BẢN TIN THỨ BẢY 29/8/2020
ព័ត៍មានៅក្នុងប្រទេស
១.ទីក្រុងហូជីមិញរៀបចំពិធីតាំងពិព័រណ៍អបអរសាទទិវាបុណ្យជាតិ ២/៩ និងសម្ពោធន៍សួនឧទ្យាន Lam Sơn
ថ្មីៗនេះ គណៈកម្មាធិការប្រជាជនទីក្រុងហូជីមិញ, មន្ទីរវប្បធម៌កីឡានិងទេសចរណ៍ទីក្រុងហូជីមិញបានបើកពិធីតាំងពិព័រណ៍រូបថត និង បើកសម្ពោធសួនឧទ្យាន Lam Sơnស្ថិតនៅក្នុងឧទ្យាន Lam Sơn (ទល់មុខផ្ទះរោងមហោស្រពទីក្រុង ក្នុងខណ្ឌលេខ១) ។ បានដឹងថា ពីមុននេះ សួនឧទ្យាន Lam Sơn ត្រូវបានរុះរើដើម្បីបម្រើការសាងសង់ស្ថានីយ៍មហោស្រពទីក្រុង (ចំណុះខ្សែរថភ្លើង metro លេខ ១ Bến Thành – Suối Tiên) ។ បន្ទាប់ពីសាង់សង់ហើយស្រេច អង្គភាពសាងសង់បានសងការដ្ឋានវិញ ហើយគណៈកម្មាធិការប្រជាជនទីក្រុងហូជីមិញបានឲ្យសាងសង់សួនឧទ្យាននេះឡើងវិញ ដែលមានទំហំប្រហែល 2.200 m2។
នៅថ្ងៃដដែល គណៈកម្មាធិការប្រជាជនទីក្រុងហូជីមិញ ក៏បានបើកពិព័រណ៌រូបថតជាមួយប្រធានបទ“ ស្មារតីបដិវត្តខែសីហា និងទិវាបុណ្យជាតិ ទី ២ ខែកញ្ញាជាអមតៈ” ដោយបានបង្ហាញរូបថតចំនួន ១០០សន្លឹក បានណែនាំអំពីទិដ្ឋភាពទូទៅនៃស្ថានភាពប្រវត្តិសាស្ត្រ, បណ្តាចលនាតស៊ូបដិវត្ត និងកិច្ចការស្ថាបនាប្រទេសជាតិ។
នៅវិថី Đồng Khởi (ខណ្ឌលេខ ១) គណៈចាត់ចែងកម្មវិធិ ក៏បានរៀបចំនូវ រូបថតចំនួន ៥០ ផ្ទាំង ជាមួយប្រធានបទ“ រស្មីនៃទឹកដីវៀតណាម” និងរូបថតចំនួន ៧០ សន្លឹក ជាមួយប្រធានបទ“ ទីក្រុងហូជីមិញរួមជាមួយនឹងប្រទេសជាតិបោះជំហានទៅមុខ” ។
បានដឹងថា ការតាំងពិព័រណ៍រូបថតនឹងធ្វើឡើងក្នុងឱកាសគម្រប់ខួប ៧៥ ឆ្នាំនៃបដិវត្តខែសីហានិងទិវាបុណ្យជាតិ ២ កញ្ញា។
២.តម្លៃនាំចេញសរុបសម្រេចបាន ១៦០,២៤ ពាន់លានដុល្លារ
យោងតាមតួលេខស្ថិតិបឋមថ្មីបំផុត ពីអគ្គនាយកដ្ឋានគយបង្ហាញថា តម្លៃសរុបនៃការនាំចូលនិងនាំចេញទំនិញរបស់វៀតណាមក្នុងឆមាសទី ១ ខែសីហាឆ្នាំ ២០២០ សម្រេចបាន ២៣,៦៦ ពាន់លានដុល្លារ ពោលគឺធ្លាក់ចុះ ៧,២% (ត្រូវនឹងការថយចុះ ១,៨៥ ពាន់លានដុល្លារ) បើប្រៀបធៀបនឹងលទ្ធផលនៃឆមាសទី ២ ចុងខែកក្កដាឆ្នាំ ២០២០, បាននាំឱ្យតម្លៃនាំចូលនិងនាំចេញសរុបទូទាំងប្រទេសគិតត្រឹមថ្ងៃទី ១៥ ខែសីហាឆ្នាំ ២០២០ សម្រេចបាន ៣១០,៤ ពាន់លានដុល្លារ ពោលគឺធ្លាក់ចុះ ០,៤% ត្រូវនឹងការថយចុះ ១,៣៧ ពាន់លានដុល្លារក្នុងរយៈពេលដូចគ្នាក្នុងឆ្នាំ ២០១៩ ។
៣.ផ្លែស្វាយនៅតែបាននាំចេញក្រៅ បើសិនជាស្ថិតនៅក្រៅលេខកូដតំបន់ដាំដុះដែលល្មើស
ពាក់ព័ន្ធនឹងព័ត៌មានដែលប្រទេសចិនផ្អាកនាំចូលផ្លែស្វាយរបស់វៀតណាម គឺមកពីការក្លែងបន្លំប្រភពដើមនោះ ប្រធានមន្ទីរកសិកម្មនិងអភិវឌ្ឍន៍ជនបទខេត្ត Đồng Tháp លោក Nguyễn Phước Thiện បានឲ្យដឹងថា៖ មិនត្រឹមតែផ្លែស្វាយនៅក្នុងខេត្ត Đồng Tháp ប៉ុណ្ណោះទេ គឺផ្លែស្វាយរបស់វៀតណាមនៅតែបាននាំចេញបន្ត ប្រសិនជាការនាំចេញស្ថិតនៅខាងក្រៅបណ្តាតំបន់មានលេខកូដ និងរោងចក្រដែលបានល្មើសមុននោះ។
៤.បរិមាណទំនិញឆ្លងកាត់កំពង់ផែសមុទ្រកើនឡើង ៦% ។
យោងតាមការស្ថិតិពីអគ្គនាយកដ្ឋានសមុទ្រវៀតណាមបានបង្ហាញថា ទិន្នផលទំនិញសរុបតាមរយៈកំពង់ផែសមុទ្ររបស់វៀតណាម ក្នុងរយៈពេល ៨ ខែនៃឆ្នាំ ២០២០ បានឈានដល់ជិត ៤៨៥,៣ លានតោន,ក្នុងនោះបរិមាណកុងតឺន័រ ឈានដល់ជិត ១៤ លានទ្រី (១ តោនស្មើនឹង ២០ ហ្វីត) គឺកើនឡើង ៦ ភាគរយនិង ៨ ភាគរយបើធៀបនឹងរយៈពេលដូចគ្នាកាលពីឆ្នាំ ២០១៩ ។
ព័ត៍មានអន្តរជាតិ
៥.អង្គការសុខភាពពិភពលោក៖ កុមារអាយុ៦ដល់ ១១ ឆ្នាំគួរពាក់ម៉ាស់
ស្របពេលកុមារជាច្រើនលាននាក់ត្រៀមខ្លួនចូលរៀនវិញក្នុងពេលឆាប់ៗខាងមុខ អង្គការសុខភាពពិភពលោក(WHO) បានសម្ដែងការព្រួមបារម្ភថា កុមារដែលមានអាយុពី ៦ ដល់ ១១ឆ្នាំក៏គួរតែពាក់ម៉ាស់ក្នុងករណីខ្លះ ដើម្បីជួយទប់ស្កាត់ការឆ្លងរាតត្បាតវីរុសកូវីដ-១៩។
អនុសាសន៍ណែនាំនេះបានធ្វើឡើង ក្រោយពីមានមនុស្សជាច្រើនជឿថា កុមារអាយុក្រោម១២ ឆ្នាំមិនត្រូវបានចាត់ទុកថាងាយឆ្លងវីរុសកូវីដ-១៩ ដូចមនុស្សពេញវ័យនោះទេ។ កុមារទូទៅមិនសូវប្រឈមការឆ្លងវីរុសធ្ងន់ធ្ងរដូចមនុស្សពេញវ័យទេ ហើយមនុស្សចាស់ងាយនឹងឆ្លងកើតជំងឺកូវីដ១៩ធ្ងន់ធ្ងរណាស់ និងបណ្ដាលឱ្យបាត់បង់ជីវិត។
៦.សាកសព១៣នាក់ត្រូវបានទាញចេញពីគំនរបាក់បែកនៃអគាររលំនៅឥណ្ឌា
ក្រុមមន្ត្រីនៃប្រទេសឥណ្ឌាបានឲ្យដឹងថា មនុស្សយ៉ាងតិច១៣នាក់បានស្លាប់និងច្រើននាក់ទៀតកំពុងបាត់ខ្លួន បន្ទាប់ពីអគារនៅដ្ឋានមួយបានដួលរលំនៅប្រទេសឥណ្ឌា ភាគខាងលិច ក្រោយពីប្រតិបត្តិការជួយសង្គ្រោះធ្វើឡើងអស់រយៈពេលជាង២៨ម៉ោង។
ក្រុមអ្នកសង្គ្រោះបានរកឃើញមនុស្ស៧៦នាក់នៅមានជីវិត ប៉ុន្តែនៅមានប្រហែល៦នាក់នៅបាត់ខ្លួននៅឡើយ។
៧.ទេសចរណ៍ពិភពលោកខាតបង់៣២០ពាន់លានដុល្លារ ក្នុងរយៈពេល៥ខែដោយសារជំងឺកូវីដ១៩
ប្រមុខដឹកនាំអង្គការសហប្រជាជាតិបាននិយាយថា ឧស្សាហកម្មទេសចរណ៍បានរងប៉ះពាល់ខ្លាំងដោយសារជំងឺរាតត្បាតកូវីដ១៩ នូវទឹកប្រាក់ចំនួន៣២០ពាន់លានដុល្លារ បានបាត់បង់ក្នុងរយៈពេល៥ ខែដំបូងនៃឆ្នាំនេះ និងជាង១២០លានការងារប្រឈមនឹងការបាត់បង់។
TUYÊN TRUYỀN, VẬN ĐỘNG NGƯỜI DÂN TUÂN THỦ CÁC QUY ĐỊNH PHÒNG, CHỐNG DỊCH COVID-19
ឃោសនា និងបំផុសប្រជាជនគោរពតាមបណ្តាបទកំណត់ការពារ
ទប់ស្កាត់ជំងឺរាតត្បាត COVID-19
ថ្មីៗនេះ គណៈបង្គាប់ការមជ្ឈិមការពារ ទប់ស្កាត់ជំងឺ Covid-19 បានបើកអង្គប្រជុំក្រោមការដឹកនាំរបស់លោកឧបនាយករដ្ឋមន្ត្រី Vũ Ðức Ðam ជាប្រធានគណៈនេះ។
នៅក្នុងកិច្ចប្រជុំ សមាជិកទាំងអស់នៃគណៈបង្គាប់ការ បានឯកភាពគ្នាវាយតម្លៃអំពីស្ថានភាពនៃការរាតត្បាតរបស់ជំងឺ Covid-19 នៅ Ðà Nẵng, Quảng Nam, Hải Dương… គឺបានត្រួតពិនិត្យបានហើយ។ តាមរយៈការការពារទប់ស្កាត់នឹងជំងឺ ក្រសួងសុខាភិបាលនឹងធ្វើការបូបសរុបបទពិសោធន៍នានា សម្រាប់រៀបចំការវគ្គហ្វឹកហ្វឺនដល់តំបន់នានាក្នុងទូទាំងប្រទេស។ ទន្ទឹមនឹងនោះ ក្រសួងសុខាភិបាលបានដឹកនាំ និងសហការជាមួយបណ្តាក្រសួង និងផ្នែកនានាក្នុងតំបន់ចុះផ្សាយនូវ “កូនសៀវភៅណែនាំការរស់នៅដោយសុវត្ថិភាពក្នុងលក្ខណៈមានជំងឺរាតត្បាត”; ក្រសួងសុខាភិបាលសហការជាមួយក្រសួងអប់រំនិងបណ្តុះបណ្តាលនឹងប្រកាស់ឲ្យប្រើ “កូនសៀវភៅការពារទប់ស្កាត់ជំងឺរាតត្បាតក្នុងសារលារៀន”។
គណៈបង្គាប់ការបានឯកភាពប្រគល់ក្រសួងសុខាភិបាល បន្តផ្ទៀងផ្ទាត់ទាំងអស់នូវប្រព័ន្ធម៉ាស៊ីន, គម្រោងស្រាវជ្រាវផលិតផល, ជំរុញសម្រាប់មានភាពម្ចាស់ការខ្ពស់បំផុត អំពីការធ្វើតេស្តជំងឺ Covid-19 លើស្មារតីសន្សំសំចៃ។ ក្រសួងសុខាភិបាលមានវិធានការ ទុកសម្រាប់មូលដ្ឋាននានានបានសហការយកសំណាកវិភាគ, ធ្វើតេស្ត, ជំនួយគ្នាទៅវិញទៅមក សម្រាប់សន្សំសំចៃធនធានរួមរបស់សង្គម។ក្រសួងសុខាភិបាលបន្តតាមដានការស្រាវជ្រាវ, ផលិតវ៉ាក់សាំងនៅប្រទេសនានាលើពិភពលោក; សហការជាមួយក្រសួងវិទ្យាសាស្ត្រ និងបច្ចេកវិទ្យាជំរុញឲ្យបានឆាប់បណ្តាគម្រោងស្រាវជ្រាវវ៉ាក់សាំងនៅវៀតណាម....។
សមាជិកទាំងអស់ក្នុងគណៈបង្គាប់ការក៏បានមានសំណើរថា ដើម្បីរួមរស់រួមដោយសុវត្ថិភាពជាមួយជំងឺរាតត្បាត Covid-19នោះ បណ្តាស្ថាប័នឃោសនា និងអង្គការមហាជននានា ត្រូវធ្វើការឃោសនា, បំផុសប្រជានឲ្យគោរពតាមបណ្តាបទកំណត់ស្តីអំពីការការការ ទប់ស្កាត់នឹងជំងឺរាតត្បាត Covid-19 ដូចជា៖ មិនចេញក្រៅបើសិនជាមិនចាំបាច់, ពាក់ម៉ាស់ជានិច្ចនៅពេលត្រូវការចេញទៅខាងក្រៅ និងកន្លែមានមនុស្សច្រើន....; ត្រូវលាងដៃជាមួយសាប៊ូ ទឹកស្អាត ឬទឹកថ្នាំសម្លាប់មេរោគជាប្រចាំ...; មិនធ្វេសប្រហែស, មិនអត្តនោម័តិចំពោះការប្រែប្រួលរបស់ជំងឺរាតត្បាត។
ហើយប្រការគួរឲ្យយកចិត្តទុកដាក់ក្នុងអង្គប្រជុំគឺ ថ្នាក់ដឹកនាំក្រសួងនគរបាលបានឲ្យដឹងថា តាមរយៈសេចក្តីរាយការណ៍, ការត្រួតពិនិត្យនោះ ក្រសួងនគរបាលបានរកឃើញថា មានមូលដ្ឋានមួយចំនួនមិនទាន់អនុវត្តត្រឹមត្រូវតាមទម្រង់ការដែលបានចុះបញ្ជីសម្រាប់អ្នកជំនាញ, ពលករបច្ចេកទេសខ្ពស់, វិនិយោគិន....ពេលពួកគេបានចូលវៀតណាម; នៅកើតមានស្ថានភាពឆ្លៀតយកផលពីគោលនយោបាយ, បាននាំមនុស្សចូលដោយមិនត្រឹមត្រូវតាមបទកំណត់នៃការចូលប្រទេសវៀតណាម។ ហើយក្រសួងនគរបាលកំពុងបន្តធ្វើការស៊ើបអង្កេត និងដោះស្រាយតាមការកំណត់របស់ច្បាប់៕