ត៍មាននៅក្នុងប្រទេស

១.ទីក្រុងហូជីមិញ៖ ជំងឺគ្រុនឈាមនៅតែបន្តមានភាពស្មុគស្មាញ

យោងតាមមជ្ឈមណ្ឌលគ្រប់គ្រងជំងឺនៃទីក្រុងហូជីមិញ (HCDC) បានដឹងថា, ជំងឺគ្រុនឈាមនៅក្នុងទីក្រុង នៅតែបន្តមានភាពស្មុគស្មាញ, ចំនួនករណីឆ្លងជំងឺនៅសប្តាហ៍មុន បានកើន 12,3%, បើធៀបនឹងមធ្យមភាគ នៃរយៈពេល 4 សប្តាហ៍មុន។ ក្នុងអំឡុងពេលនេះ ទីក្រុង បានកត់ត្រាការ ១២៣ សំបុកជំងឺគ្រុនឈាមថ្មី នៅ ៧៧ ឃុំ, សង្កាត់ ក្នុង 18 ក្នុងចំណោម 22 ខណ្ឌ ស្រុក និងទីក្រុង Thủ Đức; គឺកើន ១២ សំបុកជងឺគ្រុនឈាមថ្មី បើធៀបនឹងសប្តាហ៍មុន។

២.ទីក្រុងហូជីមិញ នឹងបិទទឹកក្នុងទ្រង់ទ្រាយធំ ពីរថ្ងៃ 18-19 ខែមិថុនា

ចាប់ពីថ្ងៃទី 18 ខែមិថុនា, រោងចក្រចម្រោះទឹក Thủ Đức នឹងផ្លាស់ប្តូរវ៉ាល់ Bypass 48 ថ្មី ព្រមទាំងថែទាំ និងជួសជុលប្រព័ន្ធផ្គត់ផ្គង់ទឹក ដើម្បីផ្គត់ផ្គង់ទឹកស្អាត បានបន្តបន្ទាប់ និងដំណើការរោងចក្រដោយសុវត្ថិភាព។

ដោយហេតុនេះហើយ ចាប់ពីម៉ោង 9 យប់ថ្ងៃទី 18 ខែមិថុនាដល់ម៉ោង 5 ល្ងាចថ្ងៃទី 19 ខែមិថុនា នឹងបិតទឹកទាំងស្រុង នៅខណ្ឌលេខ 1, 3, 4, 5, 10 និងខណ្ឌ Phú Nhuận; និងបិទទឹកមួយផ្នែក នៅខណ្ឌលេខ  6, 7, 8, 11, Bình Thạnh, Tân Bình និងទីក្រុង Thủ Đức ។

៣.ខែលក់បញ្ចុះថ្លៃក្នុងទ្រង់ទ្រាយធំ

ចាប់ពីថ្ងៃទី 15 ខែមិថុនា ដល់ថ្ងៃទី 15 ខែកក្កដា, មន្ទីរពាណិជ្ជកម្ម និងឧស្សាហ កម្មទីក្រុងហូជីមិញ នឹងសហការជាមួយមន្ទីរទេសចរណ៍ និងផ្នែកពាក់ព័ន្ធមួយចំនួន ដើម្បីរៀបចំ នូវកម្មវិធីលក់បញ្ចុះថ្លៃក្នុងទ្រង់ទ្រាយធំប្រមូលផ្តុំ (ដំណាក់កាលទី 1) ជាមួយប្រធានបទ "រីករាយជាវទិញទំនិញនារដូវក្តៅឆ្នាំ 2022"។ ហោយ ដំណាក់កាលទី 2 ចាប់ពីថ្ងៃទី 15 ខែវិច្ឆិកា ដល់ថ្ងៃទី 15 ខែធ្នូ។ កម្រិតលក់បញ្ចូះថ្លៃ ពី 10% ទៅ 100%។

៤.ទីក្រុងហូជីមិញ ជិតមានខ្សែនាវាល្បឿនលឿន ពីទីក្រុងហូជីមិញទៅខេត្ត Tiền Giang និងខេត្ត Bến Tre

នាយដ្ឋានដឹកជញ្ជូនទីក្រុងហូជីមិញ គ្រោងនឹងរៀបចំប្រតិបត្តិការខ្សែដឹកជញ្ជូនទេសចរណ៍ តាមផ្លូវទឹកឆ្លងខេត្តរយៈឆ្ងាយ ពីទីក្រុងហូជីមិញ ទៅខេត្ត Tiền Giang  និងខេត្ត Bến Tre និងត្រឡប់មកវិញ។ រយៈពេលអនុវត្តសាកល្បង គឺចាប់ពីថ្ងៃទី 15 ដល់ថ្ងៃទី 25 ខែមិថុនា និងដំណើការជាផ្លូវការនៅត្រីមាសទីបី។

ព័ត៍មានអន្តរជាតិ

៥.អង្គការសុខភាពពិភពលោកនឹងប្រកាសអាសន្ន ចំពោះជំងឺអុតស្វា

អង្គការសុខភាពពិភពលោក (WHO) នឹងកោះប្រជុំជាបន្ទាន់ នៅថ្ងៃទី 23 ខែមិថុនា ដើម្បីវាយតម្លៃថា តើត្រូវប្រកាសអាសន្ន ចំពោះការផ្ទុះនៃជំងឺអុតស្វាលើទូទាំងពិភពលោកដែលឬអត់។

អគ្គនាយកអង្គការ WHO បាននិយាយថា ការផ្ទុះជំងឺអុតស្វា គឺគួរឱ្យព្រួយបារម្ភ និងមិនប្រក្រតីនោះទេ។ ការ​ប្រកាស​អាសន្ន​ ខាងសុខាភិបាល លើទូទាំង​ពិភពលោក ​ត្រូវ​បាន​ចាត់​ទុក​ថា ​ជា​កម្រិត​ខ្ពស់​បំផុត ​របស់អង្គការនេះ។

៦.ហានិភ័យនៃការខ្ជះខ្ជាយវ៉ាក់សាំង COVID-19 រាប់លានដូសនៅអឺរ៉ុប

រដ្ឋាភិបាលនៃ បណ្តាប្រទេសជាសមាជិកសហភាពអឺរ៉ុប កំពុងបង្កើនសម្ពាធជាមួយក្រុមហ៊ុន Pfizer និងបណ្តាក្រុមហ៊ុនផលិតវ៉ាក់សាំង COVID-19 ផ្សេងទៀត គួរចរចាឡើងវិញ នូវកិច្ចសន្យា ព្រមទាំងបានព្រមាន អំពីហានិភ័យនៃការខ្ជះខ្ជាយវ៉ាក់សាំងរាប់លានដូស ដែលលែងត្រូវការទៀតហើយ។

៧.មហាសេដ្ឋី 500 របស់ពិភពលោក ត្រូវបាត់បង់ 1.4០០ ពាន់ពាន់លានដុល្លារ មកពីអតិផរណា និងអត្រាការប្រាក់ខ្ពស់

យោងតាមសន្ទស្សន៍មហាសេដ្ឋី Bloomberg គឺអ្នកមានបំផុតលើទូទាំងពិភពលោក ចំនួន 500រូប ត្រូវបាត់បង់ទឹកប្រាក់សរុបចំនួន 1.4០០ ពាន់ពាន់លានដុល្លារអាមេរិកក្នុងឆ្នាំនេះ, នៅពេលទីផ្សារហិរញ្ញវត្ថុពិភពលោក កំពុងរងសម្ពាធ អត្រាការប្រាក់ខ្ពស់ និងអតិផរណា។

៨.ប្រព័ន្ធ​ធនាគារនៃប្រទេស​រុស្ស៊ី ​ត្រៀម​ជា​ស្រេច ​ដើម្បីទប់ទល់នឹងទណ្ឌកម្ម​របស់សហភាព​អឺរ៉ុប

ប្រទេសរុស្ស៊ី មានប្រព័ន្ធហិរញ្ញវត្ថុផ្ទាល់ខ្លួន ដែលបង្កើតដោយធនាគារមជ្ឈិមរបស់ប្រទេសនេះ ដើម្បីទប់ទល់នឹងហានិភ័យនានា នៅពេលធនាគាររុស្ស៊ី ត្រូវ ផ្តាច់ចេញពី SWIFT - ជាប្រព័ន្ធប្រតិបត្តិការអន្តរជាតិ។

ក៏ប៉ុន្តែ ធនាគារទាំងនេះ បានបញ្ជាក់ថា ការផ្តាច់ចេញពីប្រព័ន្ធ SWIFT គឺមិនប៉ះពាល់ ដល់ប្រតិបត្តិការធនាគារក្នុងស្រុកនោះទេ ហើយពួកគេបានត្រៀមទប់ទល់នឹងស្ថានភាពនេះ។

៩. អង្គការសហប្រជាជៃតិ អំពាវ WTO មិនដាក់កម្រិតនាំចេញស្បៀងអាហារ ដោយគោលដៅមនុស្សធម៌

ក្នុង​បរិបទ​ កំពុងកើតមានឡើងនៃ​វិបត្តិ​សន្តិសុខ​ស្បៀងនោះ អង្គការសហប្រជាជាតិ កាលពី​ថ្ងៃទី ១៣ ខែមិថុនា បាន​អំពាវនាវបណ្តា​ប្រទេស​សមាជិក មិនដាច់ ​កំហិត​លើ​ការនាំចេញ​ស្បៀង​អាហារ​ក្នុង ​គោលបំណង​មនុស្សធម៌។

១០. WTO ពិភាក្សាអំពីការដកកម្មសិទ្ធិបញ្ញាចំពោះងវ៉ាក់សាំង Covid-19

ក្នុងការខិតខំរួមចំណែកច្រើនជាង សម្រាប់ការទប់ទល់នឹងជំងឺរាតត្បាតនោះ, អង្គការពាណិជ្ជកម្មពិភពលោក (WTO) កំពុងធ្វើការពិភាក្សា ដើម្បីឈានដល់ការឯកភាព លើការដកកម្មសិទ្ធិបញ្ញាសម្រាប់វ៉ាក់សាំង Covid-19 ។

ដ