1.វៀតណាម - អាល្លឺម៉ង់ពង្រឹងថែមទៀតភាពជាដៃគូយុទ្ធសាស្ត្រ
ក្នុងឱកាសរំលឹកខួបលើកទី ៤៥ នៃការបង្កើតទំនាក់ទំនងការទូតរវាងប្រទេសវៀតណាមនិងប្រទេសអាល្លឺម៉ង់ (ទី២៣ កញ្ញា ១៩៧៥ - ២៣ កញ្ញា ២០២០) កាលពីថ្ងៃទី ១៥ ខែកញ្ញា លោកនាយករដ្ឋមន្រ្តី Nguyen Xuan Phuc បានអញ្ជើញជួបសន្ទនាតាមទូរស័ព្ទជាមួយអធិការបតីនៃប្រទេសអាល្លឺម៉ង់ លោកស្រី Angela Merkel។
ក្នុងជំនួបនេះ លោកនាយករដ្ឋមន្រ្តី Nguyen Xuan Phuc បានបញ្ជាក់ថា ប្រទេសវៀតណាមបានយកចិត្តទុកដាក់យ៉ាងខ្លាំង ចំពោះភាពជាដៃគូយុទ្ធសាស្ត្រជាមួយប្រទេសអាល្លឺម៉ង់ ដែលជាប្រទេសមានតួនាទីឈានមុខគេនៅទ្វីបអឺរ៉ុបនិងលើពិភពលោក។ ចំណែកឯអធិការបតី អាល្លឺម៉ង់ លោកស្រី Angela Merkel បានបញ្ជាក់នូវសមិទ្ធិផលដ៏សំខាន់ៗ នៃទំនាក់ទំនងទ្វេភាគី និងជឿជាក់ថា កិច្ចសហប្រតិបត្តិការរវាងវៀតណាម - អាល្លឺម៉ង់នៅឋិតឋេជានិច្ច។
2.ប្រទេសជប៉ុនវាយតម្លៃខ្ពស់ចំពោះតួនាទីដឹកនាំរបស់វៀតណាមក្នុងនាមជាប្រធានអាស៊ាន ២០២០
លទ្ធផលសំខាន់បំផុតទទួលបានពីកិច្ចប្រជុំរដ្ឋមន្ត្រីការបរទេសនៃសមាគមប្រជាជាតិអាស៊ីអាគ្នេយ៍ (អាស៊ាន) លើកទី ៥៣ (AMM 53) និងកិច្ចប្រជុំពាក់ព័ន្ធ គឺតួនាទីដឹកនាំ “គួរអោយកោតសរសើរ” របស់ប្រទេសវៀតណាម។
ឯកអគ្គរដ្ឋទូតជប៉ុនប្រចាំអាស៊ាន លោក Chiba Akira បានឲ្យដឹងថា រដ្ឋមន្ត្រីការបរទេសជប៉ុន លោក Motegi Toshimitsu បានវាយតម្លៃខ្ពស់ចំពោះតួនាទីដឹកនាំ “ដ៏ឆ្នើម” របស់ វៀតណាម ក្នុងនាមជាប្រធានអាស៊ាន ២០២០។ យោងតាមលោករូបនេះ ការបញ្ជាក់អះអាងនូវតួនាទីជាមជ្ឈភាពគឺជា “កត្តាសំខាន់បំផុត” សម្រាប់អាស៊ាន ហើយវៀតណាមបានពង្រីកនូវតួនាទីស្នូលរបស់ខ្លួនក្នុងអាស៊ានតាមរយៈបណ្តាកិច្ចប្រជុំដែលបានលើកឡើង។
3.អាស៊ាន និងអាស៊ានបូក៣៖ សាមគ្គីភាព និងជួយគាំទ្រគ្នាទៅវិញទៅមក ដើម្បីទប់ទល់ទៅនឹងការរីករាលដាលនៃជំងឺ COVID-19
ក្នុងនាមជាប្រធានអាស៊ាន ២០២០ លោកនាយករដ្ឋមន្រ្តី ង្វៀន ស្វឹនភុក (Nguyen Xuan Phuc) អញ្ជើញធ្វើជាអធិបតី ក្នុងកិច្ចប្រជុំកំពូលអាស៊ាន ពិសេស និងកិច្ចប្រជុំកំពូលអាស៊ានបូក ៣ ពិសេស (ចិន ជប៉ុន និងកូរ៉េខាងត្បូង) ស្តីពីការទប់ទល់នឹងការរីករាលដាលនៃជម្ងឺឆ្លង COVID-19 តាមរយៈប្រព័ន្ធខលវីដេអូ (Video Conference) ។ ថ្នាក់ដឹកនាំបានដាក់ចេញនូវវិធានការណ៍ជាក់ស្តែង និងគំនិតផ្តួចផ្តើមជាច្រើន ដើម្បីលើកកម្ពស់កិច្ចសហប្រតិបត្តិការបង្ការជំងឺ និងធានាការអភិវឌ្ឍប្រកបដោយភាពស្វាហាប់ និងចីរភាព នៅក្នុងតំបន់ក្នុងរយៈពេលវែង។
5.សេដ្ឋកិច្ចវៀតណាមនៅតែរឹងមាំ ទោះបីការរីករាលដាលនៃជំងឺ Covid-19 មានការវិវឌ្ឍយ៉ាងស្មុគស្មាញ
ធនាគារអភិវឌ្ឍន៍អាស៊ី (ADB) បានប្រកាសរបាយការណ៍ប្រចាំឆ្នាំស្ដីពីទស្សនវិស័យអភិវឌ្ឍន៍អាស៊ី (ADO) ឆ្នាំ២០២០។
យោងតាមរបាយការណ៍នេះ ADB ព្យាករណ៍ថា កំណើនសេដ្ឋកិច្ចវៀតណាមនឹងកើនឡើង ១.៨% នៅឆ្នាំ ២០២០ ក្នុងបរិបទនៃជំងឺ Covid-19 និងកើនឡើង ៦.៣% ក្នុងឆ្នាំ ២០២១ ។ លោក Andrew Jeffries នាយកធនាគារអភិវឌ្ឍន៍អាស៊ីប្រចាំនៅវៀតណាម ចាត់ទុកថា កំណើនសេដ្ឋកិច្ចរបស់វៀតណាមនៅតែរឹងមាំក្នុងឆ្នាំ២០២០ ដោយសារភាពជោគជ័យរបស់រដ្ឋាភិបាលវៀតណាមក្នុងការគ្រប់គ្រងការរីករាលដាលនៃជំងឺ Covid-19។
របាយការណ៍របស់ ADB ក៏សង្កត់ធ្ងន់ថា ទស្សនវិស័យសេដ្ឋកិច្ចរបស់វៀតណាមសម្រាប់រយៈពេលមធ្យម និងវែងនៅតែមានលក្ខណៈវិជ្ជមាន។ ការដែលវៀតណាមចូលរួមកិច្ចព្រមព្រៀងពាណិជ្ជកម្មទ្វេភាគី និងពហុភាគីជាច្រើននឹងជួយស្ដារសេដ្ឋកិច្ចវៀតណាមឡើងវិញ៕
6.បើកជើងហោះហើរពាណិជ្ជកម្មអន្តរជាតិមួយចំនួនឡើងវិញចាប់ពីថ្ងៃទី ១៥ ខែកញ្ញា
ឧបនាយករដ្ឋមន្រ្តី និងជារដ្ឋមន្ដ្រីការបរទេសវៀតណាម លោក Pham Binh Minh បានយល់ព្រមបើកជើងហោះហើរពាណិជ្ជកម្មអន្តរជាតិជាប្រចាំឡើងវិញ សម្រាប់ដឹកអ្នកដំណើររវាងវៀតណាម និងដៃគូមួយចំនួន។
ចាប់ពីថ្ងៃទី ១៥ ខែកញ្ញា ឆ្នាំ ២០២០ បើកជើងហោះហើរឡើងវិញ ដូចជា៖ វៀតណាម - ចិន (Guangzhou) វៀតណាម - ជប៉ុន (តូក្យូ) វៀតណាម - កូរ៉េខាងត្បូង (សេអ៊ូល) វៀតណាម - តៃវ៉ាន់ ចិន (តៃប៉ិ) ។ ចាប់ពីថ្ងៃទី ២២ ខែកញ្ញាឆ្នាំ ២០២០ បើកជើងហោះហើរឡើងវិញដូចជា៖ វៀតណាម - កម្ពុជា (ភ្នំពេញ) វៀតណាម - ឡាវ (វៀងចន្ទន៍)។ ចំនួនជើងយន្តហោះ៖ មិនហួសពី ២ ជើងក្នុងមួយសប្តាហ៍សម្រាប់ភាគីនីមួយៗ និងដៃគូនីមួយៗ (ចំនួនជើងយន្តហោះ នឹងត្រូវបានពិចារណាបើកបន្ថែមឲ្យសមស្របនឹងស្ថានភាពជាក់ស្ដែង)។
6. UNICEF: ជំងឺរាតត្បាតកូវីដ ១៩ គំរាមកំហែងដល់កម្មវិធីចាក់វ៉ាក់សាំងនៅតំបន់ប៉ាស៊ីហ្វិក
មូលនិធិកុមារនៃអង្គការសហប្រជាជាតិ (UNICEF) បានព្រមានថា ជំងឺរាតត្បាតកូវីដ ១៩ កំពុងគំរាមកំហែងដល់បណ្តាកម្មវិធីចាក់វ៉ាក់សាំងជាប្រចាំសម្រាប់កុមារនៅហ្វីជី និងតំបន់ផ្សេងទៀតនៃមហាសមុទ្រប៉ាស៊ីហ្វិក។
7. វៀតណាមបានរៀបចំប្រកបដោយជោគជ័យ មហាសន្និបាត AIPA 41
ក្រោយរយៈពេលបីថ្ងៃធ្វើការយ៉ាងសកម្មនិងឆាប់រហ័ស តាមរយៈប្រព័ន្ធវីដេអូ មហាសន្និបាតអន្តរសភាលើកទី ៤១ នៃសមាគមប្រជាជាតិអាស៊ីអាគ្នេយ៍ (AIPA 41) ក្រោមប្រធានបទ “ការទូតសភាដើម្បីសម្រេចបានសហគមន៍អាស៊ានដ៏ស្អិតរមួតនិងការឆ្លើយតប” បានបញ្ចប់របៀបវារៈដែលបានដាក់ចេញ ហើយទទួលបានជោគជ័យគួរជាទីពេញចិត្ត និងទាក់ទាញការចូលរួមពីសមាជិកសភាចំនួន ៣០ រូបនិងអង្គការអន្តរជាតិដែលមានតំណាងចូលរួមជិត ៤០០ រូប។
8.វ៉ាក់សាំងចិន៤ប្រភេទ អាចចេញសំរាប់សាធារណជនប្រើនៅខែវិច្ឆិកា
មន្ត្រីមួយរូបនៅមជ្ឈមណ្ឌលចិនសំរាប់គ្រប់គ្រងនិងបង្ការជំងឺ( CDC)បាននិយាយថា វ៉ាក់សាំងកូវីដ១៩ផលិតដោយប្រទេសចិន អាចបានដាក់ឲ្យប្រើប្រាស់សំរាប់សាធារណជន នៅលឿនបំផុតនៅខែវិច្ឆិកា។
បានដឹងថា ប្រទេសចិនមានវ៉ាក់សាំងប្រឆាំងកូវីដ១៩ចំនួន ៤ ដែលកំពុងពិសោធន៍នៅដំណាក់កាលចុងក្រោយ ហើយយ៉ាងតិចវ៉ាក់សាំងទាំងនេះ ត្រូវបានចាក់ចំពោះកម្មករនៅក្រោមកម្មវិធីគ្រាអាសន្នដែលបានចាប់ផ្តើមកាលពីខែកក្កដា។
អំណោយដ៏មានអត្ថន័យជូនយុទ្ធជនបំពេញការងារនៅកណ្តាលព្រៃជ្រៅ
ដើម្បីការពារជំងឺកូវិដ-១៩
កម្មាភិបាលនិងយុទ្ធជនរាប់រយនាក់ នៅតាមបណ្តាក្រុមការពារព្រំដែនខេត្ត Bình Phước ពិតជា “ខែលដែកថែប”មួយ បានបំពេញការងារនៅជួរមុខក្នុងកិច្ចការការពារការរាតត្បាតនៃជំងឺ កូវីដ-១៩មែន។
អនុវត្តភារកិច្ចនៅតំបន់ក្នុងព្រៃជ្រៅ, លើភ្នំខ្ពស់ និងនៅតំបន់ព្រំដែននោះ គឺការស្នាក់នៅ ហូបចុក និងប្រជុំជីវភាពប្រចាំថ្ងៃ នៅជួបការលំបាកខ្លាំង មកពីធាតុអាកាសសែនពិបាកទ្រាំ ប៉ុន្តែ នារយពេលកន្លងមកនេះ កម្មាភិបាល និងយុទ្ធជនរាប់រយនាក់ បំពេញការងារនៅតាមបណ្តាក្រុមការពារតំបន់ព្រំដែន ចំណុះកងទ័ពការពារព្រំដែនខេត្ត Bình Phướcនៅតែច្បាមជាប់តំបន់,សហការជាមួយបណ្តាកម្លាំងមានសត្ថកិច្ចនានាសម្រាប់យាមល្បាត និងត្រួតពិនិត្យពេញទាំងយប់ទាំងថ្ងៃ។
លោកវរៈសេនីយ៍ទោ Lê Xuân Hữu ជាស្នងការនយោបាយនៃប៉ុស្តិ៍ការពារព្រំដែន Đắc Nô ចំណុះកងទព័កាពារព្រំដែនខេត្ត Bình Phước បានឲ្យដឹងថា៖ ប៉ុស្តិ៍ការពារព្រំដែន Đắc Nô ត្រូវបានបង្កើតឡើងនៅថ្ងៃទី 26/11/2019 ប៉ុណ្ណោះបានជាផ្ទះសម្បែងនៅបណ្តោះអាសន្ន, មានតែ ៤បន្ទប់គេង, មូលដ្ឋានសម្ភារៈនៅខ្វះខាតច្រើន។ ជាមួយភារកិច្ចការពារ និងគ្រប់គ្រងព្រំដែននោះ គឺយុទ្ធជននៅមានភារកិច្ចអមគឺការពារទប់ស្កាត់នឹងជំងឺកូវិដ-១៩។ ហើយគណៈបញ្ជាការក៏បានកំណត់ថា នេះជាភារកិច្ចមួយដ៏សំខាន់ ទោះបីជាលំបាកច្រើន ប៉ុន្តែ ជាមួយស្មារតីប្តេជ្ញាចិត្តរបស់កម្មាភិបាល និងយុទ្ធជន ដោយមិនរួញរានឹងការលំបាក លំបិន គឺចិត្តមួយថ្លើមមួយ សាមគ្គីគ្នា មានការទទួលខុសត្រូវខ្ពស់ សម្រាប់ការពារឲ្យបានរឹងមាំនូវបូរភាពទឹកដី សន្តិសុខតំបន់ព្រំដែន។ បានរាំងខ្ទប់នៅតាមផ្លូវលំទាំងអស់ មិនអនុញ្ញាតឲ្យមនុស្ស ឬមធ្យោបាយនានាបានចេញចូលតំបន់ព្រំដែន, ល្មើសបទកំណត់តំបន់ព្រំដែន។
នៅពេលមកសួរសុខទុក្ខកងទ័ពការពារព្រំដែន បានឃើញផ្ទាល់ភ្នែកនូវការលំបាក លំបិននានារបស់យុទ្ធជន ដែលជារៀងរាល់ថ្ងៃ បានរស់នៅក្នុងជំរកតង់ដែលធ្វើឡើងដោយបណ្តោះអាសន្ន; ស្បៀងអាហារមិនគ្រប់គ្រាន់, មិនសូវមានទឹកប្រើប្រាស់ ទឹកភ្លៀងដែល បានដឹកមក គឺទុកសម្រាប់ដាំស្លប៉ុណ្ណោះ។ នៅទីនេះគឺឆ្ងាយពីទីប្រជុំជនណាស់ គ្មានផ្សារទេ និងគ្មានរលកទូរស័ព្ទទេ។ លោកស្រី Tô Thị Bích Châu បានរំភើបចិត្តយ៉ាងខ្លាំង នៅពេលបានឃើញផ្ទាល់នឹងភ្នែកការរស់នៅដោយលំបាកវេទនារបស់យុទ្ធជននៅជួរមុខសម្រាប់ការពារ ទប់ស្កាត់នឹងជំងឺកូវីដ-១៩, លោកស្រីបានសំណេះសំណាលថា៖ “យើងខ្ញុំបានមកសួរសុខទុក្ខ និងលើកទឹកចិត្តកម្មាភិបាល និងយុទ្ធជន ក៏ដូចជាបានឧបត្ថម្ភសំណង់មួយចំនួន សម្រាប់កងទ័ពនឹងនរចិត្ត ច្បាមជាប់នឹងទីតាំង ការពារមាតុភូមិ។ យើងខ្ញុំឧបត្ថម្ភចំពោះខេត្ត Long An, Tây Ninh, Đồng Tháp, Bình Phướcនិង Cà Mau។ នោះគឺកម្មវិធីទឹកស្អាត សម្រាប់យុទ្ធជនមានសុខភាពមាំមួន នឹងនរចិត្តបម្រើជាតិមាតុភូមិ។ យើងខ្ញុំឧបត្ថម្ភសំណង់ភ្លើងអគ្គិសនីពីកម្លាំងព្រះអាទិត្យ ដល់យុទ្ធជនក្នុងការប្រជុំជីវភាពរស់នៅប្រចាំថ្ងៃ។ ដោយហេតុនេះហើយយើងខ្ញុំសប្បាយចិត្តខ្លាំងណាស់ នៅពេលឃើញសំណង់របស់ខ្លួនបាននាំមកប្រសិទ្ធិភាពដល់យុទ្ធជន បាននឹងនរចិត្ត នៅពេលឃើញប្រជាជននៅទីក្រុងហូជីមិញ បានយកចិត្តទុកដាក់ និងចែករំលែកការលំបាកនានាជាមួយយុទ្ធជន”។
ក្រុមរបស់យើងខ្ញុំ បានត្រឡបមកទីក្រុងវិញ ហើយយុទ្ធជនដែលឈរជើងនៅតំបន់ព្រំដែន បានបន្តបំពេញភារកិច្ចដ៏ថ្លៃថ្លារបស់ខ្លួន សម្រាប់ការពារបូរភាពទឹកដី។ បន្តធ្វើជា “ខែល”ដ៏រឹងមាំ សម្រាប់សមរភូមិក្រោយនឹងនរចិត្តទប់ស្កាត់នឹងការរាតត្បាតនៃជំងឺ.
