ថែម ៣ ខ្សែផ្លូវថ្មីរួមមាន៖ ផ្លូវល្បឿនលឿនពី Gò Dầu  ដល់មាត់ច្រក Xa Mát (ខេត្ត Tây Ninh);ផ្លូវល្បឿនលឿនពីHồng Ngự - Trà Vinh ;សាងសង់បន្ថែមផ្លូវល្បឿនលឿនពី  Châu Đốc - Cần Thơ - Sóc Trăng ដល់កំពង់ផែ Trần Đề.

៥.រកឃើញអ្នកដំណើរយកអាវុធឡើងយន្តហោះ

អ្នកដំណើរមួយរូបត្រូវកម្លាំងសន្តិសុខនៅព្រលានយន្តហោះអន្តរជាតិ Nội Bài  រកឃើញបាដាក់អាវុធក្នុងឥវ៉ាន់ផ្ញើ។ បានដឹងថា លទ្ធផលតាមការពិនិត្យឃើញថា ក្នុងវ៉ាលីរបស់អ្នកដំណើរមួយរូប មានគ្រឿងមួយផ្នែកក្នុងកាំភ្លើងបាញ់សត្វ និងគ្រាប់សំណរបស់កាំភ្លើងបាញ់សត្វចំនួន ១៧៧ គ្រាប់។ ហើយអ្នកដំណើរនេះ មិនបង្ហាញបាននូវលិខិតស្នាមអ្វីពាក់ព័ន្ធឡើយ។ ហើយអាជ្ញាធរព្រលានយន្តហោះភាគខាងជើង បានស្នើរឲ្យសន្តិសុខព្រលានយន្តហោះត្រូវធ្វើកំណត់ហេតុករណីនេះ ព្រមទាំងប្រគល់វត្ថុតាងល្មើសដល់ប៉ុស្តិ៏នគរបាល Nội Bài ដោះស្រាយតាមការកំណត់។

ព័ត៌មានអន្តរជាតិ

៦.រុស្ស៊ីបានបង្ហោះដោយជោគជ័យនូវផ្កាយរណបយោធា

កាំជ្រួចរុញធុនស្រលដឹកតាមផ្កាយរណប Soyuz-2.1v របស់ប្រទេសរុស្ស៊ី បានដឹកតាមផ្កាយរណបយោធាមួយ ចូលក្នុងគន្លងតារាវិថីដោយជោគជ័យ នេះគឺប្រកាសដោយក្រសួងការពារជាតិនៃប្រទេសរុស្ស៊ីកាលពីថ្ងៃទី ២៦ខែវិច្ឆិកា។

៧.Europolបានលុបចោលរាប់ពាន់ដំណឹងអសកម្មលើបណ្តាញសង្គម

អង្ការប៉ូលីសអឺរ៉ុប (Europol) បានសហការជាមួយប៉ូលីស ១១ប្រទេស បានដំណើរការនូវយុទ្ធនាការ ប្រឆាំងនឹងសកម្មភាពឃោសនាលើបណ្តាញសង្គមរបស់ក្រុមរដ្ឋអ៊ីស្លាម (IS) និងលុបចោល ២៦.០០០ខ្លឹមសារ ដែលពាក់ព័ន្ធដល់ក្រុម IS បានចុះផ្សាយលើបណ្តាគណនីសង្គម និងខ្សែវីដេអូលើបណ្តាញសង្គម។

៨.ប្រទេសក្រិកសងបំណុលមួយផ្នែកដល់ IMF

ទីភ្នាក់ងារសារព័ត៌មាន Reuters បានជូនដំណឹងថា ប្រទេសក្រិចបានសងបំណងមុនកំណត់ចំនួន ២ ពាន់ ៧រយលាន  EUR (ស្មើនឹង ៣ពាន់លានដុល្លារ) ក្នុងបំណុលសរុបចំនួន ៨ពាន់ ៨រយលាន EUR (គឺជាង ៩ពាន់ ៧រយលានដុល្លារអាមេរិក) ដែលប្រទេសនេះ បានខ្ចីពីមូលនិធិរូបិយប័ណ្ណអន្តរជាតិ (IMF)។ ក្រសួងហិរញ្ញវត្ថុនៃប្រទេសក្រិចបានជូនដំណឹងថា ការសំណងនេះ បានបន្ថយចំនួនប្រាក់កម្ចីរបស់ប្រទេសនេះ ហើយតាមរយៈនេះ នឹងកែលំអរលទ្ធភាពទូទាត់បំណុលរដ្ឋរបស់ប្រទេសក្រិច ព្រមទាំងបង្កើនក្តីទំនុកទុកចិត្តចំពោះទីផ្សារហិរញ្ញវត្ថុអន្តរជាតិ។

៩.ឧទ្ធម្ភគចក្រ ២​គ្រឿង បានប៉ះទង្គិចគ្នា បណ្តាលឲ្យទាហានបារាំង ១៣នាក់ត្រូវស្លាប់

ខុទ្ទការល័យរបស់លោកនាយករដ្ឋមន្ត្រីនៃប្រទេសបារាំងបានជូនដំណឹងថា ទាហាន ១៣នាក់របស់ប្រទេសនេះ ត្រូវស្លាប់បាត់បង់ជីវិតក្នុងករណីប៉ះទង្គិចគ្នាលើលំហរអាកាស រវាងឧទ្ធម្ភគចក្រ ២ គ្រឿងនៅ  Mali។

១០.អង្គការសហប្រជាជាតិបានអបអរសាទការប្រែប្រួលយ៉ាងសកម្មនៅBolivia

យោងតាមទីភ្នាក់ងារសារព័ត៌មាន Reuters និងទីភ្នាក់ងារសារព័ត៌មានវៀតណាមបានដឹងថា លោកA.Guterres ជាអគ្គលេខានៃអង្គការសហប្រជាជាតិ បានអបអរសាទរចំពោះរាល់ការប្រែប្រួលយ៉ាងសកម្មថ្មីបំផុត ដែលឆ្ពស់ទៅរកដំណោះស្រាយសន្តិភាព និងប្រជាធិបតេយ្យ សម្រាប់វិបត្តិនៅ Bolivia។

PHÁT HIỆN 1.484 VỤ VI PHẠM HÀNG LẬU,

HÀNG CẤM Ở AN GIANG

ចាប់បាន ១.៤៨៤ករណីរត់ពន្ធទំនិញហាមឃាត់នៅ AN GIANG

គណៈកម្មាធិការប្រជាជនខេត្ត An Giang  បានឲ្យដឹងថា ចាប់ពីដើមឆ្នាំ ២០១៩ មកដល់ពេលនេះ កម្លាំងមានសមត្ថភាពនៅខេត្ត  An Giang ចាប់បាន ១.៤៨៤ ករណី ដឹកជញ្ជូនទំនិញខុសច្បាប់, ល្មើសក្នុងការដឹកជញ្ជូនទំនិញរត់ព្ធ គឺកើន ៥.៥ ភាគរយ បើប្រៀបធៀបនឹងយៈពេលដូចគ្នាកាលពីឆ្នាំទៅមិញ។

សរុបតម្លៃនៃទំនិញខុសច្បាប់ដែលចាប់បានជាង ៥៨ ពាន់ ២៥ លានដុង។ ផ្នែកមានសមត្ថកិច្ច បានវិនិច្ឆ័យទោសចំនួន ២២ករណី និង ២២មុខសញ្ញាល្មើសខាងលក់ដូរ និងដឹកជញ្ជូនទំនិញហាមឃាត់, ទំនិញរត់ពន្ធ; រកឃើញ ២៧ករណីធ្វើអាជីវកម្ម, ផលិតទំនិញក្លែងក្លាយ, ផាកពិន័យបែបរដ្ឋបាលចំនួន ៥១៦លានដុង; ចាប់បាន ២៨ករណីល្មើសខាងគុណភាពទំនិញជាជីគីមី, ប្រេងសាំង, ស្រូវពូជ និងផាកពិន័យជាង ៧៩០លានដុង…។

សព្វថ្ងៃនេះ នៅតាមបណ្តោយខ្សែផ្លូវព្រំដែនក្នុងខេត្ត An Giang ភាគខាងប្រទេសកម្ពុជា នៅមានប្រមាណ ២៦ឃ្លាំងផ្ទុកទំនិញ, ហើយនៅភាគខាងខេត្ត  An Giang នៅមាន ៦ ឃ្លាំង ស្ថិតនៅជាប់បណ្តោយទន្លេតាមបណ្តោយព្រំដែន ដែលមានសញ្ញាកំពុងលាក់ទុកទំនិញខុសច្បាប់ និងនាំចូលបន្តិចម្តងៗពីខាងប្រទេសមិត្ត។ចាប់ពីពេលនេះដល់បំណាច់ឆ្នាំ ២០១៩ តម្រូវការខាងជាវទិញទំនិញកើនឡើង សម្រាប់បំរើតម្រូវការក្នុងឱកាសបុណ្យចូលឆ្នាំថ្មី និងពិធីបុណ្យនានា បានជាសកម្មភាពជួញដូរទំនិញខុសច្បាប់មានសញ្ញាកើនឡើង។

ទំនិញដែលនាំចូលខុសច្បាប់ចូលខេត្ត  An Giang ភាគច្រើនគឺបារីបរទេស ស្ករសថៃ គ្រឿងសម្អាងកាយ អាហារ សម្លៀកបំពាក់ចាស់ ក្រណាត់ ទំនិញអេឡិកត្រូនិក អគ្គិសនីសីតកម្ម ផលិតផលឈើ; ហើយជាពិសេស រយៈពេលថ្មីៗនេះ បានកើតមានស្ថានភាពដឹកជញ្ជូនកាកសំណល់ខុសច្បាប់ (រួមមានស្បោងនីឡុង ក្រដាស សំបកដប កំប៉ុង ដែក…)ពីប្រទេសកម្ពុជា ចូលប្រទេសវៀតណាម ដោយឆ្លងកាត់ភូមិសាស្ត្រខេត្ត  An Giang; ហើយក្រៅពីនេះ ការជញ្ជូនរូបិយប័ណ្ណក៏ត្រូវបានសមត្ថកិច្ចរកឃើញជាបន្តបន្ទាប់។

លោក Lê Văn Nưng  ជាអនុប្រធានគណៈកម្មាធិការប្រជាជនខេត្ត An Giang បានមានសំណូមពរថា  ចាប់ពីរយៈពេលនេះ រហូតដល់បុណ្យចូលឆ្នាំថ្មីឆ្នាំជូតទោស័ក ២០២០ គឺកម្លាំងមានសមត្ថកិច្ច ត្រូវតែបង្កើនការពារ​ ទប់ស្កាត់អំពើរត់ពន្ធ, ដឹកជញ្ជូនទំនិញខុសច្បាប់ឆ្លងដែន; ម្ចាស់ការត្រួតពិនិត្យ រាំងខ្ទប់សកម្មភាពរត់ពន្ធ និងបន្លំពាណិជ្ជកម្ម ធ្វើអាជីវកម្ម ស្តុកទុកទំនិញរត់ព្ធ ទំនិញគ្មានដើមប្រភព ទំនិញបន្លំដើមប្រភព ទំនិញអន់គុណភាព; ត្រូវប្រឆាំងជាដាច់ខាត មិនឲ្យកើតមាន នៅមានចំណុចក្តៅ អង្គការ  និងខ្សែរយៈជួញដូរទំនិញរត់ពន្ធឆ្លងព្រំដែន​ ដែលបានធ្វើឲ្យប្រជាជនខ្វល់ខ្វាយ៕