BẢN TIN TRONG NƯỚC THỨ SÁU 13/12/2019

ព័ត៌មាននៅក្នុងប្រទេស

១.លើកកម្ពស់សា្មរតីសាមគ្គីភាព, ការអភិវឌ្ឍសេដ្ឋកិច្ចការ, កាត់បន្ថយភាពក្រីក្រយ៉ាងឆាប់រហ័សនិងប្រកបដោយចីរភាព

ដោយពង្រឹងនូវស្មារតីសាមគ្គីភាព, ការអភិវឌ្ឍសេដ្ឋកិច្ច, ការកាត់បន្ថយភាពក្រីក្រយ៉ាងឆាប់រហ័សនិងប្រកបដោយចីរភាព គឺជាការបង្គាប់ការរបស់លោក Đỗ Văn Chiến ជារដ្ឋមន្ត្រី និងជាប្រធានគណៈកម្មាធិការជនជាតិភាគតិច ក្នុងសន្និបាតជនជាតិភាគតិចលើកទី ៣ ឆ្នាំ ២០១៩ នៅខេត្ត Soc Trang  ដែលបានរៀបចំឡើងនៅថ្ងៃទី ៩ ខែធ្នូ។ លោករដ្ឋមន្រ្តីក៏បានស្នើដល់គណៈកម្មាធិការបក្សខេត្ត Sóc Trăng  គឺនារយៈពេលខាងមុខ ត្រូវបន្តដឹកនាំការអនុវត្តល្អនៃសេចក្តីសម្រេចចិត្តរបស់បក្សរដ្ឋសភា និងរដ្ឋាភិបាល ស្តីពីកិច្ចការជនជាតិដើម្បីថែរក្សាឱ្យបានល្អប្រសើរសម្រាប់ជនជាតិភាគតិច។

ផ្តោតលើការអនុវត្តលុបបំបាត់ភាពក្រីក្រប្រកបដោយប្រសិទ្ធភាព, អនុវត្តគោលដៅ“ មិនចោលអ្នកណាទាំងអស់” ជាដើម, គឺក្នុងរយៈពេល ៥ ឆ្នាំកន្លងមកនេះដោយបានអនុវត្តប្រកបដោយប្រសិទ្ធភាព នូវគោលការណ៍ណែនាំ និងគោលនយោបាយរបស់បក្សនិងរដ្ឋ បានជាំ បច្ចុប្បន្ននេះទូទាំងខេត្ត មានគ្រួសារក្រីក្រចំនួន ១៥,៨៩០ គ្រួសារស្មើនឹង ៤,៩១% នៃចំនួនគ្រួសារសរុបក្នុងនោះមានជនជាតិភាគតិចក្រីក្រជាង ៨ ពាន់គ្រួសារដែលស្មើនឹង ៥១% នៃសរុបគ្រួសារក្រីក្រក្នុងខេត្ត គឺខ្ពស់ជាងកម្រិតមធ្យមរួមរបស់ខេត្ត ១០ ដង។

២. កាកបាទក្រហមទីក្រុងបានចុះសួរសុខទុក្ខ ជូនអំណោយ និងពិនិត្យសុខភាពដល់សិល្បករឯកោ

កម្មវិធី“ទីកន្លែងនៃក្តីស្រឡាញ់” បានទៅសួរសុខទុក្ខសិល្បករឯកោ នៅមណ្ឌលមនុស្សចាស់សិល្បក ស្ថិតនៅសង្កាត់ ៣ ខណ្ឌលេខ ៨ នៃទីក្រុងហូជីមិញ។​ក្រុមអ្នកស្ម័គ្រចិត្តកាកបាទក្រហមទីក្រុងបានពិនិត្យ និងផ្តល់ប្រឹក្សាដល់សិល្បករ។ រៀបចំការទទួលទានបាយស្និតស្នាល់ ជាមួយសិល្បករវ័យចំណាស់។ បោសសំអាតបន្ទប់ តំបន់ជុំវិញមណ្ឌលមនុស្សចាស់សម្រាប់ការពារជំងឺ។ ទន្ទឹមនឹងនោះ ជាមួយបំណងនាំមកភាពសប្បាយរីករាយដល់សិល្បករឯកោនោះ កម្មវិធីបានផ្លាស់ប្តូរការសម្តែងចម្រៀន“ ចំរៀងនិទាឃរដូវមនោសញ្ចេតនា” និងជូនអំណោយអំណរឆ្នាំថ្មី រួមមាននំ, ស្ករគ្រាប់ និងសាច់ប្រាក់ដល់សិល្បករ។

៣. រីករាយនឹងវប្បធម៌របស់បងប្អូនជនជាតិCao Lan

បងប្អូនជនជាតិ Cao Lan  គឺជាជនជាតិមួយក្នុងចំណោមជនជាតិភាគតិចដែលមានចំនួនប្រជាជនច្រើនជាងគេរស់នៅឃុំ Hà Thượng ស្រុកĐại Từ (Thái Nguyên)។ ដោយបានអភិវឌ្ឍសេដ្ឋកិច្ចព្រៃឈើ, ការចិញ្ចឹមសត្វ និងពាណិជ្ជកម្មរ បានជាមកដល់ពេលនេះ មិនមានគ្រួសារក្រីក្រនៅទីនេះទេ ក៏ប៉ុន្តែលក្ខណៈវប្បធម៌ប្រពៃណី និងប្រពៃណីជាច្រើនរបស់បងប្អូនត្រូវបានបាត់បង់ជាបណ្តើរ ៗ ។ប្រឈមនឹងស្ថានភាពនេះ អាជ្ញាធរមូលដ្ឋាន ស្ថាប័នអាជីវកម្ម និងសហគមន៍មានសកម្មភាពសកម្មជាច្រើន ដើម្បីថែរក្សា និងលើកកម្ពស់តម្លៃវប្បធម៌របស់បងប្អូនជនជាតិ Cao Lan ។

៤.ចាប់រថយន្តកុងតឺន័របានដឹកសរីរាង្គសត្វក្លិនស្អុយជាង ១០ តោន

កងកម្លាំងចល័ត នៃនាយកដ្ឋានគ្រប់គ្រងទីផ្សារ Hà Tĩnh បានសហការជាមួយនគរបាលចរាចរណ៍ បានចាប់បានរថយន្តកុងតឺន័រមួយគ្រឿង ដឹកសរីរាង្គសត្វមានក្លិនស្អុយឆ្លងកាត់ទីរួមស្រុក Kỳ Anh (Hà Tĩnh) ។ នៅពេលពិនិត្យខាងក្នុងនៃកុងតឺន័រ ក្រុមការងារបានរកឃើញសរីរាង្គសត្វមួយចំនួនធំជាភាគច្រើនគឺពោះវៀនជ្រូកភាយក្លិនស្អុយ។ ហើយកម្លាំងមានសមត្ថកិច្ចកំពុងបំពេញសំណុំឯកសារ និងកំចាត់ចោលសរីរាង្គខូចគុណភាពទាំងនេះ តាមការកំណត់របស់ច្បាប់។

៥- ពិនិត្យនិងព្យាបាលជំងឺដោយឥតគិតថ្លៃដល់ប្រជាជននៅឃុំព្រំដែនThanh Hóa

ថ្មីៗនវ ក្រុមការងារមកពីខេត្ត Thanh Hóa  បានសហការជាមួយឃុំ Yên Khương  រៀបចំកម្មវិធីពិនិត្យ ព្យាបាលជំងឺ​និងផ្តល់ថ្នាំដោយឥតគិតថ្លៃដល់ប្រជាជននៅភូមិ Sắng HằngឃុំYên Khươngស្រុក Lang Chánh។វេជ្ជបណ្ឌិតវ័យក្មេងបានពិនិត្យជំងឺ និងបានណែនាំការយល់ដឹង និងជំនាញក្នុងការការពារជំងឺ។ ផ្តល់និងចែកថ្នាំឥតគិតថ្លៃ ដល់ប្រជាពលរដ្ឋជិត ៣០០ នាក់នៅក្នុងភូមិ សាSắng Hằng។ ហើយក្នុងចំណោមនេះ មានករណីមួយចំនួនមានជំងឺធ្ងន់ បានទទួលការពិគ្រោះយោបល់ និងបញ្ជូនទៅព្យបាលនៅមន្ទីរពេទ្យធំ

ព័ត៌មានពិភពលោក

6. មិនរកឃើញសញ្ញាមានអ្នកនៅរស់នៅតំបន់ផ្ទុះភ្នំភ្លើងនៅញូវែលសេឡង់

លោកនាយករដ្ឋមន្រ្តីនៃប្រទេសនូវែលហ្សេឡង់  Jacinda Ardern បានអំណះអំណាងថា“ មិនឃើញមានសញ្ញាមានមនុស្សរស់នៅ នៅកន្លែងផ្ទុះភ្នំភ្លើង។ សេចក្តីថ្លែងការណ៍របស់នាយករដ្ឋមន្រ្តីនូវែលសេឡង់ធ្វើឡើងបន្ទាប់ពីឧទ្ធម្ភាគចក្រនិងយន្តហោះជួយសង្គ្រោះបានហោះឈ្លបយកការណ៍ជាច្រើនជុំ។ បានដឹងថា មានមនុស្ស ៥ នាក់ត្រូវបានគេអះអាងថាបានស្លាប់ហើយ ៨ នាក់ផ្សេងទៀតនៅតែបាត់ខ្លួន ដោយត្រូវសន្មតថាបានស្លាប់ បន្ទាប់ពីផ្ទុះភ្នំភ្លើងមួយនៅលើកោះWhite Island  នៃប្រទេសញូវែលសេឡង់

៧.ឱកាសសន្តិភាពសម្រាប់អ៊ុយក្រែនខាងកើត

បន្ទាប់ពី“ ភាពស្ងៀមស្ងាត់” អស់រយៈពេល ៣ ឆ្នាំកន្លងមក គឺថ្មីៗនេះ កិច្ចប្រជុំកំពូលNormandy  រវាងមេដឹកនាំនៃប្រទេសរុស្ស៊ី, អ៊ុយក្រែន, បារាំង និងអាឡឺម៉ង់ ត្រូវបានធ្វើឡើងនៅទីក្រុងប៉ារីស (នៃប្រទេសបារាំង) ។ ប្រការនេះត្រូវបានចាត់ទុកថា បានបើកចេញនូវឱកាសមួយ ដើម្បីបើកកិច្ចពិភាក្សារវាងភាគីនានាស្វែងរកដំណោះស្រាយបញ្ចប់ជម្លោះដែលមានរយៈពេល ៥ ឆ្នាំនៅអ៊ុយក្រែនខាងកើត។

៨.ប្រទេសជប៉ុននិងរុស្ស៊ីជំរុញការចរចាឆ្ពោះទៅរកសន្ធិសញ្ញាសន្តិភាពមួយ។

លោក Toshimitsu Motegi ជារករដ្ឋមន្រ្តីក្រសួងការបរទេសជប៉ុន បានប្រកាសថា លោកនឹងមានដំណើរទស្សនកិច្ចរយៈពេល ៥ ថ្ងៃទៅកាន់ប្រទេសរុស្ស៊ីនៅសប្តាហ៍ក្រោយ ដើម្បីចរចាជាមួយសមភាគីប្រទេសម្ចាស់ផ្ទះ គឺលោក Sergey Lavrov  អំពីសន្ធិសញ្ញាសន្តិភាពរវាងប្រទេសទាំងពីរ។

ថ្លែងសុន្ទកថានៅក្នុងសន្និសីទសារព័ត៌មាននេះ លោក Toshimitsu Motegi បាននិយាយថាកិច្ចពិភាក្សានានាចំពោះពេលខាងមុខ ជាមួយរដ្ឋមន្ត្រីការបរទេសរុស្ស៊ី Sergey Lavrov នឹងចាប់ផ្តើមនៃកិច្ចចរចារ ដើម្បីដោះស្រាយជម្លោះដែនដី និងចុះហត្ថលេខាលើសន្ធិសញ្ញាសន្តិភាពរវាងប្រទេសទាំងពីរ។

៩.ចំណូលនៃលក់អាវុធសកលកើនឡើង

យោងតាមរបាយការណ៍ ដែលរាយការណ៍ដោយវិទ្យាស្ថានស្រាវជ្រាវសន្តិភាពអន្តរជាតិ Stockholm (SIPRI)  កាលពីថ្ងៃទី ៩ ខែធ្នូ បានដឹងថា ចំណូលនៃការលក់អាវុធនៅទូទាំងពិភពលោកបានកើនឡើងជិត ៥% ក្នុងឆ្នាំ ២០១៨

BÀI CHUYÊN ĐỀ ĐẠI HỘI ĐẠI BIỂU CÁC DÂN TỘC THIỂU SỐ LẦN THỨ III  THỨ SÁU 13/12/2019

BÀ CON DÂN TỘC CHỨT VUI ĐÓN TẾT CHĂM CHA BỚI

បងប្អូនជនជាតិ CHỨT អំណរឆ្នាំថ្មី CHĂM CHA BỚI

ជារៀងរាល់ឆ្នាំបងបង្អូនជនជាតិ Chut នៅភូមិ Rao Tre (ឃុំ Huong Lien ស្រុក Huong Khe ខេត្ត Ha Tinh) រៀបចំធ្វើពិធីបុណ្យចូលឆ្នាំថ្មីប្រពៃណីជាតិចំនួន ២ គឺ បុណ្យចូលឆ្នាំលុបរណ្តៅ នៅថ្ងៃទី ៧ ខែជេស្នតាមប្រតិទិនច័ន្ទគតិ និងបុណ្យចូលឆ្នាំ Chăm Cha Bới នៅអស្សុជតាមប្រតិទិនច័ន្ទគតិ។

លោកវរសេនីយ៍ទោ Nguyễn Văn Sâm នាយប៉ុស្តិ៍ការពារព្រំដែន Bản Giàng (នៃកងទ័ពការពារព្រំដែនខេត្តHà Tĩnh) បានឲ្យដឹងថា អង្គភាពនេះទើបបានសហការជាមួយអាជ្ញាធរមូលដ្ឋាន រៀបចំឲ្យប្រជាជនជនជាតិChứt  នៅភូមិ Rào Tre ឃុំ Hương Liên ស្រុកHương Khê រីករាយសអំណរឆ្នាំថ្មី Chăm Cha Bới ២០១៩ ។

ហើយតាមទំនៀមទម្លាប់ ជារៀងរាល់ឆ្នាំ បងប្អូនជនជាតិ Chut នៅភូមិ Rao Tre ឃុំ Huong Lien រៀបចំពិធីបុណ្យចូលឆ្នាំថ្មីជាតិខ្លួន ចំនួន ២លើក គឺ បុណ្យចូលឆ្នាំ ថ្ងៃទី ៧ ខែជេស្នតាមប្រតិទិនចន្ទគតិ និងបុណ្យចូលឆ្នាំថ្មី Chăm Cha Bới នៅខែអស្សុជ ។

ពិធីបុណ្យចូលឆ្នាំថ្មី Chăm Cha Bới  នៅបានហៅថា ជាពិធីអបអរស្រូវថ្មី ដែលជាពិធីបុណ្យប្រពៃណីរបស់ជនជាតិChứt ត្រូវបានរៀបចំប្រចាំ បន្ទាប់ពីប្រមូលផលត្រូវរួចរាល់ និងត្រៀមសម្រាប់រដូវស្រូវថ្មី។ នេះជាឱកាសសម្រាប់អ្នកភូមិទិញតង្វាយដើម្បីថ្លែងអំណរគុណដល់ផែនដីនិងមេឃ, ដល់ភ្លៀងនិងខ្យល់ ដែលបានផ្តល់ផលដំណាំដល់ពួកគេគ្រប់ៗគ្នាអោយមានសុខភាពល្អនិងកូនចៅមានការរីកចំរើន,  ជីវិតរស់នៅដោយសុខស្រួល, មានសុភមង្គលនិងបួងសួងដល់រដូវស្រូវថ្មី ឲ្យបន្តមានភ្លៀងនិងខ្យល់ល្អ។

កាលពីមុននេះ នៅពេលដែលរស់នៅជ្រៅក្នុងព្រៃ ជីវិតរស់នៅចល័ត   និងខ្វះមុខខ្វះក្រោយ បានជា នៅថ្ងៃថ្ងៃបុណ្យចូលឆ្នាំ Chăm Cha Bới បងប្អូនជនជាតិ Chứt ច្រើនតែបរបាញ់សត្វ និងមាន់ព្រៃ ...យកទៅថ្វាយប៉ុណ្ណោះ។ ប្រមានជានៅឆ្នាំ ២០០១ មកដល់ពេលនេះ នៅពេលត្រូវបានកងទ័ពការពារព្រំដែនខេត្ត Ha Tinh បានរកឃើញ និងនាំយកទៅរស់នៅក្នុងភូមិ Rao Tre ឃុំ Huong Lien បឺប្រជាជន Chut ទើបមានបរិយាកាសអំណរឆ្នាំថ្មីដោយសុខដុមរម្យនា និងសម្បូរជាងមុន។

ដើម្បីរៀបចំឲ្យថ្ងៃបុណ្យចូលឆ្នាំថ្មីឆ្នាំនេះ ប៉ុស្តិ័ការពារព្រំដែនភូមិ Giàng និងរដ្ឋអំណាចមូលដ្ឋាន បានផ្គត់ផ្គង់ស្បៀងអាហារជូនប្រជាជន។

ក្រៅពីនេះគណៈកម្មាធិការប្រជាជនស្រុកនិងគណៈកម្មាធិការរណសិរ្សមាតុភូមិស្រុក Hương Khê នូវបានជំនួយបន្ថែមថវិកាចំនួន ២១ លានដុងដល់ ៤២ក្រុមគ្រួសា សម្រាប់ប្រជាជនទិញសាច់ជ្រូក,ទិញត្រី, អង្ករដំណើប  ។ ក៏នៅក្នុងឱកាសនេះដែរ, អង្គភាពមួយចំនួនក៏បាន ប្រគល់អំណោយចំនួន ៤២ ចំណែក ដែលមួយចំណែកមានតម្លៃ ៣០០,០០ដុង ដល់ ៤២ ក្រុមគ្រួសារ ។

ជាមួយនឹងសកម្មភាពដែលបានរៀបចំជារៀងរាល់ឆ្នាំនៅថ្ងៃបុណ្យនានា ... របស់កងទ័ពការពារដែនខេត្ត Ha Tinh នោះ គឺនៅមានអង្គការមហាជនជាច្រើនក៏បានចូលរួមឧបត្ថម្ភដល់បងប្អូនជនជាតិ Chut នៅភូមិ Rao Tre ឃុំ Huong Lien  ស្រុក Hương Khê  សម្រាប់រក្សានិងលើកស្ទួយប្រពៃណីរបស់ជនជាតិខ្លួន៕