TPHCM LIÊN KẾT VÙNG DU LỊCH TÂY BẮC
ទីក្រុងហូជីមិញបានចងសម្ព័ន្ធជាមួយតំបន់ទេសចរណ៍ភូមិភាគពាយព្យ
ថ្មីៗនេះ នៅទីក្រុង Việt Trì (នៃខេត្ត Phú Thọ) បានរៀបចំសន្និសិទចងសម្ព័ន្ធការអភិវឌ្ឍន៍ រវាងទីក្រុងហូជីមិញ ជាមួយ ៨ខេត្តនៅភូមិភាគខាងជើងឈៀងខាងលិចបើកទូលាយ ជាមួយប្រធានបទ “ចងសម្ព័ន្ធដើម្បីអភិវឌ្ឍន៍ដោយចិរភាព” ដែលទីក្រុងហូជីមិញ និងខេត្ត Phú Thọ ធ្វើជាអធិបតី
បានដឹងថា នេះជាការស្នងបន្តពីបណ្តាលទ្ធផលដែលសម្រេចបាន ពីការចងសម្ព័ន្ធការអភិវឌ្ឍន៍ទេសចរណ៍ រវាងទីក្រុងហូជីមិញ ជាមួយ ១៣ខេត្តក្រុងក្នុងតំបន់ដីសណ្តទន្លេគីវឡុង, ការចងសម្ព័ន្ធរវាងទីក្រុងហូជីមិញ ជាមួយ ៥ខេត្តពាយព្យ...។
ចូលរួមសន្និសិទមានវត្តមានរបស់លោក៖ Vũ Đức Đam ជាសមាជិកមជ្ឈិមបក្ស និងជាឧបនាយករដ្ឋមន្ត្រី;លោក Nguyễn Thành Phong ជាសមាជិកមជ្ឈិមបក្ស និងជាប្រធានគណៈកម្មាធិការប្រជាជនទីក្រុងហូជីមិញ ព្រមទាំងថ្នាក់ដឹកនាំមកពីបណ្តាខេត្តក្រុង, មន្ទីរផ្នែក និងស្ថាប័នអាជីវកម្មរបស់មជ្ឈិម និងក្នុងមូលដ្ឋាន....។
កម្មវិធីចងសម្ព័ន្ធទេសចរណ៍នេះ ប្រយោជន៍ដើម្បីពង្រឹងនូវសក្កានុពល និងប្រៀបខ្លាំងរបស់ខេត្តនិមួយៗក្នុងតំបន់; កកើតឡើងនូវបណ្តាផលិតផលទេសចរណ៍ពីតំបន់មួយទៅតំបន់មួយ, រួមចំណែកអភិរក្ស និងពង្រឹងបណ្តាតម្លៃវប្បធម៍-ប្រវត្តិសាស្ត្រ, ធនធានទេសចរណ៍របស់ខេត្តនិមួយៗ,ជំរុញសកម្មភាពពន្លលឿនការវិនិយោគចូលក្នុងផ្នែកទេសចរណ៍។
ជាមួយលក្ខណៈជាតំបន់មួយ សម្បូរដោយប្រពៃណីប្រវត្តិសាស្ត្រ, មានលក្ខណៈវប្បធម៍សម្បូរបែប, មានភ្នំធំស្កឹមស្កៃ ហើយប្រៀបខ្លាំងរបស់ ៨ ខេត្តនៅភាគខាងជើងឈៀងខាងលិច គឺទេសចរណ៍បែបវប្បធម៍, ទេសចរណ៍បែបចេតភាព និងទេសចរណ៍បែបជីវសាស្ត្រ នេះជាតំបន់ទេសចរណ៍មិនត្រឹមតែមានមានការទាក់ទាញសម្រាប់ភ្ញៀវទេសចរអន្តរជាតិប៉ុណ្ណោះទេ គឺបានទាក់ទាញភ្ញៀវទេសចរក្នុងស្រុកទៀតផង។
ក្នុងពេលនោះ ទីក្រុងហូជីមិញ គឺជាទីប្រជុំជនទំនើប និងស្វាហាប់ ដែលមានអាយុកាលជាង ៣០០ឆ្នាំ ជាចំណុចសំខាន់នៃការផ្តោះប្តូរនានា, ជាទំនាក់ទំនងខាងពាណិជ្ជកម្មជាមួយព្រលានយន្តហោះអន្តរជាតិ Tân Sơn Nhất ដែលជាតំបន់ធ្វើសកម្មភាពរបស់អង្គភាពធ្វើអាជីវកម្មខាងទេសចរណ៍ជិត ១.៥០០០។ ជារៀងរាល់ឆ្នាំ ទីក្រុងហូជីមិញ បានទទួល ភ្ញៀវអន្តរជាតិជិត ១០ លាននាក់។ ផលិតផលទេសចរណ៍មុខព្រញរបស់ទីក្រុងហូជីមិញគឺទេសចរណ៍គួបផ្សំនឹងការធ្វើសន្និសីទ, សិក្ខាសាលា, ព្រឹត្តិការណ៍ការនានា, ទេសចរណ៍ទិញឥវ៉ាន់, ភោជនភណ្ឌ, កម្សាន្ត និងវប្បធម៌។
ដើម្បីការចងសម្ព័ន្ធទេសចរណ៍រវាងទីក្រុងហូជីមិញ និង ៨ ខេត្ត ពាយព្យ កាន់តែមានប្រសិទ្ធិភាពនោះ លោក Nguyễn Thành Phong បានមានមតិថា ត្រូវតែអនុវត្តឲ្យបានព្រមៗគ្នា នូវដំណោះស្រាយជាច្រើន ដែលក្នុងនោះ ត្រូវយកចិត្តទុកដាក់ជាសំខាន់ ចូលកនុងបណ្តាខ្លឹមសាររួមមាន៖
ទីមួយគឺ៖ត្រូវផ្តោតទៅលើការស្តារផ្នែកទេសចរណ៍ឡើងវិញ បច្ចុប្បន្ននេះ បណ្តាអាជីវកម្មទេសចរណ៍ត្រូវរងផលប៉ះពាល់យ៉ាងខ្លាំង, សណ្ឋាគារជាច្រើនដែលមានពលានុភាពបន្ទប់សម្រាកក្រោម ៨% ខណៈ ដែលខណៈមុនពេលមានការរីករាលដាលនៃជំងឺរាតត្បាត គឺជាង លើស ៨០%ឯណោះ ។ ដោយហេតុនេះហៈយ ផ្នែកទេសចរណ៍ចាំបាច់ត្រូវមានដំណោះស្រាយប្រកបដោយមានការច្នៃប្រឌិត និងហានវិនិយោគ សម្រាប់ជួយឱ្យអាជីវកម្មរក្សានិងងើបឡើងវិញឆាប់ៗ នេះជាការចងសម្ព័ន្ធ សហប្រតិបត្តិការ ដើម្បីបង្កើនភ្ញៀវទេសចរទ្វេភាគីមកពីបណ្តាខេត្តក្រុង។
ទី២គឺ៖ ចាំបាច់ត្រូវបង្កើន ការចងសម្ព័ន្ធដើម្បីអំពាវនាវឱ្យមានការវិនិយោគពីឯកជន និងការវិនិយោគបរទេសចូលក្នុងប្រព័ន្ធហេដ្ឋារចនាសម្ព័ន្ធ។
ទី៣គឺ៖ ចងសម្ព័ន្ធក្នុងកិច្ចការឃោសនា, ផ្សព្វផ្សាយ និងពន្លឿន, ចាំបាច់ត្រូវអនុវត្តដោយយោងតាមភាពជាក់ស្តែង និងត្រូវមានផលិតផលរួម។ ដូចជា ទីក្រុងហូជីមិញ នឹងបន្តរៀបចំព្រឹត្តិការណ៍ទេសចរណ៍មួយខែម្តង, ក្នុងនោះ ផ្សារណាត់ទេសចរណ៍អន្តរជាតិ និងថ្ងៃបុណ្ណទេសចរណ៍ គឺជាសកម្មភាព ២ មានប្រសិទ្ធិភាព សម្រាប់ ការផ្តោះប្តូរខាងពាណិជ្ជកម្មនានា របស់បណ្តាអាជីវកម្មទេសចរណ៍
ទី ៤ គឺ៖ អភិវឌ្ឍន៍ទេសចរណ៍ក្នុងនិន្នាការនៃការធ្វើទេសរណ៍ឆ្លាត និងបៃតង។
ទី ៥គឺ៖ ជំរុញឲ្យបានខ្លាំងការចងសម្ព័ន្ធអភិវឌ្ឍន៍ធនធានមនុស្សនៃផ្នែកទេសចរណ៍។
មានប្រសាសន៍បង្គាប់ការក្នុងអង្គប្រជុំនេះ លោក Vũ ĐứcĐam បានគូសបញ្ជាក់ថា មានកង្វល់ ២ ធំបំផុតនាពេលនេះចំពោះផ្នែកទេសចរណ៍ គឺ សំណង់ហេដ្ឋារច្ចនាសម្ព័ន្ធគមនាគមន៍ និងការអភិវឌ្ឍន៍ “បន្ទាន់” ស្តីអំពីទេសចរណ៍នៅតាមតំបន់នានា។ ដោយមានការអភិវឌ្ឍន៍“បន្ទាន់” នេះហើយ ក៏បាននាំមកនូវប្រភពធនធានជាតិមិនបានធ្វើអាជីវកម្មប្រកបដោយប្រសិទ្ធិភាព, មានតំបន់ជាច្រើនត្រូវរងការលំបាកខ្លាំង មកពីមានភ្នំត្រូវគេបំផ្លាញ, មានទន្លេត្រូវរាំង.....ដោយហេតុនេះហើយ ត្រូវតែធ្វើទេសចរណ៍តាមទិសចរិភាព, មានការសហការពីតំបន់មួយទៅតំបន់មួយ។ ជាក់ស្តែងគឺ មានតំបន់ខ្លះ បានប្រណាំងគ្នាធ្វើអាជីវកម្មខាងទេសចរណ៍, មានផលិតផលមិនជំនួយគ្នា ដោយមានការប្រកួតប្រជេងគ្នា។ ទីក្រុងធំ ២ គឺទីក្រុងហូជីមិញ និងទីក្រុងហាណូយ ត្រូវតែដូចជាមុខទាញ ២ ត្រូវខិតខំប្រឹងប្រែងសម្រាប់ខ្លួន និងត្រូវតែទាញតំបន់នានា ឲ្យរីកចម្រើនដូចខ្លួន៕