Tiếng Khmer 12/01/2021

LIÊN ĐOÀN LAO ĐỘNG QUẬN 1 LINH ĐỘNG CHĂM LO CÔNG NHÂN, NGƯỜI LAO ĐỘNG BỊ ẢNH HƯỞNG DỊCH COVID-19

សហព័ន្ធពលកម្មខណ្ឌលេខ ១បានថែរក្សាដល់ជីវិតរស់នៅរបស់កម្មករ និងពលករដែលត្រូវរងផលប៉ះពាល់ដោយការរាតត្បាតនៃជំងឺកូវិដ-១៩

ថ្មីៗនេះ សហព័ន្ធពលកម្មសង្កាត់ ១ នៃទីក្រុងហូជីមិញ បានរៀបចំសន្និសីទបូកសរុបលទ្ធផលការងារឆ្នាំ ២០២០ និងដាក់ចេញនូវទិសដៅប្រតិបត្តិសម្រាប់ឆ្នាំ ២០២១ ។

ក្នុងឆ្នាំ ២០២០, កម្មករ និង និយោជិកបានយកចិត្តទុកដាក់យ៉ាងខ្លាំង  ចំពោះការរីករាលដាលនៃជំងឺ Covid-19 ដែលកើតឡើងនៅក្នុងប្រទេសវៀតណាម និងនៅជុំវិញពិភពលោក។ ផលប៉ះពាល់នៃរោគរាតត្បាតបាននេះ បានជះឥទ្ធិពលខ្លាំង ដល់ចិត្តសាស្ត្រនិងជីវិតរស់នៅរបស់កម្មករ។ សហព័ន្ធពលកម្ម សង្កាត់ ១ បានម្ចាស់ការក្តាប់យកព័ត៌មាន និងមានភាពស្វាហាប់ជាច្រើន ដោយមានដំណោះស្រាយឃោសនា អំពីផលអាក្រក់, ការបង្ការជំងឺ ក៏បានជួយឱ្យកម្មករ និងនិយោជិកភាគច្រើន យល់ព្រម និងគាំទ្រចំពោះគោលការណ៍ និងវិធានការ របស់រដ្ឋាភិបាល ក្នុងការការពារ និងទប់ស្កាត់ការរាតត្បាតរបស់ជំងឺ Covid-19 ; មានការយល់ដឹងដោយមិនចូលរួមក្នុងការប្រមូលផ្តុំគ្នាច្រើន...ជាដើម។ ដោយបានអនុវត្តតាមការណែនាំរបស់សហព័ន្ធពលកម្មទីក្រុងអ ខណ្ឌលេខ ១ បានរៀបចំការថែរក្សាដល់ជីវភាពរស់នៅរបស់មាជិកសហជីពជាង ១៧០០ នាក់ បានចំនួន ៥លើក តាមមុខសញ្ញាដូចជា៖សមាជិកនារីនៃសហជីពបានមានផ្ទៃពោះ. កំពុងចិញ្ចឹមកូនតូចត្រូវបន្ថយចំណូល; សមាជិកសហជីពដែលត្រូវបាត់បង់ការងារ ឬ បន្ថយចំណូល…ជាមួយថវិការសម្រាប់ថែរក្សាជិត ២ ពាន់លានដុង។ក្នុងអំឡុងពេលធ្វើសកម្មភាពក្នុងខែកម្មករឆ្នាំ ២០២០,  អនុវត្តកម្មវិធី“ រួមដំណើរជាមួយអាជីវកម្មដ្ឋាន”, គឺសហព័ន្ធពលកម្មសង្កាត់លេខ ១ បានធ្វើការតភ្ជាប់, អាជីវកម្មបានចុះហត្ថលេខាលើកិច្ចសន្យាផ្តល់ប្រាក់កម្ចីសម្រាប់សហគ្រាសដែលរងផលប៉ះពាល់ចំនួន ៩ ដែលត្រូវរងផលប៉ះពាល់មកពីជំងឺរាតត្បាត ជាមួយទឹកប្រាក់ជិត ១៣០ ពាន់លានដុង, ជួយឲ្យសហគ្រាសនានាជំនះការលំបាក, ស្ថេរភាពផលិតកម្ម និងអាជីវកម្ម បន្ទាប់ពីអនុវត្តគម្លាតសង្គមដោយសារការរីករាលដាលនៃជំងឺ Covid-19 ។

ទន្ទឹមនឹងនោះ អនុវត្តនូវកម្មវិធី  "ផលប្រយោជន៍សម្រាប់សមាជិកសហជីព"នោះ, គឺឆ្នាំកន្លងទៅ សហព័ន្ធពលកម្មខណ្ឌ បានចុះហត្ថលេខាលើកិច្ចព្រមព្រៀងសហប្រតិបត្តិការជាមួយអង្គភាពថ្មីចំនួន ៤, បានជួយឲ្យសមាជិកសហជីព និងពលកររាប់ពាន់នាក់ បានប្រើប្រាស់ផលិតផល និងទំនិញបានរបញ្ចុះថ្លៃពី ១០% ទៅ ៤០%; សហការជាមួយគណៈកម្មាធិការរណសិរ្យមាតុភូមិខណ្ឌ  ដើម្បីរៀបចំនូវ“ ថ្ងៃបុណ្យទំនិញវៀតណាម” ដែលមានការចូលរួមពីសហគ្រាសចំនួន ៤០ និងអង្គការមីក្រូហិរញ្ញវត្ថុ CEP  បាននាំមកនូវផលិតផលលក់បញ្ចុះថ្លៃពី ១០% - ៥០%, តាមរយៈនេះ បានជួយឲ្យពលករទាំងអស់គ្នាបានទទួលផលនូវទឹកប្រាក់ជិត ៣០០ លានដុង សម្រាប់ឆ្លងកាត់ការលំបាក ស្ថេរភាពជីវភាពរស់នៅ។

ដើម្បីដំណោះទិសក្នុងការឃោសនា ជូនដល់សហព័ន្ធពលកម្មខណ្ឌលេខ ១ ក្នុងឆ្នាំ ២០២១ នោះ, លោក Nguyễn Chí Tâm ជាអនុប្រធានសហព័ន្ធពលកម្មទីក្រុងហូជីមិញបានបញ្ជាក់ថា៖ “យើងត្រូវយកចិត្តទុកដាក់ដល់កិច្ចការឃោសនា ដើម្បីជួយឲ្យសមាជិកសហជីព និងពលកររបស់យើង ក្តាប់ជាប់នូវក្រមពលកម្មដែលមានសុពលភាពក្នុងឆ្នាំ ២០១៩,  មានខ្លឹមសារទាក់ទងនឹងសកម្មភាពសហជីព, ទាក់ទងនឹងកម្មករ, ទាក់ទងនឹងសមាជិកសហជីព, ទាក់ទងដល់អង្គភាពសហជីព, អង្គភាពពលករ។ កិច្ចការនេះ ត្រូវបានសហព័ន្ធពលកម្មធ្វឿការហ្វឹកហាត់ ដល់កម្មាភិបាលសហជីពហើយ,  គឺយើងត្រូវយកចិត្តទុកដាក់ក្នុងការអនុវត្តកិច្ចការនេះ ដើម្បីជួយឲ្យសមាជិកសហជីព និង ពលករបានយល់ និងអនុវត្តត្រឹមត្រូវតាមច្បាប់” ។

ថ្លែងបង្គាប់ការក្នុងអង្គប្រជុំ លោកស្រី Trần Kim Yến ជាលេខាគណកម្មាធិការបក្សខណ្ឌលេខ ១ បានគូសបញ្ជាក់ថា៖ “ ឆ្នាំ ២០២១ បទដ្ឋាប 5K របស់ក្រសួងសុខាភិបាលនៅតែមានសុពលភាព, អនុវត្តបានល្អកិច្ចការនេះ សម្រាប់យើងដឹងថា ការការពារជំងឺ មិនមែនសម្រាប់តែយើងម្នាក់ឯងនោះទេ។ យើងកំពុងស្ថិតក្នុងភាពម្ចាស់ការក្នុងការការពារជំងឺកូវីដ គឺមិនត្រូវបណ្តោយឲ្យជំងឺនេះ ប៉ះពាល់ដល់បណ្តាសកម្មភាពរបស់ខ្លួន របស់ក្រុមគ្រួសារយើង របស់សហគមន៍ និងស្ថាប័នអាជីវកម្ម។ ការចំណាំទីពីរគឺ ការអនុវត្តនូវសេចក្តីសម្រេចរបស់រដ្ឋសភា គឺជាការបោះឆ្នោត។  សហជីពគ្រប់ជាន់ថ្នាក់ នឹងបន្តជំរុញកិច្ចការឃោសនា ជួយឲ្យសមាជិកសហជីព  កម្មករ និងពលករបានយល់ច្បាស់នូវអត្ថន័យ និងអនុវត្តឲ្យបានល្អនូវសិទ្ធិរបស់ខ្លូនក្នុងសកម្មភាពបោះឆ្នោត”។

ហើយក្នុងឱកាសនេះ សហព័ន្ធពលកម្មខណ្ឌលេខ ១នៃទីក្រុងហូជីមិញ បានមានកិត្តិយស បានទទួលទង់ប្រឡងប្រណាំង ជា“អង្គភាពសម្រេចភារកិច្ចរបស់ខ្លួនដោយឆ្នើម” ឆ្នាំ ២០២០ ដែលប្រគល់ដោយសម្ព័ន្ឌពលកម្មទីក្រុង៕

 

 

ខេត្ត LÀO CAI បានផ្តោតចិត្តជាសំខាន់ក្នុងការលើកកម្ពស់ប្រសិទ្ធិភាពសេដ្ឋកិច្ចរបស់ព្រៃ

ផ្ទៃដីរុក្ខកម្ម និងដីព្រៃនៅខេត្ត  Lào Cai  ស្មើរនឹង ២ ភាគ ៣ នៃដីធម្មជាតិ (គឺ៣២៧.០០០ ហិកតា), ក្នុងនោះផ្ទៃដីព្រៃឈើមានចំនួន ២៨៦.០០០ ហិកតា។ ប្រជាជននៅខេត្ត  Lào Cai ជាង ៨០% គឺជនជាតិភាគតិច បានប្រកបរបរដោយពឹងផ្អែកលើធនធានព្រៃឈើ។ លើកកម្ពស់ប្រាក់ចំណូលប្រចាំពីព្រៃឈើ សម្រាប់ប្រជាជនគឺ ជាគោលដៅនៃការអភិវឌ្ឍសេដ្ឋកិច្ចព្រៃឈើរបស់ខេត្តក្នុងប៉ុន្មានឆ្នាំខាងមុខនេះ។

ចាប់ពីឆ្នាំ ២០១៦ មក, ស្រុក Bảo Yên បានផ្លាស់ប្តូរវិធីជំនួយដល់ប្រជាជនបានដាំព្រៃផលិតកម្ម ពីការទូទាត់ប្រាក់មុន ទៅជាទូទាត់ប្រាក់ក្រោយ។ នៅពេលដើមឈើរបស់ប្រជាជន ត្រូវបានពិនិត្យនិងទទួលយកនៅនឹងចំការ, និងលើកូនភ្នំ ដែលសម្រេចបានលក្ខណៈគ្រប់គ្រាន់ ទើបបានទទួលប្រាក់ឧបត្ថម្ភ។ អនុវត្តតាមរបៀបនេះ គឺកាលពីមុន បានផ្តល់ពូជឈើដល់ប្រជាជន គឺក្រុមគ្រួសារ, បុគ្គល និងសហគមន៍ ដែលដីក្នុងគម្រោងជាព្រៃផលិត, បានទិញពូជឈើដោយខ្លួនឯង រួចដាំព្រៃ។ បន្ទាប់ពីព្រៃឈើដាំ ត្រូវបានបណ្តាផ្នែកជំនាញរួមមាន គណៈគ្រប់គ្រងព្រៃឈើលេខ ៦៦១,រុក្ខកម្ម, ការរិយាល័យសិកម្មស្រុក និងរដ្ឋអំណាចឃុំពីនិត្យ ទទួលយក នៅនឹងតំបន់ គឺម្ចាស់វិនិយោគ នឹងទូទាត់ប្រាក់ឧបត្ថម្ភដល់អ្នកដាំព្រៃតាមការកំណត់។

ប្រធានសង្កាត់រដ្ឋបាលព្រៃឈើស្រុក  Bảo Yên  លោកPhạm Hồng Thái បានអះអាងថា វិធីអនុវត្តនេះ បាននាំមកនូវ“ប្រយោជន៍អម” នោះគឺ បានលើកទឹកចិត្តប្រជាជនម្ចាស់ការវិនិយោគ ក្នុងការអភិវឌ្ឍន៍សេដ្ឋកិច្ចព្រៃឈើ, ដូចជា“ ម៉ៅ ១០” ក្នុងវិស័យកសិកម្ម,  ប្រគល់សិទ្ធិម្ចាស់ការដល់អ្នកដាំព្រៃ, គឺតាំងពីគ្រាប់ពូជ, រយៈពេលថែរក្សា, ការប្រមូលផល រហូតដល់ការធានានូវទំហំព្រៃឈើត្រឹមត្រូវតាមកំណត់, អត្រាដើមឈើរស់គឺខ្ពស់ណាស់ និងគុណភាពព្រៃឈើល្អជាងមុន។ បន្ទាប់ពីអនុវត្តវិធីនេះ បាន ៤ ឆ្នាំ គឺខេត្ត Lào Cai ដាំបានព្រៃឈើផលិតកម្មជាង ២៥.០០០ហិកតា, ក្នុងនោះជាង ១៨.០០០ហិកតា ត្រូវបានរដ្ឋជំនួយចំណាយ, នៅសល់ចំនួន ៦.៥០០ហិកតា គឺប្រជាជនបានដាំដោយខ្លួនឯង។ ដើម្បីអនុវត្តនូវសារាចរណ៍ណែនាំលេខ ៣៨ របស់រដ្ឋាភិបាល ខេត្ត Lào Cai បានផ្ទៀងផ្ទាត់ហើយស្រេច និងបានសាងសង់បង្គោលព្រំខណ្ឌចំនួន ៤.៩៤៦បង្គោល តាមប្រភេទព្រៃ តាមគោលដៅប្រផប្រាសៈ។ តាមរយៈនេះ បានប្តូរផ្ទៃដីដីរុក្ខកម្ម និងព្រៃការពារមិនសូវសំខាន់ជាង ២០០ពាន់ហិកតា  សម្រាប់បម្រើការអភិវឌ្ឍន៍ព្រៃឈើផលិតកម្ម។ លោក Nguyễn Quang Vĩnh ជាប្រធានសាខាសង្កាត់រដ្ឋបាលព្រៃឈើខេត្តបានអះអាងថា៖ ដើម្បីលើកកម្ពស់ប្រសិទ្ធិភាពសេដ្ឋកិច្ចព្រៃ ចាំបាច់ត្រូវអភិវឌ្ឍអោយបានខ្លាំងការដាំព្រៃច្រើនប្រភេទ និងពហុគោលដៅ ដើម្បីបង្កើតប្រាក់ចំណូលខ្ពស់ និងស្ថេរភាពជាងសំរាប់អ្នកដាំ។

យោងតាមលោកអនុប្រធានមន្ទីរកសិកម្មនិងអភិវឌ្ឍន៍ជនបទ គឺព្រៃនៅខេត្ត Lào Cai គឺមិនសូវមានដើមធំៗទេ  ពីព្រោះភាគច្រើនគឺជាព្រៃដាំឡើងវិញ ហើយប្រភេទឈើធំៗ មានតម្លៃខ្ពស់គឺមានតិចតួចណាស់។ ការដឹកជញ្ជូនឈើពីតំបន់ដាំ ទៅដល់តំបន់លក់ចេញក៏ពិបាកដែរ មកពីភូមិសាស្ត្រមិនអំណោយផល និងសោហ៊ុយខ្ពស់។ ដោយហេតុនេះហើយ បានផ្តោតទៅលើការអភិវឌ្ឍន៍, អាជីវកម្មរុក្ខកម្មក្រៅពីឈើ និងវិនិយោគឈើដាំ គឺជាដំណោះស្រាយមួយមានប្រសិទ្ធិភាព សម្រាប់លើកកម្ពស់ប្រសិទ្ធិភាពសេដ្ឋកិច្ចព្រៃនៅក្នុងតំបន់។ តាមទិសដៅនេះ បានឈ្លៀតយកនូវប្រៀបខ្លាំងនៃធាតុអាកាស និងប្រភេទដី ខេត្តបានលើកទឹកចិត្តប្រជាជនដាំដើមទេពិរូ។ ហើយគិតមកដល់ពេលនេះ ខេត្តទាំងមូល ដាំដើមទេពិរូបានជាង ៣៨.០០០ហិកតាហើយ, ក្នុងនោះ ជាង ២០.០០០ហិកតាកំពុងប្រមូលផល ដោយប្រមូលផ្តុំនៅបណ្តាស្រុកដូចជា Bắc Hà, Bảo Yên, Bảo Thắng, Văn Bàn...; ហើយជារៀងរាល់ឆ្នាំ ទិន្នផលសំបករបស់ដើមទេពីរូទទួលបាន ២០.០០០តោន, មានតម្លៃជាង ៨០០ពាន់លានដុង; ប្រេចចំរាញ់ពីសំបកទេពិរូបានចំនួន ៣៥០តោន  ស្មើរនឹងតម្លៃចំនួន ៣១៥ពាន់លានដុង និងស្លឹកបានជាង ៤៤.០០០តោន មានតម្លៃជិត ៩០ពាន់លានដុង។ នៅស្រុក ២គឺ ស្រុក Bắc Hà និងស្រុក Bảo Yên គឺជាតំបន់ ២ បានដាំដើមទេពិរូច្រើនជាងគេក្នុងខេត្ត Lào Cai ។ រីឯនៅឃុំឆ្ងាយដាច់ស្រយ៉ាល់ Xuân Hòa (ក្នុងស្រុក Bảo Yên)នោះ គឺក្រុមគ្រួសារណាក៏បានដាំទេពិរូផងដែរ ហើយគ្រួសារដែលដាំតិចជាងគេក៏កន្លះហិកតាផងដែរ ហើយច្រើនជាងគេគឺពី ២ ទៅ ៣ហិកតា។ ដោយបានលក់សំបក និងស្លឹកទេពិរូសម្រាប់ចម្រាញ់យកប្រេង និងយកគ្រាប់សម្រាប់ធ្វើពូជ បានជាជីវភាពរស់នៅរបស់ប្រជាជនរាប់រយក្រុមគ្រួសារនៅទីនេះ សុទ្ធតែមានចំណូលប្រចាំ ជីវិតរស់នៅកាន់តែបានធូធាជាង។ ទន្ទឹមនឹងនោះ នៅតំបន់ដែលបានដាំដើមស្រល់ និងដើមពោធិ៍សម្រាប់យកជ័រក៏បានទទួលចំណូលច្រើនផងដែរ។ នៅស្រុក Văn Bàn ក្រុមហ៊ុន Ðức Phú បានចុះហត្ថលេខាលើកិច្ចសន្យាប្រមូលទិញជ័រពីដើមស្រល់ និងដើមពោធិ៍ក្នុងតម្លៃ ៣៥០ពាន់ដុងក្នុងមួយគីឡូក្រាម។ ហើយជាមួយផ្ទៃដីជិត ៥០០ហិកតា ប្រជាជននៅទីនេះ បានមានប្រាក់ចំណូលប្រចាំ ប្រមាណ ៩០លានដុងក្នុងមួយហិកតាក្នុងមួយឆ្នាំ។  

គណកម្មាធិការប្រជាជនខេត្ត Lào Cai បានចេញសេចក្តីសម្រេច និងអនុវត្តនូវយន្តការអតិភាព សម្រាប់លើកទឹកចិត្តប្រជាជនឲ្យវិនិយោគកែច្នៃដោយខ្លួនឯង បង្កើតនូវតម្លៃបន្ថែម លើកកម្ពស់កម្លាំងប្រកួតប្រជេង, ពង្រីកទីផ្សារលក់ចេញ និងការពារបរិស្ថានជីវសាស្ត្រ ជាមួយគោលដៅ ធ្វើឲ្យតម្លៃផលិតកម្មរុក្ខកម្មកើនឡើងពី ១២ ដល់ ១៥%ក្នុងមួយឆ្នាំ, តម្លៃនៃប្រាក់ចំណូលពីរុក្ខផលសម្រេចបាន ៤០លានដុងក្នុងមួយហិកតាក្នុងមួយឆ្នាំ សម្រាប់ជួយឲ្យប្រជាជនមានជីវិតរស់នៅដោយស្ថេរភាព និងមានប្រាក់ចំណូលច្រើនគួរសមពីរបរដាំព្រៃ៕

VOH

Bình luận

Cùng chuyên mục

Đọc Báo