ព័ត៍មាននៅក្នុងប្រទេស
១.ល្មើសខាងការគ្រប់គ្រង និងការពារព្រំដែនជាតិនឹងត្រូវផាកពិន័យឡើងដល់ ១០០លានដុង
ថ្មីៗនេះ រដ្ឋាភិបាលបានចេញសារចរណ៍លេខ 96/2020/NĐ-CP បានកំណត់អំពីកម្រិតល្មើសបែបរដ្ឋបាលក្នុងវិស័យគ្រប់គ្រង និងការពារព្រំដែននៃប្រទេសជាតិ។ យោងតាមនោះ កម្រិតផាកពិន័យច្រើនបំផុតចំពោះអំពើល្មើសបែបរដ្ឋបាលចំពោះបុគ្គល ក្នុងវិស័យគ្រប់គ្រង និងការពារព្រំដែនជាតិចំនួន ៥០លានដុង។ ករណីប្រសិនជាអង្គភាពមានអំពើល្មើសដូចបុគ្គលនោះ គឺកម្រិតផាកពិន័យច្រើនទ្វេរដងនៃកម្រិតផាកពិន័យជាទឹកប្រាក់ចំពោះបុគ្គល។
២.ធនាគារ ADB នឹងឧបត្ថម្ភ ១ពាន់លានដុល្លារអាមេរិកនូវគម្រោងបណ្តាញ metro លេខ ២ Bến Thành- Suối Tiên
ដើម្បីធានាមានថវិការគ្រប់គ្រាន់សម្រាប់គម្រោងការសាងសង់បណ្តាញ metro លេខ ២ Bến Thành- Suối Tiên តាមកម្រិតវិនិយោគសរុបដែលបានកែប្រែនោះ រដ្ឋាភិបាលបានតម្រូវដល់ធនាគារ ADB ត្រូវផ្តល់នូវប្រាក់កម្ចីថ្មី ប៉ាន់ស្មានប្រមាណ ១ ពាន់លានដុល្លារអាមេរិក ហើយតាមការគ្រោងទុក នឹងបានអនុម័តយល់ព្រមនៅឆ្នាំ ២០២១។
៣.សរុបតម្លៃនៃការនាំចេញសម្រេចបាន160,24ពាន់លានដុល្លារ
យោងតាមតួលេខស្ថិតិថ្មីបំផុតពីអគ្គនាយកដ្ឋានគយបានដឹងថា សរុបតម្លៃនាំចេញទំនិញរបស់ប្រទេសវៀតណាមក្នុងរយៈពេលពាក់កណ្តាលខែសីហាឆ្នាំ ២០២០ សម្រេចបាន 23,66 ពាន់លានដុល្លារអាមេរិក, គឺថយចុះ 7,2% (ស្មើរនឹងថយចុះចំនួន1,85ពាន់លានដុល្លារអាមេរិក) បើប្រៀបធៀបនឹងលទ្ធផលនៃការអនុវត្តក្នុងរយៈពេលពាក់កណ្តាលខែកក្កដាឆ្នាំ ២០២០, បានធ្វើឲ្យសរុបតម្លៃនៃការនាំចេញទំនិញក្នុងទូទាំងប្រទេសដល់បញ្ចប់ថ្ងៃទី15-8-2020 សម្រេចបាន 310,4 ពាន់លានដុល្លារអាមេរិក,ថយចុះ 0,4% ស្មើរនឹងថយចុះចំនួន1,37ពាន់លានដុល្លារអាមេរិក បើប្រៀបធៀបនឹងរយៈពេលដូចគ្នាកាលពីឆ្នាំ ២០១៩។
៤.បំពាក់បំប៉នភាសាខ្មែរ និង Ê Đê ជូនកម្មាភិបាលនិងយុទ្ធជននៃកងយោធា
គណៈបញ្ជាការដ្ឋានយោធាខេត្ត Đắk Lắk បានសហការជាមួយវគ្គបំពាក់បំប៉នភាសាខ្មែរ និងភាសា Ê Đê ឆ្នាំ ២០២០ សម្រាប់កម្មាភិបាល, យុទ្ធជន, ពលទាហាន និងយោធិនជំនាញចំនួន ១៣៩រូប ដែលកំពុងបំពេញការងារនៅតាមបណ្តាស្ថាប័ន និងអង្គភាពចំណុះ,ក្នុងនោះ សិក្ខាកាម ៨៤នាក់ បានរៀនភាសាខ្មែរ និង ៥៥នាក់បានរៀនភាសា Ê Đê ។
ព័ត៍មានអន្តរជាតិ
៥.វ៉ាក់សាំងកូវីដ១៩របស់អូស្រ្តាលីគ្មានផលប៉ះពាលពេលសាកល្បងព្យាបាលលើមនុស្ស
វ៉ាក់សាំងការពារប្រឆាំងនឹងវីរុសកូរ៉ូណា ដែលកំពុងបង្កើតឡើងដោយអ្នកស្រាវជ្រាវក្នុងប្រទេសអូស្ត្រាលី ពុំមានផលប៉ះពាល់ទេនៅក្នុងការសាកល្បងព្យាបាលលើមនុស្ស ហើយបានបង្ហាញក្តីសង្ឃឹមខ្ពស់ក្នុងការពិសោធន៍លើថនិកសត្វ។
៦.នៅ​ប៉ា​គី​ស្ថាន៖ ភ្លៀង​ធ្លាក់​ប៉ុន្មាន​ថ្ងៃ​ជាប់​គ្នា​បណ្តាលឲ្យមនុស ​ជិត​១០០​នាក់ត្រូវស្លាប់ ​
​ភ្លៀង​ធ្លាក់​ជាប់គ្នារយៈពេល ៣ ​បានបណ្តាលឲ្យ ​មនុស្ស​យ៉ាងតិច​៩០ នាក់ត្រូវស្លាប់ និង​បង្ក​ការខូចខាត​ផ្ទះ​ប្រជាជន​ប្រមាណ ១.០០០ខ្នង នៅ​ទូទាំង​ប្រទេស​ប៉ា​គី​ស្ថាន រួម​ទាំង​ទីក្រុង​កំពង់ផែ​កា​រ៉ា​ជី ផងដែរ​ នេះ​បើ​យោង​តាម​គណៈកម្មាធិការ​ជាតិ​គ្រប់គ្រង​គ្រោះមហន្តរាយ​ប្រទេស​ប៉ា​គី​ស្ថាន ​។​
​ ​ ៧. ឥណ្ឌា គ្រោង​ពុះ​ច្រៀក​នាវាចម្បាំង​នាំមុខ​របស់​អង់គ្លេស ដើម្បី​ផលិត​ម៉ូតូ​
នាវា​ផ្ទុក​យន្ដហោះ​ដ៏​ចំណាស់​បំផុត​របស់​ពិភពលោក និង​ធ្លាប់​ជា​នាវាចម្បាំង​នាំមុខ​គេរបស់​ប្រទេសអង់គ្លេសអំឡុង​សង្គ្រាម នឹងត្រូវ​គេ​ពុះ​ច្រៀក​យក​ដែកដើម្បី​ផលិត​ម៉ូតូ។ 
​ ​៨.អគ្គក្រុមហ៊ុនអាកាសចរណ៍ American Airlines គ្រោងនឹងបញ្ឈប់បុគ្គលិក ១៩ក្រុមហ៊ុនអាកាសចរណ៍ American Airlines បានឱ្យដឹងនាពេលថ្មីៗនេះថា ខ្លួននឹងកាត់បន្ថយការងារជាង ៤ ម៉ឺន ក្នុងនោះមានការងារចំនួន ១៩.០០០ តំណែងនឹងត្រូវបញ្ឈប់បណ្តោះអាសន្ននិងអចិន្ត្រៃយ៍នៅខែតុលា ខណៈក្រុមហ៊ុនជួបការលំបាកយ៉ាងខ្លាំងជាមួយនឹងការធ្លាក់ចុះយ៉ាងគំហ៊ុកក្នុងការធ្វើដំណើរដោយសារតែជំងឺរាតត្បាត។