ថ្លៃទំនិញកើនឡើងស្របនឹងថ្លៃប្រេងសាំង- Tiếng Khmer 14/05/2022

ព័ត៍មាននៅក្នុងប្រទេស

១.លោកឧបនាយករដ្ឋមន្រី្ត តម្រូវដល់ក្រសួងសុខាភិបាល ត្រូវម្ចាស់ការចាត់វិធានការទប់ស្កាត់ជំងឺរលាកថ្លើមដ៏អាថ៌កំបាំង

ខុទ្ទការល័យរដ្ឋាភិបាល បានប្រកាសមតិរបស់លោកឧបនាយករដ្ឋមន្ត្រី Vũ Đức Đam ស្តីពីការការពារជំងឺរលាកថ្លើមអាថ៌កំបាំង កំពុងកើតឡើងចំពោះកុមារនៅក្នុងប្រទេសមួយចំនួន។

យោងតាមនោះ ដើម្បីម្ចាស់ការទប់ស្កាត់ជំងឺនេះ លោកឧបនាយករដ្ឋមន្ត្រី បានតម្រូវដល់ក្រសួងសុខាភិបាល ត្រូវធ្វើការផ្លាស់ប្តូរ និងធ្វើបច្ចុប្បន្នភាពព័ត៌មានជាមួយអង្គការសុខភាពពិភពលោក អំពីជំងឺនេះ, មានផែនការទប់ទល់, រៀបចំធនធានមនុស្ស, មធ្យោបាយ, សម្ភារៈ និងឧបករណ៍សម្រាប់បង្ការ និងព្យាបាលជំងឺ, ដឹកនាំការពិនិត្យ, តាមដាន, ណែនាំការបង្ការ និងគ្រប់គ្រងជំងឺ រាយការណ៍ជូននាយករដ្ឋមន្ត្រីភ្លាមៗ នៅពេលជំងឺនេះ បានវិវឌ្ឍន៍ស្មុគស្មាញ។

២.ថ្លៃទំនិញកើនឡើងស្របនឹងថ្លៃប្រេងសាំង

ប្រជាជនជាច្រើន, ពិសេស គឺអ្នកមានប្រាក់ចំណូលទាប កំពុងរងផលប៉ះពាល់យ៉ាងខ្លាំង ពីការកើនឡើងនៃថ្លៃប្រេងសាំង នៅពេលដែលតម្លៃទំនិញភាគច្រើនបានឡើងថ្លៃ។ សូម្បីតែបាយ, ផើ, គុយទាវ...លក់តាមចិញ្ចើមថ្នល់ក៏បានចាប់ផ្តើមឡើងថ្លៃ ដោយសាររងសម្ពាធពីថ្លៃដើមកើនឡើង។

៣.ទីក្រុងហូជីមិញ,ខេត្ត Bình Dương  បានប្រជុំពិភាក្សាអំពីការបង្កើនការតភ្ជាប់ហេដ្ឋារចនាសម្ព័ន្ធគមនាគមន៍

គណៈកម្មាធិការបក្សទីក្រុងហូជីមិញ នឹងប្រជុំជាមួយគណៈកម្មាធិការបក្សខេត្ត Bình Dương អំពីការធ្វើផែនការយុទ្ធសាស្ត្រ និងលោតថ្លោះអំពី “ការអភិវឌ្ឍន៍សេដ្ឋកិច្ចក្នុងតំបន់”, បណ្តាគម្រោងតភ្ជាប់ហេដ្ឋារចនាសម្ព័ន្ធដឹកជញ្ជូន រវាងទីក្រុងហូជីមិញ និងខេត្ត Bình Dương ។ ពិសេស នឹងអនុវត្តឲ្យបានឆាប់ ចំពោះកិច្ចការពាក់ព័ន្ធដល់បណ្តាគម្រោងខ្សែក្រវាត់លេខ ៣ ឆ្លងកាត់ទីក្រុងហូជីមិញ, ខេត្ត Bình Dương, Đồng Nai និង Long An។

៤.សមាគមអតីតយុទ្ធជនទីក្រុងហូជីមិញ បានសាងសង់ថ្មី និងជួសជុលផ្ទះឧបការគុណ និងផ្ទះមនោសញ្ចេតនាជាង 200 ខ្នង

ដើម្បីរៀនតាមគំរូរបស់លោកប្រធានហូជីមិញនោះ ក្នុងឆ្នាំ ២០២២ សមាគមអតីតយុទ្ធជនទីក្រុងហូជីមិញ បានចុះឈ្មោះសាងសង់ និងជួសជុលផ្ទះឧបការគុណ និងផ្ទះមនោសញ្ចេតនាជាង ២០០ ខ្នង ជូនចំពោះសមាជិកសមាគមន៍អតីតយុទ្ធជន ស្មើរនឹងថវិកាជាង ៦ ពាន់លានដុង។

ព័ត៍មានអន្តរជាតិ

៥.ប្រធានាធិបតី​អាមេរិក​ សន្យា​នឹងជួយ​អាស៊ាន ១៥០​លាន​ដុល្លារ

លោកប្រធានាធិបតីសហរដ្ឋអាមេរិក Biden បានសន្យានៅក្នុងពេលកំពុងទទួលទានអាហារល្ងាច ជាមួយថ្នាក់ដឹកនាំបណ្តាប្រទេសអាស៊ាន នៅទីក្រុងវ៉ាស៊ីនតោនកាលពីថ្ងៃទី 12 ឧសភា មុនពេលចាប់ផ្តើមកិច្ចប្រជុំ នៅក្រសួងការបរទេសសហរដ្ឋអាមេរិកនៅថ្ងៃទី 13 ខែឧសភា។ យោងតាមនោះ សន្យារួមមាន នឹងជំនួយ 40 លានដុល្លារអាមេរិក សម្រាប់វិនិយោគហេដ្ឋារចនាសម្ព័ន្ធ ដើម្បីកាត់បន្ថយប្រភពថាមពលកាបូនក្នុងអាស៊ាន, 60 លានដុល្លារអាមេរិក សម្រាប់សន្តិសុខដែនសមុទ្រ, និងប្រមាន 15 លានដុល្លារអាមេរិក ជាជំនួយផ្នែកវេជ្ជសាស្រ្ត សម្រាប់ការរកឃើញដំបូងនៃជំងឺកូវីដ-19 និងជំងឺរាតត្បាតផ្សេងៗ។ ក្រៅពីនេះ ថវិការមួយចំនួនទៀត នឹងសម្រាប់ការអភិវឌ្ឍន៍សេដ្ឋកិច្ចឌីជីថល និងច្បាប់បញ្ញាសិប្បនិម្មិត។ ចំពោះសន្តិសុខដែនសមុទ្រ សេតវិមានបាននិយាយថា ប្រាក់នេះ សម្រាប់គំនិតផ្តួចផ្តើមដែនសមុទ្រថ្មី រួមទាំងការដាក់ពង្រាយនាវាឆ្មាំសមុទ្រ និងកម្លាំងយាមល្បាតរបស់សហរដ្ឋអាមេរិក ដើម្បីប្រយុទ្ធប្រឆាំងនឹងឧក្រិដ្ឋកម្មនៅសមុទ្រក្នុងតំបន់។

៦.ប្រទេសចិន បាន​បញ្ជាក់ថា នឹង​ជួយប្រទេស​កូរ៉េ​ខាង​ជើងជានិច្ច ​ក្នុង​ការទប់ទល់នឹង​ជំងឺ​កូវីដ-១៩

ប្រទេសចិនបានប្រកាសថា ខ្លួនត្រៀមខ្លួនជាស្រេច ដើម្បី "ឧបត្ថម្ភទាំងស្រុង"ដល់ប្រទេសកូរ៉េខាងជើង ក្នុងការទប់ទល់នឹងជំងឺរាតត្បាត COVID-19, បន្ទាប់ពីទីក្រុងព្យុងយ៉ាង បានប្រកាសរកឃើញករណីវិជ្ជមាននឹង SARS-CoV-2ដំបូង  និងបានប្រកាសដាក់ប្រទេសក្នុងគ្រាអាសន្ន។

ទោះជាជាយ៉ាងណាក៏ដោយ មកដល់ពេលនេះ ប្រទេសកូរ៉េខាងជើង បានបដិសេធមិនអនុវត្តកម្មវិធីចាក់វ៉ាក់សាំង COVID-19 ណាមួយ រួមទាំងការទទួលឧបត្ថម្ភពីអង្គការសុខភាពពិភពលោក (WHO), ប្រទេសចិន និងប្រទេសរុស្ស៊ី។

៧.អឺរ៉ុបកំពុងប្រឈមនឹងវិបត្តិឧស្ម័នរាវ

សហភាពអឺរ៉ុបកំពុងប្រឈមនឹងវិបត្តិ នៅរដូវរងាខាងមុខ, ខណៈដែលទ្វីបនេះព្យាយាមកំណត់លំហូរឧស្ម័នរបស់ប្រទេសរុស្ស៊ី។ អតុល្យភាពនៃការផ្គត់ផ្គង់ និងតម្លៃខ្ពស់ នឹងជំរុញថ្លៃសាងសង់គម្រោងឧស្ម័នធម្មជាតិរាវកើនឡើងផងដែរ។ ប្រសិនលំហូរឧស្ម័នរាវពីប្រទេសរុស្ស៊ី ទៅកាន់អឺរ៉ុប ត្រូវឈប់នៅពេលនេះ គឺ បរិមាណឧស្ម័នកំពុងបានស្តុក (ប្រមាន 35% ) អាចនឹងប្រើអស់ មុនដំណាច់ឆ្នាំនេះ  បណ្តាលឱ្យអឺរ៉ុបត្រូវឆ្លងកាត់រដូវរងាដ៏អាក្រក់។

៨.ប្រទេសអ៊ីរ៉ាក់ ឈានដល់កិច្ចព្រមព្រៀងជាមួយអ៊ីរ៉ង់ដើម្បីធានាការនាំចូលឧស្ម័ន

ប្រទេសអ៊ីរ៉ាក់ បានយល់ព្រមសងបំណុលចំនួន 1,6 ពាន់លានដុល្លារអាមេរិក ដល់ប្រទេសអ៊ីរ៉ង់ នៅដើមខែមិថុនានេះ ដើម្បីធានាឱ្យមានការផ្គត់ផ្គង់ឧស្ម័នស្ថិរភាព សម្រាប់ផលិតថាមពលនៅរដូវក្តៅ។ បំណុលនេះ គឺជាលុយដែលអ៊ីរ៉ាក់ទិញឧស្ម័នពីអ៊ីរ៉ង់ក្នុងឆ្នាំ 2020 ។

៩.ប្រទេសស្ស៊ី បានដាក់ទណ្ឌកម្មបណ្តាក្រុមហ៊ុនថាមពលលោកខាងលិច

យោងតាមអាជ្ញារបស់រដ្ឋាភិបាលនៃប្រទេសរុស្ស៊ី ដែលបានប្រកាសថ្ងៃទី 11 ខែឧសភា គឺទីក្រុងម៉ូស្គូ បានដាក់ទណ្ឌកម្មជាង ៣០ ក្រុមហ៊ុនថាមពល របស់សហភាពអឺរ៉ុប (EU), សហរដ្ឋអាមេរិក និងសិង្ហបុរី។

១០.ប្រទេសហ្វាំងឡង់ បានប្រកាសចូលជាសមាជិក NATO

ក្នុងសេចក្តីប្រកាស់រួមមួយកាលពីថ្ងៃទី 12 ឧសភា ប្រធានាធិបតីនៃប្រទេសហ្វាំងឡង់ និងនាយករដ្ឋមន្ត្រីនៃប្រទេសនេះ បាននិយាយថា ហ្វាំងឡង់នឹងដាក់ពាក្យចូលរួមជាមួយអង្គការសន្ធិសញ្ញាអាត្លង់ទិកខាងជើង (NATO)។

 

 

 

 

 

 

 

 

VOH

Bình luận

Đọc Báo