ព័ត៌មានក្នុងប្រទេស

១.ចាត់វិធានការយ៉ាងម៉ឺងម៉ាត់ចំពោះការរើសអើងនឹងភ្ញៀវទេសចរបរទេស

ដើម្បីកែតម្រូវនិង រក្សាមុខមាត់នៃប្រទេស, ប្រជាជន, និងតំបន់ទេសចរណ៍នានានៅវៀតណាមប្រកបដោយសុវត្ថិភាព, មិត្តភាព និងរាក់ទាក់ចំពោះភ្ញៀវនោះ លោកនាយករដ្ឋមន្រ្តីបានតម្រូវដល់គណៈកម្មាធិការប្រជាជនខេត្តក្រុង ចំណុះមជ្ឈឹម ត្រូវត្រួតពិនិត្យ និងផ្ទៀងផ្ទាត់ជាបន្ទាន់ អំពីស្ថានភាពភ្ញៀវទេសចរបរទេស កំពុងនៅក្នុងតំបន់;  ណែនាំដល់បណ្តាអង្គការនិងបុគ្គលដែលកំពុងធ្វើអាជីវកម្មខាងសេវាទេសចរណ៍ និងកន្លែងស្នាក់ នៅជាពិសេសនៅតាមរមណីយដ្ឋាន និងតំបន់ទេសចរណ៍នានា ឱ្យអនុវត្តយ៉ាងតឹងរឹងនូវបទកំណត់នៃច្បាប់ទេសចរណ៍ស្តី ពីការមិនរើសអើង ប្រកាន់ចំពោះភ្ញៀវទេសចរ;  កែប្រែ និងនិងមានវិធានការយ៉ាងតឹងរឹង ចំពោះអំពើរើសអើង និងបដិសេធ មិនបម្រើភ្ញៀវទេសចរបរទេស។

២.បន្តជំរុញកិច្ចសហប្រតិបត្តិការរវាងទីក្រុងហូជីមិញនិងប្រទេសជប៉ុន

ប្រធានគណៈកម្មាធិការប្រជាជនទីក្រុងហូជីមិញលោក Nguyen Thanh Phong បានមានកិ្ចជំនួបជាមួយលោក Tesuo Konaka ជាប្រធានតំណាងអង្គការ JICA ប្រចាំនៅប្រទេសវៀតណាម ដែលលោកបានមកលា បញ្ជប់អាណត្តិរបស់លោក។

តាងនាមថ្នាក់ដឹកនាំនិងប្រជាជនទីក្រុងហូជីមិញ លោកNguyễn Thành Phong បានថ្លែងសេចក្តីដឹងគុណចំពោះរដ្ឋាភិបាលនៃប្រទេសជប៉ុន ដែលបានជំនួយទុន ODAដល់ប្រទេសវៀតណាម ព្រមទាំងមានបំណងថា នៅពេលកាន់ឋានៈថ្មី លោក Tesuo Konaka នឹងបន្តជំរុញទំនាក់ទំនងសហប្រតិបត្តិការរវាងប្រទេសទាំងពីរ។

៣.ជូនទឹកលាងដៃចំនួន ១០០០ ដប ដល់កម្មករនៅខណ្ឌលេខ ៨ ទីក្រុងហូជីមិញ

មជ្ឍមណ្ឌលការងារសង្គមសហជីព ចំណុះសម្ព័ន្ធពលកម្មទីក្រុងហូជីមិញ បានសហការជាមួយសម្ព័ន្ធពលកម្មខណ្ឌលេខ ៨ និងសប្បុរសជន បានអញ្ជើញទៅសួរសុខទុក្ខ និងជូនទឹកលាងដៃសម្លាប់មេរោគចំនួន ១.០០ដប់ ដែលមានតម្លៃសរុបជាង  ៥០លានដុង ដល់កម្មករ កំពុងធ្វើការក្នុងអាជីវកម្មដ្ឋាន ៣​ស្ថិតក្នុងខណ្ឌលេខ ៨នៃទីក្រុងហូជីមិញ។

៤.ចាប់ពីថ្ងៃទី ២៨ខែមិនា ផ្លូវជាតិលេខ​៥០ នឹងហាមមិនឲ្យរថយន្តជាង ៥តោនបើកបរចូលក្នុងម៉ោងមមាញឹក

មន្ទីរដឹកជញ្ជូនទីក្រុងហូជីមិញបានចេញសេចក្តីជូនដំណឹងហាមឃាត់រថយន្តដឹកទំនិញក្នុងម៉ោងមមាញឹកលើផ្លូវជាតិលេខ ៥០ (កំណាត់ពីផ្លូវ Nguyễn Văn Linh ចូលមណ្ឌលប្រព្រឹត្តិកម្មកាកសំណល់រឹង​Đa Phướcស្រុកBình Chánh)។

ព័ត៌មានអន្តរជាតិ

៥.សហភាពអឺរ៉ុបបិទព្រំដែនរយៈពេល ៣០ ថ្ងៃ

មេដឹកនាំសហគមន៍អ៊ឺរ៉ុប (EU) បានយល់ព្រមបិទព្រំដែនប្លុកនេះរយៈពេល ៣០ ថ្ងៃដើម្បីការពារមិនអោយមានការរីករាលដាលនៃ COVID-19 ។

ការបិទព្រំដែនទាំងមូលត្រូវបានគេចាត់ទុកថា ជាដំណោះស្រាយមួយដើម្បីបង្រួបបង្រួមសាមគ្គីភាពបន្ទាប់ពី COVID-19 បានបង្ករបែកបាក់ក្នុងចំណោមបណ្តាប្រទេសសហគមន៍អ៊ឺរ៉ុប។

៦.ជាងពាក់កណ្តាលប្រទេសនៅទ្វីបអាហ្វ្រិកមានករណីកើត SARS-CoV-2

យោងតាមទិន្នន័យពីមជ្ឈមណ្ឌលអាហ្វ្រិកគ្រប់គ្រងជំងឺ (CDC) គឺដល់ម៉ោង ១៧ និង ៣០ នាទីថ្ងៃទី ១៧ ខែមីនា គឺនៅម៉ោង ២១ និង ៣០ ម៉ោងងនៅប្រទេសវៀតណាម) មានពាក់កណ្តាលប្រទេសនៅទ្វីបអាហ្វ្រិក មានមនុស្សឆ្លងជំងឺកូរ៉ូណា (SARS-CoV-2) ដែលមានចំនួនសរុប ៤៥៧ ករណីនៅក្នុង ៣០ ប្រទេស។

៧.ក្រុមហ៊ុនអាកាសចរណ៍ពិភពលោកនៅតែបន្តកាត់បន្ថយចំនួនជើងហោះហើរដោយសារការរីករាលដាលនៃប្រព័ន្ធឌីអាយ - ១៩

ក្រុមហ៊ុនអាកាសចរណ៍ធំ ៗ នៅលើពិភពលោកបានប្រកាសថា បន្តកាត់បន្ថយជើងហោះហើររបស់ខ្លួន នៅពេលដែលការឆ្លងមេរោគផ្លូវដង្ហើមស្រួចស្រាល COVID-១៩ កាន់តែធ្ងន់ធ្ងរឡើង។

៨.សហរដ្ឋអាមេរិកលុបចោលបណ្តឹងប្រឆាំងនឹងក្រុមហ៊ុនរុស្ស៊ីដែលត្រូវបានចោទប្រកាន់ថាបានជ្រៀតជ្រែកក្នុងការបោះឆ្នោតឆ្នាំ ២០១៦

ក្រសួងយុត្តិធម៌សហរដ្ឋអាមេរិកកាលពីថ្ងៃច័ន្ទ ទី ១៦ ខែមិនា បានលុបចោលភ្លាមៗនូវករណីប្រឆាំងនឹងក្រុមហ៊ុនមួយ ដែលពាក់ព័ន្ធនឹងប្រធានាធិបតីរុស្ស៊ីលោកVladimir Putin ដោយត្រូវចោទប្រកាន់ថា បានឧបត្ថម្ភដល់យុទ្ធនាការអន្តរាគមន៍ក្នុងការបោះឆ្នោតឆ្នាំ ២០១៦ ។

SIẾT CHẶT QUẢN LÝ VŨ KHÍ, CÔNG CỤ HỖ TRỢ

រឹតបន្តឹងការគ្រប់គ្រងអាវុធ និងឧបករណ៍ជំនួយ

រយៈពេលកន្លងមក ក្នុងភូមិសាស្ត្រទីក្រុងហូជីមិញ បានកើតមានករណីជាច្រើន ដែលមុខសញ្ញាទាំងនេះ បានប្រើអាវុធ និងឧបករណ៍ជំនួយសម្រាប់ប្រព្រឹត្តិបទល្មើស។ ស្ថានភាពនេះ បានធ្វើឲ្យប្រជាជនបារម្ភខ្លាំងនិងឃើញមិនសូវមានសុវត្ថិភាព។ ដោយហេតុនេះហើយ កិច្ចការគ្រប់គ្រងសម្ភារៈសឹក, ការជួញដូរអាវុធ និងឧបករណ៍ជំនួយ ចាំបាច់ត្រូវបានស្ថាប័នមានសមត្ថកិច្ចនានាតម្រែតម្រង់ និងរឹតបន្តឹងជាងទៀត។

នៅដើមខែមក្ករាកន្លងទៅ ឈ្មោះ Trần Duy Chinh (ស្រុកកំណើតនៅខេត្ត Nam Ðịnh) ត្រូវបានបណ្តាស្ថាប័នមានសមត្ថកិច្ចទីក្រុងហូជីមិញ និងខេត្ត  Ðồng Nai ចាប់ខ្លួន មកពីសង្ស័យថា បានលាក់ទុកអាវុធ និងប្រើប្រាស់កាំភ្លើង សម្រាប់តដៃនឹងកម្លាំងមានសមត្ថកិច្ចនៅពេលពួកនេះត្រូវតាមចាប់ខ្លួន។ ស្ថាប័នមានសមត្ថកិច្ចកំពុងបន្តសួរចម្លើយ សម្រាប់ស្វែងប្រភពនៃអាវុធដែលមុខសញ្ញាទាំងនេះកំពុងមាន។ តាមសំដីរបស់លោកវរសេនីយ៍ឯក Nguyễn Sỹ Quang ជានាយករងស្នងការដ្ឋាននគរបាលទីក្រុងហូជីមិញ គឺស្ថាប័នមានសមត្ថកិច្ចនានា​ កំពុងបន្តធ្វើការស៊ើបអង្កេត ស្វែងរកប្រភពដើមនៃកាំភ្លើង ដែលមុខសញ្ញាទាំងនេះ បានប្រព្រឹត្តិបទល្មើស។ ស្នងការនគរបាលទីក្រុងហូជីមិញ ក៏បានអំណះអំណាងថា បន្ទាប់ពីហេតុការកើតឡើង ស្ថាប័នមានសមត្ថកិច្ច បានធ្វើការត្រួតពិនិត្យចំនួនកាំភ្លើងទាំងអស់នៅគ្រប់អង្គភាព សម្រាប់ធានាថា អាវុធមិនបានយកចេញខាងក្រៅបង្កហេតុ។

យោងតាមស្នងការនគរបាលទីក្រុងហូជីមិញ គឺស្ថានភាពលាក់ទុក ជួញដូរ និងប្រើប្រាស់អាវុធ និងឧបករណ៍ជំនួយខុសច្បាប់ នៅមានការប្រែប្រួលយ៉ាងស្មុគ្រស្មាញ។ មានករណីប្លន់លំនៅដ្ឋានប្រជាជនយ៉ាងសាហាវ មានប្រើអាវុធ​ និងឧបករណ៍ជំនួយ សម្រាប់ប្លន់យកទ្រព្យសម្បត្តិនៅតែកើតមានឡើង។

ហើយដើម្បីរាំងខ្ទប់ទាន់ពេលវេលាជនខិលខូចដែលបានប្រើអាវុធ និងឧបករណ៍ជំនួយ ក្នុងគោលបំណងអាក្រក់ និងរាំងខ្ទប់អំពើជួញដូរអាវុធខុសច្បាប់លើបណ្តាញអ៊ីធ័រណែត ហើយថ្មីៗនេះ គណៈកម្មាធិការប្រជាជនទីក្រុងហូជីមិញ បានមានសារាចរបន្ទាន់ បង្គាប់ការដល់បណ្តាមន្ទីរ និងផ្នែកនានាក្នុងទីក្រុង ត្រូវបង្កើនកិច្ចការគ្រប់គ្រងអាវុធ គ្រឿងផ្ទុះ និងឧបករណ៍ជំនួយ។

គណៈកម្មាធិការប្រជាជនក្រុង បានស្នើដល់គណៈបញ្ជាការឯកភាពទីក្រុង, បញ្ជាការដ្ឋានការពារព្រំដែន, មន្ទីរឧស្សាហកម្មនិងពាណិជ្ជកម្ម អនុវត្តវិធានការប្រកបដោយប្រសិទ្ធភាព ការគ្រប់គ្រង ការប្រើប្រាស់អាវុធ, គ្រឿងផ្ទុះ, មុនផ្ទុះ សម្ភារៈផលិតគ្រឿងផ្ទុះ និងឧបករណ៍ជំនួយ សម្រាប់ការពារសន្តិសុខ និងសណ្តាប់ធ្នាប់សង្គម។ ស្នងការនគរបាលទីក្រុងហូជីមិញ បានស្នើដល់ក្រសួងព័ត៌មាននិងឃោសនា ដើម្បីបង្កើនការត្រួតពិនិត្យ, ការគ្រប់គ្រង និងតាមដានសកម្មភាពនានានៅលើបណ្តាញអ៊ីនធឺណេត។ ពិនិត្យនិងដកគេហទំព័រដែលបានផ្សព្វផ្សាយការណែនាំ លក់ដូរ ផលិត និងប្រើប្រាស់អាវុធ, គ្រឿងផ្ទុះ, ប្រដាប់ប្រដាក្មេងលេងដែលមានគ្រោះថ្នាក់។ ព្រមទាំងស្នើរដល់ក្រុមហ៊ុនផ្តល់សេវាបណ្តាញទូរស័ព្ទចល័តពិនិត្យមើលឡើងវិញនិងកាត់ផ្តាច់លេខទូរស័ព្ទ Free។

តាមការពន្យល់ពីមេធាវី បានដឹងថា យោងតាមច្បាប់កំណត់ចំពោះការផ្ទុក, លក់ដូរ និងការប្រើប្រាស់អាវុធ, ឧបករណ៍ជំនួយខុសច្បាប់ នឹងត្រូវផាកពិន័យរដ្ឋបាល  ហើយអាចធ្ងន់ជាងគឺ អាចត្រូវកាត់ទោសបទព្រហ្មទណ្ឌ។ ហើយចំពោះការផាកពិន័យរដ្ឋបាល គឺយោងតាមមាត្រា លេខ ១០ នៃក្រឹត្យលេខ ១៦៧ របស់រដ្ឋាភិបាលចុះឆ្នាំ ២០១៣ បានកំណត់អំពីការប្រើប្រាស់គ្រឿងផ្ទុះ, ឧបករណ៍ជំនួយ,​ផាវ, ប្រដាប់ប្រដាក្មេងលេងគ្រោះថ្នាក់ត្រូវហាមឃាត់ និង ផាកពិន័យដូចតទៅ៖ផាកពិន័យការប្រើប្រាស់អាវុធខុសច្បាប់ ប៉ុន្តែមិនទាន់ផ្តល់គ្រោះថ្នាក់ត្រូវពិន័យពី ២ ទៅ ៤ លានដុង។ ជួញដូរ និងដឹកជញ្ជូនអាវុធខុសច្បាប់ ត្រូវពិន័យពី ១០ ទៅ ២០ លានដុង។ ចំពោះអ្នកប្រើប្រាស់ និងរឹបយកសម្ភារៈសឹកអាចមានទោសជាប់ពន្ធនាគារខ្ពស់បំផុត ឬជាប់ឃុំអស់មួយជីវិត៕