ការនាំចេញទំនិញកើនឡើងយ៉ាងឆាប់រហ័ស - Tiếng Khmer 21/05/2022

ព័ត៍មាននៅក្នុងប្រទស

១.វិស័យជាច្រើននឹងរីកចម្រើនបន្ទាប់ពីមានកិច្ចសហប្រតិបត្តិការរវាងទីក្រុងហូជីមិញ និងប្រទេសគុយបា

លោក Phan Văn Mãi ជាប្រធានគណៈកម្មាធិការប្រជាជនទីក្រុងហូជីមិញ បានមានកិច្ចជំនួបសន្ទនាជាមួយលោក Orlando Nicolas Hernandez Guillen, ឯកអគ្គរដ្ឋទូតនៃប្រទេសគុយបាថ្មីប្រចាំនៅវៀតណាម ក្នុងឱកាសលោកបានទទួលអាណត្តិបំពេញការនៅប្រទេសវៀតណាម។

លោកឯកអគ្គរដ្ឋទូតនៃប្រទេសគុយបា បានវាយតម្លៃខ្ពស់ ចំពោះទំនាក់ទំនងមិត្តភាពរវាងប្រទេសទាំងពីរ ក៏ដូចជារវាងទីក្រុងហូជីមិញ និងប្រទេសគុយបា។ លោកឯកអគ្គរដ្ឋទូតនៃប្រទេសគុយបា ក៏បានទទួលស្គាល់ថា នៅតែមានសក្តានុពលជាច្រើន សម្រាប់កិច្ចសហប្រតិបត្តិការរវាងភាគីទាំងពីរ និងមានសង្ឃឹមថា ទីក្រុងហូជីមិញ នឹងបន្តបង្កើតលក្ខណៈងាយស្រួល សម្រាប់បង្កើនកិច្ចសហប្រតិបត្តិការនាពេលខាងមុខ។

២.ទីក្រុងហូជីមិញ បានពិភាក្សាអំពីដំណោះស្រាយស្តារសកម្មភាពដឹកជញ្ជូនឡើងវិញ

ថ្មីៗនេះ នាយកដ្ឋានដឹកជញ្ជូន បានបើកកិច្ចប្រជុំជាមួយអង្គភាពដឹកជញ្ជូននានា ស្តីពីស្ថានភាពស្តារឡើងវិញនូវសកម្មភាពដឹកជញ្ជូនអ្នកដំណើរ និងទំនិញ ការសម្របខ្លួន និងគ្រប់គ្រងប្រកបដោយប្រសិទ្ធភាពនៃការរីករាលដាលរបស់ជំងឺ Covid-19 នៅទីក្រុងហូជីមិញ។

បានដឹងថា ឆ្នាំ 2021 គឺជាឆ្នាំដ៏លំបាក សម្រាប់ផ្នែកដឹកជញ្ជូននៅទីក្រុងហូជីមិញ។ ជំងឺរាតត្បាត Covid-19 បានវិវឌ្ឍន៍យ៉ាងស្មុគ្រស្មាញ បណ្តាលឲ្យការប្រតិបត្តិការរងផលប៉ះពាល់ ត្រូវផ្តោតពេលវេលាច្រើន លើការការពារការរីករាលដាលនៃជំងឺ; គម្លាតសង្គម បានបណ្តាលឱ្យសកម្មភាពដឹកជញ្ជូនអ្នកដំណើរ និងទំនិញត្រូវជាប់គាំង និងចំណូលបានធ្លាក់ចុះយ៉ាងខ្លាំង។

៣.ទីក្រុងហូជីមិញ៖ ពលករ 1,2 លាននាក់ នឹងបានឧបត្ថម្ភប្រាក់ជួលបន្ទប់ស្នាក់នៅ

ទីក្រុងហូជីមិញ បានរៀបចំសន្និសីទសារព័ត៌មាន ដើម្បីប្រកាសអំពីជំងឺរាតត្បាត Covid-19 និងបណ្តាបញ្ហាខាងសេដ្ឋកិច្ច សង្គមកិច្ច នៅទីក្រុងហូជីមិញ។ ចំពោះដំណើការទូទាត់កញ្ចប់ជំនួយជួលបន្ទប់ស្នាក់នៅសម្រាប់កម្មករនោះ គឺយោងតាមការស្រាវជ្រាវ ទីក្រុងហូជីមិញ មានប្រជាជនប្រមាណ 987.084 នាក់ ស្ថិតក្នុងរបបបានទទួលជំនួយ ជាមួយថវិការប្រមាណ 1.480  ពាន់លានដុង។ ចំពោះឧបត្ថម្ភពលករ បានត្រឡបមក​ធ្វើ​ការនៅទីក្រុងវិញ ​មាន​ប្រមាណ 205.479​នាក់ នឹង​បាន​ឧបត្ថម្ភ ​ប្រមាន 616 ​ពាន់​លានដុង។

៤.មជ្ឈមណ្ឌលអាមេរិក បានបើកដំណើរការឡើងវិញ បន្ទាប់ពី ២ ឆ្នាំ បានបិទមកពីជំងឺ Covid-19

មជ្ឈមណ្ឌលអាមេរិក ចំណុះស្ថានអគ្គកុងស៊ុលសហរដ្ឋអាមេរិក មានទីតាំងនៅជាន់ទី ៨ Diamond Plaza  (លេខ 34 ផ្លូវ Lê Duẩn ក្នុងខណ្ឌលេខ 1 ទីក្រុងហូជីមិញ) បានបើកដំណើរការជាផ្លូវការហើយ បន្ទាប់ពីបិទទ្វារជាង ២ឆ្នាំ ដោយសារជំងឺរាតត្បាត Covid-19។

បានដឹងថា មជ្ឈមណ្ឌលនេះ បានបម្រើមិត្តអ្នកអាន ដែលមានសៀវភៅជាង 6.000 ក្បាលគ្រប់វិស័យទាំងអស់... សកម្មភាពទាំងអស់នៅទីនេះ គឺឥតគិតថ្លៃ និងបានទទួលមនុស្សគ្រប់រូប ដែលមានអាយុចាប់ពី ១៥ ឆ្នាំឡើងទៅ។

៥.ការនាំចេញទំនិញកើនឡើងយ៉ាងឆាប់រហ័ស

យោងតាមការស្ថិតិរបស់អគ្គនាយកដ្ឋានគយ គឺក្នុងរយៈពេល 4 ខែដំបូងនៃឆ្នាំនេះ ការនាំចេញទំនិញរបស់វៀតណាម ទៅកាន់ទ្វីបចំនួន 5 មានកំណើនខ្ពស់។ ជាក់ស្តែង គឺនាំចេញទំនិញទៅអាស៊ីកើន ១៣%; អាមេរិកកើន ២១%; អឺរ៉ុបកើន ជិត 15%; អូសេអានីកើន 28%; អាហ្រ្វិកកើនជិត ១៦%...។

ព័ត៍មានអន្តរជាតិ

៦.វ៉ាក់សាំង Covid-19 របស់ប្រទេសចិនត្រូវបានអនុញ្ញាតិឲ្យចរាចរណ៍

ក្នុងសេចក្តីជូនដំណឹងកាលពីថ្ងៃទី 19 ខែឧសភា, អង្គការ WHO បានឲ្យដឹងថា បានបញ្ចូលវ៉ាក់សាំង Convidecia របស់ក្រុមហ៊ុន CanSino Biologics (ប្រទេសចិន) ចូលក្នុងបញ្ជីវ៉ាក់សាំង Covid-19 សម្រាប់ប្រើប្រាស់ក្នុងគ្រាអាសន្ន។

៧.កូរ៉េខាងជើង៖ ជំរុញអនុវត្តបណ្តាវិធានការទប់ស្កាត់នឹងជំងឺ Covid-19

ប្រទេសកូរ៉េខាងជើង កំពុងបង្កើនវិធានការការពារការរាតត្បាតនៃជំងឺកូវីដ-១៩ បន្ទាប់ពីប្រទេសនេះបានកត់ត្រាជំងឺនេះ បានរីករាលដាលនៅក្នុងប្រទេស ។ រោងចក្របរិក្ខារពេទ្យ  Nampho  និងសិប្បកម្មផលិតផ្សេងទៀត កំពុងបង្កើនការផលិត និងផ្គត់ផ្គង់ទែម៉ូម៉ែត្រ និងឧបករណ៍វេជ្ជសាស្ត្រផ្សេងទៀតនៅទូទាំងប្រទេស។ ទន្ទឹមនឹងនេះ គ្រឹះស្ថានឱសថបុរាណនានា បានបង្កើនការផលិតឱសថដើម្បីជួយបន្ថយការឈឺចាប់ និងបន្ថយគ្រុនក្តៅ។

៨.កូរ៉េខាងត្បូង៖ បើកទ្វារទទួលល់​ភ្ញៀវ​ទេសចរ​អន្តរជាតិ

ក្រសួងយុត្តិធម៌នៃប្រទេសកូរ៉េខាងត្បូង បានប្រកាសជាផ្លូវការ អំពីការចេញទិដ្ឋាការទេសចរណ៍ សម្រាប់ភ្ញៀវទេសចរអន្តរជាតិ និងវៀតណាម។ ចាប់ពីថ្ងៃទី 1 មិថុនា ទិដ្ឋាការទេសចរណ៍រយៈពេលខ្លី នឹងត្រូវបានចេញសារជាថ្មី សម្រាប់ភ្ញៀវ ដែលមកប្រទេសកូរ៉េខាងត្បូង សម្រាប់ពិនិត្យទីផ្សារ, ផ្តល់ប្រឹក្សាដល់ សកម្មភាពពាណិជ្ជកម្ម, ធ្វើទេសចរណ៍, ព្យាបាលជំងឺ, សួរសុខទុក្ខសាច់ញាតិ ....។

៩.ប្រទេសជប៉ុន៖ ​បញ្ចេញ​សំណល់ទឹករង​វិទ្យុសកម្មបានប្រព្រឹត្តិកម្ម​ចេញទៅ​សមុទ្រ

គណៈកម្មាការនិយតកម្មថាមពលអាតូមិករបស់ប្រទេសជប៉ុន បានអនុម័តផែនការបញ្ចេញទឹកសំណល់វិទ្យុសកម្មបានប្រព្រឹតិ្តកម្មរួច របស់រោងចក្រអគ្គិស Tokyo (TEPCO) Fukushima ចេញទៅសមុទ្រនៅដើមឆ្នាំ 2023 ។

១០.វិបត្តិស្បៀងអាហារនៅតែបន្តកើតមានឡើងជុំវិញពិភពលោក

ឯកអគ្គរដ្ឋទូតនៃប្រទេសរុស្សី ប្រចាំនៅអាមេរិកបានមានប្រសាសន៍ថា សកម្មភាពមិនឆា្លតលោកខាងលិច គឺជាមូលហេតុ នៃវិបត្តិស្បៀងអាហារពិភពលោក បន្ទាប់ពីអង្គការសហប្រជាជាតិបាននិយាយថា កង្វះស្បៀងអាហារបណ្តាលមកពីជម្លោះរបស់ប្រទេសរុស្ស៊ី និងប្រទេសអ៊ុយក្រែនអាចបន្តបន្លាយច្រើនឆ្នាំ៕

 

 

VOH

Bình luận

Cùng chuyên mục

Đọc Báo