អំពាវនាវឱ្យប្រជាជនបរិច្ចាគឈាមដោយស្ម័គ្រចិត្ត - Tiếng Khmer 18/06/2021

ĐỒNG BẰNG SÔNG CỬU LONG: ĐIỂM SÁNG XUẤT KHẨU TÔM

តំបន់ដីសណ្តទន្លេគីវឡុងជាចំណុចល្អក្នុងការនាំចេញបង្គា

ទោះបីជាត្រូវបានរងផលប៉ះពាល់ដោយការរីករាលដាលនៃជំងឺ Covid-19 ក៏ដោយ, ក៏ប៉ុន្តែជាមួយការម្ចាស់ការតាំងពីដើមឆ្នាំ ព្រមទាំងការខិតខំប្រឹងប្រែងពីបណ្តាផ្នែកមានសមត្ថកិច្ច, ពីសមាគមសមាគមអាជីវកម្មនានា ... ​​បានបង្កើតឡើងនូវភាពលោតថ្លោះក្នុងការនាំចេញគ្រឿងជលផល។ ដែលក្នុងនោះ ផលិតផលបង្កងមានកំណើនគួរជាទីគាប់ចិត្ត។

លោក Trần Văn Trung ជានាយកក្រុមហ៊ុន Anh Khoa Seafood Company Limited (Ca Mau) បានឲ្យដឹងថា ការរីករាលដាលនៃជំងឺ Covid-19 បានបន្លាយរយៈពេលយូរ បានជះឥទ្ធិពលដល់ការនាំចេញបង្គា, មកពីមានប្រទេសមួយចំនួនបានគ្រប់គ្រងការនាំចូលតឹងរឹងជាងមុន។ ដោយហេតុនេះហើយ នៅពេលទំនិញ បានដឹកចូលកំពង់ផែ ត្រូវតែរង់ចាំមួយខែ សម្រាប់ប្រទេសម្ចាស់ផ្ទះយកសំណាកទៅវិភាគ បាននាំឲ្យចំណាយរកើនឡើងជាងមុន។

ក៏ប៉ុន្តែ ដោយមានការម្ចាស់ការ និងការសម្របល្អនឹងស្ថានភាព បានជា តាំងពីដើមឆ្នាំ ២០២១ មកដល់ពេលនេះ ការនាំចេញបង្គាគ្រប់ប្រភេទរបស់ក្រុមហ៊ុនបានកើនឡើងគួរឱ្យកត់សម្គាល់ បើប្រៀបធៀបនឹងរយៈពេលដូចគ្នាកាលពីឆ្នាំទៅ។ ប៉ាន់ស្មាន ពេញមួយឆ្នាំ ២០២១ ការនាំចេញរបស់ក្រុមហ៊ុននឹងកើនឡើង ពី២-៣ ដងបើប្រៀបធៀបនឹងឆ្នាំមុន។

មន្ទីរឧស្សាហកម្មនិងពាណិជ្ជកម្មខេត្ត Ca Mau បានឱ្យដឹងថា តាមការស្ថិតិ គឺដល់ចុងខែឧសភាឆ្នាំ ២០២១ ការនាំចេញបង្គារបស់ខេត្ត ប៉ាន់ស្មានបានជាង ៤២៣ លានដុល្លារអាមេរិក គឺសម្រេចបាន ៤០% នៃផែនការឆ្នាំ, កើនឡើងជាង ១៦% បើប្រៀបធៀបនឹងរយៈពេលដូចគ្នាកាលពីឆ្នាំទៅ។ នៅខេត្ត Bạc Liêu សរុបទឹកប្រាក់នៃទំនិញនាំចេញបង្គាក្នុងរយៈពេល ៥ ខែដំបូងនៃឆ្នាំនេះ ប៉ាន់ស្មានបានប្រមាណ ២៨០ លានដុល្លារអាមេរិក, កើនជាង ៩% បើប្រៀបធៀបនឹងរយៈពេលដូចគ្នាកាលពីឆ្នាំទៅ។ ចំពោះបណ្តាខេត្តនៅតំបន់ដីសណ្តរទន្លេគីវឡុង គឺការនាំចេញបង្គាក៏មានកំណើនវិជ្ជមានផងដែ របើប្រៀបធៀបនឹងរយៈពេលដូចគ្នាកាលពីឆ្នាំមុន។

ព្រមជាមួយនឹងការនាំចេញនោះ គឺអ្នកចិញ្ចឹមបង្គាជាច្រើននៅតំបន់ដីសណ្ដទន្លេគីវឡុង បានបន្តពង្រីកការចិញ្ចឹម លំនឹងជីវិតរស់នៅ។ លោក Phạm Văn Quắn រស់នៅឃុំ My Long Nam ស្រុក Cầu Ngang (ត្រាវិញ) បានឲ្យដឹងថា៖“ ប៉ុន្មានខែ មុន ថ្លៃបង្គានាគប្រភេទ ៣០ ក្បាល / គីឡូក្រាម បានលក់ពី ២០០.០០០-២២០.០០០ ដុង / គីឡូក្រាម, ពេលនេះ បានធ្លាក់ចុះប្រមាន ១៧០.០០០ ដុង / គីឡូក្រាម…ហើយបើលក់ក្នុងតម្លៃនេះ កសិករនៅតែធានាបានប្រាក់ចំណេញដដែល” ។

យោងតាមសមាគមន៍កែច្នៃ និងនាំចេញគ្រឿងជលផលវៀតណាម គឺ ក្នុងខែឧសភាឆ្នាំ ២០២១ ការនាំចេញគ្រឿងជលផល ប៉ាន់ស្មានសម្រេចបានប្រមាណ ៧៩០ លានដុល្លារ, កើន ២៤% ។ ការនាំចេញគ្រឿងសមុទ្របូបបញ្ចូលក្នុងរយៈពេល ៥ ខែដើមឆ្នាំ ២០២១ សម្រេចបាន ៣,២៧ ពាន់លានដុល្លារអាមេរិក, កើន ១៤% ធៀបនឹងរយៈពេលដូចគ្នាក្នុងឆ្នាំ ២០២០ ។ ក្នុងនោះ ការនាំចេញបង្គាសម្រេចបាន ១,៣៣ពាន់លានដុល្លារអាមេរិក, កើន ១៤% បើប្រៀបធៀបនឹងរយៈពេលដូចគ្នាកាលពីឆ្នាំទៅ។ នេះគឺជាលទ្ធផលគួរជាគាប់ចិត្ត ក្នុងរយពេលដែលទំនិញសិផលជាច្រើនទៀត កំពុងពិបាកក្នុងការលក់ចេញ។

 

 

 

 

 

VOH

Bình luận

Đọc Báo