ព័ត៍មាននៅក្នុងប្រទេស

១.បង្កើនបណ្តាសកម្មភាពសន្តិភាព, សមគ្គីភាព និងមិត្តភាព

ថ្មីៗនេះ នៅរដ្ឋធានីហាណូយ សម្ព័ន្ធបណ្តាសមាគមន៍មិត្តភាពវៀតណាម បានរៀបចំសន្និសីទក្រុមប្រធានលើកទី ៣ អាណត្តិពីឆ្នាំ ២០១៩-២០២៤, ប្រយោជន៍ដើម្បីបូបសរុបលទ្ធផលការងារឆ្នាំ ២០២០, ដំណើរការទិសដៅ និងភារកិច្ចឆ្នាំ ២០២១ ព្រមទាំងអនុម័តខ្លឹមសារសំខាន់ៗមួយចំនួនរបស់សម្ព័ន្ធបណ្តាសមាគមន៍មិត្តភាព។

នៅក្នុងសន្និសីទ តំណាងអង្គប្រជុំគ្រប់រូប បានពិភាក្សា និងឯកភាពនូវទិសដៅនៃកិច្ចការឆ្នាំ ២០២១។ យោងតាមនោះ តាមការព្យាករណ៍ គឺជំងឺកូវីដ-១៩នៅមានការប្រែប្រួលយ៉ាងស្មុគ្រស្មាញក្នុងឆ្នាំ ២០២១, ហើយតំណាងអង្គប្រជុំបានសំណើរថា សម្ព័ន្ធបណ្តាសមាគមន៍មិត្តភាព គួតែបង្កើនបណ្តសកម្មភាពសន្តិភាព, សមាគ្គីភាព និងមិត្តភាពជាមួយបណ្តាប្រទេសនៅជិតខាងដូចជា ប្រទេសឡាវ, ប្រទេសកម្ពុជា ប្រទេសចិន បណ្តាប្រទេសនៅតំបន់អាស៊ាន, បណ្តាប្រទេសធំៗ , ប្រទេសជាដៃគូរយុទ្ធសាស្ត្រ, ប្រទេសជាដៃគូរលើគ្រប់វិស័យ និងបណ្តាប្រទេសជាមិត្តប្រពៃណី; ត្រូវផ្តោតជាសំខាន់ទៅលើខ្លឹមសារនយោបាយ, លើកកម្ពស់នូវប្រសិទ្ធិភាពនៃការបម្រើការអភិវឌ្ឍន៍សេដ្ឋកិច្ច-សង្គមកិច្ច...។

២.នាំចេញអង្ករឡូត៍ដំបូងឆ្នាំ ២០២១ ទៅសឹង្ហបុរី និងម៉ាឡេស៊ី

នៅក្រុមហ៊ុនភាគហ៊ុនកសិកម្មបច្ចេកវិជ្ជាខ្ពស់ Trung An (នៃក្រុមហ៊ុន Trung An) ក្រសួងកសិកម្ម-អភិវឌ្ឍន៍ជនបទ និងគណៈកម្មាធិការប្រជាជនទីក្រុង Cần Thơ បានរៀបចំពិធីនាំចេញអង្ករឡូត៍ដំបូងនៃឆ្នាំ ២០២១ ចំនួន ១.៦០០តោន ដែលនាំចេញដោយក្រុមហ៊ុន Trung An ទៅកាន់ទីផ្សារនៃប្រទេសសឹង្ហបុរី និងម៉ាឡេស៊ី។

ក្រុមហ៊ុនកសិកម្មបច្ចេកវិជ្ជាខ្ពស់ Trung An គឺជាស្ថាប័នអាជីវកម្មមួយក្នុងបណ្តាស្ថាប័នអាជីវកម្មដំបូង បាននាំចេញអង្ករចូលទីផ្សារអឺរ៉ូប បន្ទាប់ពីសន្ធិសញ្ញាពាណិជ្ជកម្មសេរីវៀតណាម- EU ចូលជាសុពលភាព។

៣.នឹងផ្គត់ផ្កង់បណ្តាញអគ្គិសនីដល់ ៩ កោះក្នុងប្រទេសយើង

អនុវត្តនូវកម្មវិធីនាំបណ្តាញភ្លើងអគ្គិសនីចុះមកទីជនបទ, តំបន់ភ្នំ និងតំបន់កោះ នាដំណាក់កាលពីឆ្នាំ ២០១៦-២០២០ គឺក្នុងទូទាំងប្រទេស មាន ៥កោះបានមានបណ្តាញភ្លើងអគ្គិសនីជាតិប្រើប្រាស់ហើយ ហើយចាប់ពីពេលនេះ រហូតដល់ឆ្នាំ ២០២៥ នឹងតភ្លើងអគ្គិសនីដល់ ៩ កោះទៀត។ បានដឹងថា កម្មវិធីផ្គត់ផ្គង់ភ្លើងអគ្គិសនីចុះដល់ទីជនបទ, តំបន់ភ្នំ និងតំបន់កោះក្នុងប្រទេស គឺមិនត្រឹមតែបានរួមចំណែកក្នុងការបំបាត់ភាពក្រីក្រប៉ុណ្ណោះទេ ថែមទាំង បានរួមចំណែកក្នុងការអភិវឌ្ឍន៍ដោយចេរភាពដល់តំបន់ទាំង ៣នេះ។

៤.នាយកដ្ឋានគយទីក្រុងហូជីមិញ ចាប់បានគ្រឿញញៀនគ្រប់ប្រភេទជាង ៣១គីឡូក្រាម បានភ្ញើតាមបញ្ញើឆាប់រហ័ស

សាខានាយកដ្ឋានគយបញ្ញើឆាប់រហ័ស ចំណុះនាយកដ្ឋានគយទីក្រុងហូជីមិញ បានសហការជាមួយក្រុមត្រួតពិនិត្យការពារទប់ស្កាត់គ្រឿងញៀន និងអង្គភាពពាក់ព័ន្ធមួយចំនួនទៀត បានធ្វើការបើកនិងឆែកឆេកញ្ចប់ទំនិញចំនួន ១៦ ដែលបាននាំចូលប្រទេសវៀតណាម តាមផ្លូវបញ្ញើឆាប់រហ័ស, ប្រៃសណីយ៍មកពីបណ្តាប្រទេសដូចជា អាឡឺមង់, បារាំង, អាមេរិក, កាណាដា, ហុងកុង(នៃប្រទេសចិន) និងប្រទេសចិន ហើយដកហូតបានគ្រឿងញៀនជាង ៣១គីឡូក្រាមច្រើនប្រភេទ។ បានដឹងថា នេះជាស្នាដៃមួយ សម្រាប់អបរសាទរមហាសន្និបាតលើកទី ១៣ របស់បក្សកុម្មុយនិស្តវៀតណាម របស់នាយកដ្ឋានគយទីក្រុងហូជីមិញ។

ព័ត៍មានអន្តរជាតិ

៥.ធនាគារអន្តរជាតិបានយល់ព្រមចំពោះកម្ចីរបស់ប្រទេស Lebanon សម្រាប់ដោះស្រាយវិបត្តិសេដ្ឋកិច្ច

ធនាគារពិភពលោក (WB)ទើបបានអនុម័តនូវកម្ចីចំនួន ២៤៦លានដុល្លារអាមេរិក ដល់ប្រទេស Lebanon សម្រាប់ជំនួយសាច់ប្រាក់បន្ទាន់ដល់ប្រជាជនជិត ៨០០.០០០នាក់ ដែលកំពុងរងវេទនា មកពីវិបត្តិសេដ្ឋកិច្ច និងការរាតត្បាតនៃជំងឺកូវិដ-១៩។

ក្នុងសេចក្តីរាយការមួយ ធនាគារពិភពលោកបានឲ្យដឹងថា កម្ចីនេះ នៅបានទុកសម្រាប់ជំនួយដល់ការអភិវឌ្ឍន៍បណ្តាញសន្តិសុខសង្គមក្នុងប្រទេស Lebanon , ហើយបណ្តាញនេះ កំពុងរងភាពលំបាក មកពីវិបត្តិហិរញ្ញវត្ថុ មុនពេលជំងឺរាតត្បាតបានផ្ទុះឡើង បានបណ្តាលឲ្យពាក់កណ្តាលប្រជាជននៃប្រទេសនេះ ធ្លាក់ចូលក្នុងស្ថានភាពក្រីក្រ និងដាច់បាយ។

៦.ប្រទេសជប៉ុនបានរកឃើញបំរែធាតុដើមនៃវីរ៉ូស SARS-CoV-2

យោងតាមទីភ្នាក់ងារសារព័ត៍មាន NHK គឺបណ្តាអ្នកវិទ្យាសាស្ត្រនៃមហាវិទ្យាល័យ Keio (នៃប្រទេសជប៉ុន) បានរកឃើញនូវបំរែធាតុថ្មីនៃវីរ៉ូស SARS-CoV-2 ដែលខុសប្លែកនឹងបំរ៉ែធាតុដើមដែលកើតមានឡើងក្នុងប្រទេសនេះ។

៧.អ្នកជំងឺ Covid-19នៅតែមានរោគសញ្ញាផ្សេងៗ បន្ទាប់ពីជាពីជំងឺបាន ៦ខែ

សំណង់ស្រាវជ្រាវមួយរបស់ប្រទេសចិន ដែលបានអនុវត្តលើអ្នកជំងឺកូវីដ-១៩ចំនួន ១.៧០០នាក់ ធ្លាប់បានព្យាបាលនៅទីក្រុង Vũ Hán (ក្នុងខេត្ត Hồ Bắcនៃប្រទេសចិន) ដែលជាតំបន់ដំបូងបានផ្ទុះជំងឺនេះ ឃើញថា អ្នកជំងឺកូវីដ-១៩ដែលបានព្យាបាលក្នុងមន្ទីរពេទ្យស្ទើរតែទាំងអស់ សុទ្ធតែមានរោគសញ្ញាខុសៗគ្នា បន្ទាប់ពីព្យាបាលបាន ៦ខែ ក្រោយពេលពួកគាត់បានឆ្លងជំងឺដ៏កាចសាហាវនេះ។

ប្រជាជនជាង ៣២ លាននាក់ អាយុពី ១៥ ឆ្នាំឡើងទៅ ត្រូវរងផលប៉ះពាល់ដោយ

អសកម្មពីជំងឺកូវីដ-១៩

មហាជំងឺរាតត្បាតកូវីដ-១៩ បានបណ្តាលឲ្យទីផ្សារពលកម្មនៅវៀតណាមជួបការលំបាកខ្លាំង ដែលមានពលកររាប់លាននាក់ ត្រូវរងផលប៉ះពាល់យ៉ាងអសកម្ម មកពីត្រូវបាត់បង់ការងារធ្វើ, ត្រូវឈប់ធ្វើការមកពីអនុវត្តវិធីគម្លៀតសង្គម និងត្រូវបន្ថយចំណូល....។

យោងតាមនាយកដ្ឋានស្ថិតិ គឺគិតដល់ខែធ្នូឆ្នាំ ២០២០ ក្នុងទូទាំងប្រទេសមានមនុស្សចំនួន ៣២,១លាននាក់ អាយុពី ១៥ឆ្នាំឡើងទៅ ត្រូវរងផលប៉ះពាល់យ៉ាងអសកម្មមកពីការរាត្បាតនៃជំងឺកូវីដ-១៩ រួមមាន អ្នកត្រូវបាត់បង់ការងារធ្វើ, ត្រូវឈប់ធ្វើការមកពីគម្លៀតសង្គម ឬត្រូវចែកវេនធ្វើការ, បន្ថយម៉ោងធ្វើការ និងបន្ថយចំណូល...។

ក្នុងនោះ មនុស្សចំនួន ៦៩,២% ត្រូវបន្ថយចំណូល, មនុស្សចំនួន ៣៩,៩% ត្រូវបន្ថយម៉ោងធ្វើការ ឬត្រូវឈប់រងចាំការងារ ឬ ត្រូវប្តូរវេណធ្វើការ និងមនុស្សប្រមាណ ១៤,០% ត្រូវផ្អាកធ្វើការ ឬ ត្រូវឈប់សកម្មភាពផលិតកម្មអាជីវកម្ម។

ផ្នែកសេវ៉ាកម្មគឺត្រូវរងផលប៉ះពាល់ធ្ងន់ជាងគេមកពីការរាតត្បាតនៃជំងឺកូវីដ-១៩ ដែលមានពលករចំនួន ៧១,៦% ត្រូវរងផលប៉ះពាល់ផ្ទាល់, បន្តមកទៀតគឺផ្នែកឧស្សាហកម្ម និងសំណង់ ដែលមានពលករចំនួន ៦៤,៧% ត្រូវរងការប៉ះពាល់; អត្រាពលករត្រូវប៉ះពាល់ក្នុងផ្នែកកសិកម្ម រុក្ខកម្ម និងជលផលចំនួន ២៦,៤%។

ក្នុងត្រីមាសទី ៤ ឆ្នាំ ២០២០ កម្លាំងពលករអាយុពី ១៥ឆ្នាំឡើងទៅ ចំនួន ៥៥,១លាននាក់, កើន ៥៦៣,៨ពាន់នាក់ បើប្រៀបធៀបនឹងត្រីមាសមុន ប៉ុន្តែ នៅទាបជាង ៨៦០,៤ពាន់នាក់ បើប្រៀបធៀបនឹងរយៈពេលដូចគ្នាកាលពីឆ្នាំមុន។

ហើយក៏យោងតាមអគ្គនាយកដ្ឋានស្ថិតិ គឺ ការប៉ះពាល់របស់មហាជំងឺរាតត្បាតកូវីដ-១៩ បានផ្លាស់ប្តូរនិន្នាការប្រែប្រួល ដែលមានលក្ខណៈរដូវកាល នៃកម្លាំងពលករនៅចន្លោះត្រីមាសកនានាក្នុងឆ្នាំ។

នៅប៉ុន្មានឆ្នាំមុន ដំណាក់កាលពីឆ្នាំ ២០១៦-២០១៩ កម្លាំងពលករនៃត្រីមានដំបូងក្នុងឆ្នាំ គឺសុទ្ធតែទាបជាងគេ បន្ទាប់មកគឺកើនឡើងជាបណ្តើរៗ ហើយសម្រេចនៅកម្រិតខ្ពស់បំផុតនៅត្រីមាសទី ៤។ ឆ្នាំ ២០២០ កម្លាំងពលករចាប់ផ្តើមថយចុះនៅត្រីមាសទី ១, បន្ទាប់មកបន្តថយចុះខ្លាំង ហើយបានធ្លាក់ដល់បាតនៅត្រីមាសទី ២ និងបានស្តារឡើងវិញជាបណ្តើៗនៅត្រីមាសទី ៣ និងទី ៤។ ទោះបីជាមានការស្តារឡើងវិញ ក៏ប៉ុន្តែ រហូតដល់ដល់ត្រីមាសទី ៤ ឆ្នាំ ២០២០ កម្លាំងពលករនៅតែមិនដូចស្ថានភាពដើមពេលមិនទាន់មានជំងឺរាតត្បាត។ ចំនួនមនុស្សនៃកម្លាំងពលករក្នុងត្រីមាសនេះ នៅទាបជាងត្រីមាសទី ១ ជិត ២០០ពាន់នាក់។

បើប្រៀបធៀបនឹងត្រីមាសទី ៣ ឆ្នាំ ២០២០ គឺពលករនៅត្រីមាសទី ៤ ក្នុងតំបន់ជនបទ មានសញ្ញាស្តារឡើងវិញឆាប់ហ័ស ជាងនៅទីក្រុង, ក្នុងនោះ ល្បឿននៃការស្តារឡើងវិញរបស់កម្លាំងពលករផ្នែកបុរស បានឈានជិតដល់នៃចំនួនពលករនារី។ បើប្រៀបធៀបនឹងត្រីមាសមុន កម្លាំងពលករនៅទីជនបទ បានកើន ១,៤%, គឺខ្ពស់ជាង ១,១ពិន្ទុះ% បើប្រៀបធៀបនឹងកម្រិតកំណើននៃតំបន់ទីក្រុង គឺកម្លាំងពលករនារី និងកម្លាំងពលករបុរសកើន ១,០%។

គិតរួមក្នុងឆ្នាំ ២០២០ កម្លាំងពលករអាយុពី ១៥ឆ្នាំឡើង សម្រេចបាន ៥៤,៦លាននាក់, ថយ ១,២លាននាក់ បើប្រៀបធៀបនឹងឆ្នាំ ២០១៩។ក្នុងដំណាក់កាលពីឆ្នាំ ២០១៦-២០១៩ គិតជាមធ្យម រៀងរាល់ឆ្នាំ កម្លាំងពលករកើន ០,៨%។ ប្រសិនបើកម្លាំងពលករក្នុងឆ្នាំ ២០២០ រក្សាបាននូវល្បឿនកំណើនដូចដំណាក់កាលឆ្នាំ ២០១៦-២០១៩ និងគ្មានការរាតត្បាតនៃជំងឺកូវីដ-១៩ គឺខឿនសេដ្ឋកិច្ចនៃប្រទេសវៀតណាម នឹងមានពលករបន្ថែមថ ១,៦លាននាក់ គឺមានន័យថា ការរាតត្បាតនៃជំងឺកូវីដ-១៩ បានផ្តាច់នូវឱកាសបានចូលរួមទីផ្សារពលកម្មរបស់មនុស្សចំនួន ១,៦លាននាក់៕