ក្រសួងសុខាភិបាល៖ តម្រូវឱ្យចាក់វ៉ាក់សាំងដូសទី៣បញ្ជប់ក្នុងត្រីមាសទី១ - Tiếng Khmer 14/1/2022

ត៍មាននៅក្នុងប្រទេស

១.ក្រសួង​សុខាភិបាល៖ តម្រូវ​ឱ្យ​ចាក់វ៉ាក់សាំងដូស​ទី​៣បញ្ជប់ក្នុង​ត្រីមាស​ទី​១-

ក្រសួងសុខាភិបាល បាមស្នើដល់គណៈកម្មាធិការប្រជាជនខេត្តក្រុងនានា ត្រូវ ពន្លឿនការចាក់វ៉ាក់សាំងជាងទៀត ហើយត្រូវចាក់បញ្ចប់ដូសទី ២ ជាមូលដ្ឋានដល់កុមារដែលមានអាយុចាប់ពី 12 ឆ្នាំឡើងក្នុងខែមករា ហើយក្នុងត្រីមាសទី១ ត្រូវចាក់បញ្ចប់ដូសបន្ថែមទី ២។ គិតដល់ព្រឹកថ្ងៃទី១២ ខែមករា ទូទាំងប្រទេស ចាក់វ៉ាក់សាំងបានជាង ១៦៣,៥លានដូស ក្នុងនោះ បានគិតរួមទាំងដូសទី ៣។

២.ការនាំចេញផ្លែស្រកានាគត្រូវបានរលូនហើយ

ក្រសួងឧស្សាហកម្ម និងពាណិជ្ជកម្មបានជូនដំណឹងថា ខេត្តយូណាន នៃប្រទេសចិន បានស្តារការនាំចូលផ្លែឈើស្រស់ (រួមទាំងផ្លែស្រកានាគ) និងទំនិញក្លាសេតាមច្រកព្រំដែន Hà Khẩu - ទល់មុខច្រកព្រំដែន Kim Thành 2 ក្នុងខេត្ត Lào Cai ។ ហើយនៅក្នុងថ្ងៃដដែល ក្រសួងកសិកម្ម និងអភិវឌ្ឍន៍ជនបទក៏បានបើកវេទិកាពិភាក្សាអំពីដំណោះស្រាយជំរុញការនាំចេញផ្លែស្រកានាគចំនួន 300,000 តោនក្នុងរដូវប្រមូលផលទៅកាន់ប្រទេសចិនតាមផ្លូវសមុទ្រផងដែរ។

៣.ពលករ​នៅ​ភាគ​ខាងលិច​គ្រោងនឹង​ជិះ​ម៉ូតូ​ទៅ​ស្រុក​កំណើតទទួលឆ្នាំថ្មី

ពលករជាច្រើននៅទីក្រុងហូជីមិញ បានសម្រេចចិត្តជិះម៉ូតូត្រឡប់ទៅស្រុកវិញ មកពីខ្លាចទៅកន្លែងមានមនុស្សច្រើន។ ហើយចម្ងាយពីទីក្រុងហូជីមិញទៅខេត្តភាគខាងលិចគឺជិតណាស់ ដូច្នេះកាធ្វើដំណើរមិនសូវចំណាយពេលច្រើនទេ បានជា​ឆ្នាំនេះ យុវជន​ជាច្រើន​បាន​គ្រោងនឹង​ជិះ​ម៉ូតូ​ទៅ​ស្រុកកំណើតទទួលបុណ្ណចូលឆ្នាំថ្មី។

៤.ក្រុមប្រឹក្សាប្រជាជនទីក្រុងហូជីមិញ ស្នើឱ្យពន្លឿនការឧបត្ថម្ភ Covid-19 ដំណាក់កាលទី៣

ក្រុមប្រឹក្សាប្រជាជនទីក្រុងហូជីមិញ បានតម្រូវដល់ខណ្ឌស្រុកមួយចំនួន ត្រូវបង្កើនការឧបត្ថម្ភដំណាក់កាលទីបី ដល់ប្រជាជនដែលស្ថិតក្នុងស្ថានភាពលំបាកដោយសារជំងឺកូវីដ-១៩។ បានដឹងថា មុននោះ យោងតាមផែនការ ការរៀបចំការចំណាយ និងការទូទាត់ត្រូវបញ្ចប់មុនថ្ងៃទី 15 ខែមករា ឆ្នាំ 2022។

៥.ទីក្រុង Đà Nẵng៖ បង្ខំឱ្យ F0 ត្រូវនៅដាច់ដោយឡែកនៅផ្ទះ មកពីករណីឆ្លងថ្មីកើនឡើង

ចំនួនករណីឆ្លងរោគកូវីដថ្មីនៅទីក្រុង Đà Nẵng បានបន្តកើនឡើងក្នុងប៉ុន្មានថ្ងៃកន្លងមកនេះ បានដាក់សម្ពាធលើមណ្ឌលព្យាបាល និងកងកម្លាំងទប់ស្កាត់ជំងឺ រាតត្បាត។ ទោះបីជាមានគោលការណ៍អនុវត្តឲ្យធ្វើច័ត្តាឡឺស័ក និងព្យាបាល F0 នៅនឹងផ្ទះក៏ដោយ ប៉ុន្តែ អត្រាករណីត្រូវព្យាបាលនៅផ្ទះគឺទាបណាស់ បើធៀប នឹងចំនួនឆ្លងប្រចាំថ្ងៃ។ ដោយហេតុនេះហើយ ថ្នាក់ដឹកនាំទីក្រុង Đà Nẵng បានស្នើឱ្យតំបន់នានា ត្រូវកំណត់ថា ការឱ្យអ្នកឆ្លងកូវីដនៅដាច់ដោយនៅផ្ទះ  គឺជាការបង្ខំ សម្រាប់ធានាការព្យាបាលមានប្រសិទ្ធភាព និងកាត់បន្ថយសម្ពាធលើមន្ទីរពេទ្យ។

ព័ត៍មានអន្តរជាតិ

៦.ថ្នាំបាញ់តាម​ច្រមុះ​ការពារ​ការ​ឆ្លង​មេរោគ​កូវីដ-១៩ រយៈពេល ៨ ម៉ោង បានប្រឆាំងបំប្លែងធាតុថ្មី​គ្រប់​ប្រភេទ

ថ្នាំបាញ់តាមច្រមុះរយៈពេលប្រាំបីម៉ោង ប្រឆាំងនឹងជំងឺកូវីដ-១៩ គឺជាវិធីសាស្រ្តថ្មីមួយ ដែលអាចជួយមនុស្សហានិភ័យខ្ពស់ មានភាពស៊ាំនឹង COVID-19 ក្នុងរយៈពេលខ្លី។

វិធីព្យាបាលនេះ កំពុងត្រូវបានង្កើតឡើងដោយបណ្តាអ្នកវិទ្យាសាស្ត្រនៅសាកលវិទ្យាល័យ Helsinki (នៃប្រទេសហ្វាំងឡង់) បានបង្ហាញថា មានសមត្ថភាពក្នុងការការពារការឆ្លងមេរោគជាមួយវីរុស SARS-CoV-2 រហូតដល់ 8 ម៉ោងក្នុងការសិក្សាពិសោធន៍។

៧.អាហ្សង់ទីន៖ ដាច់ភ្លើងដ៏ធំស្របពេលអាកាសធាតុក្តៅជាង៤០អង្សាសេ

រដ្ឋធានី Buenos Aires របស់ប្រទេសអាហ្សង់ទីន បានជួបប្រទះនឹងការដាច់ចរន្តអគ្គិសនីយ៉ាងទូលំទូលាយកាលពីថ្ងៃទី ១១ ខែមករា ដែលធ្វើឲ្យប្រជាជនរាប់ពាន់គ្រួសារគ្មានអគ្គិសនីប្រើប្រាស់ ក្នុងស្ថានភាពដែលអាកាសធាតុក្តៅហែង ជាមួយនឹងសីតុណ្ហភាពលើសពី ៤០ អង្សាសេ។

៨.ជប៉ុន​ពន្យារ​បម្រាម​មិន​ឲ្យ​ជនបរទេស​ចូលស្រុក

នាយករដ្ឋមន្ត្រីជប៉ុន លោក Kishida Fumio បានប្រកាសថា ប្រទេសនេះនឹងបន្តហាមឃាត់មិនឲ្យជនបរទេសចូលស្រុក ដែលមិនមែនជាពលរដ្ឋខ្លួន  ឬអ្នកស្នាក់នៅអចិន្ត្រៃយ៍រហូតដល់ចុងខែកុម្ភៈ។ ហើយជប៉ុន​ក៏​នឹង​កំណត់​ការ​ចូល​មក​ត្រឹម​តែ​៣.៥០០​នាក់​ក្នុង​មួយ​ថ្ងៃ។ ក្រៅពីនេះ អ្នកស្នាក់នៅអចិន្ត្រៃយ៍ដែលមកពី 11ប្រទេស រួមទាំងអាហ្វ្រិកខាងត្បូងក្នុងរយៈពេល 14 ថ្ងៃក៏ត្រូវបានហាមឃាត់មិនឱ្យចូលផងដែរ។

៩.អាកាសយានដ្ឋានធំជាងគេរបស់ចអង់គ្លេសរងផលប៉ះពាល់មកពី Omicron

នៅឆ្នាំ 2021 អាកាសយានដ្ឋានធំជាងគេរបស់អង់គ្លេស Heathrow ទទួលបាន អ្នកដំណើរត្រឹមតែ 19.4 លាននាក់ប៉ុណ្ណោះ គឺតិចជាងមួយភាគបួននៃកម្រិតមុនការរាតត្បាត និងទាបជាងឆ្នាំ 2020 មិនតែប៉ុណ្ណោះ បន្ទាប់ពីមានបំប្លែងធាតុថ្មី Omicron បានបណ្តាលជើងហោះហើរជាច្រើនត្រូវលុបចោលក្នុងខែធ្នូ 12 ឆ្នាំមុន។

១០.ភាពចលាចលនៅកាហ្សាក់ស្ថានបង្កហានិភ័យយ៉ាងខ្លាំងដល់ទីផ្សារថាមពលពិភពលោក

បន្ទាប់​ពី​មាន​ស្ថិរភាព​អស់​រយៈពេល​ច្រើន​ឆ្នាំ ប្រទេសកាហ្សាក់ស្ថាន​ត្រូវរងបាតុកម្មហឹង្សាដ៏អាក្រក់បំផុតជាច្រើន មិនដែលមាន​ក្នុង​រយៈពេល ៣០ ឆ្នាំមក។ បាតុកម្មបានតវ៉ាជុំវិញការឡើងថ្លៃប្រេងឥន្ធនៈ បណ្តាលឱ្យប្រធានាធិបតីរបស់ប្រទេសនេះប្រកាសដាក់ប្រទេសក្នុងគ្រាអាសន្ន និងសុំជំនួយពីយោធាពីរុស្ស៊ី និងសម្ព័ន្ធមិត្តរបស់ខ្លួន។

 

 

 

 

 

 

 

 

VOH

Bình luận

Cùng chuyên mục

Đọc Báo