រដ្ឋអំណាចទីក្រុង - ជាកូនសោរមាសនៃអភិវឌ្ឍន៍រហ័សទៅមុខ
ក្នុងនិន្នាការនគររូបនីយកម្មយ៉ាងឆាប់រហ័សនៅប្រទេសវៀតណាមនាពេលបច្ចុប្បន្ន គឺចាំបាច់ត្រូវមានយន្តការគ្រប់គ្រងនៃរដ្ឋអំណាចទីក្រុងប្រកបដោយប្រសិទ្ធិភាព។ នេះហើយ ជាកូនសោរមាស សម្រាប់រួមចំណែកក្នុងការអភិវឌ្ឍន៍សេដ្ឋកិច្ចឲ្យបានឆាប់រហ័សក្នុងទូទាំងប្រទេស។
រូបភាពគំរូមួយអមដោយគោលច្បាប់
ចំនួនប្រជាជននៅក្នុងទីក្រុង និងអត្រាប្រជាជននៅតាមទីក្រុងនានាក្នុងប្រទេសយើង មាននិន្នាការកើនឡើងយ៉ាងឆាប់រហ័សក្នុងរយៈពេល ៤០ឆ្នាំកន្លងមកនេះ។ យោងតាមតួលេខថ្មីបំផុតពីអង្គការសហប្រជាជាតិ គឺចំនួនប្រជាជននៅប្រទេសវៀតណាមនាបច្ចុប្បន្នជាង 97.470.700 នាក់។ ចំនួនប្រជាជនរស់នៅក្នុងទីក្រុងជាង 36.727.200 នាក់, ស្មើរនឹង 37,7%  នៃចំនួនប្រជាជនក្នុងទូទាំងប្រទេស។ មុននោះ អត្រានេះចំនួន 30,6% (ឆ្នាំ 2010), 24,5% (ឆ្នាំ2000), 20,3% (ឆ្នាំ 1990)....អង្គការសហប្រជាជាតិបានប៉ាន់ស្មានថា និន្នាការនគររូបនីយ៍កម្មនៅវៀតណាមនឹងកើនឡើងបន្ថែមទៀតក្នុងរយៈពេល 30 ឆ្នាំខាងមុខ ជាមួយអត្រាចំនួនប្រជាជនរស់នៅតាមទីក្រុងហួសកម្រិត 50%។ ជាក់ស្តែង ឆ្នាំ 2030 ចំនួន 45,4%; ឆ្នាំ 2040 ចំនួន 52,8%; ឆ្នាំ 2050 នឹងនៅកម្រិត 60%។
ជាក់ស្តែង បណ្តាទីក្រុងដែលមានអត្រាចំនួនប្រជាជនច្រើនកុះករនៅក្នុងប្រទេសយើងនាបច្ចុប្បន្ន គឺមិនទាន់មានរូបភាពគំរូរដ្ឋអំណាចទីក្រុងត្រឹមត្រូវ ហើយក៏មិនទាន់មានប្រព័ន្ធច្បាប់ដាច់ដោយឡែកសម្រាប់ខ្លួនសម្រាប់រូបភាពគំរូនេះដែរ។ ទីក្រុងហាណូយ, ទីក្រុងហូជីមិញ, ទីក្រុងដាណាំង...កំពុងខិតខំអនុវត្តបណ្តាបទកំណត់ដូចតំបន់ផ្សេងៗ និងយន្តការពិសេស (ជាក់ស្តែងគឺយន្តការសូមបន្ថែម) សម្រាប់គ្រប់គ្រងមូលដ្ឋាន។ នៅពេលដែលបញ្ហាផ្សេងៗរបស់ទីក្រុងកាន់តែស្មុគ្រស្មាញ និងហួសចំណុះ (ដូចជាស្ទះចរាចរណ៍, ទឹកលិច, ហេដ្ឋារចនាសម្ព័ន្ធសុខាភិបាល, អប់រំ, គមនាគមន៍) គឺសំណើរអំពីរូបភាពគំរូរដ្ឋអំណាចទីក្រុង ឬ មានយន្តការបែងចែកថ្នាក់, បែងចែកអំណាច, សម្រួលថវិការរដ្ឋ....ក្រោមរូបភាពយន្តការពិសេស។
សព្វថ្ងៃនេះ បណ្តាតំបន់បានមានសំណើរខុសគ្នា អំពីរូបភាពគំរូរដ្ឋអំណាចទីក្រុង។ ទីក្រុងហាណូយបានមានមតិសាកល្បងមិនរៀបចំក្រុមប្រឹក្សាប្រជាជនៅសង្កាត់។ ទីក្រុងដាំណាំង និងទីក្រុងហូជីមិញ បានមានមតិសាកល្បងមិនរៀបចំក្រុមប្រឹក្សាប្រជាជននៅខណ្ឌ និងសង្កាត់។ ទីក្រុងហាណូយ និងដាំណាំង បានទទួលការយល់ព្រមអនុវត្តសាកល្បងពីមជ្ឈិមហើយ។ ហើយទីក្រុងហូជីមិញអាចត្រូវបានរដ្ឋសភាយល់ព្រមឲ្យអនុវត្តសាកល្បងនៅចុងឆ្នាំ ២០២០។
បើកចេញនូវឱកាសអភិវឌ្ឍន៍
បណ្តាទីក្រុងធំៗនៅវៀតណាមនាពេលបច្ចប្បន្ន គឺបណ្តាមជ្ឈមណ្ឌលេសដ្ឋកិច្ច, ហិរញ្ញវត្ថុ, ធនធានមនុស្សគុណភាពខ្ពស់,ឧស្សាហកម្ម, វិទ្យាសាស្ត្របច្ចេកវិជ្ជា....ទីក្រុងទាំងនេះ បានរួមចំណែកយ៉ាងធំធេញចូលក្នុងបណ្តាផលិតផលផលិតក្នុងស្រុក, ថវិការរដ្ឋ, បង្កើតការងារធ្វើ, ផ្លាស់ប្តូរថ្មី ច្នៃប្រឌិតសម្រាប់ការអភិវឌ្ឍន៍របស់ប្រទេសជាតិ។ គិតតែទីក្រុងហូជីមិញ និងទីក្រុងហាណូយ និងបូបបន្ថែមទីក្រុងមួយ ដែលមានល្បឿននគររូបនីយ៍កម្មរហ័សក្នុងចំណោមបណ្តាខេត្តក្រុងដូចជា ទីក្រុង Hải Phòng, Bình Dương, Bà Rịa - Vũng Tàu, Đồng Nai, Quảng Ninh, Đà Nẵng គឺដង់ស៊ីតេសរុបផលិតផលក្នុងស្រុក និងថវិការរដ្ឋសម្រេចនូវកម្រិត 50% ក្នុងទូទាំងប្រទេស។
ដោយហេតុនេះហើយ ការផ្លាស់ប្តូររូបភាពគំរូគ្រប់គ្រងតាមទិសដ្ឋអំណាចទីក្រុង នឹងក្លាយជាកូនសោរមាស បានបើកចេញនូវឱកាសដ៏ធំធេញ ក្នុងការសាងសង់សំណង់ហេដ្ឋរចនាសម្ព័ន្ធក្នុងទីក្រុង, សេវ៉ា,ហិរញ្ញវត្ថុតាមទិសទីក្រុងឆ្លាតវៃ។ ផ្តើមពីនេះ នឹងបានទាក់ទាញការវិនិយោគ, បច្ចេកវិជ្ជាថ្មីសមស្រប, បង្កើតចេញនូវកម្លាំងទាក់ទាញដើមទុន, វិទ្យាសាស្ត្រ, ហិរញ្ញវត្ថុ និងនាក់ជំនាញ សម្រាប់ការអភិវឌ្ឍន៍សេដ្ឋកិច្ច-សង្គមកិច្ច, រួមចំណែកក្នុងការអភិវឌ្ឍន៍រួមរបស់ប្រទេសជាតិ។
នៅប្រទេសនិមួយៗ នៅដំណាក់កាលនិមួយៗតែងតែមានការលំបាកលំបិន និងមានឱកាសអភិវឌ្ឍន៍ខុសៗគ្នា។ គ្មានរូបមន្ត ឬ ដំណោះស្រាយរួមណា សម្រាប់ដោះស្រាយចំណោតនេះទេ។ ប្រការនេះ បានបកស្រាយថា តើហេតុអ្វី មានការលំអៀងខាងចំណេះអភិវឌ្ឍន៍របស់ប្រទេសនានា។ ប្រទេសវៀតណាមនាពេលបច្ចុប្បន្ន មានសមិទ្ធិផលមួយចំនួនគួរជាទីមោទនភាព ពីការខិតខំឥតឈប់ឈររហូតជិតពាក់កណ្តាលសតវត្សកន្លងមក។ ក៏ប៉ុន្តែ បើប្រៀបធៀបនឹងបណ្តាប្រទេសអភិវឌ្ឍន៍ក្នុងតំបន់ និងលើទូទាំងពិភពលោក គឺប្រទេសយើង ត្រូវតែខិតខំជាងទៀត ដើម្បីមិនបណ្តោយឲ្យធ្លាក់ក្រោយឆ្ងាយពេក។
យុទ្ធសាស្ត្រអភិវឌ្ឍន៍ប្រទេសជាតិដល់ឆ្នាំ ២០៤៥ (គឺជាឱកាសអបអរសាទរខួបលើកទី ១០០ ថ្ងៃបង្កើតប្រទេសជាតិ) ក្លាយជាប្រទេសអភិវឌ្ឍន៍, ទាមទារត្រូវតែយកបានឱកាស និងត្រូវឆ្លងកាត់រាល់ឧបសគ្គដែលនឹងកើតមានឡើង....ជាដើម
បកប្រែអត្ថបទពីលោកអនុសាស្ត្រាចារ្យ-បណ្ឌិត NGUYEN TAN PHAT នាយកវិទ្យាស្ថានកម្មាភិបាលទីក្រុងហូជីមិញ៕

រូបមន្តចិញ្ចឹមបង្គាគួបផ្សំនឹងដាំស្រូវ
    យោងតាមអគ្គនាយកដ្ឋានជលផល គឺច្រើនឆ្នាំកន្លងមកនេះ ផ្នែកកសិកម្មខេត្ត Kiên Giang បានលើកទឹកចិត្តកសិករ ឲ្យផ្លាស់ប្តូរតំបន់ដាំដុះស្រូវមិនសូវមានប្រសិទ្ធិភាព ទៅរូបភាពគំរូចិញ្ចឹមបង្គាគួបផ្សំនឹងដាំស្រូវ​។
ដូចជារូបភាពគំរូដាំដុះស្រូវគុណភាពខ្ពស់ គួបផ្សំនឹងការចិញ្ចឹមបង្កងនៅភូមិ Vĩnh Quới ឃុំ Vĩnh Hòa Phú ស្រុក Châu Thành លើផ្ទៃដីជាង ៣០ហិកតា ដែលមានសមាជិកចំនួន ៣០នាក់។ ការិយាល័យកសិកម្ម និង អភិវឌ្ឍន៍ទីជនបទស្រុក Châu Thành ត្រូវបានជំនួយដាំដុះស្រូវចំនួន ៣លានដុង/ក្នុងមួយហិកតា, ៤ លានដុង/ក្នុងមួយហិកតាសម្រាប់ចិញ្ចឹមបង្កង។ ចិញ្ចឹមបង្កងតាមរូបភាពគំរូនេះ គឺបង្កងបានធំធាត់តាមបែបធម្មតា, មិនសូវចំណាយច្រើនលើចំណី និងកម្លាំងថែរក្សា និងមិនសូវកើតជំងឺ ព្រមទាំងសាច់ឆ្ងាញ់ពិសារជាង។ រីឯស្រូវវិញ គឺមិនប្រើជីគីមីទាំងស្រុង ធានាដល់សុខភាពអ្នកដាំដុះស្រូវ។ ផលិតផលបង្កង និងស្រូវ នៅពេលប្រមូលផល នឹងត្រូវបានស្ថាប័នអាជីវកម្មទទួលទិញទាំងស្រុង, បានជាកសិករនឹងនរចិត្តអនុវត្តរូបភាពគំរូនេះ។ បើប្រៀបធៀបនឹងមុនដែលដាំតែស្រូវ ពេលនេះ បានប្តូរទៅអនុវត្តរូបភាពគំរូចិញ្ចឹមបង្កង គួបផ្សំនឹងដាំដុះស្រូវ គឺកសិករទទួលផលបង្កងគិតជាមធ្យមប្រមាណពី ៣៨០គីឡូក្រាម ដល់ ៥០០គីឡូក្រាម/ក្នុងមួយហិកតា បានជួយឲ្យកសិករបង្កើនចំណូលពី ២ ទៅ ៣ដង។ ដោយហេតុនេះហើយ មានកសិករជាច្រើន បានមានជីវភាពធូធាជាង និងមានប្រាក់ចំណូលខ្ពស់។ ដូចជាក្រុមគ្រួសារលោក Huỳnh Văn Bạc  រស់នៅភូមិ Vĩnh Quới ឃុំ Vĩnh Hòa Phú ដែលមានផ្ទៃដីចំនួន ៣ ហិកតា បានដាំស្រូវគួបផ្សំនឹងចិញ្ចឹមបង្កង ហើយបន្ទាប់ពីកាត់ចោលចំណាយនានារួច គាត់នៅចំណេញជាង ១៦០ លានដុងក្នុងមួយរដូវ។
ឬក៏ក្រុមគ្រួសារលោក Mai Văn Phúc  រស់នៅភូមិ 13 ឃុំ Vĩnh Thuận  ស្រុក Vĩnh Thuận  គឺក្នុងមួយឆ្នាំ ក្រុមគ្រួសារគាត់ បានដាំស្រូវមួយរដូវ គួបផ្សំនឹងចិញ្ចឹមបង្កង និងក្តាម ៣រដូវ ។ សរុបចំណូលដែលក្រុមគ្រួសារគាត់ទទួលបានគឺជាង ៣០០លានដុងក្នុងមួយឆ្នាំ។
តាមការដំណៅទិសអភិវឌ្ឍន៍របស់ខេត្ត Kiên Giang  គឺក្រោយឆ្នាំ ២០២០ ខេត្ត Kiên Giang នឹងបន្តផ្លាស់ប្តូរផ្ទៃដីដាំដុះស្រូវប្រមាន ២០.០០០ហិកា  ស្ថិតនៅខាងត្បូងផ្លូវជាតិលេខ ៨០ (ក្នុងស្រុក Hòn Đất និងស្រុក Kiên Lương )ទៅរូបភាពចិញ្ចឹមបង្កងគួបផ្សំនឹងដាំដុះស្រូវ៕
អត្ថបទបានបកប្រៃពីភាសាវឿតណាមក្នុងសារព័ត៍មាន Nhan Dan ។