ព័ត៍មាននៅក្នុងប្រទេស

១.ប្រជាជនជិតមួយលាននាក់ មានលិខិតឆ្លងដែនវ៉ាក់សាំងហើយ

យោងដំណឹងពីនាយកដ្ឋានព័ត៌មាននៃក្រសួងសុខាភិបាលបានឲ្យដឹងថា គិតត្រឹមថ្ងៃទី២០ ខែមេសា, ប្រជាជនជិត១លាននាក់ បានមានលិខិតឆ្លងដែនវ៉ាក់សាំងហើយ។ ដូច្នេះបន្ទាប់ពីរយៈពេល 6 ថ្ងៃ ដែលក្រសួងសុខាភិបាល បានចុះហត្ថលេខាបញ្ជាក់លទ្ធផល នៃការចាក់វ៉ាក់សាំងការពារជំងឺកូវីដ-19, គឺចំនួនអ្នកដែលបានទទួលការបញ្ជាក់លិខិតឆ្លងដែនវ៉ាក់សាំង នៅលើសៀវភៅសុខភាពអេឡិចត្រូនិក និងកម្មវិធី PC-COVID បានកើនឡើងទ្វេដង។

២.អ្នកជំងឺកុមារជាច្រើន ត្រូវស៊ុកជំងឺគ្រុនឈាមយ៉ាងធ្ងន់ធ្ងរ មកពីច្រឡំនឹងជំងឺ COVID-19

វេជ្ជបណ្ឌិត Phạm Thị Kiều Trang ជាប្រធានផ្នែកថែទាំសុខភាពការពារពុល នៃមន្ទីរពេទ្យកុមារ Đồng Nai បានឲ្យដឹងថា គិតជាមធ្យម ជារៀងរាល់ថ្ងៃ ផ្នែកនេះ បានទទួលកុមារប្រមានពី 4 - 5 នាក់ ត្រូវស៊ុកនឹងជំងឺគ្រុនឈាម។ នេះគឺដោយសារតែមនុស្សជាច្រើនមានការយល់ច្រឡំរវាងជំងឺគ្រុនឈាម មូលហេតុ មកពីមានមនុស្សជាច្រើន បានច្រឡំជំងឺគ្រុនឈាម និងជំងឺកូវីដ-១៩។ ជំងឺទាំងពី ប្រភេទនេះ នៅពេលដែលឆ្លងដំបូង គឺសុទ្ទតែមានរោគសញ្ញា ប្រហាក់ប្រហែលគ្នា អាចបណ្តាលឱ្យច្រឡំដូចជា ក្តៅខ្លួន, ឈឺក្បាល, ឈឺខ្លួនជាដើម ដូច្នេះ មនុស្សសាមញ្ញពិបាកបែងចែកបានណាស់។

៣.ស្នើរកម្មាភិបាលធ្វើដំណើរតាមរថយន្ត ត្រូវបិទកាតបង់ប្រាក់មិនឈប់

នាយកដ្ឋានដឹកជញ្ជូន និងគមនាគមន៍ ខេត្ត Đồng Nai បានស្នើដល់ខុទ្ទការល័យគណៈកម្មាធិការបក្សខេត្ត និងគណៈកម្មាធិការប្រជាជនបណ្តាស្រុក, ទីក្រុង និង និងអង្គការមហាជនក្នុងតំបន់ ដើម្បីបង្គាប់ការដល់ម្ចាស់យានយន្ត ស្ថិតក្រោមការគ្រប់គ្រងរបស់ខ្លួន ត្រូវបិទកាតប្រមូលប្រាក់មិនឈប់ ដែលកំពុងដឹកកម្មាភិបាល, និយោជិត និងពលករ ឆ្លងកាត់បញ្ជរបង់ប្រាក់។

៤. ខេត្ត Tiền Giang៖ ចាប់​ខ្លួន​អ្នក​ផលិតថ្នាំ​ក្លែង​ក្លាយ​ទ្រង់ទ្រាយ​ធំ

នគរបាលខេត្ត Tiền Giang បានឲ្យដឹងថា អង្គភាពនេះ ទើបបានចេញសេចក្តីសម្រេច ឃុំខ្លួនបណ្តោះអាសន្នព្រម្មទ័ណ្ឌចំពោះឈ្មោះ Đào Tấn Tài (កើតឆ្នាំ 1982 រស់នៅឃុំ Hòa Khánh ស្រុក Cái Bè) - ដែលជាមុខសញ្ញា ផលិតឱសថ ក្លែងក្លាយក្នុងចំនួនដ៏ច្រើន រួមមានថ្នាំក្លែងក្លាយចំនួន ៥១ធុង, ថ្នាំក្លែងក្លាយបិតម៉ាកបរទេសចំនួន ៦០០ប្រអប់, ឯកសារ, វិក័យបត្រ័, វត្ថុធាតុដើម, សំបកថ្នាំ និងសំបកវេចខ្ចប់ជាច្រើន សម្រាប់កាផលិតថ្នាំក្លែងក្លាយ។ បច្ចុប្បន្ន នគរបាល កំពុងឃាត់ទុកបណ្តោះអាសន្ន ឱសថក្លែងក្លាយទាំងនេះ រង់ចាំការវាយតម្លៃ និងចាត់ការតាមផ្លូវច្បាប់។

ព័ត៍មានអន្តរជាតិ

៥.អ៊ុយក្រែនអំពាវនាវឱ្យមានការជម្លៀសជាបន្ទាន់ពីរោងចក្រ Azovstal នៅ Mariupol

ប្រទេសអ៊ុយក្រែន បានអំពាវនាវឱ្យបង្កើតច្រកមនុស្សធម៌ជាបន្ទាន់មួយ ដើម្បីជម្លៀសជនស៊ីវិល និងអ្នករងរបួស ចេញពីរោងចក្រកិនដែក Azovstal នៅទីក្រុង Mariupol ដែលបច្ចុប្បន្នត្រូវបានឡោមព័ទ្ធដោយកងកម្លាំងនៃប្រទេសរុស្ស៊ី។

៦.អាមេរិក បានចាប់ ២១នាក់ ត្រូវបានចោទពីបទក្លែងបន្លំប្រាក់ជិត ១៥០លានដុល្លារអាមេរិក សម្រាប់ជំនួយ COVID-19

ក្រសួងយុត្តិធម៌អាមេរិកបានប្រកាសថា បានចាប់ខ្លួននមនុស្ស ២១នាក់ ត្រូវបានចោទប្រកាន់ពីបទក្លែងបន្លំប្រាក់ជំនួយសង្គ្រោះ COVID-19 សរុបជិត ១៥០លានដុល្លារអាមេរិក។ ជនសង្ស័យទាំងនេះ ​ត្រូវ​បាន​ចាប់​ខ្លួន គឺ​ជា​ផ្នែក​មួយ​នៃ​ការ​ស៊ើបអង្កេត​លើ​​អាជីវកម្មខាងសុខាភិបាល, វេជ្ជបណ្ឌិត, បុគ្គលិក​ផ្សាយ​ពាណិជ្ជកម្ម និង​អ្នក​ផលិត​ជា​ច្រើន​ទៀត​ ដោយ​ចោទ​ថា ​បាន​ក្លែង​បន្លំលិខិត​ចាក់​វ៉ាក់សាំង បង្ការ​ជំងឺ​កូវីដ-១៩។

៧.ក្រុមហ៊ុន Moderna នឹងដាក់ពាក្យសុំអាជ្ញាប័ណ្ណវ៉ាក់សាំង COVID-19 សម្រាប់កុមារក្រោម 5 ឆ្នាំ

នៅចុងខែនេះ ក្រុមហ៊ុនឱសថ Moderna នឹងដាក់ពាក្យទៅស្ថាប័នគ្រប់គ្រងសុខាភិបាលដ្ឋអាមេរិក សម្រាប់សុំការអនុញ្ញាតប្រើប្រាស់ជាបន្ទាន់ នូវវ៉ាក់សាំង COVID-19 សម្រាប់ចាក់ឲ្យកុមារអាយុចន្លោះពី 6 ខែដល់ 5 ឆ្នាំ។

យោងតាមក្រុមហ៊ុនផលិត ក្រាហ្វិកចាក់វ៉ាក់សាំង Moderna ចំនួន ២ ដូស មានប្រសិទ្ធភាពការពារការឆ្លងមេរោគបានប្រមាន 38% ចំពោះកុមារពី 2 ទៅ 5 ឆ្នាំ, ហើយអត្រានេះ ចំពោះកុមារពី 6 ខែដល់ 2 ឆ្នាំ ចំនួន  44%។

៨.ប្រទេសឥណ្ឌាប្រឈមនឹងវិបត្តិថាមពល បន្ទាប់ពីខែមីនាក្តៅបំផុតក្នុងប្រវត្តិសាស្ត្រ

ថ្ងៃក្តៅគគុក បូបបន្ថែមស្ថានភាពខ្វះធ្យូងថ្ម កំពុងបណ្តាលឱ្យមានការដាច់ចរន្តអគ្គិសនីយ៉ាងទូលំទូលាយនៅក្នុងប្រទេសឥណ្ឌា បណ្តាលឱ្យកើតមានការភ័យខ្លាច អំពីវិបត្តិថាមពលថ្មីមួយ ដែលប៉ះពាល់ដល់ប្រទេសនេះ ជាប្រទេសមានសេដ្ឋកិច្ចធំទីបីប្រចាំតំបន់អាស៊ី។ ទោះបីជាស្ថានភាព ដាច់ចរន្តអគ្គិសនី មិនមែនជារឿងចម្លែកនៅក្នុងប្រទេសឥណ្ឌានោះទេ ប៉ុន្តែ ឆ្នាំនេះគឺការព្រមានអំពីវិបត្តិថាមពលកំពុងកើតមានឡើង។

៩.ប្រទេសម៉ិកស៊ិក អាចប្រកាសបញ្ចប់ការរាតត្បាតរបស់ជំងឺ COVID-19

អង្គការសុខភាពប្រចាំទ្វិបអាមេរិក (PAHO) បាននិយាយថា ប្រទេសម៉ិកស៊ិកអាចប្រកាសពីការបញ្ចប់ការរាតត្បាតរបស់ជំងឺ COVID-19, ក្នុងបរិបទ ដែល ចំនួនអ្នកឆ្លងថ្មី និងស្លាប់ បានធ្លាក់ចុះជាប់ៗគ្នាក្នុងអំឡុងមួយខែមុន ចុះនៅ មធ្យមជិត 2,000 ករណី/ថ្ងៃ និង 40 ករណីស្លាប់ / ថ្ងៃ។

១០.អាហ្រ្វិកខាងត្បូងខិតខំជំនះផលវិបាកក្រោយទឹកជំនន់

មន្ត្រីយោធាអាហ្រ្វិកខាងត្បូងបាននិយាយថា ប្រទេសនេះ បានដាក់ពង្រាយទាហានក្រុមដំបូង ដើម្បីចូលរួមក្នុងប្រតិបត្តិសង្គ្រោះ និងកសាងឡើងវិញនៅក្នុងតំបន់ភូមិភាគខាងកើត ដែលរងផលប៉ះពាល់មកពីទឹកជំនន់។