ខេត្តក្រុងជាច្រើន បានរៀបចំឲ្យកុមាររៀនហែលទឹក - Tiếng Khmer 22/06/2022

ព័ត៍មាននៅក្នុងប្រទេស

១.ទីក្រុងហូជីមិញ៖ វិទ្យាស្ថានប៉ាស្ទ័រខ្វះ វ៉ាក់សាំងសេវ៉ា មកពីលំបាកក្នុងការដេញថ្លៃ

ស្ថានភាពខ្វះខាតថ្នាំ និងសម្ភារៈពេទ្យ មិនត្រឹមតែកើតឡើងនៅមន្ទីរពេទ្យប៉ុណ្ណោះទេ គឺប៉ុន្មានថ្ងៃកន្លងទៅ នៅវិទ្យាស្ថានប៉ាស្ទ័រទីក្រុងហូជីមិញ វ៉ាក់សាំងសេវាមូលដ្ឋានទាំងអស់ ក៏អស់ មកពីរងភាពលំបាកក្នុងការដេញថ្លៃ និងទិញវ៉ាក់សាំង  ខណៈដែលតម្រូវការរបស់ប្រជាជនបានចាក់វ៉ាក់សាំង គឺខ្ពស់ណាស់។ បច្ចុប្បន្ន វិទ្យាស្ថាន កំពុងធ្វើការដេញថ្លៃ ប៉ុន្តែមិនដឹងថា ពេលណានឹងមានវ៉ាក់សាំងនៅឡើយទេ។

២.ខេត្ត​ក្រុង​ជា​ច្រើន បាន​រៀបចំឲ្យកុមាររៀន​ហែល​ទឹក

​ដើម្បីមិនឲ្យកើតមានឡើងការលង់ទឹក, តំបន់ជាច្រើននៅតំបន់ដីសណ្ដទន្លេគីវឡុង បានរៀបចំវគ្គបង្រៀនរៀនហែលទឹកសម្រាប់កុមារនៅតាមទីជនបទ។ បានដឹងថា ថ្នាក់រៀនហែលទឹកទាំងនេះ គឺមិនយកថ្លៃទេ, មានអាងហែលទឹកស្អាត មានគ្រូបង្រៀនយ៉ាងដិតដល់ ហើយក្រុមគ្រួសាររបសសប្អូនៗ មានទំនុកចិត្តខ្លាំងណាស់។

៣.ចាបផ្តើមចាក់វ៉ាក់សាំង Covid-19 ដូសទី៣ ដល់កុមារអាយុពី ១២-១៧ ឆ្នាំ

ក្រសួង​សុខាភិបាល បាន​បង្គាប់ការដល់​មូលដ្ឋាននានា ត្រូវអនុវត្តការចាក់ចាក់វ៉ាក់សាំងកូវីដ-១៩ ដូសទី ៣ ភា្លម ដល់​កុមារ​អាយុពី ​១២-១៧​ឆ្នាំ។

ក្រសួងសុខាភិបាល ក៏បានស្នើដល់មន្ទីរសុខាភិបាល ត្រូវផ្តល់ប្រឹក្សាដល់ប្រធានគណៈកម្មាធិការប្រជាជនខេត្តក្រុង នូវសេចក្តីសម្រេច ចំពោះអ្នកចាក់វ៉ាក់សាំង ឲ្យបានសមស្របតាមស្ថានភាពជាក់ស្តែង និងតម្រូវការ ក្នុងការបង្ការ ទប់ស្កាត់ការរាតត្បាតក្នុងតំបន់, រៀបចំផែនការ និងលក្ខណៈចាំបាច់ផ្សេងៗ សម្រាប់ចាក់វ៉ាក់សាំងដូសទី 3 ដល់កុមារពី 12-17 ឆ្នាំ។

៤.ទីក្រុងហូជីមិញបានកត់ត្រាបន្ថែម ១ ករណីស្លាប់ មកពីជំងឺគ្រុនឈាម, បានបន្ថែម 136 សំបុកជំងឺទៀត

មជ្ឈមណ្ឌលគ្រប់គ្រងជំងឺទីក្រុងហូជីមិញ (HCDC) បានឲ្យដឹងថា ក្នុងសប្តាហ៍កន្លងទៅ ចំនួនករណីជំងឺកើតជំងឺមាត់ ដៃ ជើង  នៅទីក្រុងហូជីមិញ មាននិន្នាការថយចុះ, ខណៈដែលចំនួនជំងឺគ្រុនឈាម នៅតែមាននិន្នាការកើនឡើង។ ទីក្រុងហូជីមិញ បានកត់ត្រាមានបន្ថែម ១ អ្នក, គឺបានបង្កើន ៩ ករណីស្លាប់ មកពីជំងឺគ្រុនឈាមហើយ។

ព័ត៍មានអន្តរជាតិ

៥.ឥណ្ឌាចាប់ផ្តើមការចរចាកិច្ចព្រមព្រៀងពាណិជ្ជកម្មសេរីឡើងវិញ

សហភាពអឺរ៉ុប និងប្រទេសឥណ្ឌា បានចាប់ផ្ដើមកិច្ចចរចាឡើងវិញ សម្រាប់កសាងនូវនូវកិច្ចព្រមព្រៀងពាណិជ្ជកម្មសេរី, ជាមួយគោលដៅបញ្ចប់ការចរចានៅចុងឆ្នាំ 2023។ បានដឹងថា ភាគីទាំងពីរ ធ្លាប់បានធ្វើការចរចាកាលពីឆ្នាំ 2007 ប៉ុន្តែដំណើរការនេះត្រូវបានផ្អាកនៅឆ្នាំ 2013 ។

៦.ប្រទេសចិន បានដាក់កម្រិតលើគម្រោងឧស្សាហកម្មធុនធ្ងន់

ប្រទេសចិន នឹងហាមឃាត់បណ្តាគម្រោងលោហធាតុ, ចម្រាញ់ប្រេង, ស៊ីម៉ងត៍ និងគម្រោងផលិតកែវថ្មី នៅក្នុងបណ្តាតំបន់សំខាន់ៗ សម្រាប់ដោះស្រាយស្ថានភាពបំពុល និងឆ្លើយតបនឹងបណ្តាគោលដៅកាត់បន្ថយការបំភាយឧស្ម័នរបស់ប្រទេសនេះ។

៧.អង្គការសុខភាពពិភពលោកបានលុបចោល ការបែងចែកប្រទេសមានជំងឺអុត ស្វា

អង្គការសុខាភិបាលពិភពលោកបាននិយាយថា ខ្លួនបានលុបចោលនូវការបែងចែក រវាងបណ្តាប្រទេស ដែលបានចាត់ទុកថា ជំងឺអុតស្វា ជាជំងឺពិសេស និងមិនមែនជាជំងឺពិសេស នៅក្នុងទិន្នន័ជំងឺរបស់ខ្លួន។

៨.ប្រទេសអាល្លឺម៉ង់ បានបង្កើនការប្រើប្រាស់ធ្យូងថ្ម ដើម្បីទប់ទល់នឹងវិបត្តិថាមពល

ប្រទេសអាឡឺម៉ង់បានប្រកាសបណ្តាវិធានការជាបន្ទាន់ ក្នុងនោះ មានទាំងការបង្កើនការប្រើប្រាស់ធ្យូងថ្ម ដើម្បីបំពេញតម្រូវការថាមពល មកពីការកាត់បន្ថយការផ្គត់ផ្គង់ឧស្ម័នពីប្រទេសរុស្ស៊ី។

 

 

 

 

 

 

VOH

Bình luận

Cùng chuyên mục

Đọc Báo