ពង្រឹងទំនាក់ទំនងប្រពៃណីដ៏មានតម្លៃរវាងវៀតណាម និងកម្ពុជា - Tiếng Khmer 24/06/2022

ព័ត៍មានានៅក្នុងប្រទេស

១.ពង្រឹងទំនាក់ទំនងប្រពៃណីដ៏មានតម្លៃរវាងវៀតណាម និងកម្ពុជា

យោងតាមទីភ្នាក់ងារសារព័ត៍មានវៀតណាម ​​បានឲ្យដឹងថា នៅតំបន់ព្រំដែនរវាងស្រុក Lộc Ninh នៃខេត្ត Bình Phước (វៀតណាម) និងស្រុកមេម៉ត់ ខេត្តត្បូងឃ្មុំ នៃប្រទេសកម្ពុជា បានរៀបចំបណ្តាសកម្មភាព ក្នុងក្របខ័ណ្ឌពិធីរំលឹកខួបលើកទី ៤៥ឆ្នាំ  នៃ “ដំណើរឆ្ពស់ទៅរកការផ្ដួលរំលំរបបប្រល័យពូជសាសន៍ប៉ុលពត។ » (ទី 20 ខែមិថុនា ឆ្នាំ 1977 ទី 20 ខែមិថុនា ឆ្នាំ 2022)។
អញ្ជើញ​ចូលរួម​ក្នុង​ មានវត្តមាន​សម្តេចនាយក​រដ្ឋមន្ត្រីនៃព្រះរាជាណាចក្រកម្ពុជា ហ៊ុន សែន និង​លោក Pham Minh Chinh ជានាយករដ្ឋមន្ត្រី នៃសាធារណរដ្ឋសង្គមនិយម​វៀតណាម។

ថ្លែងមតិក្នុងពិធីនេះ នាយករដ្ឋមន្ត្រី Phạm Minh Chính បានសង្កត់ធ្ងន់ថា រំលឹកខួបថ្ងៃទី ២០ ខែមិថុនា ឆ្នាំ ១៩៧៧ មានអត្ថន័យយ៉ាងសំខាន់, អបអរសាទរខួបលើកទី ៤៥ ឆ្នាំ, នៃការចាប់ផ្តើមដំណើររបស់សម្តេចនាយករដ្ឋមន្ត្រី ហ៊ុន សែន ក្នុងការផ្តួលរំលំរបបប្រល័យពូជសាសន៍ ប៉ុល ពត, ធ្វើឱ្យប្រទេសកម្ពុជារស់ឡើងវិញ, បានបង្ហាញពីកិច្ចសហប្រតិបត្តិការ និងសាមគ្គីភាពជាពិសេស រវាងប្រទេសទាំងពីរ; ហើយរឹតតែមានអត្ថន័យទៅទៀត នៅពេលដែលប្រទេសទាំងពីរ កំពុង កំពុងប្រារព្ធខួបលើកទី ៥៥ឆ្នាំ  នៃថ្ងៃបង្កើតទំនាក់ទំនងការទូត (ទី២៤ មិថុនា ១៩៦៧ - ទី ២៤ មិថុនា ២០២២)។

២.ជំរុញការសាងសង់អគារខ្ពស់ៗ, បង្កើនលំនៅឋានសង្គមឱ្យបានឆាប់រហ័ស

ដោះស្រាយតម្រូវការលំនៅដ្ឋានសម្រាប់ប្រជាជន និងឆ្ពស់ទៅរកការលើកកម្ពស់គុណភាព; ផ្លាស់ប្តូរពីលំនៅឋានជាន់ទាប ទៅលំនៅឋានជាន់ខ្ពស់; ជំរុញគ្រប់សមាសភាពសេដ្ឋកិច្ចចូលរួមវិនិយោគ, ពិសេស គឺលំនៅឋានសម្រាប់ពលករមានចំណូលទាប... ទាំងនោះគឺជាគោលដៅ នៃកម្មវិធីអភិវឌ្ឍន៍លំនៅឋានទីក្រុងហូជីមិញ ដែលទើបបានអនុម័តដោយប្រធានគណៈកម្មាធិការប្រជាជនទីក្រុងហូជីមិញ ដាក់ជូនក្រសួងសំណង់។

៣.ពង្រឹងការការពារប្រភពទឹកក្រោមដីនៅតំបន់ដីសណ្ដទន្លេគីវឡុង

ថ្មីៗនេះ នៅខេត្ត Cà Mau, មជ្ឈមណ្ឌលជាតិរៀបចំផែនការ និងស៊ើបអង្កេតធនធានទឹក សហការជាមួយមន្ទីរធនធានធម្មជាតិ និងបរិស្ថានខេត្ត Cà Mau រៀបចំនូវសិក្ខាសាលា ស្តីពីការប្រគល់ផលិតផលនៃគម្រោង “ពង្រឹងការការពារប្រភពទឹកក្រោមដីនៅវៀតណាម”... ស្ថិតនៅតំបន់ដីសណ្ដទន្លេគីវឡុង, គម្រោង ត្រូវបានអនុវត្តនៅខេត្ត៖ Cà Mau, Bạc Liêu, Kiên Giang និង An Giang ។

៤.ពិធីបុណ្យភោជនីហាអតីតរាជធានី Huế  ជាមួយទិសទាំងបួន បានរៀបចំ ចាប់ពីថ្ងៃទី 23 ដល់ថ្ងៃទី 26 ខែមិថុនា

គណៈរៀបចំចំសប្តាហ៍ Festival Huế 2022 បានឲ្យដឹងថា ពិធីបុណ្យភោជនីហាអតីតរាជធានី Huế ជាមួយទិសទាំងបួន នឹងបានរៀបចំនៅសួនឧទ្យាន Thương Bạc តាមដងទន្លេ Hương ចាប់ពីថ្ងៃទី 23 ដល់ថ្ងៃទី 26 ខែមិថុនា។ ពិធីបានមានអហាររាប់រយមុខ មកពីគ្រប់ទិសទីក្នុងទូទាំងប្រទេស គ្រោងនឹងទទួលភ្ញៀវទេសចរជាតិ និងអន្តរជាតិជាង 40.000 នាក់។

៥. ខេត្ត Sóc Trăng ៖ ការ​នាំ​ចេញ​​៦​ខែ​ដើម​ឆ្នាំ​កើន​ជាង​៣១,៥%

លោក Võ Văn Chiêu ប្រធានមន្ទីរឧស្សាហកម្ម និងពាណិជ្ជកម្មខេត្ត Sóc Trăng បានឲ្យដឹងថា ទឹកប្រាក់នៃទំនិញនាំចេញរបស់ខេត្ត ក្នុងរយៈពេល ៦ ខែ នៃឆ្នាំ 2022 បានកើនជាង31,5%  ប្រការនេះ បានគូសនូវការស្តារឡើងវិញយ៉ាងខ្លាំងបន្ទាប់ពីជំងឺរាតត្បាត Covid-19។ អាស្រ័យហេតុនេះ សន្ទស្សន៍ផលិតកម្មឧស្សាហកម្ម ៦ខែដើមឆ្នាំក្នុងខេត្ត កើន 16%  បើធៀបនឹងរយៈពេលដូចគ្នា កាលពីឆ្នាំទៅ, ក្នុងនោះឧស្សាហកម្មកែច្នៃ និងផលិតកម្មកើន 15,61%។

ព័ត៍មានអន្តរជាតិ

៥.ក្រុមហ៊ុន Moderna បង្កើតវ៉ាក់សាំងថ្មីមួយ

ក្រុមហ៊ុនឱសថអាមេរិក Moderna កំពុងបង្កើតវ៉ាក់សាំងថ្មីមួយ ដែលបានរួមបញ្ចូលសមត្ថភាពក្នុងការការពារ COVID-19 និងជំងឺគ្រុនផ្តាសាយ។ ការរួមបញ្ចូលនេះ នឹងជួយសម្រួលដល់ដំណើរការចាក់វ៉ាក់សាំង, បន្ថយពេលវេលា និងការចំណាយ នឹងជួយបង្កើនប្រសិទ្ធភាព នៃការចាក់វ៉ាក់សាំងការពារជំងឺឆ្លង ដែលជាបញ្ហាដ៏សំខាន់នៅទូទាំងពិភពលោក។

៧.រដ្ឋមន្ត្រីក្រសួងសុខាភិបាលនៃបណ្តាប្រទេស G20 ជួបប្រជុំនៅប្រទេសឥណ្ឌូនេស៊ី

រដ្ឋមន្ត្រីក្រសួងសុខាភិបាលនៃបណ្តាប្រទេស G20 បានជួបប្រជុំគ្នា នៅប្រទេសឥណ្ឌូនេស៊ី។ កិច្ចប្រជុំបានពិភាក្សា អំពីវិធានការទប់ទល់នឹងជំងឺរាតត្បាតនាពេលអនាគត, បញ្ចៀសវិបត្តិសេដ្ឋកិច្ច សង្គមកិច្ច និងនយោបាយ មកពីជំងឺរាតត្បាតនាពេលបច្ចុប្បន្ន និងអនាគត; ខិតខំពង្រីកមជ្ឈមណ្ឌលស្រាវជ្រាវ និងផលិតកម្មទូទាំងពិភពលោក សម្រាប់ការបង្ការជំងឺរាតត្បាត ត្រៀមរៀបចំ និងទប់ទល់។

៨.អាល្លឺម៉ង់​សាកល្បងបើក​ផ្លូវ​រំដោះ​គ្រាប់​ធញ្ញជាតិ​អ៊ុយក្រែន

ឯកអគ្គរដ្ឋទូតអាល្លឺម៉ង់ប្រចាំនៅអ៊ុយក្រែនបាននិយាយថា ទីក្រុងប៊ែរឡាំង គ្រោងនឹងបង្កើតច្រករបៀងសាកល្បង សម្រាប់ការនាំចេញគ្រាប់ធញ្ញជាតិរបស់អ៊ុយក្រែនតាមផ្លូវដែក។ អាល្លឺម៉ង់​កំពុង​ពិភាក្សា​ជាមួយ​ដៃគូ​អ៊ុយក្រែន ដើម្បី​អនុវត្ត​វិធី​ដឹកជញ្ជូនសាកល្បង​នេះ។

៩.តួកគីចាប់ខ្លួនភេរវជន ត្រូវប្រកាសចាប់ខ្លួនទូទាំងពិភពលោក

ថ្មីៗនេះ ប៉ូលិសនៃប្រទេសទួរគី បានចាប់ខ្លួនជនសង្ស័យពីរនាក់ របស់ក្រុមរដ្ឋឥស្លាម ដែលស្ថិតក្នុងបញ្ជីក្រហមរបស់អង្គការប៉ូលិសឧក្រិដ្ឋកម្មអន្តរជាតិ។ ប៉ូលិសរឹបអូសបានឧបករណ៍អេឡិចត្រូនិក និងឯកសារជាច្រើន ដែលក្នុងនោះ មានបទសុន្ទរកថាជាច្រើន របស់មេដឹកនាំជាន់ខ្ពស់ IS និងរូបថតប្រហារជីវិតដែលធ្វើឡើងដោយក្រុមភេរវជន។

១០.កូរ៉េខាងត្បូង៖ ចំនួនករណីឆ្លងCovid-19 ថ្មីធ្លាក់ចុះខ្លាំង

មជ្ឈមណ្ឌលគ្រប់គ្រង និងបង្ការជំងឺនៃប្រទេសកូរ៉េខាងត្បូង (KDCA) បាននិយាយថា ប្រទេសនេះ បានកត់ត្រាករណី Covid-19 ថ្មីចំនួន 3.538 ករណី, ក្នុងនោះមាន 96 ករណីនាំចូល។ ដូច្នេះ បានបង្កើនចំនួនករណីឆ្លង Covid-19 សរុបនៅក្នុងប្រទេសកើនដល់ 18.280.090 ករណី។ នេះជាចំនួនទាបបំផុត ចាប់ពីថ្ងៃទី 11 ខែមករា។

 

 

 

 

 

 

 

VOH

Bình luận

Cùng chuyên mục

Đọc Báo