HOÀN THÀNH SỚM CÁC DỰ ÁN GIAO THÔNG, NGƯỜI DÂN PHẤN KHỞI
សម្រេចបណ្តាគំរោងការគមនាគមន៍ឆាប់ ធ្វើឲ្យប្រជាជនសប្បាយរីករាយ
កាលពីថ្ងៃទី ៨ ខេមករា, គណៈគ្រប់គ្រងគម្រោងវិនិយោគ សាងសង់បណ្តាសំណង់គមនាគមន៍ទីក្រុងហូជីមិញ បានបើកសន្និសីទបូកសរុបលទ្ធផលការងារឆ្នាំ ២០១៩ និងអនុវត្តកម្មវិធីការងារឆ្នាំ ២០២០ ។ សមមិត្ត Nguyễn Thiện Nhân ជាសមាជិកការិយាល័យនយោបាយ និងជាលេខាគណៈកម្មាធិការបក្សទីក្រុងហូជីមិញ បានចូលរួមនិងមានមតិបង្គាប់ការ។
មានសេចក្តីរាយការណ៍ក្នុងសន្និសីទ Lương Minh Phúc ជាប្រធានគណៈគ្រប់គ្រងចរាចរណ៍បានមានប្រសាសន៍ថា គណៈបានចាប់ផ្តើមប្រតិបត្តិពីខែឧសភាឆ្នាំ ២០១៩, ដោយឈរលើមូលដ្ឋាន បានរួមបញ្ជូល ៦ អង្គភាពគ្រប់គ្រងចរាចរណ៍របស់ក្រុង។ លទ្ធផលនៃការអនុវត្តន៍ក្នុងរយៈពេល ៨ ខែកន្លងមក គឺចំពោះការណែនាំគម្រោងការផ្លូវគោក គឺសម្រេចហើយស្រេចបែបបទសុំអនុម័តយល់ព្រមចំនួន ១១ គម្រោងការ, បន្តអនុវត្ត និងសាងសង់ហើយស្រេច ៩ គម្រោងការ។ ចំពោះបណ្តាគម្រោងខាងផ្លូវទឹក គឺត្រូវបំពេញបែបបទ និងចាប់ផ្តើមសាងសង់ ៥ គម្រោងការ បើកការដ្ឋានសាងសង់ និងសាងសង់ហើយស្រេច ១ គម្រោងការ។
គណៈដឹកនាំគម្រោងការស្តារ និងបូមខ្សាច់នៅក្នុងទន្លេ Soài Rạp ដំណាក់កាលទី ២ នឹងបន្តអនុវត្តការថែរក្សា បូមខ្សាច់ដោយយោងតាមយន្ដការសាកល្បងចាប់ពីឆ្នាំ ២០១៨-២០២០; ពន្លឿនល្បឿនសាងសង់កញ្ចប់ដេញថ្លៃទាំងអស់ នៃគម្រោងកែលម្អបរិស្ថានទឹកទីក្រុងដំណាក់កាលទី ២ ត្រឹមត្រូវតាមកំណត់ ... ចំពោះកិច្ចការពិនិត្យ ទទួលយក ការទូទាត់ ការប៉ាន់ស្មាននោះ គឺគិតចាប់ពីថ្ងៃទី ១៥ ខែមករា អត្រាដកប្រាក់សម្រេចបាន ៩៩,២% ជាមួយថវិការចំនួន ៣.៣៥៩ ពាន់លានដុង ហើយបានទូទាត់ ១២ គម្រោងហើយ ។
ថ្លែងសុន្ទរកថាបង្គាប់ការនៅក្នុងសន្និសីទ លោក Nguyễn Thiện Nhân ជាលេខាគណកម្មាធិការបក្សទីក្រុង បានមានប្រសាសន៍ថា ការចាប់បដិសន្ធិនៃគណៈគ្រប់គ្រងចរាចរណ៍ គឺជាការសម្រេចជាប្រវត្តិសាស្ត្រ។ នៅក្នុងទីក្រុងហូជីមិញ សំណង់ដែលត្រូវចំណាយលុយច្រើនជាងគេបំផុត គឺចរាចរណ៍តែម្តង, ដូច្នេះការរួមបញ្ចូលគ្នាទៅជាគណៈមួយ គឺជាបញ្ហាផ្លាស់ប្តូរថ្មីគ្រប់គ្រងយ៉ាងប្តូរផ្តាច់។ ទោះបីជាគណៈគ្រប់គ្រងចរាចរណ៍ បានដំណើរការអស់រយៈពេល ៨ ខែហើយ ប៉ុន្តែបានបំពេញភារកិច្ចនៃការងារនៃមួយឆ្នាំឯណោះ, គឺសម្រចបានអត្រាដកប្រាក់ដល់ថ្ងៃទី ៦ ខែមករា គឺចំនួន ៩៦,៩ ភាគរយ នេះជាតួលេខគួរឲ្យកោតសរសើរ។សមាជិកមួយរូបៗ នៅក្នុងគណៈនេះ គឺគិតជាមធ្យមក្នុងឆ្នាំ ២០១៩ ត្រូវទទួលខុសត្រូវចំណាយ ១០ ពាន់លានដុងដល់ទីក្រុង ហើយឆ្នាំនេះសមាជិកមួយរូបៗ ត្រូវសម្រេច ១៦ ពាន់លានដុង។ ទីក្រុងមានការកកស្ទះនានា, នោះគឺកកស្ទះចរាចរណ៍, ទឹក, និងសំរាម ប៉ុន្តែធំជាងគេគឺចរាចរណ៍តែម្តង។ នេះជាបញ្ហាដែលប្រជាជនងាយឃើញបំផុត គឺក្នុងរយៈពេល ៥ ឆ្នាំ,ចំនួនប្រជាជនកើនឡើង ១ លាននាក់, ៥ ឆ្នាំ ម៉ូតូកើនឡើង ១ លានគ្រឿង, ដូច្នេះ ត្រូវពង្រីកផ្លូវគមនាគមន៍, ធ្វើបន្ថែមស្ពាន, ដោយហេតុនេះហើយ កាតព្វកិច្ចរបស់គណៈនេះគឺធំណាស់។ មន្ទីរគមនាគមន៍និងដឹកជញ្ជូន ត្រូវគិតគូរអំពីយុទ្ធសាស្ត្រ, គោលនយោបាយ និងត្រួតពិនិត្យ។ រីឯខណ្ឌស្រុក ត្រូវធ្វើបែបបទសំណង និងរុះរើសំណង់នានា; ហើយអង្គភាពដែលអនុវត្តផ្ទាល់ គឺជាគណៈនេះតែម្តង។ កិច្ចការរុះរើ និងចេញសំណងជួបការលំបាក និងយឺតយ៉ាវ ដោយហេតុនេះហើយ តាំងពីរយៈពេលដើមឆ្នាំ ទីក្រុងត្រូវដោះស្រាយបញ្ហានេះ។ ហើយចំពោះទម្រង់ការនោះ គឺគណៈកម្មាធិការប្រជាជនក្រុង បានរាយការណ៍លើងលោកនាយករដ្ឋមន្រ្តីបាន ៦ ខែហើយ តែមិនទាន់ទទួលបានពាក្យតបមកវិញ ហើយទីក្រុងនឹងធ្វើលិខិតបញ្ជូនដើម្បីរំឭកបន្ត។
លោក Nguyễn Thiện Nhân បានស្នើថា ជារៀងរាល់ឆ្នាំ ត្រូវចុះហត្ថលេខាលើកម្មវិធីសហប្រតិបត្តិការ រវាងគណៈគ្រប់គ្រងចរាចរណ៍ ជាមួយខណ្ឌស្រុកនីមួយៗ រាប់ឈ្មោះមានប៉ុន្មានសំណង់គមនាគមន៍, ពេលណានឹងបានទទួលសំណង់ណា, ភាគីទាំងពីរបានសហការគ្នាអនុវត្ត, ហើយពេលនោះ ភាគីទាំងពីរសុទ្ធតែមានកម្មវិធីប្រតិបត្តិការ។
ក្រីពីនេះ លោកលេខាគណៈកម្មាធិការបក្សទីក្រុងហូជីមិញក៏បានស្នើឱ្យគណៈគ្រប់គ្រងគមនាគមន៍ មានជំនួយរហូតដល់កំពង់ផែ Cat Cat និងព្រលានយន្តហោះ Tan Son Nhat ដចូលរួមក្នុងគម្រោងតភ្ជាប់ជាមួយខេត្ត Tay Ninh, ត្រួតពិនិត្យការតភ្ជាប់ចរាចរណ៍ជាមួយទីប្រជំជនច្នៃប្រឌិត, បម្រើដល់គម្រោងបូមខ្សាច់ក្នុងទន្លេ Soài Rạp និងដឹកជញ្ជូនអ្នកដំណើរក្នុងទ្រង់ទ្រាយធំ៕
