ជំរុញទំនាក់ទំនងភាពជាដៃគូយុទ្ធសាស្ត្រវៀតណាម-សិង្ហបុរី - Tiếng Khmer 20/05/2022

ព័ត៍មាននៅក្នុងប្រទេស

១.ជំរុញទំនាក់ទំនងភាពជាដៃគូយុទ្ធសាស្ត្រវៀតណាម-សិង្ហបុរី

ទទួលពាក្យអញ្ជើញរបស់លោក Vương Đình Huệ ជាប្រធានរដ្ឋសភានៃសាធារណរដ្ឋសង្គមនិយមវៀតណាមនោះ, លោក Tan Chuan-Jin ជាប្រធានរដ្ឋសភាសិង្ហបុរី និងគណៈប្រតិភូរដ្ឋសភានៃសាធារណៈរដ្ឋសឹង្ហបុរី បានមកបំពេញទស្សនកិច្ចជាផ្លូវការនៅប្រទេសយើង ចាប់ពីថ្ងៃទី ១៨ ដល់ថ្ងៃទី ២០ ឧសភា។

ប្រធានរដ្ឋសភានៃសាធារណៈរដ្ឋសឹង្ហបុរី លោក Tan Chuan-Jin បានគូសបញ្ជាក់ថា ដំណើរទស្សនកិច្ចជាផ្លូវការនៅប្រទេសវៀតណាម គឺជាឱកាសសម្រាប់ភាគីទាំងពីរបន្តរឹតបន្តឹងទំនាក់ទំនងដ៏ល្អប្រសើររវាងប្រទេសទាំងពីរ។ សេដ្ឋកិច្ចនៃប្រទេសទាំងពីរ មានការ សហការដោយស្អិតរមួត។ ទំនុក​ចិត្ត​របស់​អាជីវកម្ម​សិង្ហបុរី​នៅ​វៀត​ណាម កាន់តែ​​កើន​ឡើង ​ដោយមាន​សក្ដានុពល និង​ឱកាស ​ដែល​ទីផ្សារ​វៀត​ណាម​នាំ​មក។

២.តាំងពិព័រណ៍រូបថត និងឯកសារដ៏មានតម្លៃជាអំពីលោកប្រធានហូជីមិញ នៅវិថីសៀវភៅក្នុងទីក្រុងហូជីមិញ

នៅវិថីសៀវភៅទីក្រុងហូជីមិញ បានបើកសម្ពោធន៍ នាឱកាសអបអរសាទរខួបលើកទី 132ឆ្នាំ នៃថ្ងៃកំណើតរបស់លោកប្រធានហូជីមិញ (ទី 19 ឧសភា ឆ្នាំ 1890 - ទី 19 ឧសភា ឆ្នាំ 2022) និង 111 ឆ្នាំ ថ្ងៃលោកប្រធានហូជីមិញ ចេញទៅសង្គ្រោះប្រទេសជាតិ (ទី 5 មិថុនា-1911 - ទី 5 មិថុនា ឆ្នាំ 2022)។ បានដឹងថា សកម្មភាពនេះ បានប្រព្រឹត្តិទៅចាប់ពីថ្ងៃទី ១៨ ដល់ថ្ងៃទី ២២ ខែឧសភា។

៣. មន្ទីរពេទ្យនានា ត្រូវតែរៀបចំផ្លូវដាច់ដោយឡែក សម្រាប់អ្នកជំងឺមានរោគសញ្ញាក្អក ក្តៅ និងពិបាកដកដង្ហើម

យោងតាមរបាយការណ៍របស់ក្រសួងសុខាភិបាល គឺក្នុងរយៈពេលប៉ុន្មានថ្ងៃកន្លងមកនេះ ចំនួនអ្នកឆ្លងថ្មី និងស្លាប់ដោយសារជំងឺកូវីដ-១៩ នៅក្នុងប្រទេស មានការថយចុះយ៉ាងខ្លាំង។ ក៏ប៉ុន្តែ ក្នុងមន្ទីរពេទ្យ អ្នកដែលកំពុងសម្រាកព្យាបាលជម្ងឺនានា ប្រសិនជាឆ្លងកូវីដ នឹងបង្កការលំបាកក្នុងការព្យាបាល។ ដោយហេតុនេះហើយ ក្រសួងសុខាភិបាល ចាំបាច់ត្រូវធ្វើការសម្រិតសម្រាំង, បែងចែក, ធ្វើតេស្ត, រកឱ្យឃើញ និងព្យាបាលជម្ងឺកូវីដ-១៩បានទាន់ពេលវេលា។ ផ្នែកដែលមានអ្នកជំងឺធ្ងន់ធ្ងរច្រើន មានហានិភ័យខ្ពស់ ចាំបាច់ត្រូវបន្ថយឆ្លង Covid-19 ដោយអតិបរមា។

៤.ខេត្ត Thừa Thiên - Huế: កំចាត់ខ្សែរយៈភ្នាល់បាល់ទាត់ជាង 20 ពាន់លានដុង

ការិយាល័យនគរបាលព្រហ្មទណ្ឌ នៃនគរបាលខេត្ត Thừa Thiên - Huế  បានឲ្យដឹងថា អង្គភាពនេះ ទើបតែបានកំចាត់ដោយជោគជ័យ នូវខ្សែរយៈភ្នាល់បាល់ទាត់ ដែលមានទឹកប្រាក់ភ្នាល់ជាង ២០ ពាន់លានដុង នៅតំបន់ជនបទ Phong Điền និងចាប់ខ្លួនមនុស្ស ៩ នាក់ ពីបទរៀបចំល្បែងស៊ីសង និងលេងល្បែងស៊ីសង។ .

៥.ការជាវទិញទំនិញកើនឡើង ឧស្សាហកម្មលក់រាយទំនិងស្តាឡើងវិញដបន្ទាប់បន្ទាប់ពីរយៈពេលដ៏អាប់អួរ ដោយរងផលអាក្រក់នៃជំងឺរាតត្បាត Covid-19 នោះ គឺថ្មីៗនេះ ការជាវទិញទំនិញ បានស្ទុះឡើងវិញ បណ្តាលឱ្យឧស្សាហកម្មលក់រាយទំនិញ ស្តាឡើងវិញយ៉ាងខ្លាំងក្លា។ ក្នុងរយៈពេល 4 ខែដំបូងនៃឆ្នាំនេះ ការលក់រាយទំនិញសរុប និងចំណូលសម្រេចបាចដល់ទៅ 1.777.4 ពាន់ពាន់លានដុង គឺកើន 6.5% ធៀបនឹងរយៈពេលដូចគ្នាកាលពីឆ្នាំមុន។

ព័ត៍មានអន្តរជាតិ

៦.ឥណ្ឌូណេស៊ី៖ មិនទាន់បញ្ជាក់បាននូវទំនាក់ទំនងរវាងជំងឺរលាកថ្លើម និង COVID-19

អ្នកនាំពាក្យនៃក្រសួងសុខាភិបាលរបស់ប្រទេសឥណ្ឌូណេស៊ី បាននិយាយថា អ្នកជំងឺទាំង ១៤ នាក់ ដែលសង្ស័យថា មានជំងឺរលាកថ្លើមខ្លាំងក្លា មិនដឹងមូលហេតុនៅកុមារក្នុងប្រទេសនេះ មិនមានប្រវត្តិឆ្លង COVID-19 នោះទេ។ មកដល់ពេលនេះ ក្រសួងសុខាភិបាលឥណ្ឌូណេស៊ី មិនទាន់កំណត់បាន អំពីមូលហេតុនៃជម្ងឺនេះទេ ហើយក៏មិនទាន់មានករណីឆ្លងជំងឺណា ត្រូវបានបញ្ជាក់ជាផ្លូវការនៅក្នុងប្រទេសនេះដែរ។

៧. EU ប្រកាស​ផែនការរួចផុតពីការ​ពឹង​ផ្អែក​ថាមពល​របស់ប្រទេស​រុស្ស៊ី

គណៈកម្មការអឺរ៉ុប (EC) បានប្រកាសអំពីផែនការ ដ៏មានមហិច្ឆតាចំនួន 210 ពាន់លានអឺរ៉ូ ក្នុងគោលបំណងបញ្ចប់ការពឹងផ្អែកលើថាមពលហ្វូស៊ីលពីប្រទេសរុស្ស៊ី ។ ដើម្បីកាត់បន្ថយជាបណ្តើរៗ ការប្រើប្រាស់ថាមពលរបស់ប្រទេសរស្ស៊ី ទីក្រុងព្រុចសែល បានស្នើផែនការមួយ មានសសរបីគឺ៖ ស្វែងរកបន្ថែមប្រភពឧស្ម័ន ក្រៅពីរបស់ប្រទេសរុស្ស៊ី, បង្កើនប្រើប្រាស់ថាមពលកកើតឡើងវិញ និងស្វែងរកដំណោះស្រាយសន្សំសំចៃថាមពល។

៨.ព័រទុយហ្កាល់ រកឃើញ ៥ ករណីកើតជំងឺអុតស្វា

មន្ត្រីសុខាភិបាលនៃប្រទេសព័រទុយហ្គាល់ បាននិយាយថា ប្រទេសនេះ បានរកឃើញ ៥ ករណីកើតជំងឺអុតស្វាដ៏កដ៏ម្រមាន ក្នុងបរិបទ ដែលចក្រភពអង់គ្លេសទើបបានរាយការណ៍ថា មានយ៉ាងតិច ៧ ករណីកើតជំងឺនេះ ចាប់ពីកត់សម្គាល់ករណីដំបូង កាលពីថ្ងៃទី ៧ ខែឧសមក។

៩.ប្រជាជននៃប្រទេសគុយបាមានប្រតិកម្មជាវិជ្ជមានចំពោះសហរដ្ឋអាមេរិកបាន បន្ធូរបន្ថយការរឹតបន្តឹងការធ្វើដំណើរទៅមក

រដ្ឋាភិបាលសហរដ្ឋអាមេរិក ទើបបានប្រកាសថា ខ្លួននឹងបន្ធូរបន្ថយបទកំណត់មួយចំនួន ត្រូវបានដាក់នៅសម័យដឹកនាំរបស់ប្រធានាធិបតី Donald Trump ។ បទកំណត់ទាំងនេះ នឹងត្រូវបានបន្ធូរបន្ថយ ទាក់ទងនឹងការធ្វើដំណើរទៅកាន់ប្រទេសគុយបា និងសកម្មភាពផ្ទេរប្រាក់រ វាងក្រុមគ្រួសារនៅក្នុងប្រទេសទាំងពីរនេះ។ នេះ ត្រូវបានចាត់ទុកថា ជាការផ្លាស់ប្តូរដ៏សំខាន់បំផុត នៃវិធីសាស្រ្តរបស់សហរដ្ឋអាមេរិក ចំពោះប្រទេសគុយបា ចាប់ពីពេលប្រធានាធិបតីអាមេរិកលោក Joe Biden ចូលកាន់តំណែង។ ការសម្រេចនេះ បាននាំមកនូវប្រតិកម្មវិជ្ជមានពីប្រជាជននៃប្រទេសគុយបា។

១០.ប្រទេសស៊ុយអែត និងហ្វាំងឡង់បានដាក់ពាក្យសុំចូលជាសមាជិកអង្គការណាតូ

នាយករដ្ឋមន្ត្រីនៃប្រទេសស៊ុយអែត លោក Magdalena Andersson បានប្រកាសថា ស៊ុយអែត និងហ្វាំងឡង់ នឹងដាក់ពាក្យចូលជាសមាជិកអង្គការ NATO នៅថ្ងៃទី 18 ខែឧសភា។

 

 

 

 

 

 

 

 

VOH

Bình luận

Cùng chuyên mục

Đọc Báo