ព៍ត៌មាននៅក្នុងប្រទេស
១.ទីក្រុងហូជីមិញបានអនុញ្ញាតឲ្យសាកល្បងយន្តការពិសេសសម្រាប់តាំងលំនៅថ្មី
ថ្មីៗនេះ រដ្ឋាភិបាលបានចេញសេចក្តីសម្រេចចិត្តលេខ ២៧ / NQ-CP អនុញ្ញាតឱ្យគណៈកម្មាធិការប្រជាជនទីក្រុងហូជីមិញ សាកល្បងយន្តការពិសេសមួយ សម្រាប់បង្រួញរយៈពេលចេញសំណង តាំងទីលំនៅថ្មី និងការប្រគល់ដីធ្លីគម្រោងការក្នុងភូមិសាស្ត្រទីក្រុង។
២.ជិត ៧០០០ នាក់បានចូលប្រទេសតាមផ្លូវអាកាសនៅថ្ងៃទី ១៨ ខែមីនា
អ្នកដំណើរជិត ៧០០០ នាក់ ដែលភាគច្រើនជាជនជាតិវៀតណាម បានវិលត្រឡប់មកប្រទេសវិញនៅឯព្រលានយន្តហោះ ក្នុងថ្ងៃទី ១៨ ខែមីនា។ ស្ថានភាពកកស្ទះនៅតំបន់ចូលនៅតែបន្តកើតឡើង។
៣.ភ្លៀងទឹកកកធំប៉ុនពងមាន់ បានធ្លាក់ចុះខេត្ត Lào Cai និង , Lai Châu
នេះជាលើកទី ៣ ហើយនៅឆ្នាំនេះ គឺភ្លៀងទឹកកកបានកើតមានឡើងនៅភាគខាងជើង ហើយលើកនេះ មិនមែនជាធំប៉ុនគ្រាប់ពោតទេ គឺភ្លៀងទឹកកកបានធំប៉ុនពងមាន់ឯណោះ បានធ្លាក់ចុះដំបូលផ្ទះប្រជាជន បណ្តាលឲ្យធ្លុះច្រើនកន្លែង។
៤.ខេត្ត Tiền Giang, Bến Tre បន្តនាំទឹកសាបទៅតំបន់រាំងស្ងួតនិងជ្រាបជាតិប្រៃ
នាថ្ងៃទី ១៧ ខែមិនានៅសង្កាត់ ៨ ទីក្រុង Bến Tre សម្ព័ន្ធយុវជនខេត្ត, សមាគមន៍យុវជនវៀតណាមខេត្ត បានសហការជាមួយក្លឹប Hạnh Nguyện TPHCM រៀបចំកម្មវិធីលើកទី ២ ក្រមប្រធានបទ“ ជីវិតរស់នៅដោយក្តីមនោសញ្ចឹតនា” លើកទី ២ ។ គឺកម្មវិធី បានជូនទឹកសាបដល់ ២២ ឃុំ, ទីរួមស្រុក ក្នុងខេត្តដែលមានថវិកាជាង ៧៥ លានដុង។
ព័ត៌មានអន្តរជាតិ
៥.ប្រទេសប៉ូឡូញនឹងទទួលបានឧបករណ៍និងសម្ភារៈពេទ្យជាច្រើនដើម្បីប្រយុទ្ធប្រឆាំងវីរុស
ក្រសួងការបរទេសប៉ូឡូញបាននិយាយនៅក្នុងសេចក្តីថ្លែងការណ៍មួយថា ប្រទេសខ្លួននឹងបានទទួលឧបករណ៍ធ្វើតេស្តិ៍ជាង ១០.០០០ ឈុត និងសម្ភារៈវេជ្ជាសាស្ត្ររាប់ម៉ឺនសម្រាប់ ដែលមានដូចជាម៉ាស វ៉ែនតា និងស្បែកជើងជាដើមពីប្រទេសចិនដើម្បីដោះស្រាយបញ្ហានៃការផ្ទុះឡើងនៃវីរុសឆ្លងកូវីដ១៩។
៦.ប្រទេសអ៊ីស្រាអែលហាមប្រជាជនមិនឱ្យចេញពីផ្ទះបើមិនចាំបាច់ដើម្បីបញ្ឈប់ការឆ្លងវីរុស
ប្រទេសអ៊ីស្រាអែលបានហាមឃាត់ប្រជាជនមិនឱ្យចាកចេញពីផ្ទះរបស់ខ្លួនបើសិនគ្មានហេតុផលចាំបាច់ ហើយបានប្រកាសថាខ្លួនគ្រោងនឹងតាមដានទូរស័ព្ទរបស់អ្នកដែលមានជំងឺឆ្លងកូវីដ១៩ក្នុងកំឡុងពេលផ្ទុះជំងឺនេះ។
៧.អ៊ីតាលីប្រញាប់ប្រញាល់បញ្ជូនក្រុមវេជ្ជបណ្ឌិតថ្មីទៅជួយព្យាបាលខណៈអ្នកស្លាប់ដោយកូវីដ១៩ កើនឡើងដល់ជាង២.៥០០នាក់
ប្រទេសអ៊ីតាលីប្រញាប់ប្រញាល់ដាក់ក្រុមវេជ្ជបណ្ឌិតនិស្សិតពេទ្យចំនួន ១០.០០០ នាក់ឱ្យចូលបម្រើការដោយឱ្យពួកគេបោះបង់ចោលការប្រឡងចុងក្រោយរបស់ពួកគេ ដើម្បីជួយដល់សេវាសុខភាពដែលកំពុងជួបការលំបាក ។
BẮT GIỮ NHIỀU VỤ VẬN CHUYỂN TRÁI PHÉP KHẨU TRANG QUA CAMPUCHIA, LÀO TIÊU THỤ
ចាប់បានច្រើនករណីដឹកជញ្ជូនម៉ាស់ខុសច្បាប់ចូលលក់ក្នុងប្រទេសកម្ពុជានិងឡាវ
នាយកដ្ឋានខេត្ត Quảng Trị និងសាខាគយនៃច្រកទ្វារព្រំដែនម៉ុកបៃ បានរកឃើញករណីជាច្រើនបានដឹកជញ្ជូនរម៉ាស់សុខាភិបាលដោយគ្មានប្រភពដើម ដែលត្រៀមយកទៅលក់ក្នុងប្រទេសកម្ពុជានិងឡាវ។
កាលពីថ្ងៃទី ១២ ខែមីនា ការិយាល័យនគរបាលស៊ើបអង្កេតពីបទឧក្រិដ្ឋពុករលួយសេដ្ឋកិច្ច និងរត់ពន្ធខេត្ត Tây Ninh បានសហការជាមួយច្រកទ្វារព្រំដែនម៉ុកបៃដើម្បីស៊ើបអង្កេតការដឹកជញ្ជូនម៉ាស់សុខាភិបាលជិត ២០ ម៉ឺន ចូលប្រទេសកម្ពុជា ។
យោងដំណឹងដំបូងបានដឹងថា នៅថ្ងៃទី ១១/៣ នៅតំបន់ច្រកទ្វារព្រំដែនអន្តរជាតិម៉ុកបាយ ការិយាល័យស៊ើបអង្កេតបទល្មើស អំពីអំពើពុករលួយ សេដ្ឋកិច្ច និងការរត់ពន្ធរបស់នគរបាលខេត្ត Tây Ninh បានសហការជាមួយសាខាគយច្រកទ្វារព្រំដែនម៉ុក ធ្វើការត្រួតពិនិត្យរថយន្តក្រុងដឹកអ្នកដំណើរមួយគ្រឿង បានដឹកម៉ាស់សុខាភិបាល អ្នកបើកបរឈ្មោះ Nguyễn Võ Thanh Đức (អាយុ ៤៦ ឆ្នាំរស់នៅទីក្រុងហូជីមិញ) ។
តាមរយៈការពិនិត្យកម្លាំងមានសមត្ថកិច្ច បានរកឃើញ និងដកហូតម៉ាស់សុខាភិបាលចំនួន ១៨៧.១៩៥ និងម៉ាស់សម្រាប់កុមារចំនួន ៦.៤០០។ ម៉ាស់ទាំងអស់គ្មានវិក័យប័ត្រ។ ហើយករណីទាំងនេះ កំពុងត្រូវបានស្ថាប័នមានសមត្ថកិច្ចស៊ើបអង្កេត។
គេដឹងថា ចាប់តាំងពីថ្ងៃទី ១ ខែមីនា កម្លាំងមានសមត្ថកិច្ចខេត្ត Tây Ninh បានចាប់បាន ១០ករណី ជួញដូរម៉ាស់សុខាភិបាលខុសច្បាប់ ពីប្រទេសវៀតណាម ចូលប្រទេសកម្ពុជាដោយរឹបអូសម៉ាស់សុខាភិបាលគ្រប់ប្រភេទជាង ១,៣ លាន ។
យោងដំណឹងពីសារព័ត៌មាន SGGP បានដឹងថា កាលពីថ្ងៃទី ១០ ខែមីនានៅច្រកទ្វារអន្តរជាតិLao Bảo (ស្រុក Hướng Hoáខេត្ត Quảng Trị) នាយកដ្ឋានគយ បានសហការជាមួយប៉ុស្តការពារព្រំដែនអន្តរជាតិ Lao Bảo បានរកឃើញលោក Tôn Thất Thiện ( អាយុ ៥៣ ឆ្នាំរស់នៅទីក្រុង Hue) បានដឹកជញ្ជូនទំនិញឆ្លងដែនខុសច្បាប់។
នៅពេលការត្រួតពិនិត្យរថយន្តពាក់ស្លាកលេខ BKS: 75B-01174 បើកបរដោយលោក Thiện នោះ កម្លាំងគយបានរកឃើញ ១.៣០០ ប្រអប់ ដែលមួយប្រអប់មានម៉ាស់សុខាភិបាលថ្មីចំនួន ៥០ ផលិតដោយប្រទេសវៀតណាម ត្រូវបានលោក Thiện លាក់ទុកក្នុងរថយន្ត។ ។ សរុបម៉ាស់មានចំនួន ៦៥,០០០ ។
មុននោះ គឺនៅថ្ងៃទី ៤ ខែមីនា នៅបរិវេណត្រួតពិនិត្យ ស្ថិតក្នុងម្តុំ Ka Tăng (ទីរួមស្រុក Lao Bảo ស្រុក Hướng Hoá) ក្រុមការងារនៃប៉ុសការពារព្រំដែន បានសហការជាមួយការិយាល័យគយច្រកទ្វារព្រំដែនអន្តរជាតិ Lao Bảo បានរកឃើញលោក Phonsay Kayyakham (អាយុ ៣២ ឆ្នាំមានទីលំនៅខេត្ដ Savannakhetប្រទេសឡាវ) កំពុងបើកបររថយន្តម៉ាក Hyundai ស្លាកលេខរបស់ប្រទេសឡាវ បានដឹកម៉ាស់ចំនួន ២៩៤ ប្រអប់ មានម៉ាស់សុខាភិបាលចំនួន ១៤៧០០ ។
បុរសជនជាតិឡាវរូបនេះបានសារភាពថា បានពឹងឲ្យសាច់ញាតិប្រមូលទិញឲ្យនៅខេត្ត Nghệ An រួចផ្ញើតាមរថយន្ត ដឹកទៅច្រកទ្វារព្រំដែនអន្តរជាតិ Lao Bảo រួករកវិធីដឹកទៅប្រទេសឡាវលក់រកចំណេញ។
ហើយនៅថ្ងៃដដែល កម្លាំងមានសមត្ថកិច្ច បានរកឃើញលោក Trương Văn Tú (អាយុ ៣៤ ឆ្នាំរស់នៅស្រុកHướng Hoá)កំពុងដឹកជញ្ជូនម៉ាស់សុខាភិបាលចំនួន ២៥០ ប្រអប់ មានចំនួនចំនួន ១២.៥០០ម៉ាស់ ។
