BẢN TIN TRONG NƯỚC THỨ SÁU 20/11/2020
ព័ត៍មាននៅក្នុងប្រទេស
១.ថ្នាក់ដឹកនាំទីក្រុងហូជីមិញអញ្ចើញទៅសួរសុខទុក្ខនិងជូនពរដល់គ្រូបង្រៀនឆ្នើម
លោក Nguyễn Hồ Hải ជាលេខារងនៃគណៈកម្មាធិការបក្សទីក្រុងហូជីមិញ បានអញ្ចើញទៅសួរសុខទុក្ខ និងជូនពរដល់លោកគ្រូ អ្នកគ្រូឆ្នើម នាទិវាគ្រូបង្រៀនវៀតណាម ទី ២០ខែវិច្ឆិកា។ ដូចជា បានសួសុខទុក្ខលោកសាស្ត្រាចារ្យរង Nguyễn Tấn Phát ជាអតីតសមាជិកមជ្ឈិមបក្ស និងជាអតីតអនុរដ្ឋមន្ត្រីក្រសួងអប់រំ បណ្តុះបណ្តាល និងជាអតីតសកលវិទ្យាធិការមហាវិទ្យាល័យជាតិទីក្រុងហូជីមិញ។ និងអញ្ចើញទៅសួសុខទុក្ខ សាស្ត្រាចារ្យ បណ្ឌិត Phan Thị Tươi ជាអតីតសកលវិទ្យាធិការមហាវិទ្យាល័យពហុវិជ្ជាទីក្រុងហូជីមិញ។
លោកគ្រូនិងអ្នកគ្រូឆ្នើមទាំង ២ រូបបានសេចក្តីរំភើបចិត្ត និងបានថ្លែងសេចក្តីដឹងគុណ ចំពោះមនោសញ្ចេតនារបស់ថ្នាកដឹកនាំទីក្រុង ដែលតែងតែមានការយកចិត្តទុកដាក់ និងបានមានគោលនយោបាយជាច្រើន សម្រាប់ការអភិវឌ្ឍន៍វិស័យអប់រំ។ សាស្ត្រាចារ្យ បណ្ឌិត Phan Thị Tươi ក៏បានមានបំណងថា ថ្នាក់ដឹកនាំទីក្រុងត្រូវយកចិត្តទុកដាក់ជាងទៀត និងមានគោលនយោបាយល្អៗច្រើនទៀត ស្រាប់ការអប់រំចំណេះទូទៅ ពិសេសគឺប្រាក់ចំណូល និងជីវភាពរបស់គ្រូបង្រៀនត្រូវតែបានលើកកម្ពស់បន្ថែមទៀត។
២.បុគ្គលិកនៅកន្លែកែសម្ផស្ស និងសូណាដែលរងផលប៉ះពាល់ដោយ Covid-19 ត្រូវបានទីក្រុងហូជីមិញឧបត្ថម្ភ ១ លានដុង
បុគ្គលិកនៅកន្លែកែសម្ផស្ស និងសូណាដែលរងផលប៉ះពាល់ដោយ Covid-19 ត្រូវបានទីក្រុងហូជីមិញឧបត្ថម្ភ ១ លានដុង។ កញ្ចប់ឧបត្ថម្ភនេះ នឹងបានឧបត្ថម្ភផ្ទាល់ដល់មនុស្សជាង ២៧.០០០នាក់ ដោយថវិការត្រូវចំណាយជាង ២៧ពាន់លានដុង (ដោយមនុស្សម្នាក់បានឧបត្ថម្ភ១លានដុង) ដកពីមូលនិធិការពារទប់ស្កាត់នឹងការរាតត្បាតនៃជំងឺកូវីដ-១៩ទីក្រុងហូជីមិញ។ ក្រៅពីនេះ ទីក្រុងហូជីមិញ ក៏បានអនុម័តយល់ព្រម នូវការចំណាយបន្ថែមថវិការចំនួន ២៧ពាន់លានដុង សម្រាប់ជំនួយដល់ពលករសេរី ដែលត្រូវបាត់បង់ការងារធ្វើ នឹងបានជួបការលំបាកមកពីកូវិដ-១៩។
៣.ក្នុងរយៈពេលជិត ៣ ឆ្នាំបានរកឃើញគ្រឿងញៀនជាង ២០ តោន
យោងដំណឹងពីសិក្ខាសាលាស្តីពីការបូបសរុបលទ្ធផលកម្មវិធីការពារទប់ស្កាត់គ្រឿងញៀនចាប់ពីឆ្នាំ ២០១៧ ដល់ខែមិថុនាឆ្នាំ ២០២០, គឺបណ្តាកងកម្លាំងការពារទប់ស្កាត់គ្រឿងញៀនក្នុងទូទាំងប្រទេស បានរកឃើញ 81.419 ករណី, ចាប់ខ្លួនជនល្មើសគ្រឿងញៀនចំនួន ១២៤.១៦៧ នាក់, រឹបអូសគ្រឿងញៀនគ្រប់ប្រភេទជាង ២០,៤ តោន, គ្រឿងញៀនសម្រូបចំនួន ៤.២ លានគ្រាប់, សារធាតុគីមីជាង ១៣ តោន និងវត្ថុធាតុដើមសម្រាប់ផលិតគ្រឿងញៀនសំយោគ ។
៤.ផលិតផលចំនួន ២៨៣ ត្រឹមត្រូវតាមម៉ាកសញ្ញាជាតិវៀតណាម
ក្រសួងឧស្សាហកម្មនិងពាណិជ្ជកម្មបានឲ្យដឹងថា នៅយប់ថ្ងៃទី ២៥ ខែវិច្ឆិកាខាងមុខ នឹងបានរៀបចំពិធីលើកដង្កើង ១២៤ អាជីវកម្មដ្ឋាន ដែលមានផលិតផលសរុបចំនួន ២៨៣ ប្រភេទ ត្រូវបានទទួលស្គាល់ថា ត្រឹមត្រូវតាមម៉ាកសញ្ញា ជាតិវៀតណាមឆ្នាំ ២០២០ ។ បានដឹងថា នេះគឺជាម៉ាកសញ្ញាមានកិត្យានុភាព និងមាន លក្ខណៈវិនិច្ឆ័យយ៉ាងតឹងរឹង។
ព័ត៍មានអន្តរជាតិ
៥.សម្ដេចតេជោ ហ៊ុន សែន ប្រកាសដំណឹងល្អពីលទ្ធផលការធ្វើតេស្តលើកទី៤
លទ្ធផលនៃការធ្វើតេស្តលើកទី៤ គឺទទួលបានលទ្ធផលល្អ សម្រាប់សម្ដេចតេជោ ហ៊ុន សែន និងភរិយា ព្រមទាំងអ្នកនៅជាមួយ ពោលគឺអវិជ្ជមានកូវីដ១៩។ នេះបើតាមការប្រកាសឲ្យដឹងពីសម្ដេចតេជោ ហ៊ុន សែន នៅលើផេក កាលពីព្រឹកថ្ងៃទី១៨ ខែវិច្ឆិកា ២០២០។
៦.សហរដ្ឋអាមេរិកប្រកាសអសន្ន នៅពេលចំនួនអ្នកឆ្លង Covid-19 លើសពី ១១ លាននាក់
ចំនួនអ្នកឆ្លងរោគ Covid-19 នៅសហរដ្ឋអាមេរិក បានលើសពី ១១ លាននាក់ហើយ។ រដ្ឋមីឈីហ្គែននិងវ៉ាស៊ីនតោនគឺជារដ្ឋពីរថ្មីបំផុត បានសម្រេចចិត្តចាត់វិធានការតឹងរឹងដើម្បីបន្ថយការរីករាលដាលនៃជំងឺរាតត្បាតនេះ។
៧.អូស្ត្រាលី និង ជប៉ុនបានបង្កើតភាពជាដៃគូពិសេស
នាយករដ្ឋមន្រ្តីអូស្រ្តាលី លោក Scott Morrison កាលពីទី ១៧ ខែវិច្ឆិកា បានចាប់ផ្តើមដំណើរទស្សនកិច្ចជាផ្លូវការរយៈពេល ២ ថ្ងៃទៅកាន់ប្រទេសជប៉ុន តាមពាក្យអញ្ជើញរបស់នាយករដ្ឋមន្ត្រីជប៉ុន Suga Yoshihide ដើម្បីជំរុញកិច្ចសហប្រតិបត្តិការទ្វេភាគីជាពិសេសនៃផ្នែកសន្តិសុខ។
បានដឹងថា នេះក៏ជាដំណើរទស្សនកិច្ចដំបូងគេបង្អស់ របស់មេដឹកនាំបរទេសមួយរូប ទៅកាន់ប្រទេសជប៉ុន បន្ទាប់ពីចាប់តាំងពីលោកនាយករដ្ឋមន្រ្តី Suga Yoshihide ចូលកាន់តំណែងនៅថ្ងៃទី ១៦ ខែកញ្ញា។
៨.អាមេរិក៖ ជំរុញទំនាក់ទំនងសម្ព័ន្ធមិត្ត
រដ្ឋមន្រ្តីក្រសួងការបរទេសសហរដ្ឋអាមេរិក លោក M.Pom-peo បានទៅដល់ប្រទេសបារាំងដែលជាកន្លែងដំបូងក្នុងដំណើរទស្សនកិច្ចបណ្តាប្រទេសសម្ព័ន្ធមិត្តរបស់ អាមេរិកនៅអឺរ៉ុបនិងមជ្ឈឹមបូព៌ា។
ĐỘI NGŨ NHÀ GIÁO CHỦ ĐỘNG TỰ HỌC HỎI VÌ SỰ PHÁT TRIỂN CHUNG CỦA TPHCM
ជួរគ្រូបង្រៀនបានម្ចាស់ការរៀនសូត្រដោយខ្លួនឯងដើម្បីការរីកចម្រើនរួម
របស់ទីក្រុងហូជីមិញ
ថ្មីៗនេះ ទីក្រុងហូជីមិញបានរៀបចំពិធីអបអរសាទខួបលើកទី ៣៨ឆ្នាំ ទិវាគ្រូបង្រៀនវៀតណាម, ការឃោសនា និងលើកសរសើរគំរូឆ្នើមៗក្នុងផ្នែកអប់រំ និងបណ្តុះបណ្តាលទីក្រុងប្រចាំឆ្នាំ ២០២០។
នៅក្នុងពិធីនេះ លោក Lê Hồng Sơn ជាប្រធានមន្ទីរអប់រំ និងបណ្តុះបណ្តាល បានមានពាក្យជូនពរដល់លោកគ្រូ, អ្នកគ្រូ, កម្មាភិបាលគ្រប់គ្រង និងបុគ្គលិកផ្នែកអប់រំ និងបណ្តុះបណ្តាល ជាង ៩០.០០០រូប; ជាពិសេស គឺជូនពរដល់ក្រុម និងបុគ្គលនានា ដែលត្រូវបានលើកសរសើរ បានទទួលកិត្តិនាម និងបណ័្ណសរសើរដ៏ថ្លៃថ្លាពីរដ្ឋ, ទីក្រុង និងរបស់ផ្នែកអប់រំ។
បានដឹងថា ឆ្នាំសិក្សាកន្លងមក ក៏ដូចជាក្នុងទូទាំងប្រទេសដែរ ផ្នែកអប់រំទីក្រុងហូជីមិញ បានឆ្លងកាត់រយៈពេលលំបាក និងការសាកល្បងជាច្រើន។ ការលំបាកនានា បានមកពីមហាជំងឺរាតត្បាតកូវិដ-១៩ បានបណ្តាលឲ្យសង្គមទាំងមូល ត្រូវមានការកែប្រែនានា ហើយ ផ្នែកអប់រំដែលមានភាពសកម្ម និងស្វាហាប់ពីលោកគ្រូ អ្នកគ្រូ ក៏បានសម្របខ្លួនយ៉ាងឆាប់រហ័សនឹងស្ថានភាពថ្មី ជាមួយរូបភាពបង្រៀនតាមបណ្តាញសង្គម ហើយក៏បានធ្វើឲ្យឆ្នាំសិក្សា ២០១៩-២០២០ បញ្ចប់ជាស្ថាពរ ព្រមទាំង បានបង្កើតចេញនូវមូលដ្ឋានមួយ សម្រាប់បន្តជំរុញឲ្យបានខ្លាំងការផ្លាស់ប្តូរខាងអនុវត្តបច្ចេកវិជ្ជាកំព្យួរទ័រចូលក្នុងផ្នែកអប់រំ សម្រាប់បណ្តាឆ្នាំសិក្សាមុខ។
នៅពេលជូនពរក្នុងពិធីនេះ លោក Dương Anh Đức ជាអនុប្រធានគៈកម្មាធិការប្រជាជនទីក្រុងហូជីមិញ បានគូសបញ្ចាក់ថា ទិវាគ្រូបង្រៀនវៀតណាម គឺជាឱកាសសម្រាប់អ្នកទាំងអស់គ្នាបានសម្តែងនូវមនោសញ្ចេតនាស្រឡាញ់ និងគោរពចំពោះការបរិច្ឆាករបស់លោកគ្រូអ្នកគ្រូ; សម្រាប់ផ្ញើនូវទំនុកចិត្ត និងក្តីសង្ឃឹម ចំពោះផ្នែកអប់រំ និងបណ្តុះបណ្តា; ព្រមទាំងបានពង្រឹងនូវចិត្តស្រឡាញ់អាជីព និងក្តីស្រឡាញ់មុខរបររបស់លោកគ្រូអ្នកគ្រូ។
ហើយថ្នាក់ដឹកនាំទីក្រុង ក៏មានក្តីមោទនភាពចំពោះជួរគ្រូបង្រៀន ដែលមានមុខជំនាញរឹងមាំ និងបានផ្តោតចិត្តទៅលើសិស្សខ្លួន ព្រមទាំង បានសកម្មជានិច្ច និងនាំមុខគេក្នុងគ្រប់កិច្ចការផ្លាស់ប្តូរថ្មី។ លោកគ្រូ និងអ្នកគ្រូប្រៀបដូចជយុទ្ធជនជួរមុខ ក្នុងការផ្លាស់ប្តូរថ្មី មានការច្នៃប្រឌីត និងជាអ្នកបានបណ្តុះដួងចិត្ត ឧត្តមគតិ, ចំណេះនិងសមត្ថភាពដល់ប្រភពធនធានមនុស្សនាពេលអនាគតដល់ទីក្រុង និងប្រទេសជាតិ។
ក្នុងឱកាសនេះដែរ មាន ៥ ក្រុម និងបុគ្គល មានកិត្តិយស បានទទួលមេដាយពលកម្ម។ ៤ ក្រុម និង ២៦ បុគ្គល បានទទួលប័ណ្ណសរសើរពីលោកនាយករដ្ឋមន្ត្រី។ ៥៨ក្រុម និង ៦៦បុគ្គល បានទទួលប័ណ្ណសរសើរពីលោករដ្ឋមន្ត្រីក្រសួងអប់រំ និងបណ្តុះបណ្តាល, ២ ក្រុមបានទទួលទង់ប្រឡងប្រណាំងរបស់រដ្ឋាភិបាល និង ៥ ក្រុមបានទទួលទង់ប្រឡងប្រណាំងរបស់ក្រសួងអប់រំនិងបណ្តុះបណ្តាល៕