ព័ត៍មាននៅក្នុងប្រទេស
១.កុមារជិត 95.000 នាក់គ្មានសុវត្ថិភាពបន្ទាប់ពីបានចាក់វ៉ាក់សាំង COVID-19
វ៉ាក់សាំង Moderna ជិត 95.000 ដូសស្មើនឹងកុមារជិត 95.000 នាក់ ស្ថិតក្នុង អាយុចន្លោះពី 5 ទៅ 12 ឆ្នាំ ត្រូវបានចាក់ នៅក្នុង 14 តំបន់។ ហើយយោងតាមរបាយការណ៍ គឺមកដល់ពេលនេះ បានបង្ហាញថា អត្រាប្រតិកម្មធម្មតា បន្ទាប់ពីបានចាក់វ៉ាក់សាំង COVID-19 សម្រាប់ក្រុមអាយុនេះ គឺទាបជាងការប្រកាសរបស់ក្រុមហ៊ុនផលិត។
២.នឹងផាកពិន័យផ្សារទំនើប បើសិនបានផ្តល់ថង់ផ្លាស្ទិកដល់អតិថិជនចាប់ពីឆ្នាំ 2026
នៅក្នុងគម្រោងពង្រឹងការគ្រប់គ្រងសំណល់ប្លាស្ទិកនោះ, រដ្ឋាភិបាលបានដាក់ចេញនូវគោលដៅដល់ឆ្នាំ២០២៥ អំពីការប្រើប្រាស់ថង់ផ្លាស្ទិក និងសំបកវេចខ្ចប់ ១០០% គឺមិនប៉ះពាល់ដល់បរិស្ថាន នៅតាមមជ្ឈមណ្ឌលពាណិជ្ជកម្ម និងផ្សារធំទំនើប សម្រាប់បម្រើសេចក្តីត្រូវការរបស់សហគមន៍ ជំនួសឲ្យការប្រើប្រាស់ថង់ ប្លាស្ទិកដែលពិបាករំលាយ និងផលិតផលជ័រប្រើម្តង; ធានាបាននូវការប្រមូលមក វិញ ការកែច្នៃ និងប្រព្រឹត្តិកម្មបាន 85% នៃសំណល់ប្លាស្ទិកត្រូវបញ្ចេញបន្ថែម។
៣.ទីក្រុងហូជីមិញ នឹងបាញ់កាំជ្រួចភ្ញីផ្កាសិល្បៈនៅថ្ងៃទី ៣០ មេសា
យោងតាមផែនការអនុវត្តនូវគម្រោង “រៀបចំពិធីបុណ្យ និងព្រឹត្តិការណ៍វប្បធម៌ និងកីឡានៅទីក្រុងហូជីមិញ ដំណាក់កាលពីឆ្នាំ ២០២០ - ២០៣០” ឆ្នាំ ២០២២ របស់មន្ទីរវប្បធម៌ និងកីឡាទីក្រុងហូជីមិញ គឺនៅយប់ថ្ងៃទី ៣០ មេសា , ទីក្រុងហូជីមិញ នឹងបាញ់កាំជ្រួចភ្ញីផ្កាសិល្បៈចាប់ពីម៉ោង 9 យប់ ដល់ម៉ោង 9:15 យប់។ តាមការគ្រោងទុក កាំជ្រួចភ្ញីផ្កា នឹងត្រូវបានបាញ់នៅពីរចំណុច គឺតំបន់ចូល ផ្លូវរូងក្នុងដីនៃទន្លេ Sài Gòn (ទីក្រុង Thủ Đức) និងសួនឧទ្យានវប្បធម៌ Đầm Sen (ស្ថិតក្នុងសង្កាត់ 11)។
៤. ទីក្រុង Cần Thơ ចាក់វ៉ាក់សាំងដល់កុមារអាយុពី 5 ទៅ 12 ឆ្នាំ
កាលពីថ្ងៃទី 21 ខែមេសា ទីក្រុង Cần Thơ បានចាប់ផ្តើមចាក់វ៉ាក់សាំង COVID-19 ដល់កុមារជិត 130.600 នាក់, អាយុចាប់ពី 5 ឆ្នាំដល់ក្រោម 12 ឆ្នាំ ដែលកំពុងរស់នៅ និងសិក្សានៅក្នុងទីក្រុងនេះ។ វ៉ាក់សាំងពីរប្រភេទត្រូវបានប្រើសម្រាប់កុមារអាយុពី 5 ទៅ 12 ឆ្នាំ។ គឺរបស់ក្រុមហ៊ុន Pfizer-BioNTech(COMIRNATY) សម្រាប់ចាក់ឲ្យកុមារអាយុពី ៥ ដល់ក្រោម ១១ ឆ្នាំ និងវ៉ាក់សាំងរបស់ក្រុមហ៊ុន Moderna (SPIKEVAX) សម្រាប់ចាក់ឲ្យកុមារអាយុពី ៦ ដល់ក្រោម ១២ ឆ្នាំ។
ព័ត៍មានអន្តរជាតិ
៥.ទីក្រុងញូវដែលី- ឥណ្ឌាប បានអនុវត្តកំណត់ពាក់ម៉ាស់ឡើងវិញ
អាជ្ញាធញូវដេលី - ប្រទេសឥណ្ឌា បានអនុវត្តបទកំណត់ពាក់ម៉ាស់ឡើងវិញ សម្រាប់ការពារ ការរីករាលដាលនៃជំងឺ COVID-19 នៅក្នុងបរិបទ ដែលចំនួនករណីឆ្លងថ្មីនៅក្នុងរដ្ឋធានីនេះ បានកើនឡើងម្តងទៀតក្នុងប៉ុន្មានថ្ងៃកន្លងទៅថ្មីៗនេះ។
៦.ប្រទេសរុស្ស៊ី បានខិតខំការពារវិស័យហិរញ្ញវត្ថុក្នុងស្រុក
សភាជាន់ទាបរបស់ប្រទេសរុស្ស៊ី បានអនុម័តលើសេចក្តីព្រាងច្បាប់ ដែលហាមឃាត់ធនាគាររបស់ប្រទេសនេះ បានចែករំលែក "អាថ៌កំបាំងធនាគារ" ជាមួយជនបរទេស។ នេះជាទង្វើថ្មីបំផុត របស់សមាជិកសភារុស្ស៊ី ក្នុងការការពារវិស័យហិរញ្ញវត្ថុរបស់ប្រទេសនេះ។
៧.ប្រទេសអ៊ីតាលីខិតខំកាត់បន្ថយការប្រើប្រាស់ថាមពល
ប្រទេសអ៊ីតាលីទំនងជានឹងជួបប្រទះនូវរដូវក្តៅដ៏ក្តៅគគុកដ៏យូរ នៅពេលដែលការិយាល័យ និងអគាររដ្ឋ នឹងត្រូវបានតម្រូវឱ្យកំណត់សីតុណ្ហភាព ដូចជាកំណត់ពីការប្រើម៉ាស៊ីនត្រជាក់ ខណៈដែលរដ្ឋាភិបាលនៃប្រទេសនេះ បានព្យាយាមស្វែងរកវិធីកាត់បន្ថយការទិញថាមពលពីប្រទេសរុស្ស៊ី។
យោងតាមច្បាប់វិសោធនកម្ម ស្តីពីការប្រើប្រាស់ថាមពលដែលស្នើឡើងដោយរដ្ឋាភិបាលអ៊ីតាលី គឺប្រព័ន្ធម៉ាស៊ីនត្រជាក់ នៅក្នុងទីភ្នាក់ងាររដ្ឋ ត្រូវតែកំណត់នៅសីតុណ្ហភាពមិនទាបជាង 25-27 អង្សាសេនៅក្នុងខែក្តៅបំផុតក្នុងឆ្នាំ។
៨.អ៊ីស្រាអែលកត់ត្រាករណីកើតជំងឺរលាកថ្លើមស្រួចស្រាវធ្ងន់ធ្ងរនៅកុមារ
ក្រសួងសុខាភិបាលនៃប្រទេសអ៊ីស្រាអែល បាននិយាយថា ប្រទេសនេះបានកត់ត្រាករណីរលាកថ្លើមស្រួចស្រាវធ្ងន់ធ្ងរចំនួន ១២ ករណី ដោយមិនដឹងមូលហេតុចំពោះកុមារ។ បច្ចុប្បន្ន អ្នកជំងឺទាំងនេះកំពុងត្រូវបានព្យាបាលនៅ ២ មន្ទីរពេទ្យស្ថិតនៅភាគកណ្តាលប្រទេសអ៊ីស្រាអែល។ អ្នកនាំពាក្យមន្ទីរពេទ្យទាំងពីរនេះ បាននិយាយថា ក្មេង ១២ នាក់នេះ មានអាយុពីក្រោម ១ ឆ្នាំដល់១១ឆ្នាំ។ ក្នុងចំណោមករណីរលាកថ្លើមចម្លែកទាំងនេះ មានកុមារ ១០ នាក់ បានជាពីជំងឺកូវីដ-១៩។
៩.ប្រទេសថៃ៖ សម្រេចបាន ៥០% នៃចំនួនប្រជាជនបានស៊ាំនឹងជំងឺ Covid-19
នាយកដ្ឋានប្រយុទ្ធប្រឆាំងនឹងជំងឺឆ្លង នៃក្រសួងសុខាភិបាលប្រទេសថៃ បានឱ្យដឹងថា កម្រិតនៃភាពស៊ាំរបស់សហគមន៍ ចំពោះជំងឺកូវីដ-១៩ ក្នុងប្រទេសនេះ បានឈានដល់ប្រមាណពាក់កណ្តាលនៃចំនួនប្រជាជនទូទាំងប្រទេស។ ក៏ប៉ុន្តែ តួលេខនេះ នៅតែទាបជាងគោលដៅ ៨០% ដែលរដ្ឋាភិបាលបានកំណត់។
១០.អ៊ីស្រាអែល៖បាន លុបចោលបទកំណត់ពាក់ម៉ាស់ក្នុងផ្ទះ
រដ្ឋាភិបាលនៃប្រទេសអ៊ីស្រាអែល បានសម្រេចដកបទកំណត់ជាកាតព្វកិច្ចត្រូវ ពាក់ម៉ាស់ នៅក្នុងកន្លែងបិទជិត ចាប់ពីម៉ោង 20:00 ថ្ងៃទី 23 ខែមេសា ក្នុងបរិបទដែលការរាតត្បាតរបស់ជំងឺ Covid-19 នៅក្នុងប្រទេសកំពុងថយចុះ។ ប៉ុន្តែ កំណត់នេះ មិនអនុវត្តចំពោះនៅតំបន់ហានិភ័យខ្ពស់ នៃការឆ្លងដូចជា មន្ទីរពេទ្យ, មណ្ឌលថែទាំមនុស្សចាស់, ជើងហោះហើរ និងអ្នកត្រូវនៅដាច់ដោយឡែកនោះទេ។
